https://www.sunstar.com.ph/ |
- Gikapoy misuyop og shabu
- Nagpailang NBI gidus-a'g kaso
- 2 menor nalumos punong nag-ober da bakod lang?
| Posted: 25 Mar 2021 02:07 AM PDT USA ka pintor nga nagkonsumo'g druga ang nasikop sa mga pulis atol sa gilusad nga buy-bust operation sa Purok 1, Barangay Poblacion, Compostela, Davao de Oro alas 11 sa buntag Huwebes, Marso 25, 2021. Ang suspek giila nga si Inreque Senado alyas Ricky, 47, minyo, molupyo sa Purok 4, Clarin Street, Barangay Poblacion sa maong lungsod. Subay sa report, nasayran nga nagpahigayon og buy-bust ang kapulisan sa Compostela Municipal Police Station didto sa Purok 1, Poblacion nga miresulta sa pagkasikop kang Senado. Nakuha gikan sa iyang posisyon ang usa ka sachet sa shabu, duha ka lighter, pitaka ug ang P500 nga buy-bust money. Sa paghinabi sa Superbalita sa suspek, giangkon niini nga taud-taod na siyang nagagamit og shabu isip iyang konsumo sa higayon nga kapuyon siya gikan sa trabaho. Matud pa nga pinaagi sa shabu mawala ang kakapoy nga iyang gibati sa higayon nga mohithit siya niini. Apan tungod kay nadakpan, gimahayan niya ang iyang nahimo nga pagkonsumo'g druga ug misaad nga di na mogamit pag-usab niini ug mahatagan siya og tsansang makagawas sa prisohan.  This posting includes an audio/video/photo media file: Download Now |
| Posted: 25 Mar 2021 02:05 AM PDT GIKASOHAN na sa korte ang lalaki nga nagpailang sakop sa National Bureau of Investigation (NBI) nga nasikop atol sa entrapment operation didto sa Crocodile Park, Diversion Road, Davao City. Nasikop ang suspek nga si Matias Canque Relacion, hamtong ang pangedaron, pinaagi sa hiniusang puwersa sa Talomo Police Station ug sa Criminal Investigation and Detection Group-Davao City Field Unit (CIDG-DCFU) nga gipangunahan sa hepe niini nga si Police Major Milgrace Cajes Driz. Una niini, dunay reklamo nga gipaabot sa CIDG-DCFU hinungdan nga gikasa ang entrapment operation. Dihang giposasan ang suspek, nakumpiska sa posisyon niini ang armas nga Ingram sub machine gun, .38 revolver, mga magazine, mga bala, unom ka mga ID sa NBI, badge, ug reflectorized vest, samtang nakumpiska sab ang sakyanan sa suspetsado nga maoy gigamit sa transaksiyon. Kasong pagsupak sa Republic Act 10591 kun Firearms and Ammunitions Law ug Article 177 sa Revised Penal Code kon Usurpation of Official Function ang ipasaka nga kaso batok sa dinakpan didto sa korte. (Jeepy P. Compio)  This posting includes an audio/video/photo media file: Download Now |
| 2 menor nalumos punong nag-ober da bakod lang? Posted: 25 Mar 2021 02:03 AM PDT GIPANGHAYA na sa ilang tagsa-tagsa ka mga pamilya ang duha ka menor de edad nga nalumos-patay sa fish pond sa South Pacific Golf and Residential Estates, Barangay Catalunan Pequeño, Davao City. Walay kabutangan sa kasubo sa duha ka pamilya sa nadangatan sa ilang kabanay alas 2:50 sa hapon, niadtong March 24, 2021, Miyerkules. Sa imbestigasyon sa Baliok Police Station, migula nga misulod sa kural ang tulo ka mga menor de edad nga lalaki aron mangaligo sa fish pond. Dugang nasayran nga samtang nalingaw na sila sa pagkaligo, ang usa kanila miadto sa tunga-tunga nga dunay gilawmong 15 feet ug nagkapa-kapa na kini gumikan sa kalawom. Gilayong gisalbar sa usa nila ka kauban apan pag-abot sab niini sa tunga-tunga nalumos sab kini. Daling nakapangayo og pakitabang ang usa nga nabilin ug gilayong narespondehan sa mga rescuers ug gihatagan og first aid. Gipangdala dayon ang duruha sa ospital apan gideklara kining dead on arrival. Nagpahimangno ang tagdumala sa fish pond nga likayan ang pagkaligo sa maong punong sanglit perte kini kalawom. Sekreto sab matud pa nga mosuong sa kural ang tulo ka menor ug wala dayon makita sa guwardiya maong makapadayon kini sa pagkaligo. (Jeepy P. Compio)  This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment