Monday, April 19, 2021

https://www.sunstar.com.ph/

https://www.sunstar.com.ph/

Talisay City nagpabiling wa’y pilde sa VisMin Super Cup

Posted: 18 Apr 2021 08:17 AM PDT

GIBUNTOG sa MJAS Zenith-Talisay City Aquastars ang ARQ Builders-Lapu-Lapu City Heroes, 84-75, aron ibulsa ang ilang ikaupat nga daog sa 2021 Chooks-to-Go VisMin Super Cup sa Alcantara Civic Center, lungsod sa Alcantara niadtong Sabado sa gabii, Abril 17, 2021.

Nagpabiling walay pilde ang Aquastars ug miabanti ngadto sa 4-0 (win-loss) record aron huptan ang liderato sa team standings sa VisMin Super Cup Visayas leg, samtang ang Heroes nakatilaw sa ilang unang pilde sulod sa tulo ka duwa.

Ang bigman nga si Jhaymo Eguilos, shooting guard Patrick Cabahug ug point guard Paulo Hubalde maoy nangulo sa kadaogan sa Talisay City pinaagi sa ilang double figures.

Si Eguilos misakmit og 18 puntos ubanan sa walo ka rebounds, ang kanhi Adamson player nga si Cabahug miamot og 17 puntos, lima ka rebounds, upat ka assists ug duha ka steals, samtang ang ex-PBA player nga si Hubalde nimugna'g 16 puntos, pito ka rebounds ug siyam ka assists.

Si Cabahug maoy mipahilom sa Lapu-Lapu City pinaagi sa iyang tres ug layup nga maoy nakahatag og labaw sa iyang team sa uwahing bahin sa fourth quarter.

Bisan paman wala ang ilang key players, nakahimo sa pagsikit ang Heroes og gani nakalabaw pa kini, 67-64, sa sayong bahin sa fourth quarter.

Apan wana makalihok ang Lapu-Lapu City sa uwahing bahin sa duwa ug nabiyaan kini sa Talisay City.

Si Jerick Cañada mihimo'g 10 puntos, 15 assists ug walo ka rebounds, samtang si Vincent Minguito ug Cris Regero miiskor og 13 ug 12 puntos alang sa Lapu-Lapu City.

Ang Lapu-Lapu City miduwa nga wala si Jojo Tangkay, Reed Juntilla, Monbert Arong, Dawn Ochea ug Ferdinand Lusdoc nga gipang-suspenso sa nahabiling mga duwa sa first round.

Sa laing bahin, mipabuhagay og 18 puntos, unom ka rebounds ug siyam ka assists si Joemari Lacastesantos aron aswaton sa kadaogan ang Tabogon Voyagers batok Dumaguete City, 86-78, sa main game.

Ang Tabogon nalubong og 12 puntos sa first half apan miinit kini sa third ug fourth quarter aron makabalik sa duwa sa paningkamot ni Lacastesantos, Peter De Ocampo, Normel Delos Reyes ug Arvie Bringas.

Si De Ocampo mitampo'g 15 puntos, si Delos Reyes midugang og 14 puntos, tulo ka rebounds ug duha ka steals samtang ang bigman nga si Bringas mihatag og 11 puntos, upat ka rebounds ug tulo ka assists.

Si Ronald Roy nakahimo'g 21 puntos ug ang kanhi Most Valuable Players sa Cebu Schools Athletic Foundation Inc. (Cesafi) Jaybie Mantilla mimugnag 15 puntos alang sa Dumaguete City.

Misaka sa ikaupat nga pwesto ang Tabogon dala ang 2-2 nga baraha samtang ang Dumaguete City nahagsa ngadto sa ikalima nga pwesto bitbit ang 1-3 rekord.

Mopadayon ang aksiyon sa Martes, April 20, diin magabot ang Talisay City ug Tabogon sa first game alas 4 sa hapon samtang magsangka ang KCS Computer Specialist-Mandaue City ug Lapu-Lapu City sa main game alas 7 sa gabii.

This posting includes an audio/video/photo media file: Download Now

Donaire makigharong sa WBC champion Oubaali

Posted: 18 Apr 2021 08:14 AM PDT

ANG garbo sa nasod nga si Nonito Donaire nangandam karon alang sa iyang umaabot nga duwa batok sa World Boxing Council (WBC) bantamweight champion Nordine Oubaali sa sunod buwan.

Ang maong away nalakip sa siyam ka fight cards ubos sa Showtime Championship Boxing nga gikatakda karong Mayo ngadto sa Septiyembre. Ang duwa ni Donaire ug Oubaali ipahigayon karong Mayo 29.

Ang 38-anyos nga Filipino Flash naghupot og rekord nga 40-6, 26 KOs samtang si Oubaali sa France adunay impresibo nga baraha nga 17-0, 12KOs.

Dako kining tahas kay Donaire kay ang two-time Olympian nga si Oubaali wala paman makatilaw og pilde sa iyang pro career.

Si Donaire gikan sa unanimous decision nga kapildehan batok kang Japanese champion Naoya Inoue niadtong Nobyembre 2019 sa Super Arena sa Saitama, Japan.

Niadtong adlawa, miaway pud si Oubaali sa susamang venue og midaog kini batok kang Takuma Inoue, ang manghod ni Naoya, pinaagi sa unanimous decision.

Si Oubaali gustong depensahan ang iyang titulo sa ikatulong higayon human niya makuha kini pinaagi sa unanimous decision batok sa Amerikanong si Rau'shee Warren niadtong Enero 2019 sa MGM Grand, Las Vegas.

Ang away ni Donaire-Oubaali inisyal nga gitakda niadto untang Disyembre 2019 apan wala kini miuswag tungod sa Covid-19 pandemiya. (RSC)

This posting includes an audio/video/photo media file: Download Now

Pilipinas VisMin Cup Mindanao leg gisuspenso sa GAB

Posted: 18 Apr 2021 08:14 AM PDT

TUNGOD sa kontrobersiya nga nahitabo sa Visayas Leg sa 2021 Pilipinas VisMin Super Cup, ang Games and Amusement Board (GAB) mimando nga dili lang usa ipadayon ang Mindanao leg nga gikatakda unta buksan sunod buwan didto sa Dipolog City.

Gipagawas sa GAB ang maong desisyon Dominggo sa hapon, upat ka adlaw ang milabay human ang kontrobersiyal nga duwa sa Siquijor Mystics ug ARQ Builders-Lapu-Lapu City Heroes diin adunay mga pasangil kabahin sa game-fixing.

Sa maong duwa, ang duha ka teams naglisod pagpasulod sa ilang free throws ug mi-combine lang kini'g 4-of-29 sa free throw line. Aduna pay higayon nga misipyat ang players sa ilang layup bisan wala nay gabantay.

Matod sa GAB, nga padayon gihapon ang duwa sa Visayas leg apan ipaubos kini sa "close monitoring" nga estado.

"We are in the process of investigation and seriously looking into the allegations of wrongdoing. The board would like to further observe the ongoing Visayas leg before giving a go-signal for the other," matod sa opisyal nga statement sa GAB.

Dugang sa GAB nga wala mahunong ang ilang imbestigasyon bisan paman gihatagan na og sanction sa liga ang teams nga nalambigit sa maong duwa.

Ang organiser sa VisMin Super Cup misilot og lifetime ban sa miyembro sa Siquijor team, samtang gipamulta ug gisuspenso ang unom ka players sa Lapu-Lapu City apil na niini ang coaching staff.

Mikuha og daghang reaksiyon sa social media ang maong duwa. Lakip na sa mi-react ang PBA players sama nila Kiefer Ravena, Marc Pingris, Paul Lee, CJ Perez ug coach Charles Tiu.

Ang maong duwa gipahunong sa halftime nga adunay iskor nga 27-13 pabor sa Lapu-Lapu City. (RSC)

This posting includes an audio/video/photo media file: Download Now

League-leading Jazz gibuntog sa Lakers

Posted: 18 Apr 2021 08:13 AM PDT

BISAN paman wa ang ilang saligando nga si Lebron James ug Anthony Davis, nakamaniho ang Los Angeles Lakers og impresibong kadaogan batok league-leading Utah Jazz sa overtime, 127-115, sa National Basketball Association (NBA) didto sa Staples Center, Los Angeles kagahapon.

Ang bag-ong miyembro sa Lakers nga si Andre Drummond maoy mikastigo sa Jazz pinaagi sa iyang 27 puntos, walo ka rebounds, tulo ka assists, duha ka steals ug usa ka block.

Ang role players nga si Dennis Schröder ug Kentavious Caldwell-Pope mitunol pud og saktong suporta alang sa Los Angeles. Si Schröder mikamada'g 25 puntos ubanan sa walo ka assists samtang si Caldwell-Pope miiskor pud og 25.

Si Schröder maoy midala sa duwa ngadto sa overtime human siya makalusot sa depensa ni Royce O'Neale alang sa usa ka layup nga maoy nakatabla sa duwa 110-all sa nahabiling 0.3 segundos sa fourth quarter.

Wa na kapugngi ang Los Angeles sa overtime diin mipuntos kini'g 17 og gilimitahan lamang sa 5 puntos ang Jazz.

Matod sa two-time All-Star bigman Drummond kinsa misulod sa Lakers niadtong Marso 29 nga nagkataas na ang ilang chemisty sa iyang teammates.

Ang Jazz miduwa nga wala ang ilang starters nga si Donovan Mitchell, Mike Conley ug Rudy Gobert. Si Mitchell dili makaduwa og usa ka semana tungod sa sprained right ankle nga iyang nakuha sa ilang duwa batok Indiana Pacers.

Ang Pinoy nga si Jordan Clarkson maoy nangulo sa Jazz pinaagi sa iyang 27 puntos, samtang miamot og 20 puntos si Ersan Ilyasova, si Joe Ingles midunol og 20 puntos ug 14 ka assists ug si Bojan Bogdanovic miiskor og 19.

Adunay 1,710 fans ang mitan-aw sa duwa kay gitugotan naman nga makabalik ang limitado nga fans sa Staples Center ubos sa strikto nga health protocol sa California.

Sa laing mga duwa, gipilde Washington Wizards ang Detroit Pistons, 121-100; gisungag sa Chicago Bulls ang Cleveland Cavaliers, 106-96; gilupig sa Boston Celtics ang Golden State Warriors, 119-114; gibuno sa Memphis Grizzlies ang Milwaukee Bucks 128-115; ug gipabugnaw sa San Antonio Spurs ang Phoenix Suns, 111-85. (RSC)

This posting includes an audio/video/photo media file: Download Now

SBP malaumon nga madayon ang FIBA Qualifiers sa Hunyo

Posted: 18 Apr 2021 08:09 AM PDT

Wa mawala ang interes sa Samahang Basketbol ng Pilipinas (SBP) sa pagpahigayon sa FIBA Asia Cup Qualifiers bisan paman sa posibilidad nga mauswag na pud kini tungod sa sitwasyon sa Covid-19 sa Pilipinas.

Ang nasod mao ang mo-host sa ikatulo ug uwahing window sa Asia Cup Qualifiers karong Hunyo 16 ngadto 20 didto sa Clark, Pampanga.

"Although we've indicated to FIBA that times are uncertain, we are committed," matod sa SBP president Al Panlilio sa Power and Play program ni kanhi Philippine Basketball Association (PBA) commissioner Noli Eala.

Ang Pilipinas mao unta ang host sa qualifiers niadtong Pebrero apan mibalibad kini tungod sa istrikto nga travel restrictions sa nasod. Gikuha sa Doha, Qatar ang hosting rights apan wala kini madayon tungod sa pagtaas sa Covid-19 cases sa maong lugar.

Tungod niini, nabalik sa Pilipinas ang hosting sa uwahing window sa FIBA Asia Qualifiers diin moduwa ang Gilas Pilipinas, South Korea, Indonesia ug Thailand sa ilang nahabiling schedule sa Group A bracket.

Ang moduwa sa Group B mao ang China, Japan, Taiwan ug Malaysia, samtang sa Group C mao nag defending Asia Cup champion Australia, New Zealand, Guam ug Hong Kong. (RSC)

This posting includes an audio/video/photo media file: Download Now

Basil: Mj Racadio, na-interview halos tanang sikat nga hollywood stars

Posted: 18 Apr 2021 08:05 AM PDT

MANILA - Pinaagi sa beteranang movie writer nga si Pilar Mateo, na-interview namo via Zoom ang Pinoy nga sumisikat karon sa Hollywood.

Tungod sa iyang vlog nga Blogtalk Hollywood diin na-interview na niya halos tanang mga sikat nga Hollywood stars - si MJ Racadio nga pito ka tuig nang vlogger sa US.

Tubong Pangasinan si MJ, nahaapil ang pangan ni MJ sa 75 Most Influential Filipinos sa America.

Konektado sad si MJ sa Net 25 diin nagbabato sad siya og mga Hollywood News sa nahisgutang istasyon ug usa sad si MJ sa nagsulong para magkaroon ng release ug mahisalmot sa mga international award giving bodies ang ilang local movies diin usa niini ang lilas nga Guerero Dos.

Pipila na sa mga Hollywood stars ang na-interview ni MJ mao sila si Bruno Mars, Celine Dion, Britney Spears ug uban pa.

Gipangutana si MJ kung kinsa pa ang Hollywood celebrities nga gusto niyang ma-interview.

Si Steve Harvey kuno pero na-interview na kuno niya kini sa dihang gi-cover niya ang Miss Universe 2018 sa Thailand diin si Steve ang host ug ang mingdaog mao ang atong kababayan nga si Catriona Gray.

Pero may usa pa kuno siyang celebrity nga gusto niyang ma-interview, ang atong kababayan nga si Lea Salonga.

Ang lead vocalist sa bandang The Dawn nga si Jett Pangan, ang host sa nahisgutang Zoomcon ug matud niya, mabait si Leah, nakauban na kuno niya kini nga nag-perform ug approachable kini.

Paboritong i-cover ni MJ mao ang Miss Universe, mga award-giving bodies, concerts ug sa kasamtangan, excited na siyang i-cover ang Oscars nga ipahigayon sa sunod semana.

Gipangutana sad si MJ kung kinsa ang iyang paboritong local artist ug way kagatol-gatol nga gibungat niya ang ngan ni Nora Aunor nga gikalipay naman sa mga Noranian reporters nga apil sa maong Zoomcon.

Ang nahisgutang Zoomcon gipahigayon ni Patsy Ferrer of Cut Print Podcast Network.

This posting includes an audio/video/photo media file: Download Now

Editoryal: Subrang pagluag di maayo

Posted: 18 Apr 2021 08:03 AM PDT

MAAYO ang intensiyon ni Cebu Governor Gwendolyn Garcia sa pagwagtang sa multa niadtong masakpan nga nakalapas sa minimum health standard sama sa wala pagsul-ob sa face mask ug face shield. Ang uban man sad gud nga local govetnment units (LGUs) sa lalawigan mahal kaayo og multa, ang kabus nga limtanon, mahiagom gyud sa balaud.

Pikas bahin, ang lagda o balaud nga walay multa sa makalapas huyang usab kini. Maayong pag-us-osan seguro ang multa o mohimo og community service. Ang subrang pagluag sa pagpatuman sa minimum health standard dili maayo sa kinatibuk-an samtang nagpabilin ang hulga sa coronavirus disease 2019 (Covid-19).

Matod sa gobernador, mahimo lang nga pasidan-an ug dili na pasakaan og kaso lakip na pamultahon ang masakpan nga walay tabon sa ilang ilong ug baba. Dili kaha kini maabusohan? Kini ra ba intawong uban, maayo modala og palusot.

Dunay maayong sugyot ni Police Brigadier General Ronnie Montejo sa Police Regional Office (PRO) 7 mipagawas siya og kamandoan sa mga hepe sa kalungsuran nga kon makasugat silag mga tawo nga wala mag-face mask, badlungon lang kini ug hatagan kinig face mask. Mas arang-arang kini nga pamaagi.

Matod niya, nga sa iyang opisina lakip na sa supply offices sa kapulisan sa probinsya sa Sugbo, adunay daghang mask nga mahimong maoy ipang apud-apod niadtong mga tawo nga walay ikapalit. Lakip sa iyang mando sa iyang mga personnel sa probinsya nga kon adunay makit-an nga tawo nga nagsul-ob man sa face mask apan wala kini matarong, hinayon lang kini sa pagpasabot nga kinahanglan nga saktohon sa paggamit.

Dugang ni Montejo nga dili pa gihapon angayan nga mokompiyansa karong mga panahona nga kinahanglan pa nga ipatuman ang lagda sa Inter-Agency Task Force (IATF) labot sa minimum health standard bisan na namatikdan nga dunay pagkunhod sa kaso sa Covid-19 sa dakbayan ug lalawigan.

Nakahinumdom ba kamo sa pagkusog sa Covid-19 sa Sugbo? Ang sunodsunod nga kuwarentina ug lockdown? Dili gyud maayong kasinatian. Seguradong way usa kanato nga nangandoy nga mabalik kini. Buang lang tingali. Busa, dili maayong pasubrahaan og pagluag ang minimum health standard batok sa Covid-19.

This posting includes an audio/video/photo media file: Download Now

Barrita: Bakunahan tanan sa Visayas sa 2021

Posted: 18 Apr 2021 08:02 AM PDT

ADUNAY maayong balita alang niadtong nabalaka kon kanus-a pa sila mabakunahi batok sa Covid-19. Target sa Office of the Presidential Assistant for the Visayas (Opav) nga mabakunahan batok sa Covid-19 ang tanang mga lumolupyo sa Visayas ning tuiga.

Gipahibawo kini ni Presidential Assistant for the Visayas Michael Lloyd Dino atol sa rollout sa Visayas Covid-19 Vaccination manual niadtong Miyerkules, Abril 14, 2021 sa Visayas Covid-19 Vaccination Operations Center (VVOC) sa Oakridge Business Center sa Mandaue City.

Duna na tay Visayas Covid-19 Vaccination manual. Duna na tay Visayas Covid-19 Operations Center. Ang kuwang na lang mao ang bakuna. Kay sumala ra ba sa mga taho, 87 porsiyento sa tanang mga bakuna batok sa Covid-19, gihakop sa mga datong nasod.

* * *

Nangusog si Dino nga adunay igong supply sa bakuna alang sa tulo ka mga rehiyon sa Kabisay-an. Giawhag niya ang mga buhatang rehiyonal sa Department of Health sa Central, Eastern ug Western Visayas sa pagduso sa Opav sa gidaghanon sa mga bakuna nga ilang gikinahanglan matag semana.

Gipahimangnoan sab niya ang mga kagamhanang lokal nga seguraduhon nga ilang mapatuman ang han-ay ug maayong programa sa pagbakuna pinaagi sa paggamit sa VVOC vaccination manual.

Ang manual giandam ni Inter-Agency Task Force (IATF)-Visayas Chief Implementer Mel Feliciano uban sa pakigtambayayong sa Opav ug Department of Health Region (DOH) 7 Regional Director Jaime Bernadas.

* * *

Sakto ang pangandam sa Opav alang sa mass vaccination. Apan kon maoy target nga mabakunahan ang tanan sa di pa matapos ning tuiga, angay kombinsihon ang tanan nga magpabakuna batok sa Covid-19 aron makab-ot ang gitawag nga herd immunity.

Ang mga survey nga gihimo kon magpabakuna ba ang mga Pilipino, nagpakita nga mayoriya ang di gustong magpabakuna. Naa gihapon ang kahadlok sa mga tawo batok sa bakuna. Pun-an pa sa siging balik-balik sa TV nga ipataop gyud ang dagum sa bukton ug sa mga report sa blood clots ug ubang adverse effects.

Tingali gikinahanglan, sa di pa moabot ang daghang bakuna nga sa pagkakaron wa pay klaro kon kanus-a, mao ang usa ka massive information campaign nga magkombinsir sa katawhan nga epektibo ug luwas ang bakuna batok sa Covid-19.

This posting includes an audio/video/photo media file: Download Now

Nadela: Panginabuhi panahon sa pandemiya

Posted: 18 Apr 2021 08:01 AM PDT

Si Rolly Paller usa ka panday-mason ug molupyo sa Barangay Bolongan, sakop sa siyudad sa Toledo. Mao ni ang iyang panginabuhi nga gusto niyang ipasigarbo sa iyang tulo ka mga anak. Sa iyang asoy nako, mga dagkong building ang iyang naapilan og trabaho sukad nga siya nakat-on sa matang sa panginabuhi. Isip lumad sa Barangay Camugaw sa lungsod sa Pinamungajan niadtong ulitawo pa siya, sayod siya kon unsa ka lisod kining maong matang sa panginabuhi basi sa kasinatian sa iyang mga kaliwat ug silingan.

Ang Pinamungajan man gud naila sab nga tinubdan sa dekalidad nga mga construction worker. Iyang gipanghinganlan nako ang mga pangalan sa building nga nakaapil siya og pasingot. May dagkong tindahan, office building ug subdivision nga nahimo nang kabahin sa iyang pagka panday-madon.

Ang maong panginabuhi nagpadayon hangtod nga siya naminyo ug nabalhin og puyo sa Toledo City. Tungod sa pandemiya, nahanaw daw aso ang maong panginabuhi. Nagnihit ang kahigayonan sa panarbaho. Dakong gutom ang gisagubang sa iyang pamilya.

Isip padre de pamilya, diskarte maoy nisud sa iyang ulo. Niadtong nagkita mi sa Barangay Don Andres Soriano, Toledo City, nasaksihan nako ang maong diskarte. Pagka layo ra sa iyang pagka panday-mason sa iyang pagpanuroy karon og linikit nga lomboy. Sa tugkaran sa tindahan nila ni Floro ug Rose, naagi si Rolly nga nagkabiba sa iyang baligya nga lomboy. "Tungod kay wala pa may foreman nga nikuha nako mao nga nangita nalang ko paagi unsaon nga mabuhi ang akong pamilya", masulob-on nga asoy ni Rolly.

Ang lomboy maoy usa sa karaan nga paagi sa mga nagbisyo sa pagpanabako. Kauban ang tabako, likiton kini uban sa pinauga nga lomboy. Gamay ra ang iyang kita matag adlaw itandi niadtong diha pa siya sa construction. Hinuon, masaligon siya nga mabalik ra sa naandan ang tanan. Sama sa mga manindahay og sula, saging ug ubang lagutmon sa highway sa lungsod sa Barili.

Ang pandemiya alang kanila usa ka dakong babag sa pagkab-ot sa ilang mga pangandoy sa kinabuhi. Sila si Clarita Carreon, Menchie Donozo, Maris Parol, Nida Lariosa ug Carlito nisungasong ning maong matang sa panginabuhi sukad nga nagsugod ang pandemiya. Mao sab ang gisulti nako nila ni Maximina Balocos ug iyang anak nga si Onard, Marissa Oliveros ug Jonas Estrada sa Barangay Tapon sa lungsod sa Dumanjug.

Ang pagpaninda og isda daplin sa highway nahimo na nilang panginabuhi. Tungod kay kasagaran pinaslan og kuha sa baling ang ilang mga isda, nakabaton sila og suki nga kasagaran mga motorista gikan sa lagyong dapit. Mao ni ang pipila sa mga diskarte sa panginabuhi sa probinsiya ning panahon sa pandemiya.

This posting includes an audio/video/photo media file: Download Now

Talk to Papa Joe: Nanobra man

Posted: 18 Apr 2021 07:54 AM PDT

Dear Papa Joe,

Tagua lang ko sa ngalan nga Ramon. Usa ko ka seafarer apan bag-o lang ko nauli diri sa Pilipinas.

Yes, angkunon ko nga naay nahitabo namo sa akong uyab before ko nilarga. Nauli lang ko og sayo tungod sa pandemic apan maski unsaon nako og kwenta, di man gyud mahitabo nga akoa kay advance man kaayo og buwan. Kon kwentahon, lapas man 10 months una siya nanganak.

Karon iya gyud ipaangkon nako mao nga naglibog ko. Di ra ba sad mailhan kon ako ba or di kay puros mi mga pikot og mata ug ang bata pikot og mata. Unsay buhaton ko?

RAMON

Ramon,

Ang ako lang masulti para makampanti mong duha mao ang pag-undergo og DNA testing sa bata ug ikaw para unsay resulta matuldukan ninyo labi na nimo kon imo bang anak o dili ang bata. Kay luoy ang bata nga mabiktima kay naa ra bay mga babaye nga late na manganak ug doktor lang ang makatubag ani. Mao dangop mo sa saktong mga tawo. Mga eksperto sama sa ob gynecologist. Kana lang ug salamat.

PAPA JOE

(sa inyong tampo ipadala lang sa papajoesuperb@gmail.com)

This posting includes an audio/video/photo media file: Download Now

Natumbahan og lubi, 1 patay

Posted: 18 Apr 2021 07:48 AM PDT

NAMATAY ang asawa ug grabe ang kahimtang sa bana human natumbahan sa dakong punoan sa lubi samtang nangatulog ang magtiayon sa alas 2:30 sa kaadlawon sa Dominggo, Abril 18, sa Sitio Manlayag, Barangay Panalipan, lungsod sa Catmon.

Si Olivia Popoy, 47, minyo trabahante sa dakong kompaniya sa dakbayan sa Danao ug nagpuyo sa naasoy nga dapit, nakabsan sa kinabuhi.

Grabe ang iyang bana nga si Dennis Popoy, 45, mag-uuma ug nakaangkog kadaot sa lawas.

Si Police Corporal Vergil Ortiz sa Catmon Police Station nga nahinabi sa Superbalita, nagkanayon nga ang magtiayon uban sa ilang anak nga si Josh, miadto sa bukid niadtong Sabado sa hapon, Abril 17.

Ang ilang umahan layo ra sa ilang panimalay diin duna silay payag.

Sayo sila miadto sa bukid Sabado sa hapon kay inig ka sayo sa buntag mang-harvest sila sa mga tanom nga patatas.

Ang magtiayon nahinanok na sa pagkatulog kay bugnaw ang panahon.

Kusog ang hangin niadtong higayuna, unya uwan-uwan nga dinala sa bagyong si 'Bising'.

Kalit nga milagubo ang payag ug nadat-ugan sila sa dakong punoan sa lubi nga dunay daghang bunga.

Ang punoan sa lubi natumong gyud sa dughan sa managtiayon, hinungdan nga namatay si Olivia.

Samtang ang bana nadali sa pagdala sa tambalanan.

Ang mga residente sa dapit ug mga pulis nagtinabangay sa pag-rescue sa mga biktima.

Ang ilang anak ngasi Josh naluwas atol sa insidente ug wala maapil dihang natumba ang lubi. (GPL)

This posting includes an audio/video/photo media file: Download Now

Bakuna sa senior citizens

Posted: 18 Apr 2021 07:43 AM PDT

MAGSUGOD na ang dakbayan sa Sugbo og bakuna sa senior citizens ug una nga bakunahan ang senior citizens nga nagpuyo sa Barangay Mambaling ug Barangay Mabolo sugod Lunes, Abril 19, 2021.

Ang senior citizens ubos sa Priority Code A2.

Ang Robinsons Galleria ug University of Cebu (UC) Banilad gihapon ang gamiton nga vaccination sites.

Si Cebu City Councilor David Tumulak miingon nga kuhaon gamit ang bus ang senior citizens gikan sa pick up area sa mga nahisgutang mga barangay.

Ang taga Mambaling bakunahan sa Robinsons Galleria ug ang taga Mabolo bakunahan sa UC Banilad. Ang mga taga barangay ang magpatapok sa mga senior citizen ngadto sa pick up point ug kuhaon ang first batch alas 8:00 sa buntag.

Inig abot sa ikaduha nga batch, kuhaon nasad ang mga nauna nga batch ug ihatod pagbalik sa ilang mga barangay.

Gi-discourage sa ospital ang pagdala og kuyog apan kon kinahanglanon man gani, istrikto nga dili bakunahan og apil ang kuyog.

Si Cebu City Health Department (CHD) officer-in-charge Jeffrey Ibones miingon adunay 4,000 ka doses sa Sinovac ang naabot sa dakbayan alang sa senior citizens.

Istrikto nga ipatuman sa dakbayan ang no walk-in policy. (JJL)

This posting includes an audio/video/photo media file: Download Now

2 gitigbas, 1 patay

Posted: 18 Apr 2021 07:35 AM PDT

DUHA ka tawo ang gipanigbas sa usa ka lalake nga naghuramentado sa Sitio Nazareth, Barangay Paypay, lungsod sa Daanbantayan niadtong Dominggo, Abril 18, alas 7:00 sa buntag.

Si Ernesto Lederos Nulla, 78, minyo ug residente sa nahisgutang lugar, patay na dihang naabot ang kapulisan human nakaangkon og dakong samad sa ulo ug lawas.

Samtang, naangol iyang pag-umangkon nga si Elizabeth Marikit Edar, 56, minyo ug nagpuyo usab sa nahisgutang lugar. Si Elizabeth naputlan sa iyang upat ka kuyamoy sa wala nga kamot.

Ang suspek mao si Sammy Nulla Arreglamos, 45, kinsa nasikop sa niresponding mga pulis.

Si Police Senior Master Sgt. Noel Belicoria, imbestigador sa Daanbatyan Police Station nga nahinabi sa Superbalita Cebu, nagkanayon nga ang suspek dunay sakit nga nervous breakdown.

Matod niini, ang suspetsado nag-inusara nalang kini human gibiyaan sa iyang pamilya kay walay trabaho kay palahubog.

Giingong kanunay ang suspek nga mag-inom og ilimnong makahubog.

Niadtong Sabado, Abril 17, pa kini nag-inom unya nitukar ang nervous breakdown niini misaka sa bukid.

"Basta masul-an ni siya, mosaka sa bukid kay mahadlok siya duna daw tawo nga mopatay kaniya," dugang ni Belicoria.

Ang mga kabanay kalit lang nakugang kay Dominggo sa buntag naabot ang suspek nga nikanaog gikan sa bukid.

Apan nagdala kini og sundang ug giatake niya ang iyang kabanay hinungdan nga dali nga nakapanira sa pultahan sa atubangan ug wala makasulod.

Apan nagpadayon sa iyang pag-amok ug nilipot ngadto sa panimalay diin didto ang biktima nga 78 anyos nga si Ernesto.

Gumikan kay hinay na si Ernesto, naabtan kini ug natigbasan makadaghan ka higayon nga maoy hinungdan sa kamatayon niini.

Walay nahimo ang mga kabanay ug mga silingan kay nakalitan sa panghitabo.

Ang pag-umangkon sa biktima nga si Elizabeth, kinsa ig-agaw sab sa suspek, nangita sa tiguwang didto sa likod, apan nasugatan siya sa suspetsado ug siya na usab ang giatake.

Si Elizabeth nakamaniho sa pagsagang sa iyang walang kamot dihang gitigbas.

Apan naharos sa pagkaputol ang upat ka kuyamoy.

Diha ang mga puis ug mga tawo sa lugar nagtinabangay sa pagsikop sa suspetsado.

"Libog kaayo siya ikaestorya, Sir, kay magbalikbalik nga duna kunoy tawo nga buot mopatay niya wala pa mauli sa nervous nga sakit," sumala ni Belicoria.

Dugang niini nga ang suspetsado walay trabaho ug sugo-sugoon sa mga silingan.

Unya kon makakwarta,

mag-inom gilayon bisan wala pay kaon.

Wa sab kiniy record nga maggamitag drugas gawas sa pagkapalahubog.

Kasong murder ug frustrated murder ang giandam sa kapulisan batok sa suspek. (GPL)

This posting includes an audio/video/photo media file: Download Now

DOH-7 mitanyag og libreng swab tests sa OFWs, ROFs

Posted: 18 Apr 2021 07:35 AM PDT

ANG Department of Health (DOH) 7, uban sa Office of the Presidential Assistant for the Visayas ug Project Balik Buhay, opisyal nang nilusad sa swab testing sa Returning Overseas Filipinos (ROFs) ug Overseas Filipino Workers (OFWs) sa Mactan-Cebu International Airport (MCIA) sa international arrival area.

Si DOH-7 chief pathologist ug spokesperson Dr. Mary Jean Loreche nagkanayon nga ang free swabbing ug RT-PCR testing alang sa tanang OFWs ug returning residents arrivals sa international flights sa MCIA sukad niadtong Marso 31.

"This move to test upon arrival and for free unburdens the OWWA. (It) also (keeps them) from spending so much on their hotel stays," matod ni Dr. Loreche.

"This is in response to the directive of President Rodrigo Roa Duterte for the fast-tracking of the testing and the release of results for the OFWs and returning residents," sumala ni Presidential Assistant for the Visayas Secretary Michael Lloyd Dino.

Ang maong lakang nagtugot sa OFWs ug returning residents nga daling makauli sa ilang balay ug dili na matanggong og dugay subay sa mando sa Presidente, dason ni Secretary Dino.

"We hope this will continue to help decline our cases in Cebu, the whole of Visayas since MCIA is one of the major aviation hub," dugang ni Sec. Dino.

Sa pagkakaron, dunay 11 ka testing booths sa international arrival area sa MCIA.

Si Dr. Loreche nagkanayon nga usa ka team gikan sa DOH 7 ang nakadestino sa paghimo sa testing sa nangabot nga mga pasahero.

Niadtong Abril 2, niabot na og 1,061 ang naatiman alang sa swab tests ug kini nagpadayon pa.

Matod niya, kadtong negatibo sa test, makauli na dayon. Apan ang magpositibo, itugyan sa local government unit (LGUs) Temporary Treatment Mega Facility and Isolation Facility.

Ang resulta sa swab tests mapagawas sulod sa 24 ngadto sa 48 ka oras. (PR)

This posting includes an audio/video/photo media file: Download Now

41 ka sakyanan gi-impound sa Team

Posted: 18 Apr 2021 07:26 AM PDT

GI-IMPOUND sa Traffic Enforcement Agency of Mandaue (Team) ang 41 ka mga sakyanan karong buwana human mibiyahe bisan og walay mga rehistro.

Si Edwin Jumao-as, executive director sa Team, niingon sa Superbalita Cebu nga na-impound nila ang 37 ka mga motorsiklo, duha ka awto, ug duha ka trak, atol sa ilang mga random checkpoint karong buwana.

Matod niya, pipila sa mga driver sa na-impound nga mga sakyanan, wala mahibawo nga ilang sakyanan walay rehistro tungod gihuwaman ra kini nila o ang pagmaneho niini ang ilang panginabuhi.

Gani matod niya, usa sa driver sa truck nga nasakmit ug gipanag-iya sa usa ka soft drink company nga wala siya mahibawo nga kini walay rehistro.

Apan, kadaghanan sab sa ilang nasakmit personal nga gigamit ug bisan wala kini rehistro, gimanehoan gihapon kini ug namasin nga dili madakpan.

Pipila sab sa mga motorsiklo, gigamit sa mga tag-iya isip habalhabal.

Matod ni Jumao-as, gibawal pa gihapon sa dakbayan ang pagmaneho sa mga hablhabal. Gani, isyuhan kini nila og citation ticket nga adunay multa nga P1,000.

Sigon niya nga sa ilang nahibaw-an ang Angkas lang ang gihatagan og awtoridad sa Land Transportation Franchising and Regulatory Board nga maka-operate na balik.

Sa 41 nga nasakmit nga dili rehistradong mga sakyanan, mga 20 pa ka mga sakyanan ang nagpabilin sa kustodiya sa Team, ingon ni Jumao-as.

Niadtong Marso 2021, gipahamtang sa Team nga usa sa ilang rekistos aron makuha na ang gi-impound nga sakyanan, kinahanglan nga magpakita og dokumento nga ang sakyanan giparehistro na nila.

Kini aron makuhaan na ang gidaghanon sa mga nagdagan nga mga sakyanan nga walay rehistro sanglit sa lima ka porsiyento sa madakpan sa Team, walay rehistro o walay lisenya, dugang ni Jumao-as. (KFD)

This posting includes an audio/video/photo media file: Download Now

Opisyal sa brgy. naghikog

Posted: 18 Apr 2021 07:25 AM PDT

GIDEKLARAR nga patay na pag-abot sa tambalanan ang usa ka barangay kagawad sa lungsod sa Sta. Margarita, Samar human naghikog gamit ang pisi.

Ang insidente nahitabo mismo sulod sa panimalay sa namatay nga si Rey John Recamara, 36, minyo, barangay kagawad ug nagpuyo sa P-6, Barangay Palale, Sta. Margarita.

Alas 5:30 sa hapon, Sabado, Abril 17, 2021, ang kapulisan sa Sta. Margarita nakadawat og tawag gikan ni Barangay Kapitan Luisito Lazaro bahin sa maong insidente.

Dali nga girespondihan sa kapulisan ang tawag ug naabtan nila sulod sa balay ang nagbitay nga lawas sa opisyal nga patay na.

Naghigot kini og pisi sa kesame ug ang pikas gihikot sa iyang liog.

Base sa imbestigasyon, ang katabang niini nga si Leofold Morante niadto sa panimalay sa konsehal kay magpatuktok sa mga manok.

Nagsige kini og sampit apan walay nitubag busa nisaka kini sa kural nga kawayan ug pagtan-aw niya sa bintana, nakit-an niya si Recamara nga nagbitay hinungdan nga nangayo kini og tabang sa barangay.

Si Kapitan Lazaro dali nga nitawag sa mga pulis aron masusi ang nahitabo.

Nakit-an usab sa kapulisan sa crime scene ang usa ka basiyo sa beer ug duna usab suicide note nga gibilin ang biktima.

Sa paghimo ning balita, wala pa gibutyag sa kapulisan ang sulod sa mao nga suicide note.

Walay nakita ang kapulisan nga foul play sa kamatayon sa opisyal apan mohimo gihapon sila og dugang imbestigasyon.

Gidala sa Bornec Funeral Homes si Recamara. (JKDP)

This posting includes an audio/video/photo media file: Download Now

Atom Araullo midaug sa Lasallian Scholarum Awards

Posted: 18 Apr 2021 03:30 AM PDT

Nagpakita sa pagpanglimbasog sa mga Filipino sa education sector, ang GMA Public Affairs' "The Atom Araullo Specials: Batch 2020" giila nga Outstanding Video Feature Story on Youth and Education atol sa 16th Lasallian Scholarum Awards.

Ang virtual awarding ceremony gipahigayon niadtong Marso 26.

Ang 'Batch 2020' nag-feature sa istorya sa upat ka mga tinun-an, magtutudlo, ug mga sakop sa education sector nga nag-adjust sa ilang kinabuhi tungod sa pandemiya.

Lakip sa feature mao ang mga molupyo sa lungsod sa General Nakar, Quezon, naila nga labing tago nga dapit sa Pilipinas nga walay elektrisidad ug walay online classes.

Ang ubang tampo sa GMA na-shortlisted sa samang kategoriya. (PR)

This posting includes an audio/video/photo media file: Download Now

103 ka pamilya nawad-an og panimalay

Posted: 18 Apr 2021 12:07 AM PDT

Nikabat ngadto sa 313 ka indibiduwal or 103 ka pamilya ang nawad-an og panimalay human sa nahitabong sunog sa usa ka compound sa Upper Barangay Tabok, dakbayan sa Mandaue kagahapon sa alas 8:50 sa buntag, Abril 18.

Sa 103 ka pamilya, adunay 69 ka pamilya nga nag-abang ug 34 ang mga tag-iya og balay.

Sigon ni FO1 Denzel Espares sa Mandaue City Fire Station (MCFS), nga sa ilang inisyal nga imbestigasyon nikabat ngadto sa 40 ka mga balay ang naugdaw sa maong sunog.

Gituohang nagsugod ang kayo sa balay ni Nocing Beringel.

Matod ni Espares, nikabat ngadto sa P280,000 ang danyos sa maong sunog.

Wala pa masuta ang hinungdan sa sunog gani, nagpadayon pa ang imbestigasyon sa kabomberohan, sigon ni Espares.

Sa laing pakighinabi, si Dario Tarriman, ang kapitan sa Barangay Tabok, miingon siya sa Superbalita Cebu nga niigo ang sunog sa usa ka compound sa Vega family.

Matod niya, niasoy ang mga lumolupyo sa lugar nga ang hinungdan sa maong sunog mao ang pagbuto sa transformer sa poste diin ang impak sa pagbuto naabot sa maong balay.

Apan, dili pa kini opisyal nga hinungdan tungod ang maong poste nagdistansya og diyutay sa balay diin nagsugod ang kayo.

Gani, sigon ni Tarriman nga magpaabot lang una sila sa imbestigasyon sa kabomberohan.

Kasamtangang, gipapuyo una ni Tarriman ang mga nasunogan sa ilang barangay gym.

Sigon niya nga miresponde na sab ang City Social Welfare and Services (CSWS) aron paghatag og mga pagkaon ug pag-validate sa mga nasunogan.

Nadawat sa MCFS ang alarma alas 8:50 sa buntag ug human ang tulo ka minutos gideklara dayon kini og first alarm.

Gipasaka kini ngadto sa second alarm alas 9:03 ug ngadto sa third alarm pagka alas 9:06 sa buntag.3

Nakontrolar sa kabomberohan ang sunog alas 9:50 sa buntag ug human sa 50 minutos nga pag-overhauling, gideklara dayon kini nga fire out. (KFD)

This posting includes an audio/video/photo media file: Download Now

18 anyos ‘gidagit’

Posted: 17 Apr 2021 07:12 AM PDT

GIDAGIT sa upat ka mga tawo nga nagpatuong mga agent sa Philppine Drug Enforcement Agency (PDEA) 7 sa Sabado sa alas 6 sa buntag, Abril 17, 2021 sa Fatima, Basak Pardo, Dakbayan sa Sugbo.

Sa pagsuwat ning taho, wa pa makit-i sa iyang pamilya si Riel John Cartuciano, 18, tinun-an sa high school.

Si Rhandel Cartuciano, 22, maguwang, accountant sa usa ka kompaniya sa motorsiklo, niingon sa interbyu sa Superbalita Cebu nga ang ilang balay gisulod sa upat ka mga lalake nga nagpailang mga PDEA agent.

Apan sa ilang pagsusi sa buhatan sa PDEA way operasyon ang ahensya sa ilang dapit. Bisan si PDEA 7 Director Levi Ortiz nipahibawo sa Superbalita Cebu nga wa silay operasyon sa dapit ug wa usab mahasubay sa ilang proseso ang gihimo sa upat ka mga lalake.

Matod ni Rhandel sa interbyu sa Superbalita Cebu nga nag-inusara sa mao nga oras sulod sa ilang balay ang iyang manghod kay ang ilang amahan sayo nga nilakaw kay nag mountain bike sa Barangay Busay, Dakbayan sa Sugbo. Hilig og MTB ang ilang amahan.

Ang ilang inahan toa usab sa lungsod sa Dalaguete, habagatang Sugbo kay namatay ang ilang apohan nga lalake samtang siya natulog sa balay sa iyang hinigugma.

Nadunggan sa ilang mga silingan nga nangayog panabang ang iyang manghod hinungdan nga ang usa niini manginlabot unta, apan giingnan kini nga di manghilabot kay operasyon sa PDEA.

Matod niya nga gikulata ang iyang manghod hinungdan nga nisiyagit og pakitabang.

Ilang nasayran nga gidala si Riel John sa sityo Kabulakan nga duol ra sa ilaha uban usa ka higala niini.

Gawas sa buhatan sa PDEA, ila usab nga giduaw ang police stations sa Mambaling, Sawang Calero ug Pardo, apan wa didto ang ilang manghod.

HIGALA

Sa ilang pakisusi, ang iyang manghod dunay higalang alyas Botoy nga usa ka drug personality sa dapit. Nakaila kini sa ilang manghod tungod sa computer game "Crossfire." Sa ilang nasayran, nga unang gisignit si Botoy ug gitudlo ang iyang manghod nga maoy "amo" sa illegal drugs.

Apan gihimakak ni Rhandel nga nalambigit sa illegal drugs si Riel John kay buotan ang iyang manghod.

Matod niya nga nagnegusyo ang iyang igsuon og t-shirts sa online ug ang kita niini, maoy gitabang kanila.

Si Rhandel nibutyag nga ilang nasayran nga si Botoy gibuhian, apan sa pag-adto sa iyang amahan sa dapit niini sa Kabulakan, wa na kini maabti pa.

DI TINUOD

Si Ortiz, sa interbyu sa Superbalita Cebu sa Sabado sa gabii, niingon nga sa procedure pa lang, klarong di PDEA agents ang ni-operate.

Kon dunay raid, siya nitambag sa publiko nga pangitaan og tsapa o identification (ID) card ang mga sakop sa operating team.

Kon dunay madakpan, sagad anha sa dapit diin nahitabo ang pagdakop ang pag-imbentaryo sa illegal drugs nga gitambungan sa barangay officials ug media.

Ang dinakpan hatagan usab og kahigayunan nga mopahibawo sa iyang pamilya nga siya nasikop.

Human sa imbentaryo, ang dinakpan dad-on sa ilang buhatan alang sa pagpasaka og kaso.

Kon kini nga mga proseso wa gisunod, matod ni Ortiz nga di kini ilang operasyon kay kanunay nilang gisunod unsay nalatid sa balaud.

Giangkon ni Ortiz nga duna nay mga tawo nga nagpatuo nga PDEA agents. (REV)

This posting includes an audio/video/photo media file: Download Now

Flyovers, underpass hayan di madayon

Posted: 17 Apr 2021 07:08 AM PDT

ADUNAY purohan nga di madayon ang pagbuhat sa gi-proposed nga flyover kon magsapaway kini sa ubang proyekto sama sa Bus Rapid Transit (BRT).

Ang Department of Public Works and Highways (DPWH) Central Visayas niklaro sab nga magsugod ang tanang proyekto sa road widening una pa iimplementar ang flyover, kana kon madayon.

Ang DPWH, pinaagi sa na-hire niini nga consultant, anaa na sa pagpahigayon og detailed engineering design (DED) para sa gi-proposed nga duha ka flyover ug usa ka underpass.

Ang direktor sa DPWH Central Visayas, Edgar Tabacon, niingon nga parte sa gipahigayon nga DED ang paghimo og mga konsultasyon, dili lang ngadto sa publiko, apil na sad ang uban nga ahensya sama sa Department of Transportation (DOTr) nga maoy proponent sa BRT nga proyekto.

Si Tabacon nibutyag nga kon walay "engineering design" nga mopahiluna sa maong duha ka proyekto, mamahimo nga di madayon ang flyover.

"If mag-conflict sila, di gyud madayon kon mag-conflict," pasabot ni Tabacon.

Ang DPWH ni-proposed nga maghimo og duka ka flyovers kundiin ang usa adunay gitas-on nga 1.1-kilometro nga ibutang sa may P. del Rosario St. gikan sa junction sa Osmeña Blvd. padung sa Leon Kilat St. ug ang usa 1.2-kilometro nga diha ibutang sa may N. Bacalso Ave. corner V. Rama Ave.

Sa maong plano adunay underpass nga adunay gitas-on nga 915 ka metro nga plano tukuron sa South Road Properties (SRP) Mambaling corner Cebu South Coastal Road. Matod ni Tabacon nga mamahimo nga mausab pa ang plano kon makompleto na ang DED. (JJL)

This posting includes an audio/video/photo media file: Download Now

PRO 7 uyon sa di pagsilot sa way facemask

Posted: 17 Apr 2021 07:06 AM PDT

WAY pagsupak ang hepe sa Police Regional Office 7 (PRO) 7 sa plano ni Cebu Governor Gwendolyn Garcia sa pagwagtang sa multa niadtong masakpan nga nakalapas sa minimum health standard sama sa wa pagsul-ob sa facemask ug face shield.

Nimando usab si Garcia sa bag-ong milingkod nga hepe sa kapulisan sa probinsya sa Sugbo, Police Colonel Engelbert Soriano, nga di na estriktuhon ang pag sul-ob sa facemask sa kalungsuran.

Matod sa gobernador, sa dihang nahinabi sa mga tigbalita, nga mahimo lang nga warningan ug di na pasakaan og kaso lakip na pamultahon ang masakpan nga walay tabon sa ilang ilong ug baba.

"They can be reminded to wear a mask, admonished to wear a mask, but never should they be mistreated," matod ni Garcia.

Matod ni Police Brigadier General Ronnie Montejo, hepe sa PRO 7, nga nipagawas usab siyag kamandoan sa mga hepe sa kalungsuran nga kon makasugat silag mga tawo nga wa mag facemask badlungon lang kini ug hatagan og facemask.

Matod niya nga sa iyang opisina lakip na sa mga supply offices sa kapulisan sa probinsya sa Sugbo, adunay daghang facemask nga mahimong maoy ipang apud-apud niadtong mga tawo nga walay ikapalit.

"Atong tagaan og additional nga mga facemask or kon naay face shield, mas maayo," matod ni Montejo.

Lakip sa iyang mando sa iyang mga sakop sa probinsya nga kon adunay makit-an nga tawo nga nag sul-ob man sa facemask apan wala matarong, hinayon lang kini sa pagpasabot nga kinahanglan nga saktohon sa pag gamit.

Dugang ni Montejo nga dili pa gihapon angay nga mokompyansa karong mga panahona nga kinahanglan pa nga ipatuman ang lagda sa Inter-Agency Task Force (IATF) labot sa minimum health standard.

Kon ugaling makaduha ngadto sa maka lima ka higayon nga dili motuo ang maong tawo, diha na molihok ang pulis pinaagi sa pag silot niini.

Si Soriano, sa iyang bahin, nagkanayon nga andam nila nga tumanon ang mando sa gobernador kaniya.

Usa sa mando mao ang dili pagsunod sa gihimo sa mga pulis sa Cavite diin adunay namatay nga residente human nga gipa push up tungod kay nadakpan nga wa mag facemask.

Matod ni Soriano nga nakasabot siya sa gobernador sanglit nakita niini ang nasinating kalisud karon sa mga Sugboanon tungod sa miigo nga pandemic.

"Sabi niya sa akin, ang stern warning niya, wag na wag mangyari yan sa Cebu province. So yun ang kabilinbilinan niya. Many other instructions pero reading between the lines, we have uplift na poor specially during this pandemic," matod ni Soriano.

Apan miawhag pa gihapon si Soriano sa publiko nga ipadayon ang pagtuman sa health standard sanglit wala pa mawagtang ang Sars-CoV-2, kagaw nga nagdala sa coronavirus disease 2019 (Covid-19).

This posting includes an audio/video/photo media file: Download Now

Senior citizens sa Lapu-Lapu City sugdan na og pang bakuna sa Lunes

Posted: 17 Apr 2021 07:04 AM PDT

GIBUTYAG ni Dr. Agnes Realiza, pangulo sa City Health Office sa dakbayan sa Lapu-Lapu, nga magsugod na og pamakuna ang kagamhanan sa dakbayan sa mga senior citizen karong Lunes, Abril 19, 2021.

Kini bisan kon aduna pay nahabiling medical frontliners sa dakbayan nga wa pa mabakunahi.

Matod ni Realiza nga nananghid na sila sa Department of Health DOH-7 nga mamakuna na sila sa mga senior citizen, inay maghuwat sa mga wa pa mabakunahi nga medical frontliners, aron makasugod na.

Kon ugaling aduna pay medical frontliners nga moapas pabakuna, ila gihapon kini nga turokan ug idungan pagbakuna sa mga senior citizen.

Gipasabot ni Realiza nga nahuman na unta ang schedule nga gitagana alang sa medical frontliners, apan adunay wa gihapon magpabakuna busa nakadesisyon na sila nga di na lang sila huwaton.

Nasayran nga sa target nga 3,000 ka mga frontliner nga bakunahan, moabot sa 2,600 ang nabakunahan na kun 70 porsyento.

"Personal gyud na nila nga desisyon. Kaning uban di gyud sila magpabakuna. Naa gihapoy mahadlok bisag unsaon nato og awhag nga mas maayo magpabakuna," pasabot ni Realiza.

Giawhag lang ni Reliza ang mga senior citizen sa pagparehistro online sa dili pa moadto sa vaccination site sa kabarangayan aron dali sila nga maatiman.

Ila nang gitagaan ang mga opisyal sa barangay sa link alang sa online registration ug sila na usab ang mopahinumdom sa mga senior citizen asa sila nga vaccination site moadto.

Kon ugaling modiritso sila sa vaccination site nga di magparehistro daan, posibleng malangay pa sila sa higayon nga wala ang ilang ngalan sa masterlist.

Nanghinaot si Realiza nga daghan unya ang magpabakuna sa mga senior citizen sa dakbayan.

Sa listahan sa Office of Senior Citizen Affairs (OSCA) sa dakbayan, adunay 20,000 ka mga senior citizen apan sa lista sa DOH-7, moabot kini og mga 40,000 sumala ni Realiza

Target sa kagamhanan nga mahuman pagbakuna ang mga senior citizen sulod sa usa ka buwan. (GCM)

This posting includes an audio/video/photo media file: Download Now

Abril 19 deadline sa TEAM clearance sa TPUJ

Posted: 17 Apr 2021 07:03 AM PDT

GIHATAGAN sa Traffic Enforcement Agency of Mandaue (Team) ang mga drayber ug operator sa traditional public utility jeepney (TPUJ) hangtod Abril 19, 2021 sa pagkuha sa mga rekisitos nga gikinahanglan sa di pa sila mobalik og biyahe.

Kini human, nadakpan sa Team ang 50 ka mga drayber sa TPUJ nga nidagan sulod sa dakbayan sa Mandaue nga way igong dokumento nga ikapakita atol sa ilang random checkpoint niadtong miaging semana.

Matod ni Edwin Jumao-as, executive director sa Team, nga bisan nasakpan nila nga way kompleto nga dokumento nga sila mamahimo nang makabiyahe, wa una nila giisyuhan og citation ticket.

Sigon niya nga igo lang nila gibadlong ug gipabalik kon asa sila nga rota gikan.

Gani, mipatuo ra ang mga TPUJ drayber ug sa tan-aw ni Jumao-as nga kahibawo na sila nga manginahanglan pa og Team clearance ang dakbayan sa Mandaue tungod kay wa sila mikwestyon sa ilang abiso.

Ang mga dokumento nga kinahanglan ipresentar sa mga inspection officer mao ang: special permit to operate gikan sa Land Transportation Franchising and Regulatory Board (LTFRB), special permit to operate gikan sa Land Transportation Office (LTO), Team Clearance, ug negatibo nga resulta sa RT-PCR swab test.

Matod ni Jumao-as nga gipahigayon nila ang random checkpoint kuyog ang Highway Patrol Group (HPG) gikan sa Police Regional Office (PRO 7) human ilang nakita nga daghan nang nidagan nga mga TPUJ, apan 69 pa lang ang ilang natala nga nakakuha og Team clearance.

Sa pagpahigayon nila sa random checkpoint, nasakpan nila ang 20 ka TPUJ gikan sa Lapu-Lapu ug 30 ka mga TPUJ gikan sa Liloan nga misulod sa dakbayan nga wa nakakuha sa mga dokumento nga kinahanglan una makabiyahe og balik.

Aron mapahingusgan, nipagawas si Jumao-as og usa ka memorandum niadtong Abril 16 ngadto sa tanang mga drayber ug operator nga kinahanglan nila nga sundon ang mga kinahanglanon nga dokumento sa di pa mag-operate.

Gihatagan lang ni Jumao-as ang mga TPUJ driver ug operator nga moproseso sa ilang mga dokumento ining Abril 19.

Human sa Abril 19, matod ni Jumao-as nga hugtanon na nilang ipatuman ang pag-inspeksyon sa pagtuman ug pagkuha sa kinahanglanong mga rekisitos sa TPUJs.

Giingon niya nga ang mapakyas sa pagpresentar sa mga kinahanglanon nga dokumento sa mga nag-inspeksyon nga enforcer hatagan dayon og citation ticket.

Apan, giklaro sab ni Jumao-as nga mamahimo pa gihapon nga makaproseso sa ilang dokumento human sa Abril 19.

This posting includes an audio/video/photo media file: Download Now

305 ka mga pasahero wa kalarga tungod sa bagyo

Posted: 17 Apr 2021 07:00 AM PDT

Di momenus 305 ka mga pasahero nga molarga unta padung gawas sa Cebu gipapauli sa mga awtoridad human nag isyu ang Philippine Coast Guard og notice nga temporaryong nagsuspenso sa mga biyahe sa dagat nga padung sa mga lugar nga gipaubos sa tropical cyclone warning signal (TCWS) no. 1 tungod sa Bagyong Bising, Sabado sa buntag, Abril 17, 2021.

Si Mary Knoll Lague, Cebu Port Authority public relations officer, nagkanayon nga lakip sa mga nakanselar nga biyahe mao ang 8:30 a.m. nga byahe gikan sa Danao Port, northern Cebu ngadto sa Camotes Island, nga gipaubos sa TCWS 1.

Tungod niini, anaa sa 286 ka mga pasahero ang gipapauli usab human sila makadawat og refund sa ilang mga ticket.

Wa hinuoy mga na stranded nga pasahero sa Pier 3 sa Cebu City bisan kon dunay pito ka mga pasahero nga mobyahe paingon sa Cagayan de Oro ang naghuwat nga makasakay sa barko, matod ni Lague.

Dugang niini, gikanselar usab ang biyahe gikan sa Hagnaya Port paingon sa Masbate ug upat ka pasahero ang gipapauli.

Lain usab 12 ka mga pasahero nga bound for Camotes ug Ormoc nga naghuwat sa Pier 1 Cebu City ang wala kadayon sa pagbyahe.

Mao kini ang uban pang mga byahe nga gikanselar tungod sa bagyo: Cebu to Hilongos, Leyte; Cebu to Dipolog; Cebu to Baybay, Leyte; Cebu to Surigao; Cebu to Palompon, Leyte, ug Cebu to Bato, Leyte.

Mipasaka og temporary suspension notice ang Coast Guard Station (CGS) Central Cebu, niadtong Sabado, Abril 17, alang sa sea trips nga paingon sa mga lugar nga ubos sa Signal no. 1 sama sa Northern Samar, Eastern Samar, Samar, Biliran, Southern Leyte, Camotes Island, ug Leyte dinhi sa Visayas tungod sa Typhoon Bising.

Nagkanayon si Jhomer Eclarino, weather specialist sa Philippine Atmospheric Geophysical and Astronomical Services Administration- Mactan station, nga magpabilin nga kritikal ang kondisyon sa panahon sa Camotes Island ug northern Cebu hangtod Lunes sa hapon, Abril 19.

Samtang ang ubang lugar sa Cebu makasinati og light to moderate with ocassional heavy rains hangtod Lunes.

Base sa alas 4 sa hapon nga taho sa Pagasa kagahapon, ang mata sa bagyo nasigpatan 480 kilometros east sa Guiuan, Eastern Samar ug adunay maximum sustained winds nga 195 kilometer per hour (km/h) ug gustiness nga moabot sa 240 km/h.

Giisa usab sa Pagasa ang TCWS 2 sa Northern Samar, Eastern Samar, ug Samar alang sa Visayas ug Catanduanes sa Luzon. Samtang ang Biliran, Leyte, Southern Leyte, and Camotes Island, ug ang ubang mga lugar sa Luzon ug Mindanao gipaubos sa TCWS 1. (WBS)

This posting includes an audio/video/photo media file: Download Now

Editoryal: Masanta nang badlungon

Posted: 17 Apr 2021 06:58 AM PDT

DUNA na gyuy ordinansa nga giaprobahan sa Konseho sa Dakbayan sa Sugbo nga nagtakda sa mga speed limit sa kadalanan sa siyudad. Maximum nga speed per hour 80 kilometro sa mga national highway nga lapad.

Gipangamahanan ni Konsehal Raymond Alvin Garcia ang ordinansa nga pirmahanan na lang ni Mayor Edgardo Labella. Kon kini mapirmahan sa mayor ug mapublikar sa lokal nga mga mantalaan, di pa ni mapatuman gilayon. Gikinahanglan ang mga ekipo, sama sa speed gun ug speed camera aron naay mapakita nga nakalapas ang driver sa speed limit sa Siyudad.

Maayo ni nga sinugdanan alang sa mas hapsay ug mas luwas nga kadalanan sa Dakbayan sa Sugbo.

Sakto si Konsehal Garcia nga gikinahanglan ang mao nga mga ekipo alang sa ordinansa kay daghan ang mga aksidente tungod sa pagpasagad sa pagpadagan sa abusadong mga drayber nga dali kaayong makapasangil sa brake nga kuno napalpak.

Dugay na kaayo ang panginahanglan ning mao nga ordinansa. Giingon nga long overdue na. Naunhan na gani ang Cebu City sa Dakbayan sa Talisay sa pagpalit og speed guns. Dugay na sab kaayo ang Davao City nga nagpatuman og speed limit nga gigamitan usab og speed guns.

Kon mahuman na ang pagtaud sa tanang mga kable sa bag-ong traffic lights ug naa nay klarong command center ang Siyudad, masugdan na ang pag-monitor sa mga eskina aron masakpan ang mga violator.

Kon naa na usab ang speed gun ug speed camera, mas makatabang kini sa pag-discourage sa kaskaserong mga drayber nga magbuhat sa ilang naandang batasan sa pagpadagan sa sakyanan sa kadalanan.

Hinaut pang dalion nila ni Labella ang pagpatuman sa ordinansa ug proyekto. Kon naa na kini ug sugdan na ang pagpanakop sa mga malapason pinaagi sa no contact policy kay duna na may kapabilidad sa pag-monitor ang Siyudad, di makareklamo ang nakalapas kay naa nay ebidensya.

This posting includes an audio/video/photo media file: Download Now

Nalzaro: Ang tiguwang...

Posted: 17 Apr 2021 06:58 AM PDT

MORAG mahulog ni sa kanta nga: 'Ang tiguwang bisan bako, maningkamot motindog, mobarog aron molabyog'.

Gibutyag ni Presidente Rodrigo Duterte nga dili na lang siya magpabakuna kontra Covid-19 gumikan sa iyang pangidaron nga 74 anyos. Tiguwang na kuno siya. Matod pa niya nga andam niyang ihatag ang iyang share sa bakuna ngadto sa mga batan-on nga dako pa kaayo og kaugmaon sa ilang kinabuhi. Morag miingon ang Presidente nga para sa unsa pa man nga tiguwang na siya ug wala nay kapuslanan.

Kon atong palawuman og maayo ang maong tudling sa iyang pamahayag, mora man og nawad-an na siya og paglaum. Mora man og mi-ingon siya nga ang mga tiguwang wala nay pulos ug dili na productive sa nahibiling katuigan sa ilang kinabuhi ning kalibutan. Magpa-abot na lang sa ilang sentensiya kon kanus-a sila kuhaon sa Labaw'ng Makagagahum. Alang sa mga tiguwang, may punto ba ang Presidente?

Ning panahon sa retirement sa mga senior citizens importante kaayo nga aduna silay kalingawan.Kon si Presidente Duterte pay pasultihon: 'Mas palabihon na nato karon ang mga batan-on kay sila mga produktibo pa kaayo ug lahi kaayo sa unsa ra ang maabot sa mga tiguwang. Aduna tingali mga tiguwang nga mosupak sa pamahayag sa Presidente. Apan dili nato mahimong lalison ang kamatuoran nga sa kinabuhi dili mahinungdanon ang edad, kon dili giunsa nato sa paggamit ug pagpahimulos sa atong kinabuhi. Ug ang mga senior citizen miani na sa daghang bililhong kasinatian nga dili malabwan sa bisan unsang bahandi.

Ug angay na nga motunol ngadto sa mga bag-ong tubo sa unsa man ang ilang nasugdan sa kinabuhi. Kay mao man sab kana ang gimbut-an sa balaod sa kinaiyahan.

Sama sa mga dagkong kahoy moabot gyod ang panahon sa iyang pagkalaya. Apan samtang siya malaya, moturok usab ang bag-o ug lab-as nga mga binhi nga mao na usab unya ang mopabarog og dagkong mga punuan ug mopalipang sa bag-ong mga sanga ug berde nga kadahunan nga magtimaan sa pagpadayon sa kinabuhi. (bobbygnalzaro@gmail.com)

This posting includes an audio/video/photo media file: Download Now

Mongaya: ‘Ginegusyo’ mga priso sa BBRC

Posted: 17 Apr 2021 06:57 AM PDT

DAGKO ug gagmay, naninguha karon nga makabentaha. Mao nga abi nako nga pamaagi batok sa Covid-19 kining dili na patunulon og pagkaon ngadto sa mga priso sa Bagong Buhay Rehabilitation Center (BBRC).

Apan ang mga sakop sa Bureau of Jail Management and Penology (BJMP), nga negusyante man diay ang mga hinampak. Ila diayng gibuhat aron mapugos ang tanang priso nga sa ilang tindahan mopalit.

Di man kaayo tantong mahal. Ang baboy tag P320 ang kilo. Ang manok moabot og P270 ang kilo.

Ang gusto og sinako sa bugas humay tag P2,850. Ang di maka-afford kay tag P30 lang ang usa ka takos sa lata sa sardinas. Ang gustog usa ka sakong bugas mais kay P1,750.

Taas na kaayo ang listahan kon iapil nako karon. Pero kon way aksyon nga atong madunggan, atong dugangan ang atong listahan. Matuk-an unta ang mga sakop sa BJMP nga nakabahin ini. Ug di ko motuo nga wala mismo moabot sa level sa warden. Aw, sori lang sir Warden.

Basta hunahunaa lang nga kining BBRC maoy giingong nga labing huot nga prisohan sa tibuok nasud. Ambot kon pila na ang mga pasyente sa Covid-19 sud sa BBRC. Ang ako lang nabasahan nga moabot na og kapin sa 5,000 ang mga priso.

Makaginansya ra man unta og dako bisan pag mag-Ininsek og style sa pag-negusyo. Kanang ginagmay lang ang ginansya.

Apan, kay nanubra man kahakog ang mga BJMP sa BBRC, di kontento ang mga hanggaw. Wa maluoy nga kining ilang gibiktima kasagaran mga kabus.

Bisan mobasi na lang unta sa ngalan nga Bagong Buhay Rehabilitation Center (BBRC), sukwahi na kaayo kining maong kalaki sa tindahan sa BJMP sa binuhatan.

Naa koy daghan taho nga nahipos apan wala pa masulat. Bisan pa man, hinaot duna pay modugang text kanako kabahin sa mga anomaliya ug overpricing.

Ang akong plano karon nga kining akong gisulat madugangan pa kay nganon man diay og kada lindog nato, kini lay atong hisgutan kada lindog. Baga-a sa kaspa niining mga abusado kon di matandog.

Maninguha sab ko nga kining akong lindog moabot unta sa ubang mga sakop sa media aron mahisgutan usab nila. Hinaot nga maka-interes sab ang mga taga telebisyon. Ug maka-interes moimbestiga ang Cebu City Hall ug ang Department of Trade and Industry (DTI).

Alang kanako, dako man unta og grasya alang sa motabang sa mga priso, apan kining mga taga BJMP nga gitahasan sa pagtabang kanila mao man hinuon nga mga abusado.

"I was naked and you clothed me, I was sick and you visited me, I was in prison and you came to me." Matthew 25:36. (DM @anol_cebu)

This posting includes an audio/video/photo media file: Download Now

Diola: Haluag og hunahuna

Posted: 17 Apr 2021 06:54 AM PDT

Binasi sa Buhat 3:13-15, 17-19; Salmo 4; 1 Juan 2:1-5; Lucas 24:35-48

ANG bukas nga hunahuna", kuno, "susama sa bukas nga baba. Ang gamit niini mao ang pagsira niini sa butang nga tibuok," matod pa sa Katolikong manunulat nga si G.K. Chesterton. Ang bukas nga huna-huna diay nanginahanglan og mga bus-ok nga panghunahuna aron mabusog, sama nga ang bukas nga baba mangitag makaon nga makapabusog ug makapabaskog. Kon kanunay lamang nga "junk food" ang kan-on sa usa ka tawo, mabusog tingali siya apan dili baskog. Sa ingon, kon ang kanunayng mosulod sa salabotan sa tawo mao ang waykapuslanan nga mga panghunahuna, malingaw tingali siya apan taphaw iyang panglantaw sa kinabuhi.

Daghang magdaog diha sa hunahuna. Diha gikan ang kangitngit, diha pod ang kahayag. Sa Ebanghelyo, mipatigbabaw ang kangitngit nga dala sa kahadlok sa mga disipulo ni Jesus. Nalisang sila sa pagkakita nila kang Jesus nga naaan nila siyag kalag. Sa ingon, abi pod nila nga hapit na ang paghukom sa Dios. "Nangalisang" ug "nangahadlok" sila. Ang pagkalisang makapuwas kanato sa maayong panghunahuna. Mawad-an tag maayong pangisip. Ang kahadlok, sa laing bahin, makagapos kanato ug dili na kita masayod sa angay buhaton.

May tulo ka lakang nga gihimo si Jesus aron paglupig sa gibati sa mga disipulo. Una, gihatag niya, pinaagi sa pulong, ang iyang kalinaw ngadto kanila. Human niini, sa nakamatikod si Jesus nga aduna pa silay mga madudahong pangutana mahitungod kaniya, gipakita niya ang iyang mga kamot ug tiil. Gipakita niya kini ngadto sa mga disipulo aron ilang gunitan. Tungod kay "dili pa sila makatuo gumikan sa kalipay ug nahibulong pa sila", nangita siyag makaon. Mikaon siya og usa ka sinugbang isda sa ilang atubangan.

Sa matag lakang nga gibuhat ni Jesus, nagkaanam siya og kaduol sa punto diin "giablihan niya ang ilang hunahuna aron pagsabot sa mga Kasulatan." Gihawanan usa ni Jesus ang mga hunahuna sa mga disipulo - mga hunahuna nga maoy gigikanan sa kahadlok o bunga ba hinuon niini – ug unya gipasabot niya ang balaang kasulatan ngadto kanila. Kining pagpasabot midugtong sa mga saad ug panghitabo sa Karaang Kasabotan nga mipunting kang Jesus.

Ang pag-abri sa hunahuna mao ang pagbukas niini sa hingpit pinaagi sa pagkompleto sa proseso nga gikinahanglan sa pagbukas. Lakip na niini ang paghawan sa hunahuna sa mga gikahadlokan niini. Ang kataposang lakang, nga mao ang pagkaon atubangan sa mga disipulo, nagpakita nga dili kalag si Jesus ug nga nagpadayon gihapon ang naandang higayon kanus-a makighugoyhugoy si Jesus kanila. Panahon usab kini sa iyang pagpanudlo.

Gawas sa kahadlok ang pagkaignorante usa usab ka kahimtang sa hunahuna. Diha sa Buhat gipahinumdoman ni Pedro ang mga Israelita kon giunsa nila pagsalikway kang Jesus nga ilang gipapatay. Gihimo nila kini tungod sa ilang "pagkaignorante". Kining ilang gibuhat tungod sa ilang pagkaignorante gigamit sa Ginuo aron matuman ang iyang plano sa pagpanghinlo sa sala. Gipahinumdoman usab sa sulat kang Juan nga bisag makasala ta, human masinati ang gugma sa Dios, nga dili madismaya kay "kita may manlalaban nga si Jesucristo, ang matarong nga maoy mangatubang sa Amahan."

This posting includes an audio/video/photo media file: Download Now

18th Birthday ni Christyll

Posted: 17 Apr 2021 06:52 AM PDT

TUNGOD kay adunay pandemiya, simple nga gisaulog ni Christyll Tecson ang iyang 18th birthday niadtong Marso 8, 2021.

Apan bisan kon yano ang kasaulogan, memorable usab kini. Gisurprisa si Christyll sa iyang suod nga mga higala.

Giangkon sa dalaga nga gibati siya og gamay nga kaguol nga di bongga ang kasaulogan sa iyang debut, apan mapasalamaton gihapon siya tungod kay intact ang iyahang pamilya ug gisurprisa usab siya sa iyang mga higala sa high school sa University of Cebu main campus.

"Special sad diay ko sa uban. Importante sad diay ko nila. Nakahunahuna sila nga i-surprise ko. Maka-overwhelm ba," paambit ni Christyll.

Usa ka salo-salo ang gihimo sa ilang panimay sa siyudad sa Sugbo.

Matod ni Lito Tecson, amahan ni Christyll, nga gipasabot nila daan ang iyang anak nga tungod sa pandemiya, dili bongga ang pagpahigayon sa debut niini. Ug kini nasabtan sa ilang kamanghuran nga anak sa tulo ka magsuon.

"Happy ra siya kay naa mi tanan iyang pamilya. Kahibawo man gyud siya nga naay pandemiya, ni-okay siya," sigon ni Lito.

Bisan kon way bongga nga debut party, gituman sa amahan ang pangandoy sa dalagang anak, ang paghimo og debut pictorial ug video.

Gikalipay kaayo kini sa anak. Ang shoot gipahigayon sa lungsod sa Borbon, ang yutang natawhan ni Lito, usa ka semana sa dili pa ang birthday sa dalaga.

Sa iyahang debut, pangandoy ni Christyll nga moabot ang panahon nga makapakaon siya sa mga bata nga libud-suroy sa kadalanan.

Karon nga naa na siya sa legal age, matod ni Christyll, nga mag-mature usab siya sa iyang panghunahuna.

Sumala niini kon unsa man ang iyahang nabuhat, iyang dawaton ug dili ibasol sa uban. (SCG)

This posting includes an audio/video/photo media file: Download Now

Casimero adunay tambag ni Rigondeaux

Posted: 17 Apr 2021 06:51 AM PDT

GIHATAGAN og advice ni Johnriel Casimero ang iyang umaabot nga kontra nga si Guillermo Rigondeaux human nahimong opisyal ang ilang away kagahapon.

"Its Onnnnn. Magsimula ka na mag jogging para ready ka tumakbo sa August," matod pa ni Casimero nga gi-post sa iyang Twitter nga patutsada ngadto sa iyang kontra nga usa ka gold medalist gikan sa Cuba.

Sila gikatakdang magbinayloay sa ilang kumo karong Agusto 15 nga maoy gianunsyo sa Showtime nga apil sa ilang busy nga schedule gikan sa buwan sa Mayo hangtod Septiyembre.

Apil sa Showtime program ang dugay nang gikaintapan nga away tali ni Nonito Donaire Jr. ug Nordine Oubaali para sa bantamweight version sa WBC karong May 30.

Ang away ni Casimero batok sa 40 anyos nga si Rigondeaux maoy gipaabot sa kadaghanan human gihagit sa WBO champ ang Cuban nga moaway kaniya sulod sa booth sa telepono sanglit magsige lang kini og boxing ug sayaw sulod sa ring nga maoy iyang naandan.

"Walang takbuhan. Basagan lang tayo ng mukha," padayag ni Casimero kinsa adunay record nga 30-4 uban sa 21 ka knockouts. Presko pa sa iyang kadaugan si Casimero human iyang gipaundang si Duke Micah. (PAC)

This posting includes an audio/video/photo media file: Download Now

Wade tag-iya na og NBA team

Posted: 17 Apr 2021 06:51 AM PDT

Usa na sa mga tag-iya sa league leading Utah Jazz si NBA legend Dwayne Wade human siya nipalit og share of stocks sa maong team.

Ang 13-time All Star makauban ni technology entrepreneur Ryan Smith kinsa maoy nakapanag-iya sa majority interest niadtong 2020.

"Dwyane is not only a basketball legend, he is also a great leader, businessman, and human being," matod ni Smith.

"As we continue to build on the incredible legacy of the Utah Jazz franchise, we are excited to add Dwyane's experience and expertise to the equation. Utah is an amazing place and I couldn't be more thrilled about the future of the franchise and the future of this state. Dwyane's influence will be important to both," dugang ni Smith.

Si Wade niduwa og 16 seasons sa NBA didto sa Miami Heat, Chicago Bulls ug Cleveland Cavaliers sa wala pa siya ni retiro niadtong 2018-2019 season diin nakalangkat siya og tulo ka kampyonato ug gi-retiro sa Heat ang iyang number 3 jersey.

Sa unang pagtambong ni Wade isip minority owner sa Jazz gilihian dayon og daug ang iyang team ug iyang gigakos si Jordan Clarkson kinsa maoy iyang gi-idol sanglit iyang gipadayag nga kon makabalik pa siya og duwa sa liga, gusto siyang mahimo nga sama sa Filipino American. (PAC)

This posting includes an audio/video/photo media file: Download Now

Vallena: Epekto sa checkpoint

Posted: 17 Apr 2021 06:46 AM PDT

Sa public perception, kon basehan ang mga post sa social media, mas gidayeg man ang bike lane sa Dakbayan sa Mandaue kay sa Cebu City. But kon akong basehan ang gitas-on ug kadaghan sa mga karsadang nabutangan og bike lanes, mas taas baya ang Cebu City. Ingon pang Atty. Gerry Carillo, moabot og 100 ka kilometro ang bike loop sa Cebu City.

Ang bike lane nga tulo ka kilometro ang gitas-on ug 10 metros ang gilapdon nga naa daplin sa Cebu South Coastal Road padayong gitrabaho. Kon mahuman na, luwas nang biseklitahan ang CSCR. Maayo usab unta kon mo-lobby si Mayor Samsam Gullas sa Dept. of Public Works and Highways (DPWH) nga sumpayan ang bike lane sa Cebu City lahos sa may tumoy sa CSCR. Kana nga katas-on sa karsada maghatag og luwas nga pagsikad, labina sa mga tawo nga mag bike to work.

Kon kini mahitabo, naa na unya kitay ikapasigarbong lapad nga bike lane sama sa Dakbayan sa Iloilo nga luwas nga masikaran. Mas nindot pa kon masumpay kini ngadto sa ikatulong taytayan sa Mactan nga magsukad sa Cebu City tabok sa Cordova.

Kon gusto kong mobiseklita, di na ko moadto pag laing lugar, akong subayon ang rota. Kon moabot ni og 10 kilometros puhon, kana kon makasumpay ang Dakbayan sa Talisay, kaanindot.

TCH CHECKPOINT

Nalipay kong nakakita sa checkpoint sa Traffic Unit sa Cebu City Police Office (CCPO) ug traffic enforcers sa Cebu City Transportation Office (CCTO), kansang buhatan gipangulohan ni Lyntoni Alburo. Ang CCPO misaad nga ila nang kanunayon ang pagbutang og checkpoint sa dapit, labina sa weekends.

Sukad nagsige na og checkpoint sa TCH, wa na ko kabantay nga duna pay nanguhag mga hulagway. Naluoy baya kong naghuna-huna sa mga photographer nga naangin sa mga kaskasero nga riders ug drivers. Tipik baya intawon na sa ilang panginabuhi karong panahuna nga minos kaayo ang mga kalihukan tungod sa pandemic.

Wa sila bayri sa ilang pagpanguhag mga hulagway sa TCH, apan tungod ani, nakakita silag mga kliyente sa lainlaing mga kalihukan. Nahimo intawon kining exposure nila.

Unsay tinud-anay nga makapatay sa karsada, labina sa TCH? Ang abusado man nga drivers. Kinsay kusog tigpadagan diha? Di lang motorsiklo, apil na ang mga van-for-hire. Nakahibawo ko kay maghatdanan baya ko sa akong asawa sa GMA-7. Diri gani abusado na silang makapadagan, samot na sa TCH. Maayo untag mabadlong na sila sa mga awtoridad.

GIPANG-AYO

Niadtong miaging Dominggo, nakahigayon kog sikad sa ubang bahin sa kabungtoran sa Consolacion. Akong naagian ang pipila ka mga karsada nga gisugdan na og ayo.

Ka makaluluoy sa mga tag-iya og sakyanan nga kanunay moagi sa mga dapit nga akoang giagian. Kay sa akong tan-aw, ka hinay sa pagtrabaho nila sa karsada.

Hinaut pa untang mapaspasan ang pag-ayo samtang wa pa moabot ang ting-uwan. Hinaut usab unta nga butangan kini og igo ug maayo nga drainage. Mas dugay maguba ang dan.

This posting includes an audio/video/photo media file: Download Now

Holyfield misunod kang Tyson

Posted: 17 Apr 2021 06:46 AM PDT

MOBALIK og saka ibabaw sa ring si Evander "The Real Deal" Holyfield batok ni Kevin McBride kinsa maoy nagpa-retiro kaniadto ni Mike Tyson karong Hunyo 6, 2021.

Kini ubos sa promosyon sa Triller Fight Club (TFC) kinsa nidugang og mga respetado ug dekalidad nga boksidor para sa kalingawan.

Si Holyfield ug McBride magsumbagay sulod sa unom ka rounds didto sa Florida, USA diin moaway usab silang Teófimo López and George Kambosos Jr..para sa title fight.

Bugtong si Holyfield ang nag-inusarang boksidor sa kalibotan nga adunay upat ka titulo sa world heavyweight ug siya nabantog sa ilang away kaniadto ni Tyson diin naputol ang iyang dunggan.

Si Holyfield, 58 anyos, adunay professional boxing record nga 44-10-3 makigsinukliay sa kumo ni McBride 47 anyos ug adunay 35-10-1 para sa usa ka exhibition match apan i-apply ang tanang rules sa professional boxing.

Naila sa kalibotan sa boksing si McBride dihang iyang gipalukapa si Tyson niadtong Hunyo 2005 sa Washington DC human sa 6th round.

Ang pormal nga pag-anunsyo sa TFC ipahibawo sa mosunod nga mga adlaw.

"Our continued reinvention of boxing as four-quadrant entertainment now adds one of the biggest names in the history of boxing, Evander Holyfield, against one of the best opponents, Kevin McBride," matod ni Kavanaugh sa TFC.

Nisulod sa professional boxing si Holyfield niadtong 1986 ug nidaog siya batok sa inilog nga si Dwight Muhammad Qawi pinaagi sa split decision aron angkunon ang WBA junior heavyweight title ug nagsunodsunod na ang pagsikat ni Holyfield.

Gipilde usab niya si George Foreman, Larry Homes apan napilde siya sa 12th round decision batok ni Reddick Bowe niadtong Nobyembre 13, 1992 ug iyang nabaslan sa rematch niadtong 1993 apan sa ilang trilogy, siya napukan ni Bowe.

Niabot usab og trilogy ang away ni Holyfield ug Tyson nga maoy nakapahatag og aligre sa boksing human sa ilang away ni Bowe. Si Holyfield maoy ikaduhang legend nga nigawas sa ilang pagretiro aron moaway og balik human ni Tyson sa niaging tuig. (PAC)

This posting includes an audio/video/photo media file: Download Now

Durant, Clarkson migiya sa ilang team

Posted: 17 Apr 2021 06:46 AM PDT

PADAYON ang pagmangtas ni Kevin Durant aron giyahan ang Brooklyn Nets atol sa iyang pagbalik og duwa gikan sa hamstring injury nga maoy nakapalta niya og duha ka buwan.

Si Durant nihipos og 25 puntos og 11 assists , 26 puntos ang giamot ni Joe Harris ug 11 puntos ang giabag ni Kyrie Irving samtang wala pa ang ilang ikatulo nga superstar nga si James Harden aron puhagon ang Charlotte Hornets,130-115.

Ang laing role player sa Nets nga si Landry Shamet niwaswas og 20 puntos samtang tag 10 puntos sila si Jeff Green ug Blake Griffin para sa balanse nga atake sa Brooklyn.

Ang Hornets gipangulohan ni Miles Bridges pinaagi sa iyang career high 33 points samtang 27 puntos ug 10 assists ang gipaarak ni Terry Rozier kinsa napilde og upat ka sunodsunod nga duwa.

Samtang giagak dayon ni Filipino American Jordan Clarkson ang league leading Utah Jazz atol sa unang duwa sa iyang pagbalik human siya wala nakaduwa sa niaging upat ka game gumikan sa knee injury.

Ang Jazz nipilde sa bagsik nga Indiana Pacers, 119-111 diin ang ilang star nga si Donovan Mitchell wala makahuman sa duwa gumikan sa pagkatapilok.

Si Clarkson kinsa maoy paborito nga makalabni sa 6th man of the year award nihipos og 18 puntos nga maoy iyang average.

Ang Jazz nipapas sa double digit nga labaw aron itabla ang score sa 89 ubos sa backtoback basket ni Clarkson.

Si Rudy Gobert niamot og 13 puntos ug 23 rebounds samtang 22 puntos ang nahimo ni Mitchell.

Nangulo sa pilderong Pacers mao si Domantas Sabonis kinsa nirehistro sa iyang 22 puntos ug 15 rebounds samtang 24 puntos ang giabag ni Caris Levert.

Sa laing mga duwa, gipukan sa New York Knicks ang Dallas Mavericks, 117-109, gipilde sa Portland Trail Blazers ang San Antonio Spurs 107-106, gisabyagan og tubig sa Minnesota Timberwolves ang Miami Heat, 119-111.

Gipalo-palo sa Denver Nuggets ang Houston Rockets, 128-99, gibalian og sungay sa Memphis Grizzlies ang Chicago Bulls, 126-115 ug gikawras s Toronto Raptors ang Orlando Magic, 113-102.

Gibaraw sa Philadelphia 76ers ang Los Angeles Clippers 106-103 ug nag-umido ang opensa sa Washington Wizards batok sa New Orleans Pelicans, 117-115. (PAC)

This posting includes an audio/video/photo media file: Download Now

Labing maanyag nga ballerina

Posted: 17 Apr 2021 06:37 AM PDT

Ang gikonsidera nga labing gwapa ug sexy nga ballet dancer sa tibuok kalibotan mao si Amanda Schull, kinsa usa sab ka artista.

Siya ang babaye nga bida sa Center Stage nga salida ug sa Pretty Little Liars, One Tree Hill ug Suits niadtong tuig 2000's.

Matod pa sa mga eksperto, ang mga maanyag ug labihan ka sexy nga dancers makadugang sa kaanindot sa panan-aw uban sa ilang abilidad sa pagsayaw. (PAC)

This posting includes an audio/video/photo media file: Download Now

6,800 ka citation tickets naisyu sa CCTO sa Abril 1-15

Posted: 17 Apr 2021 04:03 AM PDT

MAS daghan ang naisyuhan og traffic citation ticket sa unang 15 ka mga adlaw sa Abril kon itandi sa samang mga adlaw sa Marso 2021.

Gikan sa Abril 1-15, ang Cebu City Transportation Office (CCTO) nakaisyu og 6,849 ka mga TCT.

Mas taas kini kon itandi sa 6,317 ka TCT nga naisyu niadtong Marso.

Matod sa CCTO, sagad sa mga kalapasan naglangkob sa overloading, wa pagtuman sa no stopping sign anytime, parking sa sidewalk, disregarding traffic sign (DTS) kun wa pagtuman sa traffic sign, depektuso nga mga suga sa plaka, depektusong headlights ug uban pa.

Naka impound usab sila og 10 ka electric bikes, usa ka traysikad, siyam ka four-wheeled nga mga sakyanan, usa ka traysikol, usa ka PUJ, walo ka mga dumptruck ug duha ka gagmay nga trucks.

Moabot usab og 160 ka mga sakyanan ang ilang na-clamp sud sa 15 ka mga adlaw nga operasyon pagpatakag parking sa kadalanan sa Dakbayan sa Sugbo sa adlaw ug gabii.

Ang CCTO nipahimangno sa mga driver nga naisyuhan og TCT sa pagbayad gilayon sa mga multa aron di kini modakug maayo kon moabot sa korte.

Niadto lang Marso, mokabat sa 104 ka kaso ang na file sa ilang legal section batok sa mga driver nga wa mo-settle sa ilang obligasyon.

Niawhag usab sila sa mga driver sa pagtuman sa mga balaud sa trapiko aron makalikay sa dakop.

Ang CCTO kanunay nang nagpahigayon og operasyon uban sa Highway Patrol Group (HPG) ug Land Transportation Office (LTO). (REV)

This posting includes an audio/video/photo media file: Download Now

Daclan: Dharna si Christian Bables?

Posted: 17 Apr 2021 04:03 AM PDT

Dharna" syagit ni Christian Bables sa pelikulang "Big Night!". Samtang wa pa kalupad ang TV Series nga "Darna" ni Jane de Leon, unahon nato og tan-aw kon unsay drama ining Christian?

Sa mga nakakita na sa gipagawas nga trailer niini online, siguradong malingaw ka kang Dharna.

Mao kini ang papel ni Christian sa maong pelikula, kon na-impress ka niini sa iyang kausaban sa "Your Face Sounds Familiar" matag semana, dinhi sa "Big Night!" malingaw usab ka niya.

Balik bading ang papel ni Christian dinhi ug pwerte gihapon kining angayana.

Unsa ug asa kutob ang imong buhaton para lang malimpyo ang imong ngalan?

Dharna ang tawag nila dinhi kang Christian. Sa istorya, nahi-apil ang ngalan niini sa watchlist o sa mga tokhangonon.

Karon buhaton niya ang tanan para malimpyo ang iyang ngalan. Dinhi nagsugod ang mga riot nga eksena ug sa trailer pa lang makatawa ka na.

Mopakatawa usab kanato ang iyang mga kauban dinhi sama nilang Eugene Domingo, John Arcilla, Ricky Davao, Janice de Belen, Gina Alajar ug Gina Pareño.

Kauban usab silang Awra Briguela, Allan Paule, Nico Antonio, Martin del Rosario, Soliman Cruz, ug daghan pa.

Ang "Big Night!" hatod kanato sa Cignal Entertainment, The Idea First Company, Octobertrain Films, ug Quantum Films sa direksyon ni Jun Robles Lana, Ay'g Saba!

* * *

Congratulations kang Kaye Abad ug Paul Jake Castillo kay lalaki na usab ang ikaduha nilang baby.

Mao kini atong nakita sa post ni Kaye sa gibuhat nilang gender revelation ug sama sa una lalaki gihapon kini, kongrats Kaye ug Jake, Ay'g Saba!

* * *

Angelica Panganiban gitubag ang basher niini nga gitawag siya og laos, pero ngano gud tawn nga hangtod karon anaa pa man kini career ug aktibo pa gihapon sa limelight.

Matod pa ni Angelica nga mao daw kini ang gitawag og mga black troll nga binayran.

Kon ang aktress pay pasultion, karaan na ang style niini ug ilisi kini og bag-o, Ayg Saba!

* * *

Gikataw-an lang sa gwapang si Ellen Adarna ang fake news nga ninggawas nga lagi gipangwartahan lang siya ni Derek Ramsay.

Kon mao man gani kini, dili siya boang nga mosugot lang kon tinuod man gani ug dili sab niya type ang mahimong sugar mommy.

Kagwapa ra sab niya nga hukhokan lang og lalaki, pwerting katawa sa gwapa sa maong fake news. Suya lang sila kay gwapa siya! Korek, Ay'g Saba!

This posting includes an audio/video/photo media file: Download Now

Bodega sa bike parts sa Mandaue nasunog

Posted: 16 Apr 2021 10:17 PM PDT

NASUNOG ang usa ka storage sa mga bike parts ug bike accessories sa S.B. Cabahug St., Barangay Ibabao, Mandaue City alas 10:20 sa buntag sa Sabado, Abril 17, 2021.

Matod ni Chief Insp. Nelson Ababon, hepe sa Mandaue City Fire Station (MCFS), nga nadawat nila ang alarma alas 10:20 sa buntag sa pagkasunog sa storage sa bike parts sa ikaduhang andana sa Hangout building.

Matod ni FO1 Denzel Espares, sa Mandaue City Fire Station, nga nakadawat sila sa alarma gikan sa usa ka concerned citizen nga nagpuyo duol.

Sigon niini nga nakakita siya og aso gikan sa building hinungdan nga daling nialarma sa kabumberohan.

Matod ni Espares nga ang storage iya sa establisemento nga namaligya og mga bike parts ug bike accessories.

Naabot sa Hangout building ang kabumberohan alas 10:23 sa buntag.

Human maabot sa nasunog nga bodega, giisa dayon kini sa first alarm.

Human ang 15 minutos, nakontrolar na sa kabumberohan ang sunog.

Laing 13 minutos ang milabay, gideklarar na nga fire out.

Nikabat ngadto sa P25,000 ang danyos sa sunog, matod ni Espares.

Matod ni Espares nga nagpadayon pa gihapon ang ilang imbestigasyon sa hinungdan sa sunog.

Gani wala pa sab silay mahatag kon unsa ang hinungdan. (KFD)

This posting includes an audio/video/photo media file: Download Now

Cebu City mag speed limit na

Posted: 16 Apr 2021 06:38 AM PDT

ARON maminosan ang disgrasya ug wa nay kinabuhi nga makalas, ang Konseho sa Dakbayan sa Sugbo nipalabang sa ikatulo ug katapusang pagbasa sa ordinansa sa Abril, 15, 2021 nga magpatuman og mga speed limit sa mga sakyanan sa dakbayan.

Giuyonan sa City Council ang City Ordinance 2612 ni Majority Floor Leader Raymond Alvin Garcia nga magsilot sa mag-overspeeding.

Mapatuman kini kon mapirmahan na ni Mayor Edgardo Labella ug mamantala sa mga newspaper.

Si Garcia, sa iyang Facebook post, niingon nga nunot sa pagpatuman, ang Siyudad mamalit og mga speed gun ug speed camera nga gamiton aron pagsuta kon ang sakyanan nag overspeeding.

"Kahibalo ko nga daghan dayon ang moingon nga depende ra na'g masakpan. Actually, sayon ang dakop karon kay duna man tay paga paliton nga mga speed guns ug mga speed cameras which will be integrated sa atong bag-o lang gi upgrade nga traffic system. It will be watched closely sa atong mga kauban sa Cebu City Transportation Office," matod ni Garcia.

Matod ni Garcia nga iyang nahuna-hunaan ang speed limit tungod sa kadaghan sa mga aksidente sa kadalanan sa siyudad.

"I don't want to take the pleasure away from motorists who enjoy satisfying their need for speed. But, between January hangtod September 2019, ang Cebu City Transportation Office mi-respond sa 6,049 ka mga individual nga kaso sa bangga sa kadalanan. Ani nga numero, 15 ang patay ug 1,591 ang angol," pagpasabot ni Garcia.

Gitakdang speed

Base sa nalatid sa ordinansahon, ang mga motorsiklo ug sakyanan nga adunay upat ka mga ligid, makapadagan ang mga driver hangtod 80 kilometro matag takna sa national primary roads; 70 kph sa mga national secondary roads; 60 kph sa tertiary roads; 40 kph sa provincial road; ug 20 kph sa barangay road ug crowded streets.

Para sa mga trucks, bus, tricyles ug samang mga sakyanan, 50 kph sa tanang national road (primary-tertiary), 30kph sa provincial road ug 20 kph sa barangay roads.

Sa higayon nga moepekto na ang ordinansa, ang makalapas makabayad og P2,00 sa unang violation uban sa upat ka oras nga seminar sa road safety.

Sa second offense, P2,500 ang multa ug adunay upat ka oras nga road seminar ug tulo oras nga community service samtang P3,000 sa ikatulong higayon uban sa pagka-impound sa sakyanan ug pagka-priso sulod sa 30 ka adlaw depende sa hukom sa korte.

Nalipay

Ang CO 2612 gihangop ni Regional Director Victor Caindec sa Land Transportation Office (LTO) 7, kinsa nihulagway nga ang Cebu City maoy unang local government unit dinhi sa Visayas nga nakahimo sa maong ordinansa.

"Akong dakong pasalamat ngadto kang Konsehal Garcia sa iyang pagbandera sa maong ordinansa ug sa tibuok konseho sa Cebu City sa ilang pagbuhat sa logical ordinance. And I think Cebu City is the first to create such ordinance," padayag ni Caindec.

Matod pa sa pangulo sa LTO 7 nga suportado ang CO 2612 sa Department of Transportation, Department of the Interior and Local Goverment ug Department of Public Works and Highways ubos sa ilang joint memorandum circular 2018-001.

Sa iyang bahin, si Lyntoni Alburo, officer in-charge sa Cebu City Transportation Office (CCTO), nagkanayon nga andam silang mopatuman sa maong balaod.

"Kanunay ra gyud ming mosuporta ug mopatuman sa maong ordinansa uban sa mga equipment sama sa mga speed gun aron mahibaw-an ang mga ga-overspeeding," matod ni Alburo.

Matod ni Alburo, mahimong ma-apply ang speed gun ngadto sa mga lugar nga di daghan ang bul-og sa sakyanan sama sa South Road Properties, Transcentral Highway ug Serging Osmeña Avenue sanglit makabuylo pagpadagan ang mga motorista.

Exemptions

Apan adunay exemptions nga nalatid sa ordinansahon ni Garcia sama sa sakyanan nga nagkarga og doctor o health worker nga nagresponde og emergency call.

Wa sab malakip ang abulansiya o vehicle nga nagresponde og emergency gikan o paingon sa lugar nga nahitaboan, mga sakyanan nga nagdala og masakiton alang sa emerhensiya nga panginahanglan sa ospital o clinic.

Sakyanan sa Armed Forces of the Philippines nga gigamit sa official purpose sama sa pagtubag sa riot, insurrection o invasion ug ang sakyanan nga gigamit sa paggukod sa mga kriminal.

This posting includes an audio/video/photo media file: Download Now

Editoryal: Flyovers, underpass?

Posted: 16 Apr 2021 06:28 AM PDT

BASE sa kasinatian sa Dakbayan sa Sugbo ug ubang bahin sa Metro Manila, ang ang-ang (mubo lang) nga pagtu- kod og sa trapiko. Mohatag lang og gamay alibyo sa mubong fl yover ug underpass dili solusyon sa problema

panahon apan modugang sa problema sa umaabot. Mogawas nga usik lang sa dakong salapi nga nagasto sa proyekto.

Dunay daghang pagtuon bahin niini ug mga obserbasyon sa nag-unang proyekto sama sa fl yover sa Achbishop Reyes Ave. o nailang BanTal corridor ug uban bahin sa dakbayan. Ang trapiko sa dapit misamot.

Samtang, dili ba dunay higayon nga dili maagian ang tunnel sa Mambaling tungod sa pagkapuno sa tubig sa uwan? Daghang nagbagulbol nga motorista. Nabuhi kini nga isyu tungod sa Cedco engineers nipahigayon og konsultasyon sa mga apektadong residente ug establisemento isip kabahin sa ilang detailed engineering design (DED) sa ipatukod nga duha ka fl yover ug underpass sa dakbayan. Ang maong grupo sa enenyero maoy consultant sa Department of Public Works and Highways (DPHW) 7 kinsa giisyuhan og notice to proceed (NTP) niadtong Disyembre 14, 2020. Kinahanglan nga matapos human sa walo ka buwan para sa pagkumpleto sa ilang DED sa tulo ka proyekto balor og P105 milyones.

Mao gikaingon nga good luck, Cebu City.

Ang mass transit system o ang bus rapid transit nasuta nga mas epektibo uban sa pagkontrolar sa walay puas nga pagdaghan sa mga sakyanan. Dili ba kini man ang kasinatian sa ubang adunahan nasod? Ang panahon sa pandemiya sa Covid-9 naghatag unta og dakong opurtunidad sa hingpit nga pagpatuman sa mass transportation. Dili ba naanad na ang mga sumasakay sa dakbayan sa mga bus libot sa siyudad?

Ug sa budget nga gibutyag sa DPWH 7 alang sa duha fl yovers ug underpass, makita nang daan nga "kuting" lang, dili massive o walay pulos sa pagsulbad sa trapiko sa taas nga panahon. Pastilan, basin dunay nagpahipi nga tuyo. Tunog kay hapit na ang laing eleksiyon.

This posting includes an audio/video/photo media file: Download Now

Binghay: Palig-on sa relasyon

Posted: 16 Apr 2021 06:27 AM PDT

NANGLUPAD ang mga mabuak nga plato ug kobyertos nga murag flying saucers

dihang nagtrukis ang magtiayong Glenda ug Joe (tinuod ngalan gitago) tungod lang kay wa magkasinabot. Ang ending diriyot gi-ataki si Joe.

Ang akong lindog karong adlawa mga tambag para sa mga magti-ayon aron di mosila-ab ang away og malikayan ang panagbuwag sa dayon.

Kung ugaling masuko imong pares, ayaw kini sunguga, sugnuri o pa-undayuni. Honuon, palayo lang una aron di mapiskan o mosila-ab ang

gibati. Ayaw sab kini tubayi aron di mogara.

Ang yawe, self-control.

Disiplinaha ang kaugalingon pagtak-om sa baba ron di makabuhi og mga sakit nga pulong nga lisud na bakwion.

Dawata ang imong pares sa iyang pagkasiya o pagkatawo nga way kondisyon.

Kung dunay mga problema o kakulian, angay kining estoryahan aron makapagawas ang usag-usa sa tinu-oray nga gibati nga way pagpanghusga

aron magkasinabtanay. Hatagi og panahon ang usag-usa nga makapagawas sa iyang mga sentimento. Likayi ang pagsulti og mga hait nga pulong o balikas nga makasamad sa pagbati kay lisod na kini mabakwi.

Kung naa sa kasuko, di malikayan nga makabuhi og sakit nga mga pulong ug insulto nga wa tuyo-a maong ayaw kini dibdiba o lu-oma kay di man kini tinuod.

Ayaw balik-balika paghisgot ang mga nangaging mga isyu sama sa gubang plaka kay makasamot kini pagpadila-ab sa isyu. Ipalabay ug ilubong na

sa kalimot ang mga sakit nga kagahapon aron maka-irog.

Pasayloa imong kaugalingon ug ang mga nakalapas nimo aron mabuhian ang bugat nga gipangpas-an.

Kanunay haluga ug haluki imong pares ug mga anak kay gawas nga libre kini, makapa-init pa sa pagbati.

Tan-awa ang mga maanindot nga binuhatan sa imong pares unya ipadaplin ang mga hiwi. Ayaw kalimot paghatag og unlimited nga pagdayeg.

Hatagi og respito ug pagsalig ang imong pares unya himu-a siyang imong best friend.

Katapusan, abre nga kumunikasyon. Pangita-i og panahon nga makakukabildo. Undangi na ang pagbungol o cold war kay wa kini kapa-ingnan.

This posting includes an audio/video/photo media file: Download Now

Nadela: Lockdown sa Bo. Luz gihandum

Posted: 16 Apr 2021 06:26 AM PDT

SA IYANG post sa Facebook, usa ka mubo nga video presenta tion ang gipaambit ni -- Roy Genares labot sa iyang mga kasinatian sa Covid-19 sa

miaging tuig. Giulohan kini og "remembering the past." Sa presentation makita ang mga video ug hulagway sa mga pasyente sa sulod sa labing

una nga isolation center sa dakbayan ug lalawigan sa Sugbo sa pagsugod sa tinakdanay sa virus niadtong Abril 2020.

Si Genares usa sa dul-an sa 200 ka tawo ang gipahiluna sulod sa isolation center nga mao ang ilang Bo. Luz Elementary School. Kinsa man diay ni si Genares? Nganong tunog kaayo ang iyang pangalan atol sa lockdown sa sitio Zapatera?

Si Genares lumad nga taga Sitio Zapatera. Nagsugod sa pagtungha sa ilang dapit hangtod nga nahimong usa ka magtutudlo. Karon siya ang principal sa Sirao Integrated School.

Kong inyong mahinumduman sa hinapos nga bahin sa bulan sa Marso sa niaging tuig ang kahadlok ug kahingawa sa katawhan labot sa makamatay

nga virus dili malitok og mga pulong. Hangtod nibuto ang balita nga usa ka mouopyo sa Sitio Zapatera sa Barangay Luz nagpositibo sa Covid-19 human nga nihatod og minatay sa sayo nga bahin sa bulan sa Abril 2020.

Ang 69 anyos nga drayber og dyip pasaheroan giila nga labing unang taga Sugbo nga nataptan sa coronavirus. Sa Vicente Sotto Memorial Medical Center siya nagpaalim sa iyang Covid-19 tungod kay dili na siya makapanimaho apil na ang hilanat nga mga simtoma sa makamatay nga sakit.

Human niadto nagsugod ang tinakdanay sa sitio Zapateta mao nga gipatuman ang labing unang lockdown sa kasaysayan sa Covid-19 sa dakbayan ug lalawigan sa Sugbo.

Ug ang Bo. Luz Elementary gihimo nga labing una nga isolation center sa dakbayan ug lalawigan sa Sugbo.

Gawas sa drayber sa dyip nga nagpositibo sila si Genares, ang iyang pamilya ug mga silingan maisip nga labing una nga mga natakdan sa Covid1-9 dinhi sa ato. Sa sulod sa isolation center, nagkadaiyang problema ang nitumaw. Usa ka pasyente ang way kahadlok nga nipabuhagay sa mga

kakulian sa sulod. Sila mao si Genares. Mao nay rason nga siya tinamod kaayo sa iyang mga kaubang pasyente kay gawas nga siya nagpakabana

sa ilang kahimtang, nagmugna pa gyud siya og mga kalihukan nga haum kaayo sa panginahanglan sa mga nataptan sa Covid-19. Pananglit ang zumba nga iyang gipasiugdahan. Dili lang sa ilang isolation center kini nisikat, lakip na ang ubang isolation center nga gitukod dinhi sa ato ug ubang dapit sa basod. Ang debriefing nga iyang gihimo ngadto sa mga batan-on nga nagpositibo sa virus.

Pinaagi niini iyang napakalma ang ilang nagkaguliyang nga hunahuna ug labaw sa tanan ang dautang epekto sa pandemya sa ilang mental health. Aron nga di maburyong nagpahigayon siya og film showing ug ubang kalihukan aron malikay sila sa pagsige og hisgut sa Covid1-9. Dili sayon

ang mga kalihukan nga gipasiugdahan ni Genares nga nakapalipay og mayo dili lang sa iyang mga kaubang pasyente, apul na ang iyang pamilya sa Department of Education.

This posting includes an audio/video/photo media file: Download Now

Tambagi ko, Noy Kulas: Tigre diay

Posted: 16 Apr 2021 06:26 AM PDT

DEAR Noy Kulas,

Magpatambag ko nimo sa akong problema parte sa akong asawa.

Kadtong uyab pa mi kaniadto, grabe ni siya ka buotan.

Maorag di makabuak og baso.

Pero pagkaminyo na namo, mangtas man diay kaayo ni.

Nisamot ni human siya manganak sa ikatulo namong anak. Naay panahon nga

manglabay na siyag baso ug bisan unsa nako kon maglalis mi. Way koy dag-anan kay pirme lang siya ang sakto.

Karon lang bag-o, wa na siya magtingog kay wa ko motuman sa iyang mga sugo nako kay usahay kapoy na gikan sa work. Bahala na og di ko niya tinggan kay gikapoy na sab ko niya. Unsay akong buhaton aron mausab

ni siya? Naa pa kahay chance nga mausab ni siya?

Pilo

***

Pilo,

Naa bitaw pipila ka mga babaye nga sa uyab pa, haskang buotana. Lami kaayog batasan, paraygon pa. But pantalya ra diay kay unyag ma-asawa na,

grabe diay ka mangtas. But angay bang pasagdan mo siya for the sake sa inyong mga anak?

Ambot kon nagkaestorya na ba mog maayo parte niya?

Kana bang imo siyang pangutan-on why nausab siya?

Nganong kaniadto buotan siya while karon maora na siyag monster? Basin duna siyay mga pagmahay nga wa niya masulti ug ang iyang paagi

mao ang pag-inisog? Ask her unsa ang naka trigger ani?

Mas maayong inyong hisgutan kay basin dunay naka trigger.

Unhi og tagad bahalag isog siya. Di man gud maayo nang magbungolay kay kanang batasana di maayo kay mo-reflect pud unya na sa inyong mga anak kon sila moabot na unya sa kinabuhing minyo.

Kon unsa mo karon sila usab unya sa umaabot. Kana maoy timan-i ninyog maayo.

Noy Kulas

rojval69@yahoo.com ug kulassuper@sunstar.com.ph

This posting includes an audio/video/photo media file: Download Now

Albor: Edukasyon, panglawas ug ekonomiya

Posted: 16 Apr 2021 06:25 AM PDT

NASAKRIPISYO ang edukasyon ning paghugpa sa pandemya. Wala pa itugot ang face-to-face classes. Gipatuman ang distance/blended learning. Nalantawan ang pagminos sa kalidad sa edukasyon. Bisan paman sa nasinati nga suliran, dunay talagsaong inisyatiba pagtudlo panahon ning pandemiya.

Gumikan sa exemplary leadership sa edukasyon si Dr. Nancy Puentespina Berame gipasidunggan sa Outstanding Leadership Award sa World Education Leaders nga nagbasi sa New Delhi, India. Giindurso sa iyang ika-batch '92 sa Cebu State College (CSC) pinaagi sa ilang Kalihim Bernadeth Cal.

Dakog natampo sa maong award ang pagka presidente sa CSC Batch '92, kasinatian isip kanhi presidente sa Mactan Toastmasters Club, nangulo sa

Rotary Club of Mactan, kanhi presidente sa Lapu-lapu City Association of Private Schools ug ang iyang adbokasiya sa Living Values Education.

Gipasidunggan sab ang iyang iskuylahan Nancy Berame Childcare Center Inc.

isip Outstanding School for Providing Blended Learning sa Marso 7, 2021.

Ang krisis sa panglawas wala pasagdi sa gobyerno. Bakuna giuna bisan paman sa mga nagduhaduha gumikan niadtong kontrobersyal nga Dengvaxia sa Sanofi-France. Sinovac-China ug AstraZeneca-Britania mao pay gihatod dinhi sa nasod.

Uban donasyon, dunay kinompra. Ang Sinovac adunay 50.4% efficacy idapat sa 18-59 anyos.

Ang AstraZeneca adunay 90% efficacy nga idapat sa 60 anyos pataas. Mga tambal gilalisan pa.

Sa pandemya ang ekonomiya nalukapa. Daghang nawadan og trabaho. Nagping-it sa kalisod. Naghari ang panginahanglan. Si Gov. Gwen Garcia mibalansi sa panglawas ug ekonomiya. Gibuksan pagbalik ang turismo, gipalambo ang

agrikultura, gipatuman ang Sugbusog ug Sugbo Negosyo program, micro-business ug Enhanced Countryside Development sa tanang buot monegosyo sa food production.

Gipadayon ang paghatod sa mga proyektong inprastraktura lukop lalawigan sa Sugbo. Gihulagway nga maayo ang pagdumala ni Garcia pagsagang sa

Covid-19 gikan pa sa preventive measures pagprotihir sa 11B pesos hog industry batok African Swine Fever. (csa_1156@yahoo.com/09064648954)

This posting includes an audio/video/photo media file: Download Now

Garcia: Di mag mask di pasilutan, ipabadlong lang

Posted: 16 Apr 2021 06:16 AM PDT

MOLUWAT og memorandum si Cebu Governor Gwendolyn Garcia alang sa kadagkoan sa lalawigan sa Sugbo sa pagtangtang sa silot sa mga tawo nga wa mag sul-ob og mask sa pampublikong lugar.

Kini usa sa gipahinumdom ni Garcia sa bag-ong hepe sa kapulisan sa Probinsya sa Sugbo, Police Colonel Engelbert Soriano. Si Soriano mao na ang nangulo sa Cebu Police Provincial Office (CPPO) sugod sa Abril 14, 2021.

"Police personnel under your jurisdiction manhandling or mistreating any perosn caught not wearing a mask. They can be reminded to wear a mask, admonished to wear a mask but never should they be mistreated," matod ni Garcia pinaagi sa opisyal nga news outlet sa Lalawigan, Sugbo News.

"I am going to send a memorandum to all mayors. We will take away any monetary consideration as penalty for not wearing mask. It's bad, it's hard for our people now to eke out a living, pabayaron pa na nimo. We are kinder to criminals than violators of this mask wearing thing. Let's deal with real criminals, not some illogical imposition," matod sa gobernador.

Giuyonan kini ni Soriano atol sa iyang pag courtesy call sa opisina sa gobernador.

Nimando ang gobernador niini tungod sa nahitabo sa kaulohan diin usa ka lalake namatay human siluti og pumping exercise dihang nadakpan nga nilapas sa curfew.

"Yes na feel ko yung concern nya doon sa yung pag-maltreat or pag-mishandle ng mga taong violating health protocols. I believe this is an offshoot of what happened somewhere in Luzon nung namatayan ng victim. So, I assure our good governor that this will not happen in Cebu," matod ni Soriano.

Matod ni Garcia nga ang mahimo lang buhaton mao ang pagbadlong o pagsita sa mga malapason.

Kini sama sa bikers diin nauso na ang biking sa lalawigan sa Sugbo nga naghatag og panginabuhian sa mga gagmayng kan-anan ug tindahan nga anam-anam nga nisulbong tungod sa nasinating krisis gumikan sa pandemya.

Si Soriano ang kanhi provincial police director sa lalawigan sa Siquijor sa kapin unom ka buwan ug acting director sa Cebu City Police Office sulod sa tulo ka buwan.

Gipasidan-an usab si Soriano nga way luna ang mga pulis nga badlungon sa probinsya sa Sugbo.

Nanghinaot si Garcia nga 100 porsyento mosuporta si Soriano sa tanang mga programa sa Probinsya sa Sugbo labi na sa pagpabangon sa ekonomiya ug turismo. (ANV)

This posting includes an audio/video/photo media file: Download Now

Atake sa kasingkasing namatyan ni Addy Sitoy

Posted: 16 Apr 2021 06:15 AM PDT

NIPAILAWOM og dinaliang angioplasty mga upat ka adlaw ang nakalabay si Secretary Adelino "Addy" Sitoy sa Cebu Doctor's University Hospital sa Dakbayan sa Sugbo human makaplagi nga 99 porsyento sa wala nga bahin sa iyang kasingkasing barado na.

Maayo na unta ang gipamati sa opisyal pipila ka mga adlaw human sa operasyon nga gihulagway nga malampuson, apan samtang nakigsulti siya sa iyang cardiologist sulod sa recovery room mga alas 5 sa hapon sa

Huwebes, kalit kining giatake sa kasingkasing ug wa na matabang pa sulod sa tambalanan.

Mao kini ang giasoy ni Lapu-Lapu City Vice Mayor Celedonio "Celsi" Sitoy, igsuon ni Addy, sa interbyu sa Superbalita Cebu sa Biyernes, Abril 16, 2021.

"Sakit gyud kaayo kay kalit ra, wa damha," matod ni Bise Mayor Sitoy.

Kagabii, Abril 16, gibutyag sa bise mayor sa Superbalita Cebu nga positibo sa kagaw sa Covid ang lawas sa kalihim nga gipailawom sa test.

"Three days ago (gi-angioplasty). Unya okay na ang tanan kay magkaestorya na man mi twice a day," asoy sa bise mayor mao nga nakalitan kaayo sila sa kalit nga kamatayon sa kalihim.

Iya usab nga gibutyag nga sa uwahing bahin sa Marso, nagpositibo sa Sars-CoV-2, kagaw nga nagdala sa coronavirus disease 2019 (Covid-19) ang iyang maguwang, apan naulian ug nakagawas ra sa Cebu Doctors University Hospital human sa 14 ka adlaw.

Niasoy ang bise mayor nga sa uwahing bahin niadtong Marso, samtang didto sa Manila si Addy kuyog sa iyang ka mga staff, ang usa niini nagpositibo sa kagaw sa Covid-19.

Busa sa ilang pag-uli, nagpa-swab test sila ug ang kalihim mao ray nagpositibo sa Covid-19.

Ilang nahukman nga i-admit si Addy sa CDHU aron maatiman pag-ayo.

Human sa 14 ka adlaw, gipailawom siya sa swab test ug nigawas nga negatibo busa niuli kini sa ilang balay sa Cordova.

Paglabay sa pipila ka adlaw, nagmulo kini sa kasakit sa dughan, busa nagpahiling sa doktor ug didto nahibaw-an nga barado na ang wala nga bahin iyang sa kasingkasing.

Gidali dayon ang pag-perform sa angioplasty.

Modagan unta

Gitug-an sa bise mayor nga ang iyang maguwang nagplano unta sa pagdagan sa pagka kongresista sa lone district sa Dakbayan sa Lapu-Lapu.

Plano sa kalihim nga kon siya modaug, iyang paninguhaon nga mamahimong lahi nga lalawigan ang isla sa Mactan nga gilangkuban sa Dakbayan sa Lapu-Lapu ug lungsod sa Cordova nga dugay na niyang giplano. (REV, GCM)

This posting includes an audio/video/photo media file: Download Now

Nganong Sto. Niño wa giapil sa NCT

Posted: 16 Apr 2021 06:14 AM PDT

GITUMBOK sa Augustinian community sa Basilica Minore del Sto. Niño (BMSN) de Cebu ang custodianship ug religious value isip nagunang rason nga wala sila motugot nga ang imahen ni Sto. Niño de Cebu dili ideklarar nga National Cultural Treasure (NCT) sa National Museum of the Philippines (NMP) karong tuiga.

Sa online media conference sa hapon sa Biyernes, Abril 16, 2021, si Fr. Ric Anthony Reyes, official spokesperson sa BMSN, niasoy sa Cebu reporters nga atol sa pagdapit kaniya sa NMP, namalandong sila sa wala pa magtuki kon duna bay panginahanglana sa pagdeklarar sa imahen isip NCT.

"First and foremost, the Augustinians would like to make them understand that the image is more than just a cultural treasure because it is a religious con," matod Reyes.

"We would like to make a kind of a statement that the Augustinians would have that responsibility (custodianship). Ganahan kami nga among responsibilidad gyod na siya nga kami gyod ang custodian sa religious icon," dason niya.

Niadtong Abril 14, 2021, subay sa selebrasyon sa 500 Years of Christianity in the Philippines, ang NMP nihatag og collecti e declaration sa Basilica Minore's Church ug convent ug ang Pavilion sa Magellan's Cross isip NCTs.

Matod ni Reyes, sila gipahibalo sa ubang miyembro sa ilang congregation sa nasod nga kini makaapektar sa ilang communal heritage isip Augustinians.

"Kani lang muna. Maybe lang siguro later kung naa may later na recognitions," dugang ni Reyes.

Si Audrey Dawn Tomada sa NMP, kinsa nitambong, niila ug nitahod sa baroganan sa Augustinian friars.

"When we declare, the state is there to help property owner to protect, conserve, and preserve your cultural property with our expertise and our assistance and of course, if worse comes to worse like what happened in 2013 following the 7.2 magnitude earthquake didto man gud nato nakita nga immediate," matod ni Tomada. (WBS)

This posting includes an audio/video/photo media file: Download Now

Presyo sa kerning baboy mius-os

Posted: 16 Apr 2021 06:13 AM PDT

NIUBOS ang presyo sa karneng baboy sa Mandaue City Public Market samtang ang presyo sa manok nagpabilin.

Matod ni Edward Seno, ang supervisor sa Mandaue City Public Market nga kumpara sa presyo niadtong Enero ug Pebrero nga niabot og P300 ang kilo, karong buwana anaa nalang kini sa P270 ang kilo ug P280 ang kilo labi na sa tiyan nga parte.

Sigon niya nga nius-os ang presyo sa baboy tungod misaka na og balik ang supply sa baboy.

Niadtong liwas sa Pasko, nisaka ang presyo tungod naglisod sila sa supply ug magpadala pa ang ilang mga supplier ngadto sa kaulohan ug sa ubang parte sa Central Visayas.

Usa sa hinungdan sab niini ang pagkaylap sa African Swine Fever (ASF) sa aing lugar sa Pilipinas hinungdan nga ang suplay sa Sugbo mabahin sa

laing lugar nga naapektuhan sa maong sakit sa baboy.

Sigon ni Seno nga aduna pay mga tindera nga magpahangyo sa ilang mga suki nga kustomer diin presyohan lang nila og P250 ngadto sa P260.

Apan sa pakighinabi sa Superbalita Cebu sa usa ka manindahay og baboy sa Mandaue City Public Market, miingon siya nga wala ra nagminus ang ilang presyo ug wala sab misaka tungod P280 gyud ang ilang presyo sukad pa niadtong Enero.

Matod niya nga pahangyo hangyoon lang nila ang mga kustomer labi na kung mingaw aron lang gyud sila mahalinan.

Ibaligya na lang nila og P260 ngadto sa P270 ang kilo apan sa tiyan nga parte P280 lang ang ilang baligya.

Gani niadtong wala pa ang pandemya makahurot sila og upat ngadto sa lima ka ihaw sa baboy apan karong pandemya duha ngadto sa tulo nalang ilang maihaw matag adlaw ug maglisod pa sila sa paghurot niini. (KFD)

This posting includes an audio/video/photo media file: Download Now

‘Phone maniac’ di mabuhi’g way LG cellphones

Posted: 16 Apr 2021 06:11 AM PDT

GIHULAGWAY niining usa ka Koreano iyang kaugalingon isip "LG phone maniac" tungod kay bisan wagtangon na sa LG ang paghimo nila og smartphones, wa gihapon siyay plano nga isalikway iyang koleksyon.

Si Ryu Hyun-soo, 53, adunay halos 90 ka mga LG smarthpones nga nakolekta sud sa 23 ka tuig.

Nagsugod siyag gamit og LG phones tungod nakauyon siya sa disenyo ug creative functions niini, ganahan sab siya sa kalidad sa tingog sa maong

cellphone brand.

"I went all in on the LG phones due to the audio," matod niya.

Apan ning buwana, nipahibalo ang LG Electronics Inc. nga di na sila mohimo og smartphones sugod Hulyo 2021 nunot sa paghinay sa halin niini.

Sa balay ni Ryu sa Anyang, Seoul, aduna siyay kwarto nga iyang gigahin alang sa iyang pag-ayo sa iyang mga smartphones.

Ang LG kinsa naghimo'g mga cellphones kapin sa 20 ka tuig, nauwahi sa mga

kakompetensiya niini sama sa Apple Inc. (iPhones) ug Samsung Electronics Co Ltd.

Gibanabana nga moabot sa 4.5 milyones dolyares ang lugi sa maong kompaniya sa katapusang bahin sa 2020 sa halos unom ka tuig.

"I think they were rushing to catch up (with Samsung), sacri cing the quality ... (and) to cover up the issue, the company was focusing too much on the design and other functions," ni Ryu.

Kampante siya nga magamit niya iyang mga LG cellphones "hangtod sa

hangtod" sanglit mapalit man niya ang mga piyesa online.

"A Samsung phone is like a smart friend and an Apple phone is like a girlfriend to me. Then a LG phone is like a friend whom I've shared the ups and downs of life together with. It is sad to see the friend leaving. It is very sad," ni Ryu kinsa wa katuo sa desisyon sa LG.

This posting includes an audio/video/photo media file: Download Now

Basil: Vlogger mipatukod og balay alang ni Lola Damiana

Posted: 16 Apr 2021 06:07 AM PDT

MANILA -- Dalaygon ang gihimo sa amahan ug anak nga vlogger nga taga-Bicol, nga sila si Val Santos Matubang ug anak niini nga si Kalingap Rab.

Sa dihang ilang natagbo ang usa ka lola nga nagpuyo sa bukid kansang balay gipuy-an nagkagidlay.

Wala sila magduha-duha sa pagtabang kang Lola Damiana nga nabuhi lang sa pagpakilimos.

Giingong adunay higayon nga si Lola Damiana nga mag-maoy pero kapag kinakausap naman siya sa mag-ama ilabi na kung magustohan niya ang mga gipang hatag sa iyang mga pagkaon ug mga sanina mama-ayo ang iyang buot.

Kahibawo sab nga mopasalamat si Lola. Gusto sa mag-amanahan nga mapatarong ang balay ni Lola Damiana busa ilang gisugdan ang pag-ayo.

Adunay higayon nga magyawyaw si Lola Damiana kay lagi mali ang pagkagawa ilabi na sa dihang nagpintalan na nagreklamo sa kabaho.

Viral

Grabe ang views sa mga videos ni Lola Damiana kay nag-viral siya mao nga bisan ang ubang gagmayng vlogger motungas na sa balay ni Lola Damiana para hatagan og makaon ug sanina og aron ma-interview sad.

Gitutokan sa mga netizen ang transformation sa balay ni Lola Damiana nga from tagpi-tapi karon maingon na jud nga usa ka desenteng bay, bato, kwarto, may gamayng sala with matching sofa, may kusina, may cr ug

adunay dakong veranda.

Tanang kagustuhan ni Lola Damiana gisunod sa mga panday ni Kuya Val.

Gusto ni Lola Damiana nga red and white, so red and white ang kolor sa pintal nga gigamit nga in fairness, nindot tan-awon.

Kagahapon, gisubhan na ang balay ni Lola Damiana.

Inauguration

Parang fiesta daghan kaayong tawo nga gustong mosaksi sa inauguration ug ribbon cutting sa bag-ong balay ni Lola Damiana.

Nindot sad ang sanina nga gisul-ob ni Lola Damiana kaya ang tawag kaniya karon, Doña Damiana na.

Sa tan-aw ko, dili lung-an ni Kuya Val og Rab si Lola Damiana.

Bisan og may nindot na kinig balay karon kanunay pa jud nila kining pagabisitahon para mohatag sa panginahanglanon sa tiguwang kay dili na sila gusting magpakilimos pa kini.

Si Kuya Val Santos usa ka Bisaya pero naminyo og taga-Bicol so didto na siya nagpuyo.

Himoan og salida?

Super gwapo ang anak niyang si Rab puwedeng artista og nagmana siya sa iyang amahan pagdating sa pagtabang sa mga kabos natong kababayan.

Before nahimamat ni Kuya Val si Lola Damiana, daghan na siyang natabangan, mostly mga tiguwang nga nag-inusara na intawon og nag-antos sa tumang kakabos.

May mga nagsasabi nga kung himoog pelikula ang buhay ni Lola Damiana, kinsa ang gusto ninyong modala sa papel?

Ako, si Angie Ferro, effortless. Hahaha. Babushka!

This posting includes an audio/video/photo media file: Download Now

at

No comments:

Post a Comment

Subscribe to: Post Comments (Atom)

End of Summer Sale ☀️😎

20% OFF Inside!🤯 ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏...

  • Last Chance - Win over $1,800 in BLEUSALT
    Elevate your Wardrobe. Offer ends Midnight. ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏ ...
  • End of Summer Sale ☀️😎
    20% OFF Inside!🤯 ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏...
  • e-techbytes
    e-techbytes Recent Questions - Server Fault OSCHINA 社区最新专区文章 OSCHINA 社区最新专区文章 OSCHINA 社区最新专区...