https://www.sunstar.com.ph/ |
- Gipatay atubangan sa kapuyo
- Hardware ugdaw sa sunog
- Babayeng pusher nadakpan
- Genoguin: Ang teritoryo sa Pilipinas
| Posted: 18 Apr 2021 04:19 AM PDT DAVAO DE ORO - Gituohan sa kapulisan nga personal nga bikil ang motibo sa pagpusil patay sa 22-anyos nga babaye atubangan sa iyang kapuyo sulod sa ilang balay didto sa Purok 1, Barangay Bukal, Nabunturan alas 8:30 sa gabii, Sabado, Abril 17, 2021. Ang biktima giila nga mao si Marevil Dacullo Gumanit, 22, molupyo sa nahisgutang dapit. Base sa inisyal nga imbestigasyon, gibutyag sa kapuyo nga si Aljun Lendio Lastimoso, 28, minero, nga padulong na unta sila mangatulog niadtong higayona. Apan kalit lang nisulod ang suspek nga si Flesisimo Roble, hamtong ang pangedaron, minero sab ug taga Purok 5, Bukal sa nahisgutang lungsod, uban sa wa mailhing kauban. Kalit matud pang mihulbot sa iyang armas ang suspek ug dayong pusil sa biktima tumong sa ulo. Matud pa nga human gipusil ang biktima, ang kapuyo na sab nga si Aljun ang gitionan ug gipusil apan mikagar ang armas sa suspek ug dayong nanagan palayo sa wala masayring direksiyon. Sa pakighinabi sa Superbalita kang Police Staff Sergeant Gerald Omerez, imbestigador sa Nabunturan Municipal Police Station, gisulti niini nga sa gihimo nilang hot pursuit operation ilang giadtuan ang balay sa suspek apan wala na kini sa ilang balay. Patay'ng lawas sa biktima gipahiluna sa Montoya Funeral Homes nga nahimutang sa Purok 16, Barangay Poblacion, Nabunturan.  This posting includes an audio/video/photo media file: Download Now |
| Posted: 18 Apr 2021 04:18 AM PDT WALA na kakanit ang kalayo sa nasunog nga hardware Dominggo sa udto, Abril 17, 2021, sa Monteverde Street, Barangay 27-C Poblacion, Davao City. Naukay ang mga namuyo nga mga Chinese national sa mga gambalay sa dapit dihang mibaga ang aso nga migawas sa usa ka hardware. Hinuon wala na nakakanit pa ang kalayo ug napalong dayon sa Davao Volunteer Fire Brigade nga anaa lang ang buhatan sa duol sa hardware. Sumala sa Bureau of Fire Protection (BFP) Davao City Fire District nga ginasubay pa nila ang hinungdan sa kalayo, apan di layo niini ang pasiunang imbestigasyon nga electrical faulty wiring. Wala pa sab gikabutyag ang damyos sa maong sunog. (Jeepy P. Compio)  This posting includes an audio/video/photo media file: Download Now |
| Posted: 18 Apr 2021 03:32 AM PDT USA ka alyas "Mammy" ang nasikop sa kapulisan sa Buhangin Davao City human kini napalitan og gituohang shabu sa nagtakuban nga pulis. Ang suspek, 27-anyos, online seller ug nagpuyo sa Barangay Santo Niño, Tugbok District, Davao City kinsa nadakpan alas 7 sa gabii niadtong Biyernes, Abril 16, 2021, didto sa Immaculate Conception Church, Mintal ning siyudad. Sumala ni Police Major Bernie Suaga sa Drug Enforcement Unit sa Police Station 5, Buhangin nga ilang kauban ang elemento sa Davao City Maritime Police Station sa maong operasyon. Unom ka mga pakite sa gituohang shabu nga dunay street value nga P45 mil ang nakuha sa posisyon sa dinakpan. Kasong pagsupak sa Republic Act 9165 kun Comprehensive Dangerous Drugs Act of 2002 ang ipasaka nga kaso batok sa suspek didto sa korte. (Jeepy P. Compio)  This posting includes an audio/video/photo media file: Download Now |
| Genoguin: Ang teritoryo sa Pilipinas Posted: 18 Apr 2021 03:32 AM PDT Nawala ang isyu sa politika ug pandemya sukad mipuwesto ang 200 ka mga bapor sa China sa Occidental nga bahin sa atong nasud kun West Philippine Sea, pipila lang ka semana human sila manghatag og libreng Sinovac nga bakuna para sa coronavirus disease 2019 (Covid-19). Pebrero 28, 2021, ilang gihatud sa atong nasud ang 600,000 ka doses nga bakuna, nga mapasigarbuhon nga gitagbo sa atong presidente, Rodrigo Roa Duterte. Apan usa ka semana ang milabay, Marso 8, 2021, namatikdan gilayon sa atong Philippine Coast Guard nga gipuwestohan dayon nila ang atong Exclusive Economic Zone (EEZ). Unang pangatarungan sa mga tinugyanan sa mga Chinese vessels nga kuno mitago lang sila sa maong dapit tungod sa daut nga panahon. Apan human miiway ang daut nga tiyempo, nagpabilin gihapon sila sa maong lugar ug wa na magpagawas og mga katarungan. Human gisulayan ug pagpalayas sa Department of National Defense (DND), misibat ang pipila, pero nagpabilin pa gihapon sila sulod sa atong EEZ. Karon nagpunay og putak-putak ang mga oposisyon ngano daw nga wala magpakabana ang atong presidente ug kanunay gisalig kang Delfin Lorenzana sa Department of National Defense (DND), ug kang Teodoro Locsin sa Department of Foreign Affairs (DFA). Nakalimot ning mga tawhana nga ang mga miyembro sa gabinete, sila ang alter ego sa presidente? Ug karon mitubag na si Presidente Duterte nga dili siya gusto'g gubat. Sulbaron kini pinaagi sa "bilateral talk", istoryahan sa duha ka leader. Apan ug gusto gyud og giyera ang America, sila maoy unang magpabuto, og giyera man gyud ang ilang gusto. Kon puwede dili angay paminawon ang mga yelowhan kay kining mga tawhana, walay gibuhat sa ilang panahon, gipasagdan nila ang China nga magmugna og lain pang artificial island pinaagi sa pagguba sa mga kabungturan sa Zambales ginamit ang yuta sa mga isla karon sa gikabangian nga West Phlippine Sea. Mas maayong hulaton nato og unsay resulta unya, kon mag-atubang na kining duha ka ka presidente dili usa kini i- publiko ug mas maayong dili nato pangunahan. Kon ang mga plano sa milabay nga panahon nga tugtan ang China nga maoy mag-extract sa mga minerales nga anaa sa atong EEZ sama sa mga gas, lana ug uban pa, ug modawat sila sa 40 porsiyento, ug 60 porsiyento ang ato, nganong dili man ta mosugot? Basta dili lang magkagubat? Sayon kaayong litukon ang giyera pero kon mahitabo na, ambot og unsay mahitabo sa atong nasud. Ang teritoryo sa Pilipinas adunahan sa mga rekursos naturales sa kayutaan man ug kadagatan, mao nga gikaibgan kini sa mga higanteng mga nasud sa kalibutan. Ug kay wala man tay igong katakus sa pagpakigharong sa kanila, mas maayong ipaagi na lang sa maayong pagsabot-sabot kay sa makiggubat. Kon mao ni ang tumong sa atong presidente, ato na lang siyang suportahan.  This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment