https://www.sunstar.com.ph/ |
- Mosupak sa ordinansa mapriso
- Inom nag-unang hinungdan ron sa Covid
- Tulis o kidnap for ransom; imbestigasyon miungot
- 84,000 na nabakunahan sa Cebu City
- San Fernando mohatag og discount sa magpabakuna
- 2 ka amahan nalumos atol sa kasaulogan sa Father’s Day
- Konsehal sa lungsod nasikop sa buy-bust
| Posted: 21 Jun 2021 08:38 AM PDT Mga opisyal ug personnel sa kagamhanan nga mosupak sa ordinansa sa Lalawigan sa Sugbo sa swab-upon-arrival ug quarantine alang sa mga overseas Filipino workers (OFW) ug returning overseas Filipinos (ROF) mahimong ikiha og kasong kriminal ug administratiba. Niini, mahimo silang mapriso kon mopasaka og reklamo ang hingtungdang mga OFW ug ROF nga di mosunod sa mga lagda nga nalatid sa Cebu Provincial Ordinance No. 2021-05 base sa giluwatang Executive Order (EO) 23 ni Gobernador Gwendolyn Garcia nga giluwatan sa Lunes, Hunyo 21, 2021. Subay sa maong kamandoan, gipahinumdoman ug gibauran ang mga sakop sa Department of Health (DOH-7), Bureau of Quarantine (BOQ), Department of Tourism (DOT-7), Philippine National Police (PNP), Mactan Cebu International Airport (MCIA) ug uban pa nga concerned agencies lakip na ang Hotels, Resort and Restaurant Association of Cebu (HRRAC) nga magpabilin ug motuman sa ordinansa alang sa pagpauli sa mga Sugboanon sa lalawigan. Ubos sa ordinansa, ang mga OFW ug ROF ipaubos gilayon sa swab test sa pag-abot ug i-quarantine lang sa duha ngadto sa tulo ka adlaw samtang magpaabot sa resulta sa swab. "I called all of them to remind them that this is still a government of laws and not of men and as such in Cebu there is an existing ordinance which clearly spells out the swab on arrival protocol and if found negative within two or three days, may go home to continue their quarantine at home," pagpasabot ni Garcia. Kon mosaylo ang gidugayon sa pag-quarantine sa mga OFW ug ROF, mag-atubang kini og mga sumbong. "Holding them beyond the two or tree day period when there is an existing law in the province of Cebu could expose them to possible charges of kidnapping and serious illegal detention as well as resistance and disobedience to a person in authority or agents of such person," pagpasabot ni Garcia. Sukwahi kini sa mga lagda sa Inter-Agency Task Force (IATF) for the Management of Emerging Infectious Diseases nga nagmando sa pagpailawom sa mga OFW ug ROF swab test sa ikapito pa ka adlaw. I-quarantine una sila og pito ka mga adlaw sa mga hotel una pa ang swab test. Kon negative, ilang humanon ang quarantine sa balay sud tulo ka adlaw aron matuman ang 10 ka mga adlaw. Tungod sa kasungian, gipatipas ang mga international flight nga manugpa sa MCIA sugod niadtong katapusang semana sa Mayo hangtod sa Hunyo 12, 2021. Niini, gikompirmar ni Garcia nga wala mopaubos sa swab test ang tanan nga mga OFW ug ROF nga niabot sa Sugbo sa Dominggo, Hunyo 20, 2021. Nagtuo siya nga magpabilin una ang epekto sa ordinansa sa Lalawigan samtang wa pa makatambong ang mga sakop sa NIATF sa session sa Provincial Board aron sila mapasabot. "...the IATF passed Resolution 122 last Friday, insisting again that the IATF protocols be implemented here in Cebu. We had thought that in the interim from the extension of my invitation to the arrival of our technical experts here in Cebu and their eventual presentation to the Provincial Board, it would have maintained a status quo but contrary to my expectations done in good faith, there were certain members of the IATF that ordered the police, that ordered the DOT as well as the DOH and other agencies to fully implement the IATF guidelines," matod ni Garcia sa Hunyo 21.  This posting includes an audio/video/photo media file: Download Now |
| Inom nag-unang hinungdan ron sa Covid Posted: 21 Jun 2021 08:33 AM PDT Paglibkas sa liquor ban ug paglapas sa mga health protocol sa mga resto bar usa sa gibasol sa paghinayhinay og saka sa mga coronavirus disease (Covid-19) sa Dakbayan sa Sugbo. Matod ni Visayas IATF Chief Implementer Melquiades Feliciano nga sukad sa paglibkas sa liquor ban, nisaka og hinayhinay ang mga kaso sa Covid-19 sa dakbayan. Matod niya nga mas lisod bantayan ang mga establisemento, labaw na sa contact tracing kay lainlaing tawo ang mosulod sa mga establisemento. Giluwatan kini ni Feliciano atol sa pakighinabi niya tali sa SunStar editors sa Lunes sa hapon, Hunyo 21, 2021 nga gipasiugdahan sa Project Balik Buhay nga gipangulohan Edmun Liu sa Oakridge. Gibalik og patuman ni Mayor Edgardo Labella ang liquor ban niadtong Pebrero 3, 2021 human paspas nga nisaka ang mga kaso sa coronavirus disease 2019 (Covid-19) sugod sa tunga-tunga sa Enero 2021. Iya na usab kining gilibkas niadtong Mayo 6 human nagsugod og minos ang mga kaso sa Covid-19 ug nihangyo ang mga negusyante nga libkason ang liquor ban kay apektado na kaayo ang negusyo Matod ni Feliciano nga pipila ka mga semana human gilibkas ang liquor ban, hinayhinay usab nga nisaka ang mga kaso sa Covid-19. Iyang gibutyag nga wa siya masayod sa paglibkas sa ban, apan nakasabot siya nga alang kini sa kaayuhan sa mga negusyante, labina sa mga nanag-iya og restobar. (REV)  This posting includes an audio/video/photo media file: Download Now |
| Tulis o kidnap for ransom; imbestigasyon miungot Posted: 21 Jun 2021 07:44 AM PDT Imbestigasyon sa kamatayon sa magtiayong taga lungsod sa Minglanilla nga nakaplagan sa awaaw nga dapit sa Lungsod San Fernando niadtong Biyernes sa gabii, Hunyo 18, 2021, niungot. Apan ilang gitan-aw ang anggulo sa tulis, kidnap for ransom ug illegal drugs isip mga motibo sa pagdagit ug pagpatay kanila ni Gavino ug Arlene Sanchez, magtutudlo sa Tobod Elementary School, Tobod, Minglanilla. Matod ni Police Engelbert Soriano, hepe sa Cebu Police Provincial Office (CPPO) nga ilang gitan-aw og una ang duha ka mga anggulo tungod sa ilang nasayran nga aduhan ang magtiayon. Si Soriano niiingon nga tulis kay dunay dakong kwarta nga nahanaw gikan sa magtiayon. Mahimo usab nga kidnap for ransom kay gidagit sila si Gavino ug Arlene niadtong Miyerkules sa hapon, Hunyo 16, 2021. Ang illegal drugs wa nila usab gisalikway. "Based on initial information o may nakuha kaming information na big amount of money daw was taken from the couple. Pangalawa, there was, according to them, abduction daw. So, tinitingnan namin tong mga, mayron, ding mga info na baka drug related. So, these three issues I cannot confirm for now. Isa lang po ang ano namin dito is we have really to go into the circumstances of this case. Kasi ayaw naman natin na mag create ito ng na maging yun uneasy yung mga Cebuanos at mag worry sila sa kanilang security and safety sa probinsya," dugang ni Soriano. Si Soriano niingon nga ilang nasayran sa imbestigasyon nga ang magtiayon nahanaw human niuli og makadiyot si Gavino sa mga alas 10 sa gabii sa Hunyo 16 human dagita sa armadong mga tawo mga alas sa hapon sa mao nga adlaw. Nasayran sa Superbalita Cebu gikan kang Police Major Eduard Sanchez, manghod ni Gavino, nga ang armadong mga tawo nga ningdagit sa iyang igsuon ug asawa nagsakay og puti nga Nissan Navarra pick-up truck. Unang gidagit si Gavino nga nagsakay sa ilang itom nga Mitsubishi Strada pick-up ug gihapit sa tunghaan si Arlene kay maoy tingggawas niini. Nianang gabii, matod ni Major Sanchez, nihapit ang iyang igsuon sa balay aron pagkuha sa P5 milllion nga cash sa vault, mga sensilyo ug alahas nga gibana-banang di usab moubos sa P10 million. (AYB)  This posting includes an audio/video/photo media file: Download Now |
| 84,000 na nabakunahan sa Cebu City Posted: 21 Jun 2021 07:15 AM PDT KAPIN na sa 80,000 ka mga indibiduwal sa Dakbayan Sugbo ang nabakunahan batok sa coronavirus disease 2019 (Covid-19) gikan niadtong Marso 24 hangtod sa Hunyo 21,2021. Base sa record sa Vaccination Operation Center (VOC), nikabat na og 84,416 ka mga tawo ang nahatagan og vaccine gikan sa unom ka vaccination sites sa Cebu City. Si Dr. Jeffrey Ibones, pangulo sa City Health Department (CFD), nagkanayon nga madugangan pa ang maong gidaghanon sanglit nagpadayon pa ang vaccination rollout gamit ang Pfizer vaccine. Ang naasoy nga vaccination sites naglangkob sa Robinsons Galleria, SM Seaside Cebu, University of Cebu (UC) Senor High sa J. Alcantara St. sa Sambag 1, SHS Campus, University of Cebu (UC) Banilad Campus ug NOAH Complex sa South Road Properties (SRP). Matod ni Ibones nga libuan na ka mga tawo ang nagparehistro kinsa gustong magpabakuna apan limitado pa ang bakuna nga anaa sa ilang kustodiya. Dugang sa pangulo sa CHD nga kon mahurot na ang 10,000 doses sa Pfizer ug kon walay laing bakuna nga maabot, temporaryo na usab nilang hunongon ang pagpamakuna hangtod nga maabot ang laing supply sa vaccines. Ang mga gustong magparehistro, mobisita lang sa PabakunaTa.com ug i-fill-up ang mga bakanteng porsiyon para makuha ang mga detalye. (PAC)  This posting includes an audio/video/photo media file: Download Now |
| San Fernando mohatag og discount sa magpabakuna Posted: 21 Jun 2021 07:15 AM PDT Mopalabang og resolusyon ang konseho sa Lungsod sa San Fernando nga mag-awhag sa mga patigayon sa lungsod nga tagaan og discount ang mga indibidwal nga nabakunahan na batok sa coronavirus disease 2019 (Covid-19). Si Konsehal Philip Jude Medalla, chairman sa committee on health sa konseho, maoy mangamahan sa resolusyon. Iya usab pakigkitaan ang San Fernando Chamber of Commerce and Industry kalabot sa maong katuyoan. Alang sa konsehal, mahinungdanon ang paghatag og discount sa mga indibidwal nga nabakunahan na sanglit nagpakita lang kini nga misanong sila sa awhag sa gobyerno aron mabalik na sa naandang normal. Dugang ni Medalla nga isip usa ka highly industrialize municipality mas maayong magpadayon na ang pag-irog sa ekonomiya sa lungsod. Moabot na sa 2,000 ka mga indibiduwal ang nabakunahan sa lungsod nga naglakip ni Medalla. Giawhag sa konsehal ang mga lumolopyo San Fernando nga magparehistro online sa official FB account sa San Fernando Rural Health Unit aron malakip sa lista sa magpabakuna ug sa ingon dili na kinahanglan mobisita sa munisipyo aron kalikayan ang physical contact. Aduna gihapoy wala maedukar kalabot sa bakuna hinungdan nga subsob karon ang information drive sa kagamhanan. Gipahinumdoman niya ang taga San Fernando nga dili mamili og brand sa bakuna sanglit amg tanan pulos epektibo ug susama ra ug katuyoan nga mao ang maluwas ang tanan batok sa Covid-19. Sa pagkakaron, estrikto gihapon nga gipatuman sa lungsod ang minimum health protocol diin ang makalapas silotan pinaagi sa usa ka community service. (GCM)  This posting includes an audio/video/photo media file: Download Now |
| 2 ka amahan nalumos atol sa kasaulogan sa Father’s Day Posted: 21 Jun 2021 07:15 AM PDT Duha ka mga amahan ang nalumos atol sa Father's Day niadtong Dominggo, Hunyo 20, sa buntag ug hapon. Wala matiwas ang salosalo sa usa pamilya human ilang amahan nalumos samtang naligo sa dagat sa alas 3:30 sa hapon sa Barangay Basdako, lungsod sa Moalboal. Si Alexander Macasero, 60, minyo ug taga Alaska, Barangay Mambaling, dakbayan sa Sugbo, dead-on-arrival (DOA) sa tambalanan. Si Patrolman Efren Marte Alsola, sa Moalboal Police Station nga nahinabi sa Superbalita Cebu nagkanayon ang pamilya sa namatay mibutyag nga nalingaligo sila sa dagat kay magselebrar sa Father's Day. Usa sa mga anak mibutyag nga nakit-an niya iyang amahan nga nagkapakapa sa paglangoy hinungdan nga iyang gitabang kay nalumos na kini. Gidali nila sa pagdala sa tambalanan, apam gidekalarar kini nga DOA. Gituohan sa pamilya nga giatake kini hinungdan nga nalumos. Samtang namatay sab ang usa ka amahan human malumos sa alas 6:30 sa buntag sa samang adlaw sa Barangay Catarman, lungsod sa Liloan. Si Jovenal Jayson Leswe, 61, ug minyo, nakit-an na lang sa mga residente sa dapit nga wala nay kinabuhi. Ang biktima gikatahong nanagat kini dihang gituohan nga giatake. (GPL)  This posting includes an audio/video/photo media file: Download Now |
| Konsehal sa lungsod nasikop sa buy-bust Posted: 21 Jun 2021 07:15 AM PDT Ormoc City--Konsehal sa Lungsod sa San Miguel, Leyte ang nasikop sa buy-bust sa Philippine Drug Enforcement Agency (PDEA) 8 sa Lunes, Hunyo 21, 2021 pasado alas 2:00 sa hapon. Giila ang dinakpan nga si Municipal Councilor Almar Balais, 67, taga 109-A, V and G Subdivision, Tacloban City. Matod sa PDEA, dugay na nila gipanid-an si Balais gumikan sa mga report nga ilang nadawat ug nalakip sa listahan nga high value target (HVT). Usa ka poseur buyer ang nakigtransaksyon sa konsehal ug positibo kini nga napalitan hinungdan nga gideklarar ang pagsikop kaniya. Nakuha gikan ni Balais ang upat ka pakete sa gituhoang shabu nga mitimbang og 5 gramos ug dunay kantidad nga P16,000 lakip na ang sakyanan niini nga Isuzu MUX. Gibutyag sa PDEA 8 nga kaduha na nadakpan kaniadto si Balais sa sayong bahin sa paglingkod ni Rodrigo Duterte sa pagka presidente sa nasod. Dugang pa sa PDEA, bisan kinsa ra ang supplier ni Balais ug ang area of operation niini ang Carigara, Barugo ug San Miguel Leyte. Naa na sa kustodiya sa PDEA 8 si Balais ug gikatakda nga pasakaan og kaso. Ang PDEA ug kapulisan sa Rehiyon 8 nangusog sa ilang operasyon batok sa mga tigpayuhot og gidiling drugas. Samtang, ang Dakbayan sa Ormoc naila kaniadto nga grabe ang impluwensiya sa mga tigpayuhot og druga apan karon gideklarar nga kontrolado na ug luwas puy-an. Kini nakab-ot ubos sa pagdumala ni Mayor Richard Gomez uban sa iyang kapikas nga si Kong. Lucy Torres-Gomez. (JKDP)  This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment