https://www.sunstar.com.ph/

Editoryal: Maputol o magpadayon?
Nalzaro: Estorya sa tubaan
Mongaya: Panaghiusa sa oposisyon
Tambagi ko Noy Kulas: Closet nga bayot
Lalake gidakop tungod sa 'public scandal'

Posted: 14 Jun 2021 04:55 AM PDT

Nahibalik na ang international flights sa Mactan Cebu International Airport (MCIA) sugod sa Dominggo. Apan gisundan usab kini sa mando ni Presidente Rodrigo Duterte sa pagpatuman sa protocol sa Inter-Agency Task Force for the Management of Emerging Infectious Diseases sa mga oversease Filipino worker (OFW) ug returning overseas Filipinos (ROF) dinhi.

Unsa may tumanon, ang ordinansa sa Lalawigan nga giamendahan sa Provincial Board (PB) niadtong Biyernes, Hunyo 11, 2021, o ang guidelines sa IATF subay sa mando sa Presidente?

Kaalyado baya sila si Duterte ug Garcia. Gani, nangampanya ang gobernador ug mga kaalyado nga niresulta sa 1 million kapin nga botos nga nakuha ni Duterte sa 2016 elections.

Kining kasungian karon sa health protocol posibleng makaapekto sa panag-alyado sa mga Duterte ug Garcia sa umaabot nga eleksyon kon di maayong pagka handle sa administrasyon karon nga klarong mopadagan kang Davao City Mayor Sarah Duterte sa 2022 elections. Posibleng sakyan kini sa ubang mga kandidato pagka presidente, sama kang Senador Panfilo Lacson ug Senador Manny Pacquiao.

Kay kon kinsa ang suportahan ni Garcia, dako kaayo og pabor nga makuha dinhi sa Sugbo tungod sa popularidad sa gobernador sa mga Sugboanon, labina ning iyang gipakitang matang sa liderato panahon ning coronavirus pandemic.

Nisamot pa ang iyang popularidad sa pagbarog sa gipatumang health protocol nga iyang gipatuman alang sa pagpagaan sa kinabuhi sa mga OFW ug ROF. Sa gibuhat sa Malakanyang sa pagpatipas sa international flights ug hinanggaw nga pamahayag ni Presidential Spokesperson Harry Roque nga ideya sa gobernador ang pagpatipas sa flights, nisamot ang paghugot sa simpatiya sa mga Sugboanon ngadto kang Garcia.

Sa umaabot nga eleksyon, magpadayon pa kaha ang suporta ni Garcia kang Duterte? Atanganan kaayo ni.

This posting includes an audio/video/photo media file: Download Now

Nalzaro: Estorya sa tubaan

Posted: 14 Jun 2021 04:55 AM PDT

Morag naputong na si Presidente Rodrigo Duterte sa kagahi sa ulo sa pipila ka mga tawo nga wala mosunod sa lagda kabahin sa mga health protocol aron malikay ang tinakdanay sa Covid 19. Gawas nga ipadakop sa Presidente ang mga gahi og ulo, labi pa kanang mosupak sa tapok-tapok, pasilutan gyud. Matod sa Presidente nga puwedeng ikiha og murder ang maong mga tawo kon masuta nga sila maoy hinungdan sa tinakdanay.

Ambot kon seryoso ba o nagkomedya si Duterte. Murder gyud? Base sa atong Revised Penal Code, Article 246, ang murder adunay mga elemento sama sa lipot, paggamit og superior nga kusog sama sa armas o hinagiban sa pagpatay. Ang homicide, pagpatay gihapon na apan mas bug-at ang murder kay sa homicide, hinungdan nga non-bailable offense ang murder.

Abogado ug kanhi piskal si Digong. Nasayod siya kon unsa ang balaod. Nahibawo man gani ko nga di abogado. Ang pagpatakod og makalilisang nga sakit sama sa Covid wala na o di man elemento sa murder. Unya imong ikiha ang tawo og murder nga walay igong basihanan? Gawas lang kon i-amendar o bag-uhon ang Revised Penal Code. Way klaro ning mga estorya sa Presidente. Morag "kuwentong barbero" lang. Kanang estorya ba sa tubaan.

Sukad sa pagsugod sa pamunuan ni Duterte niadtong sa 2016, nahimong lahi ug kulbahinam ang atong kinabuhi. Tungod kay hapit adlaw-adlaw maigking kita sa makapakurat nga mga pamahayag, pagbahad, pagpanulisok, pangasaba ug mga panghambog nga mga pamahayag sa Presidente.

Usahay nagtuo ta nga seryoso siya sa iyang mga pulong, apan komedya ra diay. Subo lang nga palandungonnga maoy labing dali nga mahinunduman sa katawhan ang imposible nga mga pamahayag ni Digong ug pakpakan pa.

Ang pagka-colorful o mabulokon sa iyang mga pulong maoy naghimo niyang labing lahi nga lider sa Pilipinas. Naukay kita, nangurog, natandog ug nalingaw sa iyang mga pulong. Pero lagi unta kaanidot kahang paminawon kon kining atong pagkalingaw mahubad ngadto sa matuod nga solusyon sa atong mga problema. Kay hangtod karon wa pa ta makairog sa unahan. (bobbygnalzaro@gmail.com)

This posting includes an audio/video/photo media file: Download Now

Mongaya: Panaghiusa sa oposisyon

Posted: 14 Jun 2021 04:55 AM PDT

Kulang alang kanako ang resulta sa gitinguhang panaghiusa sa oposisyon human nianunsyo ang 1Sambayan sa ilang mga kandidato sa miaging Sabado. Sa mga seryuso nga kandidato, moguwa nga si Vice President Leni Robredo lang ilang napilian.

Tinuod nga seryuso ang pagka oposisyon ni kanhi rebelde ug senador Antonio Trillanes. Apan isip kandidato alang sa pagka presidente?

Dayon silang Sen. Grace Poe, Kongresista Vilma Santos-Recto, Cibac partylist ug deputy speaker Eddie Villanueva ug human rights lawyer Chel Diokno walay planong molansar.

Samtang wala moingon si Robredo nga modagan sa pagka presidente, wala sab siya mobalibad. Karon, niingon siya nga dili lang sila ang maayong laki. Gikinahanglang maghiusa ang oposisyon.

Mag-istorya

Bitaw, wala maapil sa mga nominees sa 1Sambayan ang ubang mga seryusong kandidato sama nilang Sen. Manny Pacquiao, Sen. Panfilo Lacson, ug Manila Mayor Isko Moreno.

Matod pa, gikan man kuno sa kampo ni Presidente Rodrigo Duterte si Pacquiao ug Moreno. Si Lacson usab maoy naglagda sa Anti-Terrorism Law.

Apan kon mabuwag sila sa kampo ni Duterte, nganong di man sila maapil sa kampo sa oposisyon?

Kadtong sa 2016, dili baya mayoriya ang 16 milyones nga boto ni Duterte. Natunga lang sa lain-laing mga kandidato ang 25 milyones.

Mao nga karon, gikinahanglang maghiusa ang mga kandidato nga kaatbang sa mga Duterte. Uyon ko sa panahom ni Robredo nga gikinahanglang maghiusa ang oposisyon. Pag-ila kini nga sa pagkakaron, si Davao City Mayor Inday Sara Duterte-Carpio mao ang labing kusog nga kandidato alang sa pagka presidente.

Mao nga mas maayong magsugod na pag-istorya-istorya silang Robredo, Pacquiao, Moreno, ug Lacson.

Atong nasayran gikan sa usa ka brodkaster nga sekretong magtigum diay unta dinhi sa Sugbo silang Robredo ug Pacquiao. Wala lang madayon kay natayming kini kaniadtong na-Covid ang usa ka staff ni Leni ug kinahanglan sab siyang mag-isolate.

This posting includes an audio/video/photo media file: Download Now

Tambagi ko Noy Kulas: Closet nga bayot

Posted: 14 Jun 2021 04:14 AM PDT

Dear Noy Kulas,

Tagua lang ko sa ngan nga Bart. Closet gay ko sukad sa bata pa ko. Maninguha ko nga lalake tan-awon ug successful ko sa akong gibuhat. Gatuo ang tanang tawo, apil ang akong family nga lalake ko. Sa high school, daghan ko og nauyab, pero buwag ra dayon kay lainan ko kay feeling nako woman ko.

Sa college samot daghan ang na attract nako ug wa sila kahibawo nga gay ko. Nakauyab pero kutob ra sa romance kay lud-on ko kay para nako, babaye lagi ko sa akong feeling.

Karon nag work ko sa usa ka company sa Cebu ug usa sa mga tag-iya closet gay same nako pero nakaasawa siya ug dunay mga anak. Naibog diay siya nako for years. Kadtong nagkuyog mi, nanguyab siya nako ug ako siyang gisultihan sa tinuod. Karon nagkarelasyon mi ug showered kaayo ko niya sa material gifts. Naka awto gud ko ug nakapabarog og balay.

Gusto na niya nga secret ming mag live in sa condo. Unsa kahay akong buhaton? Galibog ko kay kuyaw masakpan mi. Maulaw ko nga mahibaw-an nga gay ko. Pareho ming duha but we are so madly in loved. Please I need your advice. Thank you so much.

BART

Bart,

Nakahibawo na gyud mo unsay consequences kon mahibaw-an ang inyong relasyon. Don't go that far nga magpuyo mong duha tungod kay madugay o sa madali, mabisto mong duha.

Ayaw pagpalabi sa pagdawat kon unsa may iyang gifts nga ihatag nimo kay kon moabot ang panahon nga magkaaway mo, hayan bawion niya ang tanang mga butang gikan nimo. Nahitabo na ni sa uban. Hinuon kon naa ni sa imong names tanan, maglisod siya sa pagbawi.

Basta don't go to the extent nga magpuyo mo. Unsay status sa inyong relasyon, diha ra kutob.

NOY KULAS

rojval69@yahoo.com

This posting includes an audio/video/photo media file: Download Now

Lalake gidakop tungod sa 'public scandal'

Posted: 13 Jun 2021 09:43 PM PDT

USA ka lalake ang gidakop ni adtong Dominggo, Hunyo 13, 2021 sa Asturias tungod sa kasong 'public scandal' .

Dakong kakurat sa cashier sa usa ka bakery sa Asturias, Cebu sa dihang iyang nakita ang suspetsado, Elboy Jugan, 26, nga nagduwa sa iyang kinatawo sa iyang atubangan.

Nagtu-o ang cashier nga mopalit og pan si Elboy, apan nakurat na lang sya dihang iyang nakita nga nipagawas ang lalake sa iyang kinatawo ug nagduwa sa iyang atubangan.

Si Elboy nga taga Barangay Pulangbato sa Dakbayan sa Bogo nasikop sa mga nirespondeng pulis bisan nga nisukol kini. (GPL)

This posting includes an audio/video/photo media file: Download Now

Magnificent News

Monday, June 14, 2021