https://www.sunstar.com.ph/ |
- 'Mga pulis lang kamo, mga hubog kami'
- 20 ka 'ilegal' nga mananagat nasikop, gipalimpyo
- 2 ka bata gipa-shabu sa inahan
- Gwen mihangyo sa IATF di hilabtan ang Sugbo
- Partido Kusug gilusad usab
- P2M dugang pundo sa Cambinocot health care program
- Kinatawo gikuot, dughan gikumot
- Balay-Balay, Tubig-Tubig: Video gibaligya sa uyab
- Basil: Bag-ong album ni Nick Vera Perez, nag ung-ong na
- PSC mihimakak sa pasangil nga mga atleta na-COVID 19
- Mga abogado mopasiugda og Virtual Run 2021
- Suweldo sa PBA rookie isaka
- Editoryal: Gwen mihangyo
- Lonzon: Pacquiao ug Digong nag-away
- Diputado: Problema sa gidiling druga mibalik
- Talk to Papa Joe: Gigamit sa silingan
| 'Mga pulis lang kamo, mga hubog kami' Posted: 30 Jun 2021 12:25 AM PDT Duha ka mga call center agent wa pasayloa sa mga pulis kay gawas nga nagpagukod kay wa mohunong sa checkpoint, nisulti pang "mga pulis lang kamo, mga hubog kami." Wa makaeskapo sila si Christian Paul Cruda, 23, taga Barangay Rawis ug kauban nga si John Andrew Labian, 22, taga West Awang, Calbayog City, gikan sa mga pulis sa Calbayog nga ninggukod kanila kay wa mohunong sa checkpoint sa Rosales Bridge, Maharlika Highway. Matod sa kapulisan sa Calbayog nga niadtong Sabado sa gabii, Hunyo 26, 2021, niagi sa checkpoint sila si Cruda ug Labian nga nag-angkasay sa motorsiklo nga pulos hubog mga alas 10 sa gabii. Kay way helmet ang angkas, ila ning gipara, apan nipasirit hinuon sa pagpadagan. Sa dayun nilang pagsibat sa checkpoint, ila pang giingnan ang mga pulis og "Mga pulis lang kamo, mga hubog kami!" Si Patrolman Robert Sulla ug Patrolman Robert James Caruana ninggukod kanila ni Cruda ug Labian ug didto na naabtan sa West Awang. Gidakop ang duha ug gipahibawo sa ilang katungod. Nagpakiluoy pa sila si Cruda ug Labian ug nisaad nga di na mousab apan gidala sila sa police station ug gipanubag sa kalapasan. (JKDP)  This posting includes an audio/video/photo media file: Download Now |
| 20 ka 'ilegal' nga mananagat nasikop, gipalimpyo Posted: 29 Jun 2021 11:04 PM PDT Gipa community service ang 20 ka mga mananagat nga taga lungsod sa Boljoon human sila nasakpan nga nanagat sa kadagatan sa Barangay Poblacion, Oslob, habagatang Sugbo. Nakuhaan ang mga mananagat og usa ka 20 ka kilo nga isdang lapulapu dihang naabtan sa fish warden ug pulis nga nagpatrolya alas 9:15 sa gabii sa Martes, Hunyo 29, 2021. Ang mga mananagat nga luwan sa 10 ka mga pumpboat gidakop nila ni Police Staff Sergeant Chito Ondac ug deputized fish warden Bimbo Villamor Gilles kay nakalapas sa Municipal Ordinance no. 024 nga nagdili sa mga di residente sa Oslob sa pagpangisda sa kadagatan sa lungsod. Ang mga mananagat pulos taga Barangay Arbor. Boljoon, kasikbit ra sa Oslob. Inay pamultahon sila, gipa community service sa lungsod og upat ka oras sa Miyerkules sa buntag, Hunyo 30, 2021, sama sa pagpanilhig. (GPL)  This posting includes an audio/video/photo media file: Download Now |
| 2 ka bata gipa-shabu sa inahan Posted: 29 Jun 2021 08:50 AM PDT Duha ka bata nga nagpangidaron og dos anyos ug walo ka buwan ang gikuha o "gi-rescue" sa National Bureau of Investigation (NBI7) uban sa Department of Social Welfare and Development (DSWD7) human sa gihimong anti-drug operation sa duha ka drug den sa Barangay Mambaling ug Punta Princesa sa Siyudad sa Sugbo. Ang dos anyos nga lalake pasuyopon og shabu sa inahan aron nga mohilom sa higayon nga magpunay og hilak. Matod ni NBI 7 Director Renan Oliva, nakadawat sila og impormasyon labot sa pagpadagan sa duha ka drug den nga naa nahimutang sa Sityo Iphai, Punta Princesa ug Sitio Imhai, sakop sa Mambaling. Milusad og surveillance ang NBI ug nakonpirmar ang gikatahong presensya sa mga bata sa maong dapit samtang adunay mga tawo nga mosuyop sa illegal nga drugas. Niadtong Hunyo 25, 2021 gilusad ang operation nga miresulta sa pagkasikop sa pito ka tawo apil na niini ang usa sa mga nagpadagan sa drug den, samtang nakasibat ang laing tag-iya sa suyopanan nga maoy ginikanan sa 2 anyos ug walo ka buwan nga masuso. Ang agent on case nga si Agapito Gierran sa NBI 7 nagkanayon nga sa dihang malampuson nilang nakuha ang duha ka bata. Nitug-an ang mga silingan nga panahon nga makasuyop ang ginikanan sa maong mga bata ilakip sab nila ang ilang anak aron nga mokalma. BATA SABOGMaoy hinungdan nga bisan lawom na ang gabii nagsiga pa ang mga mata sa bata ingon sa way kinatulgan. "Yes, we have that information itong two years old pag mohilak daw na pagamiton, then itong bata as per account sa mga silingan parang hindi natutulog parang sabog palagi," matod pa ni Gierran. Ang duha ka bata naa na kini karon sa kustodiya sa DSWD 7 samtang wala ang mga ginikanan niini. Gawas sa kasong pagpadagan sa drug den mag-atubang usab ug laing kaso ang mga ginikanan (gipugnan sa Superbalita Cebu ang ilang mga pangan tungod sa kasensitibo sa kaso ug kay menor de edad ang mga bata) nga kalapasan sa Republic Act 7610 kon Child Abuse. Ipahiling usab nila ang bata kung unsay kadaot nga naangkon sa dihang pasuyopon sa illegal nga drugas ilabi na sa kalinghod pa sa pangutok niini. Pasabot ni Oliva nga ang shabu gisagolan og kemikal nga kon ang tawo makagamit niini ma-high ug peligro kon ang usa ka bata ang makagamit niini. "We are contemplating filing cases against them for RA 7610 violation sa Child Abuse because they are exposing the minors to the dangers of illegal drugs. You know how violent illegal drugs nya at risk ang mga bata they are letting the children handling the drugs," matod pa ni Oliva. GIKIHAAng mga dinakpan nga napasakaan og kaso sa NBI nga mga nadakpan giila nga sila si: Krisanto Saavedra nga taga dalan General Gines, Barangay Suba; Alfredo Omeres, Ibabao-Mambaling; Melchor Imus, Ibabao-Punta Princesa; Regino Gabuya, Siphai-Punta Princesa; ug Jakyl Rosacena Boli, Ibabao-Mambaling. Laing nangadakpan sila si: Ruchie Torres ug Arturo Abellana nga pulos taga Sitio Imhai-Mambaling.  This posting includes an audio/video/photo media file: Download Now |
| Gwen mihangyo sa IATF di hilabtan ang Sugbo Posted: 29 Jun 2021 08:39 AM PDT Gihangyo ni Cebu Governor Gwendolyn Garcia ang Inter Agency Task Force (IATF) nga ihatag sa Lalawigan sa Sugbo ang responsibilidad sa pagpatuman sa kaugalingong lagda alang sa mga mopauli nga mga overseas Filipinos sa Sugbo. "Cebu is still on MGCQ status. Give us this responsibility. We have taken this with in our hands. We have been able to handle," matod ni Garcia. Kini maoy hangyo ni Garcia atol sa gihimong special session sa Cebu Provincial Social Hall, kagahapon sa Hunyo 29. Matod ni Garcia nga kon tugutan lang kini sa IATF, ang mga Sugboanon lang ang kinahanglan nga motuman sa mga lagda sa probinsya samtang ang dili Sugboanon, mahimo na nga mopaubos lang sa hotel quarantine ug mopauli na sa ilang probinsya kon mahuman sa ilang quarantine period. "...With all due respect please, I speak not as a doctor I certainly am not, not as a scientist I certainly am not but I speak with the deep sense of duty as an elected official as our vice governor and board members, congressmen and mayors are elected officials accountable to the people who elected us," dugang ni Garcia. Sa niini, mas daghan ang ma-accommodate nga OFWs ug ROFs ilabi na kon itugot ang pag-home quarantine. Ang IATF nidala sa mga eksperto gikan sa Department of Health (DOH) ug World Health Organization (WHO) aron ipasabot ang new variant o ang delta variant nga naka-apekto na sa moabot 85 ka mga nasud sa tibuok kalibutan. (ANV)  This posting includes an audio/video/photo media file: Download Now |
| Posted: 29 Jun 2021 08:36 AM PDT "We only have one enemy" Kini maoy pamahayag ni Cebu City acting Mayor Michael Rama atol sa paglusad og balik sa Kugi Uswag Sugbo (Kusug) diin nanumpa ang mga bag-ong opisyal atol sa adlaw nga natawhan sa ilang founder nga si kanhi mayor Alvin Garcia, Hunyo 29,2021. Si Rama kinsa maoy pinasidunggang dinapit ug kanhi tinun-an ni Garcia sa Velez College sa subject nga Logic, nisaludo sa kanhi mayor sa Dakbayan sa Sugbo ug sa iyang pag-umol sa Kusug nga usa ka political party ug usa ka movement para sa kalambuan sa siyudad. Wala nganli ni Rama kon si kinsa ang bugtong nga kaaway sa pulitika apan ang mga tigpaniid nga si kanhi mayor Tomas Osmeña ang iyang gipasabot nga iyang gipilde sa pagkamayor niadtong tuig 2013 apan gibaslan siya niadtong 2016. Si Rama nagkanayon nga ang pagpalig-on sa Kusug, pagbuhi sa Panaghiusa, Team Rama, Partido Barug, ANAD, PDP-LABAN ug ubang political party, ilang mabuntog ang kontra kon adunay panaghiusa (unity) ug sakripisyo (sacrifice) kon US sanglit sa Oktubre 8, filing na sa certificate of candidacy. PAGPANUMPAGipili sa mga opisyal sa Kusug nga presidente si City Councilor Raymond Alvin Garcia, majority floor leader sa City Council alang sa sunod tuig nga piniliay. Ang vice president sa north district mao si konsehal Jerry Guardo samtang si City Legal Officer Rey Gealon sa south district. Secretary general si konsehal Joel Garganera, deputy secretary general si Edgardo Labella II, treasurer Raddy Diola, Auditor konsehal Niña Mabatid ug PRO Ramil Ayuman kinsa nanumpa atubangan sa ilang chairman nga si kanhi mayor Garcia. "He (former mayor Garcia) said Kusug was not just a political party but a movement, usa ka kalihokan nga nagtuo nga ang paglambo sa siyudad magdepende sa kakugi sa katawhan. Those words become my foundation, my guiding principle in quest for good governance," padayag ni Raymond. Ang re-launching, oath-taking sa Kusug gitambungan sa mga lider sa 80 ka barangay apil na ang mga barangay kapitan nga ilang mga kaalyado aron sa pagsuporta. Apan wala pa maghisgot ang ilang chairman ug ang presidente kon si kinsa ang ilang mga kandidato nga suportahan sa umaabot nga pinili-ay. Apan atol sa maong tigom, ang mga bisita nagsul-ob og puti ug puwa nga shirt nga adunay tatak sa pangalan ni Raymond Garcia nga siguradong magpapili sa sunod eleksyon apan wala pa matino kon unsa nga posisyon. (PAC)  This posting includes an audio/video/photo media file: Download Now |
| P2M dugang pundo sa Cambinocot health care program Posted: 29 Jun 2021 08:35 AM PDT Cambinocot Health Care Program gitagan-an og dugang P2 milyones nga pundo, butyag ni Cambinocot Barangay Kapitan Reynald Lauron. Partner sa barangay ang Vicente Sotto Memorial Medical Center (VSMMC) diin ang mga pasyente nga botante sa Cebu City makapahimulos sa programa nga adunay P25,000 nga benepisyo nga makagamit sa pagpatambal. Gawas niini, ang programa ni Lauron mohatag sab og P3,000 nga reimbursement sa mga tambal nga napalit kon ang pasyente nadangat sa laing ospital ug ipakita lang ang resibo ug medical abstract. Si Lauron aduna nay P1.7 milyones nga naunang pundo nga gibutang sa VSMMC og dugang P2 milyones nga iyang nakuha sa administrasyon ni Mayor Edgardo Labella sa Cebu City Government ang gidugang alang sa katuyoan. Kapin na sa 2,000 ka mga individual sa Cambinocot ug silingan nga mga barangay ang nakabenepisyo sa programa. Bugtong ang Cambinocot maoy adunay ambulansiya sa mga bukirang barangay sa north district sa Cebu City diin adunay higayon nga si Lauron maoy mangunay og maneho sa sakyanan aron mahatod ang pasyente sa ospital. Pangunayan sab sa kapitan ang pag-atiman sa ilang pasyente sa VSMMC. Ang barangay naglaraw nga mopalit og dugang ambulansiya aron mapalapdan ang pagtunol sa health services sa ilang barangay. (PAC)  This posting includes an audio/video/photo media file: Download Now |
| Kinatawo gikuot, dughan gikumot Posted: 29 Jun 2021 08:30 AM PDT Nipalit og "turon" nga saging nihapit sa pagkuot sa kinatawo sa tindera ug di pa igo, gikumot ang dughan. Kini nahitabo alas 12:00 sa udto sa Lunes sa Gen. Luna St., Brgy. Poblacion 2, Dakbayan sa Carcar. Ang suspek giila nga si Eliezer Chavez Pantinople, 49, minyo, residente sa dapit, construction worker. Si Pantinople nasikop alas 5 sa hapon sa samang adlaw human nangayo og abag sa kapulisan ang 32 anyos nga babaye nga minyo usab. Si Patrolman Mark Anthony Reyes, imbestigador sa Carcar Police Station nga nahinabi sa Superbalita Cebu, nagkanayon nga babaye nanuroy og saging turon niadtong Lunes sa udto, Hunyo 28, 2021. Niagi siya sa balay ni Pantinople, kinsa nitawag kaniya aron mopalit og turon. Nisulod siya sa balay ni Pantinople, apan samtang gipapili sa saging turon ang suspek, kalit nga iyang gikuot ang kinatawo sa ginang ug gikumotkumot pa ang dughan. Niasoy ang ginang ngadto sa kapulisan nga na shock ang ginang sa gihimo ni Pantinople. Sa iyang kauwaw, dali siyang nipauli ug dayon ni-report sa kapulisan. "Nagpa-sexy man ni siya, nag-shorts. Gikuot gyud sa suspetsado ang iyang kinatawo unya gisunod pagkumot iyang tutoy," dugang ni Reyes. Si Pantinople nga giimbestigar sa kapulisan nipadayag nga wa siya magdahom mga mopalag ang ginang sa iyang gihimo. Giganahan lang daw siya nga nikuot sa kinatawo ug nangumot. Nadala lang siya sa ka sexy sa iyang higala hinungdan iyang nahilabtan, dugang ni Pantinople. Kasong acts of laciviouness ang gipasaka sa kapulisan batok sa suspek kinsa natanggong sa detention cell sa Carcar Police Station samtgang gihikay pa ang kaso. (GPL)  This posting includes an audio/video/photo media file: Download Now |
| Balay-Balay, Tubig-Tubig: Video gibaligya sa uyab Posted: 29 Jun 2021 08:30 AM PDT Dear Atty. Joan, Maayong adlaw, Atty. Joan. Ako si Mary Joy, inahan sa usa ka 16 anyos nga batang babaye. Kanunay ko nga nagsunod sa inyong lindog. Naabot na gayod ang panahon nga makasuwat nako sa inyong lindog. Duna man guy kontrobersiya nga giatubang akong bata. Dunay uyab ang akong bata nga 19 anyos nga lalaki. Silingan ra pod namo ang maong bata. Duha ka tuig na nga uyab sila sa akong bata hangtod nahibaw-an nalang nako nga nagbuwag sila niadtong Abril. Usa ka adlaw, natingala na lang ko nga kalit nga naghilak ang akong bata nga miduol nako samtang galuto ko sa kusina. Misumbong nako ang akong bata nga gawas nga nasakitan siya sa pagbuwag nila sa iyang uyab duna daw silay sex video sa iyang gikauban nga nahitabo diay sa kuwarto sa akong bata. Ang nakapait mao nga gibaligya daw sa iyang uyab ang maong mga videos online pinaagi sa Twitter. Dayon duna pod daw kiniy preview nga gi-post nga makita ang nawong sa akong bata. Sukad nga nahibaw-an sa akong batang babaye ang hitabo, wala na kini mogawas sa panimalay. Wala na pod kini nag-Facebook kay nauwaw siya sa hitabo. Ganahan unta ko nga mapanubag ang lalaki sa iyang nabuhat nga kadaot sa akong bata. Dakong epekto ang nahatag sa maong panghitabo sa akong bata ug dili gayod makaangayon ang pag-antos nga nasinati sa akong anak. Unsa man ang among buhaton, Atty. Joan? Kinahanglan makab-ot gayod namo ang hustisya para sa akong anak. Imong magtatampo, Mary Joy Dear Mary Joy, Una sa tanan maayong adlaw kanimo, Mary Joy, ug salamat sa pagsunod ning lindog. Mahimo gayod nga mapanubag ang kanhing uyab sa imong bata kabahin sa hitabo pinaagi sa pagkiha sa kasong Anti-Child Pornography Act of 2009. Matod pa sa maong balaod, salaod ang pag-produce, paggunit o access, pagbaligya ug pagpakatag, ug pagfacilitate sa child pornography o mga produkto nga resulta sa maong pagpangabuso. Giila ang child pornography isip pagrepresentar pinaagi sa video o tingog o kombinasyon sa duha pinaagi sa electronic, mechanical, digital, ug uban pang susamang paagi sa usa ka bata nga nalambigit o na-engage sa tinuod o tumo-tumo nga pakighilawas. Subay sa imong saysay, menor de edad pa ang imong bata sa dihang nakuha ang mga video kauban ang iyang uyab. Gawas niini, ang pagbaligya sa maong mga video salaod kini sa balaod. Mahimo sab nga mapanubag ang maong lalaki ubos sa Anti-Photo and Video Voyeurism Act of 2009 tungod kay walay pagtugot sa imong bata ang pagkuha sa video samtang gibuhat ang maong akto. Kon makita sa piskaliya nga dunay igong hinungdan nga isang-at ang mga sumbong didto sa korte, mahimong mu-issue og arrest warrant ang korte ug mapasaka ang mga kaso didto. Pakig-coordinate sa inyong kapolisan lakip na ang Women and Children's Protection Desk sa inyong dapit ug sa Anti-Cybercrime Group (ACG) nga makatabang sa pagkuha sa mga ebidensya batok sa imong bata. Hinaot nga makatabang ang akong tambag. Imong alagad, Atty. Joan [Lindog sinuwat nilang Atty Joan Dymphna Saniel-Amit, Executive Director, ug Atty. King Anthony Perez, usa sa mga abogado sa CLB. Mahimo kamo nga mupadangat sa inyong mga suliran o pagsumbong sa kaso sa pagpangabuso pinaagi sa pag-email (clbphilscebu@gmail.com) o pag-send og mensahe sa Facebook Messenger: m.me/ChildrensLegalBureauInc]  This posting includes an audio/video/photo media file: Download Now |
| Basil: Bag-ong album ni Nick Vera Perez, nag ung-ong na Posted: 29 Jun 2021 08:30 AM PDT Manila--Pinaagi kang Mildred Bacud, naimbitahan ako sa KumuCon sa US-based Pinoy international singer nga si Nick Vera Perez nga nagpasikat sa kantang "I Am Ready" under Warner Music Philippines. Nakahimo na og duha pa ka album si Nick, ang NVP1.0 ug ang Christmas Album. Excited na ang mga fans ni Nick all over the world nga gitawag og NVP Angels kay nag-ung-ong na jud ang paggawas sa album ni Nick nga adunay 12 songs ug ang kantang gi-promote niya karon sa social media mao ang "Laging Ikaw," love song kini. Sa una niyang album, ang iyang paborito mao ang "My Mom" nga dedicated sa iyang Mommy Visitacion ug siyempre ang "I Am Ready." Bongga ang recording studio ni Nick, ang CRC Legendary Sound tungod kay dinhi lang naman nag-record ang mga sikat nga Hollywood singers like Michael Jackson, Lady Gaga, Rihanna, Boys2Men ug uban pa. Kanunay nga si Adonis Tabanda ang iyang musical arranger nga matod pa ni Nick, naka-kontrata kaniya og 10 albums ug so far, 3 albums na ang ilang nahuman so aduna pay 7. Sa nahisgutang KumuCon, nipaambit si Nick nga kaniadto pa man, musika na jud ang iyang gusto lamang, iyang gituman ang sugyot sa iyang mga ginikanan mga mag-nursing siya ug naging nurse siya sa US for more than 2 decades. "Music always brings us to new grounds na nakakatulong na mawala tayo sa problem so all the more music to be done at this time," padayag ni Nick sa tubag kon nganong bisan og pandemic, nakahimo pa gihapon siya og album. Kung itandi sa una niyang album, mas bongga kuno kining NVP1.0 Album. "This is more attractive," tungod kay ang mga kanta may rock, ballad, rnb , jazz, ug pop. Medyo lisod kung asa jud ma-categorize ang iyang album anyway, ganyan siya ka versatile. So, excited na ang mga NVP Angels all over the world nga super supportive kang Nick ug nasuta namo kini sa KumuCon kay kanunay silang nagpapalipad og mga Ibong Adarna ug uban pang dinagkong gifts. Medyo sad lang si Nick tungod kay wa matuman ang supposedly concerts niya sa Pinas last May gumikan lagi sa pandemic pero karong medyo pa-normal na, by December mouli sa Pilipinas si Nick para sa bonggang mall shows ug i-promote na rin ang iyang Chirstmas Album. Total International Performer ang tagline kang Nick Vera Perez.  This posting includes an audio/video/photo media file: Download Now |
| PSC mihimakak sa pasangil nga mga atleta na-COVID 19 Posted: 29 Jun 2021 07:07 AM PDT Hugot nga gipanghimakak sa Philippine Sports Commission (PSC) ang taho sa Baguio City nga pipila ka mga sakop sa national volleyball team nga nag-training ubos sa bubble set-up sa PSC facility sa maong siyudad nagpositibo sa COVID-19. Ang national training director sa PSC nga si Marc Velasco mibutyag nga una, ang national volleyball team wala pa sa Baguio, ang dapit diin ang sports agency sa gobiyerno adunay gidumala nga sports complex sulod sa Teacher's Camp. Matod ni Velasco nga walay bisag usa ka national athlete nga atoa sa Baguio City sa kasamtangan. Dugang niya nga sa Hulyo 1, 2021 pa magsugod ang ilang bubble training. Ang taho nga nagkutlo ni Baguio City mayor Benjamin Magalong mitumbok nga ang national athletes nataptan og virus human kini tagotago nga mogawas sa Teachers' Camp. Sumpay sa taho nga tungod niini gisirhan ang Teachers' Camp. diin pipila usab ka mga pulis ang napositibo> Hinuon, nagtuo si Velasco nga tinuod nga adunay mass infection nga nahitabo apan ang mga atleta nga ilang gitumbok mao ang mga professional volleyball players. Gipasabot ni Velasco nga kon kini mga pro players, ang Games and Amusement Board maoy adunay katungod sa pag monitor niini. (JBM)  This posting includes an audio/video/photo media file: Download Now |
| Mga abogado mopasiugda og Virtual Run 2021 Posted: 29 Jun 2021 07:06 AM PDT Sa labing unang higayon, ang kahugpungan sa mga abogado mopahigayon og usa ka virtual run nga ipahigayon karong Hulyo 15-21, 2021. Giulohan og 1st Law and Justice Virtual Run 2021, ang mga partisipante bahinon ngadto sa lima ka mga kategoriya nga mao ang 3-kilometer run, 5-km, 10-km, 15-km ug 21 km. Sa 15 ug 21 kilometer run, ang registration fee nagkantidad og P780 diin aduna na kini libring finisher's kit nga naglakip og medal, t-shirt ug e-certificate. Samtang ang 5-km ug 10-km, aduna lang kini registration fee nga P520 nga may t-shirt ug e-certificate. Katong interesadong mosalmot sa Fun Run/walk nga 3-kilometer mobayad lang og P280 ug makaangkon lang og e-certificate. Nagsugod ang pagpangrehistro niadtong Hunyo 8 ug matapos kini sa Hulyo 13, 2021. Gawas sa individual awards, aduna sab special prizes nga gitagana sama sa pinakadakong chapter contingent, most creative ug uban pa. Ang organizers mipasabot nga ang kabahin sa kita sa maong kalihukan ihapak ngadto sa legal aid program sa Cebu City Chapter ug ingon man sa Big Brother program nga linahi unyang ilusad. Usa sa isal-ot sa Big Brother program mao ang paghatag og suporta sa mga barrister sa tibuok nasod karong tuiga. Mokabat ngadto sa 36 ka mga barrister ang makadawat og tag P10,000 matag usa. Aron pagdeterminar sa 36 ka barristers, ang organizers mopahigayon og easy writing contest. Alang niadtong mga interesado, mahimong magparehistro o mobisita sa ibprun2021.myruntime.com. (JBM)  This posting includes an audio/video/photo media file: Download Now |
| Posted: 29 Jun 2021 07:05 AM PDT Naglaraw ang Philippine Basketball Association (PBA) nga isaka ang suweldo sa ilang rookie human duha ka college stars ang nakadesisyon nga moduwa og professional nga liga sa gawas sa nasod. Sa kasamtangan, ang labing taas nga suweldo sa usa ka rookie nga gitugotan sa PBA nagbalor og P200,000 matag buwan. Puwede kining madugangan og 50 percent sa ikaduhang tuig. Gipangtumbok nga college stars nga nakadesisyon nga moduwa sa gawas nasod mao sila si Thirdy Ravena ug Juan Gomez de Liano, kinsa pulos nidawat og tanyag gikan sa Japan B.League. Ang igsuon ni Ravena nga si Kiefer, nagplano sab nga moduwa sa Japan bisan aduna pa kini buhing kontrata sa usa sa mga team sa PBA nga mao ang NLEX Road Warriors. Gikataho nga ang suweldo sa Japan mas dako pa sa maximum salary sa PBA nga nagkantidad og P420,000. Aduna sab hugonhugon nga naa pa'y dugang dekalidad nga batan-ong mga magduduwa ang nakadawat og tanyag sa Japan lakip na niini si ex-UV Lancer Rey Suerte. (ESL)  This posting includes an audio/video/photo media file: Download Now |
| Posted: 29 Jun 2021 06:29 AM PDT Lahi ang Sugbo sa ubang lalawigan sa nasod tungod sa iyang dakong impluwensiya dili lang sa natad sa nasudnong pulitika, lakip na sa mga polisiya gikan sa sentro nga kagamhanan sama sa ulahing kontrobersiya sa protocols sa Mactan Cebu Internatonal Airport (MCIA) alang sa overseas Filipino workers (OFWs) ug returning overseas Filipinos (ROFs). Kagahapon, Hunyo 29, ang mga miyembro sa Inter-Agency Task Force (IATF) ningtambong sa sisyon sa Probinsiyal Board (PB) ubos sa pagdapit ni Governor Gwendolyn Garcia, kinsa unang gidapit sa hearing sa Senado bahin sa IATF protocol. Atol sa sisyon, si Garcia nipasabot nga kontrolado ug nagkaubos na ang kaso sa Covid-19 sa Sugbo. Mapahiubsanon siya nga nihangyo sa IATF nga tugotan sa pagpatuman sa nalatid sa iyang Executive Orders (EO) 17 ug 23 bahin sa swab-upon-arrival policy sa MCIA. Dugang sa gobernador, ang iyang polisiya gibalanse bahin sa pagsumpo sa pandemiya, makatawhanong konsiderasyon ug pagpahiuli sa ekonomiya. Si Gwen nipatuman sa maong polisiya sa MCIA alang sa OFWs ug ROFs apan ang IATF adto na sa ikapito ka adlaw ipaubos sa swab test. Tungod sa panagsumpaki, duha ka hugna gibalhin ang inbound international flights sa MCIA ngadto sa Ninoy Aquino International Airport (NAIA) sa sayong bahin sa Hunyo 2021. Nakamugna og dakong kahasol. Dugang gasto sa mga pasahero. Ang mga sakop sa IATF namati sa pagpasabot ug hangyo ni Garcia apan wala pay tino nga tubag gikan sa ilang habig. Apan seguragong tukion kini sa task force una mopakanaug og hukom uban sa konsultasyon ni Presidente Rodrigo Duterte kinsa niluwat na og pamahayag pabor sa lagda sa IATF. Unsay hukom sa IATF sa hangyo ni Garcia, hinaut nga kaayohan sa tanan ug haom sa sitwasyon sa lokalidad. Labaw sa tanan, makatawhanon.  This posting includes an audio/video/photo media file: Download Now |
| Lonzon: Pacquiao ug Digong nag-away Posted: 29 Jun 2021 06:28 AM PDT Kon sumbagayon wa gayud dag-anan si Presidente Rodrigo Duterte ni Senador Manny Pacquiao. Nagdako man ang away ni Duterte ug Pacquiao human ang senador niingon nga dunay pangurakot sa gobiyerno. Gihagit sa Presidente ang senador sa paghingan sa mga tawo ug buhatan sa gobiyerno nga nalambigit. Nindot kay wa mahadlok si Pacquiao sa pakigsungay sa Presidente kay duna nay isog sa Senado nga misul-ob sa sapatos ni kanhi senador Antonio Trillanes. Kay sa Ubos Balay-Balauranan kun Kongreso aduna may Makabayan bloc nga misukol sa Presidente. Kini sila dili mga itoy ug magbarug sa tinuoray nga demokrasya sa Pilipinas nga sa pagtuo sa katawhan nahulga karon. Sayon ra man sabton nga nagsulti sa tinuod si Pacquiao sa pangurakot karon sa gobiyerno ug nahibawo na mismo si Duterte? Si Pacquiao nga usa ka Diyosnon dili kana bastabasta mopasangil ug kon wa maghupot og mga dokumento. Nagdako ang away sa duha sa dihang ang senador mikomentaryo sa isyu sa West Philippine Sea nga dunay isla giilog na sa China Ang tubag sa Presidente gipikhan ang senador nga magtuon una. Mura bitaw og insulto nga nagkaminos sa edukasyon sa senador. Ang duha suod nga higala ug kauban pa gani sa partido. Si Manny maoy acting president ug si Digong maoy chairman sa PDP-Laban. Ug may tinguha sab ang kampo ni Duterte nga tangtangon si Pacquiao sa partido sa dihang mitumaw ang Go-Duterte tandem alang sa 2022 presidential elections KRIMEN SA ISABEL "Ayaw patya si Papa." Mao kini ang gipamahayag sa duha ka mga anak ni Devin Murillo, ang biktima sa pagpatay sa armadong mga tawo sa Lungsod sa Isabel, Leyte. Ang reklamo nga nadawat sa Agila nagbutyag gi-blotter sa biktimang Murillo ang pagpangulata sa usa ka pulitiko sa ilang lungsod. Kay dunay gi-post sa social media sa isyu sa korapsyon. Naghilak ang duha ka anak ug asawa nga di patyon. Email: efrenlonzon71@gmail.com Text: 09235562777  This posting includes an audio/video/photo media file: Download Now |
| Diputado: Problema sa gidiling druga mibalik Posted: 29 Jun 2021 06:28 AM PDT Bisan mitaliwan na si kanhi Presidente Noynoy Aquino, di gyod makapugong ang uban nga sambogan gihapon og pamolitika ang iyang kamatayon. Imbes simple nga eulogy lang unta ang mahitabo, ang uban mohimo gyod og political eulogy. Ganahan gyod mopasakay og pamolitika. Ang kamatayon mao na man unta ang sinugdanan sa kapahuwayan nga dayon. Apan di gyod kapugong ang ubang mga tawo nga mopabalon gyod og tunokon nga mga sugilanon. Nalipay kaha si PNoy nga giabibahan og pamolitika ang iyang kamatayon? Malinawon kaha si PNoy nga gipamolitika lang gihapon siya bisan patay na? * * * Gani nahimong isyu ang iyang kamatayon nga siya ra usa, gawas sa iyang mga sinuholan. Wa gyoy bisan paryente o sakop sa pamilya nga diha kaniya sa kataposang oras niya sa kalibotan. Unya matod pa, wala na magpa-dialysis kay luya na iyang lawas. Apan way mabasol niini. Iyang desisyon nga di magminyo. Mao kini posible nga rason nga nag-inusara lang siya. Iyang desisyon kon asa siya mopadung human sa iyang termino pagka presidente. Iyang desisyon sab ang magpa-dialysis o dili. Atong respetohan ang iyang mga desisyon. * * * Mibalik na man sab ang problema sa druga. Bisan sa gihimo nga mga kalihokan sa Philippine Drug Enforcement Agency (PDEA) ug sa kapulisan nga hugtan ang kampanya batok sa druga, apan sama sa bitin sa ulo ni Medusa, mitubo gihapon ang lain na sab nga mga bitin. Sama sa milig-on na man hinuon ang gahum sa ginadili nga druga. Kon ingon niini ang lakat sa kampanya sa druga, hayan magpadayon pa ang maong problema bisan mahuman na si Pres. Rodrigo Roa Diterte (PRRD) sa iyang termino. Duna koy pasupot nga pangutana. Duna bay gihimo nga assessment o review sa ilang mga record ang PDEA ug ang mga kapulisan? Ang tuyo niini mao ang pagrepaso kon dis-a magkulang ang ilang mga paningkamot ug unsay angay nila buhaton aron masolbad kini. Unsa may angay nila buhaton aron molampos ang ilang kampanya sa druga? * * * Katingad-an pod kaayo nga bisan sa gihimo nga kampanya, sama sa way pagkahubas ang supply sa ginadili nga druga. Nagpadayon man gihapon ang pagbaha niini. Dis-a man gikan ang supply? Giunsa man paglabang ang maong mga druga? Kinsa man ang naghimo niini? Nganong wa may nadakpan nga drug couriers o transporters, mga users ra man pirmi? Sa akong nahibaw-an, nasayod ang PDEA sa rota sa druga. Pero nganong wa man mahunong ang pag-abot sa druga dinhi?  This posting includes an audio/video/photo media file: Download Now |
| Talk to Papa Joe: Gigamit sa silingan Posted: 29 Jun 2021 06:24 AM PDT Dear Papa Joe, Itago lang ko sa ngan nga Chad, 20 years old, usa ka bayot. Simple ra ning akong problema pero na stress na kaayo ko. Nawala man gud akong cellphone dihang natulog ko sa boarding house. Itupad raman gyud nako akong cell phone pero pagmata nako wala na. Importante kaayo nako ang cellphone para sa akong vlog. Wala na koy magamit. Mga usa ka semana ang nilabay nakadawat na unta ko nga wala na, pero nakit-an nako among silingan nga laki nga nag work sa call center. Duna siyay ka estorya sa phone. Nibukal dayon akong dugo kay pareho iyang gigamit nga phone sa ako pero lahi of casing. Kusog kaayo ang kulba sa akong dughan, feeling nako akoa tong cellphone. Gusto nako siyang pangutan-on about sa iyang phone pero nagpanagana sad ko. Okay kaha nga mo approach ko niya ug pangutan-on asa niya napalit ang cell phone? CHAD Dear Chad, Nakasabot ko sa imong gibati nga kahinugon sa imong cell phone pero dili ka angay mo basta-bastag pasangil kon way ebidensya. Pareho ra bayag hitsura ang mga cellphone nga same og model. Pero tungod kay nangutana ka unsaon nimo pag approach sa inyong silingan? Well, depende ra na kon unsa ka isog imong ginhawa nga kayahon nimong moatubang niya. Syempre malain ang tawo labina og iyaha tong cellphone. Kon desidido gyud ka, hduola ang lalaki, sultihi, pasabta sa nahitabo ug sa imong duda. Pero kon nasayup raka, pangayu og pasaylo niya. Lain pa nakong ma advise nimo nga mas maayong dawaton nga wala na imong cellphone. Pagtigom nalang og sugod para palit of bag-o unya sa sunod pag-amping na. Papa Joe (Kon duna moy problema, ipadala sa papajoesuperb@gmail.com)  This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment