https://www.sunstar.com.ph/ |
- Gipatay sa amahan sa live-in
- Pagkasunog sa senior, pamilya naglisud dawat
- Pasahero nagdala og shabu, dakpan
- LPA mopaulan sa tibuok Mindanao
| Posted: 04 Jul 2021 06:21 AM PDT GIPANGITA na sa mga awtoridad ang amahan nga giingong mipusil-patay sa hinigugma sa iyang anak didto sa Surallah, South Cotabato. Lakip nga giukoy sa kapulisan sa Surallah Municipal Police Station (MPS) mao ang anak nga lalaki sa suspek nga giingong kuyog niini sa dihang gihimo ang krimen. Nahitabo ang insidente alas 8:05 sa gabii niadtong Sabado, Hulyo 3, didto sa Sitio Matinong, Barangay Little Baguio sa nahisgutang lungsod sa nahisgutang probinsiya. Ang biktima mao si Richel Berden Rubio, 33, molupyo sa Barangay Laconon, T'boli sa nahisgutang probinsiya. Nasayran gikan sa taho sa Surallah MPS nga nahitabo ang pagpamusil samtang nagtan-aw lang og video sa cellphone si Rubio, uban ang ka live-in niini sa balay sa ilang barkada didto sa Sitio Matinong sa Surallah. Kalit lang matud pa mibutho ang amahan sa live-in partner sa biktima, uban ang igsuon niini nga lalaki, ug nagpusil kang Rubio gamit ang kalibre .45 nga pistola. Daling miikyas ang mga suspek sakay sa motorsiklo human nga napatay ang ulitawo kinsa nakaangkon og daghang samad pinusilan sa lawas. Nasayran nga ang amahan dakong supak sa pagpakig-relasyon sa iyang anak nga babaye ngadto sa biktimang ulitawo.  This posting includes an audio/video/photo media file: Download Now |
| Pagkasunog sa senior, pamilya naglisud dawat Posted: 04 Jul 2021 06:20 AM PDT HANGTUD karon naglisod pa gayod og dawat ang pamilya sa usa ka 79-anyos nga na-trap sa sunog niadtong Sabado sa buntag, Huly 3, 2021, didto sa Purok 4, Rizal Extension, Barangay 38-D, Poblacion, Davao City. Sa report, usa ka Rodolfo Nalzaro, retired engineer, ang wala na nakagawas sa balay dihang dako na kaayo ang kalayo. Subay sa taho gikan kang Fire Officer 3 Aries Pizarras nga nagsugod ang kalayo sa kusina sa balay sa biktima. Dugang pa nga niadtong mga orasa, tulog pa ang edaran. Pag-ulbo sa kalayo, dali sab kining mikanit sa kasikbit nga gambalay, apan dali ra sab kining na-fire under control sa kabomberohan sanglit dali rang nakaabot ang mga bombero kay anaa lamang sa downtown area ang sunog. Dominggo sa buntag, dunay gikataho nga sunog sa Buhangin area diin dali sab nga narespondehan sa mga bombero, hinungdan nga wala na kakanit pa ang kalayo sa mga kasikbit nga mga balay. (Jeepy P. Compio)  This posting includes an audio/video/photo media file: Download Now |
| Pasahero nagdala og shabu, dakpan Posted: 04 Jul 2021 06:19 AM PDT WALA nahadlok ang usa ka 30-anyos nga lalaki kinsa yano lamang nga nagdala og shabu samtang pasulod kini sa Davao City, alas 8 sa gabii niadtong Hulyo 1, didto sa Task Force Davao, Licanan Bunawan Checkpoint. Sa taho sa Davao City Police, usa ka Ronald (bansagon gitago), residente sa Buhangin Davao City, ang midala sa shabu nga dunay street value nga P27,760. Sa paghiling sa bag sa suspek, nakita sa mga personahe sa Task Force Davao ang lima ka pakite sa gituohang shabu. Depensa sa suspek, gipadala lamang kaniya ang usa ka selopin ug wala siya masayod sa sulod niini. Gi-turnover na ang suspek ngadto sa Bunawan Police Station diin giandam na ang kasong pagsupak sa Republic Act 9165 kun Comprehensive Dangerous Drugs Act of 2002 didto sa korte. (Jeepy P. Compio)  This posting includes an audio/video/photo media file: Download Now |
| LPA mopaulan sa tibuok Mindanao Posted: 04 Jul 2021 06:17 AM PDT MAPANGANURON nga kalangitan uban ang katag-katag nga pag-ulan ang masinati sa dakong parte sa Metro Manila, Luzon, ug tibuok Visayas ug Mindanao sa mosunod nga 24 oras tungod sa trough o extension sa low pressure area (LPA) sa sidlakang bahin sa nasud. Sa advisory sa Philippine Atmospheric, Geophysical and Astronomical Services Administration (Pagasa), ang lokasyon sa LPA anaa sa 990 kilometers east sa Northern Mindanao, mga alas 3 sa hapon niadtong Sabado, Hulyo 3, 2021. Gibutyag ni weather specialist Raymond Ordinario nga ang LPA layo ra nga mahimong bagyo sud sa usa ngadto duha ka adlaw nga tawgon kining Bagyong Emong. Sa alas 11 sa Dominggo sa buntag, ang Pagasa nagpagula og Tropical Cyclone Bulletin No. 1, diin naa sa'y LPA sa East of Guiuan, Eastern Samar nga naga-develop ngadto sa usa ka bagyo. (Jeepy P. Compio)  This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment