Sunday, August 1, 2021

https://www.sunstar.com.ph/

https://www.sunstar.com.ph/

19 nanabong sa online nabulabog

Posted: 01 Aug 2021 04:18 AM PDT

GIPANGKUSTODIYA sa Toril Police Station ang 19 ka mga lalaki, sagad kanila mga mananagat, sa Toril, Davao City human nagyampungad sa computer ug nagpustahanay sa online sabong alas 4:30 sa hapon niadtong Biyernes, Hulyo 30, 2021, sa usa ka barangay sa Toril.

Sumala ni Police Major Michael Uyanguren, hepe sa Toril Police Station, nga nakadawat sila og impormasyon gikan sa nagpakabana nga dunay nagsugal og online sabong ug wa na sab napatuman ang social distancing.

Gilayong giadtoan sa mga pulis ang dapit ug naaktuhan ang mga nahisgutan nga nasugal.

Sa 19, walay bisan usa nga nakasibat ug gihimo dayon ang pagdokumento diin nakuha sa ilang posisyon ang usa ka set sa computer ug P1,510 nga pusta.

Giandam na ang tukmang kaso nga ipasaka sa mga nahisgutan samtang temporaryo silang gipangbalhog sa selda sa presinto otso.

This posting includes an audio/video/photo media file: Download Now

Liga ng mga Barangay misaad og tiunay suporta kang Mayor Sara

Posted: 01 Aug 2021 04:18 AM PDT

MIPASALIG na ang mga miyembro sa Liga ng mga Barangay sa Pilipinas nga mohatag og tibuok suporta kang Davao City Mayor Sara Duterte-Carpio ug paningkamotan nga mas mapadasig pa si Mayor Sara aron modagan kini sa pagka-pangulo sa nasud karong 2022 national elections.

Kini ang gibutyag ni Liga ng mga Barangay President ug Vice Chairman for Mindanao sa Ituloy ang Pagbabago Movement (IPM) 2022, Kapitan Edgar Ibuyan Sr.

Atol sa ambush interview kang Ibuyan una sila mipadung sa Montevista, Davao de Oro niadtong Sabado, Hulyo 31, 2021, alang sa Lipad Agila Lipad Grand Launch Caravan, gibutyag niini nga iya nang nahan-ay ang tanang miyembro sa Liga ng mga Barangay sa nasud diin sila nagpasalig og suporta.

"Yes, lahat ng mga miyembro sa Liga ng mga Barangay sa buong Pilipinas ay nangangako na na sila ay susuporta kay Mayor Inday, okay na ang lahat," tipik sa gisulti ni Ibuyan.

Dugang sa opisyal nga eksayted na sila nga molansad si Mayor Sara uban sa pasalig niini nga sa bulan sa Oktubre mahibal-an sa publiko ang iyang desisyon.

Niadtong Sabado natigayon ang Grand Launch Caravan sa IPM2022 Davao Region nga gitambungan sa daghang mga representante sa nagkadaiyang kasiyudaran ug munisipalidad kinsa nag-convoy diha sa ilang motorcade padung sa Montevista Sports Complex.

Sa usa ka hamubo nga programa dunay mga mamumulong diha sa paghatag og dugang pagdasig aron ang tanan mahiusa sa tumong nga suportahan si Mayor Sara.

Napatuman hinuon ang mga health protocols batok Covid-19 diin ang mga representante wala nanggawas sa ilang mga sakyanan.

Gilauman nga ang sunod nga caravan natigayon sa Caraga Region. (Jeepy P. Compio)

This posting includes an audio/video/photo media file: Download Now

Arestado, gipapiyansa og P260,000

Posted: 01 Aug 2021 04:17 AM PDT

DIGOS CITY - Nadakpan pinaagi sa warrant of arrest ang usa ka lalaki nga taga Digos City tungod sa kasong ilegal nga druga.

Ngalan sa suspek wa gipaguwa sa kapulisan.

Ang suspek nadakpan sa Sta. Maria, Davao Occidental human sa iyang pagtago-tago.

Siya may kasong paglapas sa Section 5, 11 & 12 sa Republic Act 9165 with CC No. 04(2021), 05(2021) & 06(2021) niadtong Marso 4, 2021 nga naay bail nga P200,000 sa Sec 11, P60,000.00 para sa Sec 12. Apan walay piyansa sa Sec. 5 kun selling sa ilegal nga druga.

Tingkagol karon sa Digos City Police ang suspek. (Jeepy P. Compio)

This posting includes an audio/video/photo media file: Download Now

Kagawad nasakmitan P3.4-M shabu kasohan

Posted: 01 Aug 2021 04:16 AM PDT

PASAKAAN og kasong paglapas sa Republic Act 9165 o Comprehensive Dangerous Drug Act of 2002 ang usa ka barangay kagawad ug iyang kauban human madakpi nga nagpayuhot og ilegal nga druga sa kapulisan ug Philippine Drug Enforcement Agency (PDEA) sa Bangsamoro Autonomous Region alas 4 sa hapon, Sabado, Hulyo 31, 2021.

Mga suspek naila nga sila Alinor Taurac ug Ibra Farhan, incumbent kagawad sa Barangay Guinaopan, Tamparan, Lanao del Sur.

Matud ni PDEA Maguindanao Provincial Officer Anthony Naive nga nagpahigayon sila og drug buy-bust operation uban ang kapulisan batok sa mga suspek sa Barangay Tambo.

Atol sa buy-bust operation, nakamatikod ang mga suspek nga mga pulis ug PDEA ang ilang katransaksiyon, hinungdan nga misakay dayon sila sa ilang sakyanan nga Toyota Revo (WHF 481) apan nakorner sa mga awtoridad.

Nakuha sa duha ka drug dealer ang tunga ka kilo nga shabu nga nagkantidad og P3.4 milyon. (Edgar E. Fuerzas)

This posting includes an audio/video/photo media file: Download Now

2 kolektor patay sa prime mover

Posted: 01 Aug 2021 04:15 AM PDT

BUGTO ang kinabuhi sa duha ka kolektor human mipasok sa ilawom nga bahin sa prime mover truck human maaksidente alas 5 sa hapon, Sabado, Hulyo 31, 2021.

Giila ang mga biktima nga sila Arson Bacarisa, 30, ulitawo ug Raffy Ratilla, mga kolektor sa lending company ug molupyo sa Barangay Linangkob, Kidapawan City.

Sumala kang Makilala Chief of Police Major Maxism Peralta nga sakay ang mga biktima sa Honda XRM 125 nga motorsiklo gikan sa Digos City ug pauli na sa siyudad sa Kidapawan.

Apan pag-abot nila sa Sitio Flortam, Barangay Batasan Makilala kalit mibuto ang unahan nga ligid sa motor ug wala na makontrola sa nagmaneho nga si Bacarisa.

Mipasok ang motor sa ilawom sa kasugat nga prime mover truck apil ang mga biktima.

Patay gilayon ang mga biktima human malatayan sa ligid sa trak.

Hinuon, boluntaryo nga misurender ang drayber sa trak ug nangatarungan nga mga biktima maoy mibangga sa iyang trak nga gimaneho. (Edgar E. Fuerzas)

This posting includes an audio/video/photo media file: Download Now

Genoguin: Run Sara Run caravan

Posted: 01 Aug 2021 04:09 AM PDT

NAGKADUOL na ang gitakdang panahon sa pag-file sa ilang certificate of candidacy ang tanang mokandidato gikan sa pinakalabing ubos nga posisyon ngadto sa pinakataas nga posisyon.

Pero diri ta motutok sa pina-exited nga posisyon sa politika, ang pagpili og ika-17 nga presidente sa atong nasud sa Mayo 13, 2022. Kon inyong namatikdan, daghan kaayong mga politiko nga nagpakita'g interest nga modagan sa pagka-presidente.

Apan samtang 60 ka adlaw na lang ang paabuton mao na ang pag-file sa ilang certificate of candidacy, nagkagamay ang interesado. Si Antonio Trillanes mora na'g nagsalimoang, iya nang gi-atake si Vice President Leni Robredo kay gusto unta nga makig-istorya, apan, wala gitagad sa bise presidente, laing tawo lang ang gipaatubang sa iya.

Si Trillanes pud, wala makaagpas og unsay mensahe nganong dili siya atubangon ni Robredo, tungod kay basura siya. Way matiti ang politiko ug makigsanib sa iyaha kay way klarong balwarte kon taga diin ni siya.

Sa atong obserbasyon, mas lig-on pa ang tikit Lacson-Sotto (Lacsot) o Ping-Sotto (Pisot) kay nakaporma gilayon sila og mga kandidato sa pagka-senador ubos sa ilang gibasura nang partido ni kanhi secretary Renato De Villa, ang Partido Reporma.

Ang the real oposisyon nga Liberal Party (LP) wala pa makaporma kon kinsay ilang standard bearer sa pagka- presidente, bise presidente ug mga senador, kay ang ilang manager nga wa poy kabangkaagan sa politika, nga si retired Associate Justice Antonio Carpio, way laing gipa-priority ang sige'g atake kang PRRD mahitungod sa isyu sa West Philippine Sea.

Mora'g may dakong posibilidad nga maghiusa na lang ang Liberal Party ug One opposition, ang kandidatura ni Lacson-Sotto (Lacsot) o Ping-Sotto (Pisot) aron ilang atbangan ang kandidatura sa atong mayor, Sara Duterte-Carpio.

Si Manny Pacquiao wala nay paglaum nga makaporma pa og iyang ticket sa pagka-bise presidente ug mga senador, kay giuna niya ang iyang pagpamoksing.

Niadtong adlaw'ng Sabado nagpahigayon og Caravan ang Sara Run Sara gikan sa Davao paingon sa Montevista, Davao de Oro Province, tinambongan sa gobernador sa Davao Occidental, Davao de Oro, mga barangay kapitanes dinhi sa Davao pinangulohan sa ilang presidente sa Liga ng mga Barangay, Konsehal Edgar Ibuyan Sr.

Sa atong pinobre nga pag-analysar sa dagan sa politika, dako'g paglaum si Mayor Sara nga mosunod sa tunob sa iyang amahan tungod sa mga kaalyado niini. Ang Mindanao given na sa atong mayor. Ang Visayas Governor nga si Gwendolyn Garcia, Leyte mga Romualdez, Ilocos Norte mga Marcos, Cagayan Vally Juan Ponce Enrile, ug uban pang may mga utang kabubut-on sa iyang amahan. Ilabi na sa Metro Manila nga didto gibuhos sa presidente ang Buid Build Build project. Anong say ninyo?

This posting includes an audio/video/photo media file: Download Now

at

No comments:

Post a Comment

Subscribe to: Post Comments (Atom)

End of Summer Sale ☀️😎

20% OFF Inside!🤯 ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏...