https://www.sunstar.com.ph/

---

• Davide makig-tandem ni Durano sa 2022 elections
• 3 patay sa mga pagpamusil sa Cebu City
• Negusyante og baboy sa Brgy. Babag gipusil, patay
• Sikyu gipusil makalima sa Talisay, mi-survive; naigo sa wala nga paa
• Ace Durano mipahibawo nang modagan pagka gobernador
• CCPO moduso sa pagpabilin sa control points
• Wa mohatag sa P15, mama gikulata sa anak
• Vega molimpyo sa scalawags, mogukod sa mga durugista
• Bakilid unang barangay sa Mandaue nga ‘drug cleared’
• Nagpabakuna sa Lapu midaghan tungod sa brand?
• Simulation exercise karon sa PNP sa eleksiyon
• Rehistrasyon sa Comelec gilugwayan sa Oktubre 31
• Editoryal: Legasiya ni Pacquiao
• Tambagi ko Noy Kulas: Mipaila si Papa
• Mga kaso sa Covid sa nasod nagkagamay
• Anti corruption group mipasangil nga Hontiveros misuborno sa saksi
• Balak: Hangyo sa sunod nga panagkita
• Balak: Danguyngoy sa kalag nga wa kakita sa kahayag
• Sugilagming: Anak sa Ungo
• Ciar: Mark Timothy dela Cruz Ang Guwapitong Viral TikToker
• Goodbye boxing, hello politics
• LeBron bakunado na
• Manny maoy centennial champion sa wba
• Bubble set-up gitun-an
• Pink October gipangandaman

Davide makig-tandem ni Durano sa 2022 elections Posted: 29 Sep 2021 09:52 PM PDT SI INCUMBENT Cebu Vice Governor Hilario Davide III makig-tandem kang Department of Tourism secretary Ace Durano human ang nauwahi pormal nga nipahibawo nga modagan pagka gobernador sa sunod tuig nga piniliay. "Taud-taud na kong nakaila ni Ace. Maayo kaayong tawo si Ace. Matarong, sinsero, mapaubsanon, may katakos, kalma ug angayan sad gyud nga mahimong lider natong mga Sugbuanon. His track record as representative of the 5th district and tourism secretary speaks for itself," nagkanayon si Davide. Sayo pa, si Davide nipasumbingay nga mao na kini ang iyang katapusang termino. Apan si Davide niingon nga magpasubli siya tungod sa iyang nakita nga si Durano angay nga mamahimong runningmate tungod sa matang sa iyang liderato ug prayoridad nga mga programa. Si Davide, kinsa niserbisyo sa duha ka mga termino gikan sa 2013 ngadto sa 2019, nihimo sa panglawas nga iyang numero uno nga prayoridad isip iyang development agenda. Atol sa iyang duha ka mga termino isip gobernador, si Davide nigahin og dakong pahat sa budget sa mga programa ug proyekto sa panglawas, apil na ang pagpalambo sa provincial ug district hospitals ingon man sa pagkuha og dugang health workers. Si Ace una nang pormal nnga nipahibawo sa iyang pag kandidato isip gobernador atbang kang Gobernador Gwendolyn Garcia sa 2022 elections. Sa iyang pagpahibawo, wa pa siya mohingan kang Davide nga maoy iyang runningmate. Apan matod ni Ace sa iyang press statement nga dunay mga grupo nga nagduso sa ilang tandem ni Davide. Si Garcia nihulagway kang Ace nga "worthy opponent" sa sunod tuig nga piniliay. (REV gikan sa PR) This posting includes an audio/video/photo media file: Download Now

3 patay sa mga pagpamusil sa Cebu City Posted: 29 Sep 2021 08:30 PM PDT TULO ka mga tawo ang nangamatay sa duha ka mga pagpamusil sa managlahing bukirang mga dapit sa Dakbayan sa Sugbo sa Miyerkules sa gabii, Septiyembre 29 ug Huwebes sa kaadlawon, Septiyembre 30. Duha ang nangamatay sa unang pagpamusil sa sitio Mahayahay, Barangay Toong, bukirang dapit sa Dakbayan sa Sugbo sa alas 7:2 sa gabii sa Septiyembre 29. Ang mga bikima giila nga silang Jonald Bacarisas Gomez, 24, ug Nathaniel Gominil 23, pulos taga sitio Poso, Barangay Buhisan. Matod ni Police Staff Sergeant Christopher Bongo, imbestigador sa Labangon Police Station nga si Gomez nakaangkon og punisilan sa luyong bahin sa ulo ug abaga samtang si Gominil naigo sa ulo ugpatay diha-diha. Samtang nadala pa sa tambalanan si Gomez apan nakalas ra usab paglabay sa pipila ka oras sa pag-atiman sa mga doktor. Matod ni Bong nga sa nakuha nila nga kasayuran, sila si Gomez ug Gominol grupo nga nangadto sa sitio Mahayahay aron manihapon ug mag estambay. Apan kalit lang sila nga gipamusil sa grupo usab sa laing mga lalake nga wala nila mailhi. Samtang sa Huwebes sa alas 4:40 sa kaadlawon, namatay ang usa ka negusyante og karning baboy human pusila sa wala pa mailhing mamumuno sa Barangay Babag 2, bukirang dapit sa dakbayan sa Sugbo. Ang biktima nga nakaangkon og mga samad sa abaga, kamot ug tiyan giila nga si Jorge Ibona, 40. Matod ni Police Major Renz Talosig, hepe sa Mabolo police station sa Cebu City Police Office, nga samtang nag-ihaw si Ibona sa baboy nga iyang ibaligya unta, kalit lang siya gipusil sa wala mailhing gunman. Ang asawa ni Ibona nga nahinabi sa mga imbestigador, nitug-an nga usa lang ka buto sa pusil ang iyang nabati sanglit gikan siya nga natulog. Nakita pa niya ang gunman nga iyang gihulagway nga nag taptap sa nawong nga daling nibiya. Gisubay pa karon sa kapulisan kon unsay motibo sa pagpusil ug duna bay kontra ang biktima sa ilang lugar. Nakakuha ang kapulisan og mga basiyo sa kalibre 9MM sa dapit. (AYB) This posting includes an audio/video/photo media file: Download Now

Negusyante og baboy sa Brgy. Babag gipusil, patay Posted: 29 Sep 2021 07:19 PM PDT Patay ang usa ka negosyante og karning baboy human pusila sa wala pa mailhing mamumuno sa alas 4:40 Huwebes sa buntag, Septiyembre 30, 2021 sa Barangay Babag 2, bukirang dapit sa dakbayan sa Sugbo. Ang biktima nga nakaangkon og mga samad sa abaga, kamot ug tiyan giila nga si Jorge Ibona, 40, nagnegusyo og karneng baboy. Matod ni Police Major Renz Talosig, hepe sa Mabolo police station sa Cebu City Police Office, nga samtang nag-ihaw si Ibona sa baboy nga iyang ibaligya unta, kalit lang siya gipusil sa wala mailhing gunman. Ang asawa ni Ibona nga nahinabi sa mga imbestigador, nitug-an nga usa lang ka buto sa pusil ang iyang nabati sanglit gikan siya nga natulog. Nakita pa niya ang gunman nga iyang gihulagway nga nag taptap sa nawong nga daling nibiya. Gisubay pa karon sa kapulisan kon unsay motibo sa pagpusil ug duna bay kontra ang biktima sa ilang lugar. Nakakuha ang kapulisan og mga basiyo sa kalibre 9MM sa dapit. (AYB) This posting includes an audio/video/photo media file: Download Now

Sikyu gipusil makalima sa Talisay, mi-survive; naigo sa wala nga paa Posted: 29 Sep 2021 06:48 PM PDT NAKADAGAN sa sulod sa ilang balay ang usa ka security guard hinungdan nga ni-survive siya sa pagpamusil mga alas 7 pasado sa Miyerkules sa gabii sa sityo Origano Riverside, Lawaan 2, Dakbayan sa Talisay. Wala nga paa ra ang naigo sa pagpusil kang Remejias Pansoy, 39, bisan kon gipusil siya sa makalima ka mga higayon sa nagbinugtong nga gunman samtang siya nagtan-aw sa garden atubangan sa ilang balay. Matod ni Jonathan Tumulak, pangu sa City of Talisay Traffic Operations and Development Authority (CT-TODA), nga sila ang unang nakaresponde kay ang balay naa likod sa ilang buhatan. Ang mga silingan ni Pansoy didto nidangop kanila hinungdan nga sila ang labing unang nakaresponde. Matod ni Tumulak nga sa iyang pangutana kang Pansoy kon unsay motibo, wa siya masayod kay wa siyay kaaway. Niresponde gilayon ang Emergency Medical Services (EMS) gidapatan siya og first aid una pa gidala si Pansoy sa usa ka tambalanan. (REV) This posting includes an audio/video/photo media file: Download Now

Ace Durano mipahibawo nang modagan pagka gobernador Posted: 29 Sep 2021 06:03 PM PDT Human sa mga hugon-hugon, gikompirmar ni kanhi Tourism Secretary Ace Durano nga magpapili siya isip gobernador sa lalawigan sa Sugbo sa umaabot nga eleksyon sa 2022. "It took time for me to decide kay sa tinuoray lang, ni retiro na ko sa pulitika and okay na gyud ko sa pribado nga kinabuhi kuyog sa akong pamilya. But considering the current situation of the Province tungod aning Covid, if we remain to address it the way we are currently doing so, then this pandemic would affect us for a much-prolonged time," matod ni Durano. "Pasabot ana mas dugay ta nga dili makakuyog ug makakita sa atong pamilya, mas dugay nga dili ta maka-adto sa ubang lugar, and sadly, mas dugay ang panahon nga sige ta'g kahadlok nga mawad-an napud ta'g minahal sa kinabuhi tungod aning Covid," dugang niya. Niadtong Septiyembre 27, pipila ka mga grupo sa Sugbo ang mipadangat og suporta sa Durano-Davide tandem sa umaabot nga national elections sa 2022. Moabot sa 120 ka mga group leader ang nagtigum alang sa ilang panawagan kang Durano ug Bise Gobernador Hilario Davide III nga magpares sa pagdagan sa eleksyon. Wala pa mo kompirmar si Durano kon kinsa ang iyang runningmate, apan hatagan niya kini'g kahigayonan nga personal nga mopahibawo sa iyang kandidatura. (ANV) This posting includes an audio/video/photo media file: Download Now

CCPO moduso sa pagpabilin sa control points Posted: 29 Sep 2021 07:48 AM PDT BISAN kon us-usan ang quarantine classification sa Dakbayan sa Sugbo, gusto sa Cebu City Police Office (CCPO) nga ipabilin ang intra ug inter-barangay quarantine control points aron magpabilin ang pagtuman sa mga health protocol. Matod ni Cebu City Police Office director Col. Josefino Ligan, kinsa nitambong sa press conference tali sa Cebu City Hall reporters sa Miyerkules, niingon nga hangtod sa Martes, Septiyembre 28, nakadakop sila og 232 ka violators sa minimum public health standards nga gitakda sa mga awtoridad. Sa mao nga gidaghanon, 187 ang mga hamtong samtang 45 ang minors. Matod niya nga mayoriya sa mga nadakpan nakalapas sa curfew ug wa pagsul-ob og mask. Siya niingon nga wa silay nadakpan nga nakalapas sa liquor ban sa Siyudad. Gipasigarbo usab ni Ligan nga wa mosaka ang mga krimen. "Even with the GCQ classification, (I am) happy to report also that of the eight focused crimes sa siyudad, ga maintain lang siya, wala ta milapas sa 20 crimes per week sa Siyudad sa Sugbo," matod niya. Samtang si Cebu City Emergency Operations Center (EOC) Deputy chief ug Konsehal Joel Garganera ningon nga sukad nga nisulbong ang mga kaso sa coronavirus disease 2019 (Covid) 19 sa Cebu City sugod sa Hulyo 2, 2021, ang Siyudad niabot gilayon sa 4,000 ka active cases sulod sa 10 ka adlaw, labing taas sukad sa pandemic. Matod niya nga sa nakalabay nga 12 ka mga semana ug lima ka adlaw, nagsugod ang kombate batok sa Delta variant. Apan sulod sa tulo ka buwan, nakatala ang Siyudad sa labing ubos nga inadlaw nga positivity rate sukad sa ikatulong surge. "Moreover, our active case is even lower than the active cases recorded last July 2, 2021. Numbers in our monitoring sheet are all in a declining trend. I guess, we have finally overcome and conquered the 3rd surge of Covid," siya niingon. Apan matod ni Garganera nga wa pa mahuman ang kombate. "Our numbers may be decreasing but the fight is not yet over. Let's continue our goal to eradicate Covid in Cebu City," siya nidugang. Sa Septiyembre 28, ang aktibong mga kaso sa siyudad naa lang sa 707.(WBS) This posting includes an audio/video/photo media file: Download Now

Wa mohatag sa P15, mama gikulata sa anak Posted: 29 Sep 2021 07:43 AM PDT INAHAN gikulata sa iyang anak tungod kay wala mohatag sa P15 nga iyang gipangayo alas 7:45 sa gabii sa Martes sa Sitio Ginatilalonan, Brgy. Malhiao, Lungsod sa Badian, Sugbo. Ang biktima giila nga si Jocelyn Palagtiosa Siclajon, 42, nagpuyo sa nahisgutang lugar. Si Jocelyn naglisod na pagbuka sa iyang walang mata kay napikot, nihubag ang mga ngabil ug agtang human kulataha sa iyang anak nga si Joel Palagtiosa Siclajon, 20, ulitawo. Si Police Staff Sgt. Jeffrey Badilles sa Badian Police Station nga nahinabi sa Superbalita Cebu nagkanayon nagsaulog sa iyang birthday si Joel. Nahubog kini ug nagmaoy human nga wala hatagi og P15 sa iyang inahan aron idugang sa pagpagasolina sa iyang motorsiklo. Gumikan sa iyang kalagot, matod ni Badilles, nga iyang gikomprontasi ang iyang Inahan. Mipadayag ang suspek sa iyang kasagmuyo ngadto sa iyang Inahan nga samtang maayo kini sa iyang mga igsuon, kay mohatag dayon og kwarta kon mamarayeg. Kon siya na ang mangayo, balibaran siya ug yawyawan pa. "Siyempre, Sir, ang mama mabalaka kay birthday sa (suspek) magpagasolina sa motorsiklo, molakaw unya nakainom delikado," dugang ni Badilles. Si Joel nga giingong wala makasabot sa punto sa Inahan nga malikay siya sa disgrasya, nasuko, nanghagis. kalit kining nag-wild ug gisukmag sa makadaghan ang iyang inahan. Gumikan sa kaguliyang sa ilang pamilya, gialarma sa mga silingan ang kapulisan nga dali nga nakareponde. Si Joel giingong nisukol pa sa mga pulis nga nirespondi una napusasan. Gani ang mga residente ug mga pulis gihagit og sinukmagay. Kasong physical injury ingon man disobedience in person of authority ang giandam nga ipasaka sa kapulisan batok kang Joel. This posting includes an audio/video/photo media file: Download Now

Vega molimpyo sa scalawags, mogukod sa mga durugista Posted: 29 Sep 2021 06:36 AM PDT WA magdahom ang bag-ong milingkod nga hepe sa kapulisan sa Central Visayas Police Brigadier General Roque Eduardo Vega nga siya ang itudlo nga Police Regional Office (PRO) 7 director. Nasurpresa nalang siya nga gipahibawo sa iyang mga kauban nga aduna nay order nga gipirmahan ni PNP Chief Police General Guillermo Lorenzo Eleazar. Apan bisan pa man niini, iyang gidawat ang hagit nga modala sa ryenda sa kapulisan sa rehiyon 7 nga giila nga usa sa labing gipangandoy sa tanang police officer nga dinhi madestino. Wala mosaad og kalampusan si Vega, apan iyang tumanon ang mga programa sa Philippine National Police nga mao ang kampanya batok sa illegal nga drugas, paglimpyo sa scalawags sa hut-ong sa ilang organisasyon ug uban pa. Dili na bag-o kang Vega ang Central Visayas sanglit taod-taod usab siya nga nahimong regional chief sa Highway Patrol Group (HPG) 7. Makigtagbo una siya sa iyang mga staff aron ilatag ang iyang mga programa nga angay ipatuman. Wala pa usab siyay himuon nga lahugay sa mga police officer sa rehiyon nga naghupot og mga katungdanan sanglit iya pang susihon ang mga performance niini. "Hindi ko man ini-expect na ako ang maging regional director dito, I need to assess first. Para kasi ano yan eh, binigyan ka ng sasakyan. Di mo naman pwedeng patakbohin kaagad yan, titingnan mo muna kung lahat ng parts umaandar na maayos. So, dahan-dahan lang," matod ni Vega. Si Eleazar, nangulo sa turnover of command, masaligon sa kapasidad ni Vega nga modamala sa PRO 7. Giangkon niya nga ang PRO 7 usa sa labing challenging nga assignment sa matag police officer tungod kay gawas nga malambuon ang ekonomiya dinhi, dugokonon usab kinig mga langyaw ug local nga turista. "That is the reason why the PNP leadership is always making sure that we put the best man for his post as manifested by the recent officials assigned here as regional directors," matod ni Eleazar. Mando ni Eleazar kang Vega nga ibalik ang pagsalig ug respeto sa publiko ngadto sa kapulisan ug sundon ang gihimo sa iyang gihulipan nga mao ang pag patuman sa gitawag niyang "Mabilis, Matapat, May Dangal, May Integridad at May Malasakit sa ating kapwa Pilipino." Si Montejo mapasigarbuhon sa iyang nahimo sulod sa 10 ka buwan isip hepe sa kapulisan sa Central Visayas. Iyang gipasigarbo ang P500 million nga balor sa illegal nga drugas nga nasakmit ug gatusan nga mga high value individual nga nadakpan sa sub-sub nga anti illegal drug operation. Gikan sa Disyembre 1, 2020 hangtod Septiyembre 29, 2021, nikunhod usab ang index crime sa tibuok rehiyon sa 36.5 percent kun ubos kinig 1,832 ka mga kaso itandi sa susamang period sa miaging tuig. This posting includes an audio/video/photo media file: Download Now

Bakilid unang barangay sa Mandaue nga ‘drug cleared’ Posted: 29 Sep 2021 06:35 AM PDT HUMAN madeklarar nga labing unang drug-cleared barangay sa Mandaue City, ang Barangay Bakilid makadawat og P500,000 isip incentive gikan City Anti-Drug Abuse Committee (Cadac) sunod tuig. Sa Septiyembre 28, 2021, ang Regional Oversight Committee on Barangay Drug Clearing sa Philippine Drug Enforcement Agency (PDEA) nideklarar sa Barangay Bakilid isip "drug cleared" barangay. Matod ni PDEA 7 Regional Director Levi Ortiz nga ang "drug-cleared" status nagpasabot nga ang application, tanang nailhang drug personalities sa barangay nasubay ug nipailawom sa intervention programs. "By no means does it signify that anti-illegal drug operations or advocacy activities will stop in these barangays," matod ni Ortiz. Matod ni Konsehal Nerissa Soon-Ruiz, Cadac focal person sa Mandaue City, niingon nganipasar siya og resolution sa Konseho sa Septiyembre 29 nga naghatag og P500,000 nga incentive sa Barangay Bakilid. Ang incentive gilakip sa 2022 annual budget alang sa Cadac. MADRIDEJOS Walo ka mga barangay sa lungsod sa Madridejos gideklarar sa Philippine Drug Enforcement Agency (PDEA) nga drug-cleared. Subay sa uwahing lisatahan, nalakip sa mga barangay ang Mancilang, Tarong, Bunakan, Malbago, Kaongkod, Maalat, Talangnan ug Poblacion. Gipahibaw sa kagamhanan sa lungsod nga nagtinguha sila nga makab-ot na usab niini ang drug cleared municipality kon makompleto na ang clearing sa 14 ka mga barangay sa lungsod. Niadtong 2019, unang gideklarar nga drug-cleared barangays ang Kodia, San Agustin, Pili, Kangwayan, Tabagak , ug Tugas sa Regional Oversight Committee Barangay Drug Clearing (ROCBDC). Hinuon, wa kini magpasabot nga hunongon na ang drug clearing operation human nahimong drug-cleared na ang maong mga lugar, pasabot lang nga magpadayon gihapon ang pagsusi sa anti-drug council sa mga barangay o lugar nga kinahanglan limpyuhan. (KFD, ANV) This posting includes an audio/video/photo media file: Download Now

Nagpabakuna sa Lapu midaghan tungod sa brand? Posted: 29 Sep 2021 06:10 AM PDT GIBUTYAG ni Atty. James Sayson, ang deputy officer sa Local Vaccination Operations Center sa Dakbayan sa Lapu-Lapu, nga nisaka og gamay ang gidaghanon sa nagpabakuna niadtong Martes. Septiyembre 28. Usa sa iyang gidudahan mao ang brand sa bakuna nga Pfizer nga gipagamit sa vaccination sites sa dakbayan lakip na ang drive thru vaccination sa Liberty Shrine sa Barangay Mactan. Gikataho nga daghan ang napaabot sa naasoy nga brand nga ginama sa kompaniya sa Estados Unidos. Matod ni Sayson, pipila ka semana ug buwan nga nagmingaw ang ilang mga vaccination site. Apan niadtong Martes, nakakab-ot sila og balik sa labing minos 2,000 ka mga indibidwal nga nagpabakuna bakuna batok sa coronavirus disease 2019 (Covid-19). Sa milabayng mga semana, ang vaccination sites nag-average lang og 200 ngadto sa 300 ka mga indibidwal nga magpabakuna. Nunot niini, gibutyag ni Sayson nga posibleng matag vaccination site ila nang butangan og bakuna nga Pfizer aron maagni ang mga tawo nga magpabakuna. Dili mahimo ang walk-in sa mga vaccination site alang sa Pfizer kun dili ang kato lang adunay schedule nga nagparehistro na daan aron kalikayan usab ang grabeng pagdasok sa mga buot magpabakuna. "As long as naa tay stock sa Pfizer magbuga gyud ta ana including sa drive thru nato sa Liberty Shrine," matod ni Sayson. Samtang, gibutyag ni Sayson nga magsugod na usab sila og pamakuna sa locators sa Mactan Economic Zone (MEZ) ug sa mga sitio ug purok sa kabarangayan aron makab-ot ang herd immunity sa dili pa matapos ang 2021. Mao kini ang ilang ihulip sa nisira nilang vaccination site sa Mactan Newtown Center gumikan kay usik ang panahon sa personnel ug venue human minus ang magpabakuna matag adlaw. (GCM) This posting includes an audio/video/photo media file: Download Now

Simulation exercise karon sa PNP sa eleksiyon Posted: 29 Sep 2021 06:08 AM PDT DUNGAN ipahigayon karon, Septiyembre 30, 2021, ang simulation exercise sa kapulisan sa tibuok nasod alang sa pag-ayuda sa proseso sa eleksiyon sa Mayo 2022. Lakip sa pagpangandam mao ang pagtubag sa mga alarma nga motumaw nga dunay kalambigitan sa piniliay labina sa pagsugod sa pagpanawat sa Commission on Elections (Comelec) sa certificate of candidacy (COC) sa ugma, Oktubre 1. Sa Siyudad sa Sugbo, natapos na ang table exercise sa kapulisan uban sa Cebu City Disaster Risk Reduction and Management Office (CCDRRMO), Bureau of Fire Protection (BFP), Armadong Kusog sa Nasud (AFP) ug Comelec. Matod ni Police Colonel Josefino Ligan, hepe sa Cebu City Police Office (CCPO), ilang gipangandaman ang mga posibling mahitabo sama sa hinimoan sa mga terorista, hulga sa pagpamomba ug ang natural nga kalamidad sama sa bagyo ug linog aron masayod sila unsay ilang angayan nga buhaton. "Mahulog man gud ni nga operational readiness nga kinahanglan nga ang atoang mga tawo permanenting andam kung adunay events nga mahitabo nga ingun ani, labi nag naay national activity nga paga buhaton like aning filing of candidacy," matod ni Ligan. Dugang ni Ligan, ang tumong sa ehersisyo aron masiguro nga ang kapulisan ug ubang sanga sa gobiyerno andam nga motubag kung motumaw kini nga mga scenario atol sa pag-file sa COC. Wala mobutyag si Ligan kung aduna ba silay nadawat nga hulga, apan alang niya, kinahanglan sila nga mangandam aron dili magkagubot ang pagtubag sa alarma sa paanhon sa kampanya ug adlaw sa eleksiyon. (AYB) This posting includes an audio/video/photo media file: Download Now

Rehistrasyon sa Comelec gilugwayan sa Oktubre 31 Posted: 29 Sep 2021 06:06 AM PDT GIAWHAG sa Commission on Elections (Comelec) ang mga Sugboanon nga pahimuslan ang higayon nga gilugwayan na ang adlaw sa pagparehistro ngadto sa Oktubre 31 gikan sa tagal nga Septiyembre 30 alang sa piniliay sa 2022. Mao kini ang gibutyag ni Atty. Lionel Castillano, election officer sa Comelec sa lalawigan sa Sugbo kagahapon, Septiyembre 29. "Hopefully they will take advantage of the extended days of registration and should not wait for the last day," matod ni Castillano. Naobserbahan sa Comelec ang pagsaka sa mga nakaparehistro base sa Septiyembre 28, 2021 nga datus. Subay sa listahan niini, moabot sa 3.2 milyunes na ang nakaparehistro sa tibuok probinsya, lakip na niini ang independent cities sa Sugbo, Mandaue ug Lapu-Lapu. Matod ni Castillano, gawas sa Comelec offices, magpadayon usab sa pagbukas ang satellite voters registration ilabi na sa malls gikan sa alas 8:00 sa buntag hangtod alas 5:00 sa hapon. "The field employees would always follow the en banc decision. We also acknowledge the influx of applicants and their desire to be registered," dason niya. Ang voters registration gikatakda nga motapos karon, Septiyembre 30, apan giaprubahan ang extension mahimo sa pagparehistro sugod sa Oktubre 11 ngadto sa 30. (ANV) This posting includes an audio/video/photo media file: Download Now

Editoryal: Legasiya ni Pacquiao Posted: 29 Sep 2021 06:05 AM PDT PORMAL nang nipahibawo si Senador Manny Pacquiao sa iyang pagretiro sa boksing human sa dul-an upat ka mga dekada niyang pagsaka sa ring alang sa binukbokay. Mapaabot na ni nga pahibawo gikan ni Pacquiao tungod kay modagan man siya sa pagka presidente sa 2022 elections. Lisod kon di niya ipaneguro sa katawhan nga usa lang ang naa karon sa iyang dughan, ang pagserbisyo sa katawhang Pilipino. Biyaan niya ang iyang unang gugma nga mao ang pamoksing. Iyang biyaan ang boksing aron makagugol siya sa iyang panahon sa pagka presidente. Kana kon siya ang mapili nga motimon sa nasod human sa piniliay. Tinuod ba gyud kaha nga mobiya na si Pacquiao sa boksing o iya ning estorya lang karon nga panahon pa sa eleksyon? O mausab kini human sa eleksyon? Bitaw, panahon na nga angay mobiya si Pacquiao sa pamoksing nga iyang gihigugma kay iya nang nakab-ot ang tanan. Wa pay nakahimo sa iyang record nga nakampeyon og 12 ka world major titles sa walo ka divisions sa boksing. Nagsugod siya sa pamoksing sa minimum weight nga 105 pounds hangtod sa light middleweight (154 lbs.). Kon tan-awon, maorag di ordinaryong linalang si Pacquiao, labina dihang batan-on pa siya. Una siyang boksidor nga nakaangkon og kampyonato sa upat ka glamor divisions sa boksing nga mao ang flyweight, featherweight, lightweight ug welterweight. Sila ra usab ni Floyd Mayweather Jr. ang nakaangkon og labing dakong kita sa pay per view sa boxing kay ang ilang away nikita og $400 million. Mapilde man siya sa pinilay, naparot man siya sa iyang katapusang away, ang iyang nahatag nga dungog o garbo, paglingaw sa tanang mga Pinoy, adunahan man o kabos ug paghimo sa Pilipinas nga inila sa kalibutan, mga legasiya na kini niya nga di malangkat. This posting includes an audio/video/photo media file: Download Now

Tambagi ko Noy Kulas: Mipaila si Papa Posted: 29 Sep 2021 06:03 AM PDT Dear Noy Kulas, Tawaga lang ko sa ngalan nga Mia. Ang akong problema bahin sa akong pagkatawo. Sukad sa bata pa ko until karon nga naa na ko sa college, wa ko makaila sa akong tinuod nga papa. Nagdako ko sa akong lola unya ang akong mama OFW man, tagsa ra mi magkauban. Kana rang mouli siya diri sa Pilipinas. Until niabot ang day nga naminyo siya ug nagkapamilya while ako iya rang i-visit kon duna siyay time. Karon nga pandemic, dunay usa ka tawo nga ni message nako nga nipaila nga siya ang akong papa. First nakong nakabasa sa iyang message, gaduda kon wa ba kaha siya mangilad. But while ni chat siya sa akoa, nag-anam ko og tuo. Iyang gipang-describe ang akong mga birthmarks nga sakto kaayo nga ako ra ang nakahibawo. Until 10 months nakagakos pa siya nako but na cut short kay wa siya mauyoni sa akong grandparents. Naka decide nga mo abroad ug didto nagkapamilya na siya but wa ko niya kalimti. Iya kong gipadad-an og pic nga naa siya gakugos og baby unya naa ang akong mama. Noy, mouli kuno siya diri next year ug iya kong kuhaon. Nihangyo siya nga di ipasaba sa akong mama ug lola. Unsa akong bnhaton? MIA Mia, Unfair kaayo sa imong lola nga nagpadako nimo nga di ka mosulti niya nga ang imong tinuod nga amahan nag communicate nimo. Ipakita niya ug sa imong mama ang picture nga iyang gi send. Basin maka confirm sila kay maklaro baya kon edited ba ang pic o di. Kon nakahibawo siya sa imong tago nga birthmarks, then dako ang possibility nga siya ang imong papa. Kon naa ka na sa legal age sa paghukom og imoha, you decide kon unsay mas makaayo nimo. Pag-ampo nga giyahan ka sa Ginuo sa imong himuon nga desisyon. NOY KULAS kulassuper@sunstar.com.ph This posting includes an audio/video/photo media file: Download Now

Mga kaso sa Covid sa nasod nagkagamay Posted: 29 Sep 2021 06:03 AM PDT BAG-ONG mga kaso sa coronavirus disease 2019 (Covid-19) padayong nagkagamay, nga niabot na lang og minos sa 13,000 sa Miyerkules, Septiyembre 29, 2021, samtang ang gidaghanon sa nahuman nga testing output padayong nagkaminos. Apan ang mga opisyal sa Department of Health ((DOH) wa pa moingon nga nagkahinay ang mga pagpanakod kay ilang nabantayan nga padayong taas ang healthcare utilization. Matod ni DOH Undersecretary Maria Rosario Vergeire niingon nga ang publiko di angay nga mokompyansa kay taas gihapon ang porsyento sa paggamit sa ICU. Duna gihapoy 94 ka mga dapit sa nasod nga ubos sa alert level 4, nga nagpasabot nga ang paggamit nila sa ICU naa sa kapin sa 70 porsyento. Way mga dapit nga ubos sa alert elevel 1 samtang wa kaabot og 10 ka mga dapit ang naa sa level 2 ug kapin sa 20 ka mga dapit ang naa sa alert level 3. "So, kaya nga gusto nating pag-aralan pa. Ayaw ho naming kumpirmahin, ayaw po naming ibigay na talagang sinasabi na bumababa na ang mga kaso. Although nakikita natin na talagang merong pagbaba, pero marami kasing factors na nakakaapekto. So we'd like to complete our analysis first before we give it to the public," siya nagkanayon. (MVI sa SunStar Philippines) This posting includes an audio/video/photo media file: Download Now

Anti corruption group mipasangil nga Hontiveros misuborno sa saksi Posted: 29 Sep 2021 06:02 AM PDT ANG anti-corruption group Citizens Crime Watch sa Miyerkules, Septiyember 29, 2021, nipasangil nga si Senador Risa Hontiveros ug iyang staff nanuborno og saksi aron mamakak kalabot sa kalidad sa face shields nga gi-supply sa Pharmally Pharmaceutical Corp. sa Department of Health (DOH). Si Citizens Crime Watch (CCW) national president Diego Magpantay niingon nga ilang gikonsiderar ang pagpasaka og kaso batok kang Hontiveros ug sa iyang staff. Sila si Magpantay ug Ferdinand Topacio, legal counsel sa gipriso nga si Pharmally director Linconn Ong, nipresentar sa usa ka press conference sa Miyerkules sa usa ka video footage sa Pharmally warehouse personnel kinsa niingon nga si Hontiveros, pinaagi sa iyang abogado nga si Jaye Bekema, nitanyag og kiwarta ngadto sa iyang kaubang trabahante bugti sa pagsaksi sa Senate blue ribbon committee. Siya niingon nga ang kwarta personal nga gihatag ngato sa saksi ni Hontiveros ngadto sa drayber sa senador nga si Ryan Tazo. "Doon po mismo ako nagtatrabaho (Pharmally) kaya alam ko po ang ginagawa namin ay tama. Wala pong nangyayaring anomalya. Sana inisip mo lahat nung sinabi mo na paninira pinagpalit mo 'yung pakikisama namin lahat sa 'yo, siniraan mo si Miss Mago, sinira mo ng tiwala sa 'yo ng Pharmally para sa halagang magkano, sinira mo lahat. Sana magsabi ka ng totoo," matod sa Pharmally worker, kinsang pagkatawo wa gibutyag. "Kaya po namin patunayan doon sa loob ng production na wala pong ganoon. Doon po sa sinasabi niya na mga reject na nakarating sa mga frontliner, hindi po 'yon totoo," dugang sa saksi. Si Topacio, kinsa mao ang chief legal counsel sa CCW, niingon nga ang video gihatag kaniya sa Pharmally. Iya dayon nga gipangayoan og tabang ang CCW. Si Hontiveros, sa usa ka pamahayag, nanghimakak sa mga alegasyon, ug ang andam siyang moatubang kon dunay kiha ug pamatud-an nga wa na kinahanglana nga mamayad sila aron isulti ang kamatuoran. Matod niya nga duna siyay e-mail address aron pagmatuod nga ang saksi maoy ni-contact sa iyang office. "Like always, may resibo ako. We vetted the information of the witness for weeks and obtained independent corroboration of his points," nagkanayon si Hontiveros. Iya usab nga gitumbok nga si Pharmally administrative assistant Krizle Mago niangkon "in an unrehearsed testimony" atubangan sa Senado nga ilang gi-tamper ang product certificates sa face shields. Si Hontiveros nitataw usab nga ang iyang buhatan way track record sa pag tamper sa saksi o mangsuborno og saksi. (TPM sa SunStar Philippines) This posting includes an audio/video/photo media file: Download Now

Balak: Hangyo sa sunod nga panagkita Posted: 29 Sep 2021 05:23 AM PDT Jefferson del Rosario Danao City, Cebu Inday, Kon mag-uwan man sa sunod natong panagkita, hunahunaa nga ako ang mga lusok niini. Unta, Dili ikaw magdala og payong aron sa akong pagkatagak imo akong saw-on. This posting includes an audio/video/photo media file: Download Now

Balak: Danguyngoy sa kalag nga wa kakita sa kahayag Posted: 29 Sep 2021 05:21 AM PDT Miguel Canubida Obial, Sr. Pitalo, San Fernando, Cebu Samtang nagduyan ako nga malinawon Sa tago-angkan sa nalulotan kong Nanay Nangandoy kong mosil-ip sa kahayag Sa bantawan sa gawas nga kalibutan. Apan kalit kamingaw mihabol ning dughan Kay may nasinating sundalisa sa kaugtasan. Ang mga kamot nga kanako mitabyog Nagbadlis og utlanan sa akong kapalaran. Miipli ako aron unta pag-ikyas sa badlis Apan wala koy kapaingnan nga dapit. Ang akong singgit gilamoy sa kahilom Kay amang pa ang baba kong gatak-om. Wala koy nahimo pilit kong gidawat Ang kangiob sa gidamgong kabuntagon Kay si Nanay naghambin diayg kasilag Kanako sa sala nga wa koy kasayuran. Pagka alaot ko nga nakaangkon og inahan Kansang pagbati ahaw sa langitnong tugon. Naghikaw nako sa pangandoyng molantaw Sa limbahon ug makawili nga banagbanag. Nanay, pamatia ang danguyngoy ning kalag Nga nagtinga na uban sa luyang mga takna. Hinumdumi nga sa utlanan sa imong panahon Magpangawhat ka sa kalinaw nga langitnon. This posting includes an audio/video/photo media file: Download Now

Sugilagming: Anak sa Ungo Posted: 29 Sep 2021 05:17 AM PDT Lamberto G. CeballoS Ilaya, Cawayan, Dalaguete, Cebu SAMTANG nag-andam si Floro sa yugo ug daro sa iyang kabaw nga turo aron mopaingon na sa sa iyang baol nianang sayong buntag, miabot si Bitoy, batang utso anyos, nga naghangos. "Nong Floro, tua sa tindahan ni Nang Eka si Nang Sonya, ay, nagsigeg estorya bahin sa imong nanay Colasa nga ungo kuno ug ikaw, anak sa ungo!" matod ni Bitoy. "Nakainom na pod siya?" ni Floro. "Kasayo god!" "Oo, Nong Floro," ni Bitoy. "Kutab lang ang baba bahin nimo ug kang Manang Colasa!" Si Sonya dalagang guwang, kuwarinta anyos ug palainom. Naninda siyag mga utanon ug ubang lagutmon sa merkado sa balangay sa Nayawak. Yano lang ang iyang panagway apan lison og panglawas. Way ganahan nga mangulitawo kaniya kay siya palainom ug tabian labi nag mahubog. Magpunay og panaway sa mga silingan ug manginsulto kon imong alkontrahon. Ilo na siyang tuwapos ug nagpuyo sa balay sa iyang iyaan sa bungtod sa Kambaki. Sa laing bahin, si Floro ilong tuwapos pod. Iyang edad tryayentay-singko na, apan wa pa siya magminyo kay wa pay babaye nga iyang naibgan aron dad-on sa altar sa kaminyuon. Unang mipanaw ang iyang tatay Karyo. Mitaliwan ang iyang Nanay Colasa duha na ka tuig ang nakalabay. Si Sonya ang nagpalakat nga ungo ang inahan ni Floro kay giabat kuno siya usa ka gabii didto sa kasagingan dihang niuli siya sa bungtod sa Kambaki gikan nga nitambong og birtdey sa iyang amiga nga taga ubos. Mao kadto nga nabaniog nga ungo si nanay niya Colasa ug si Floro, anak sa ungo. Dugay na nga naglungotlungot si Floro nga panimaslan si Sonya kay bisan patay na si nanay niya, nagsige gihapon og panugilon nga siya anak sa ungo. "Sige, Bitoy, balik didto sa tindahan ug pamati sa mga estorya sa nanag-inom. Ug aria ko inigka hapon kon mohapit sa tindahan ni Nang Eka si Sonya aron motangwayg tuba." "Oo, Nong," ni Bitoy nga piskay kaayong milakaw. Nianang pagka kilumkilom miadto si Bitoy sa payag ni Floro nga nahimutang sa Tapon, atbang nga bungtod sa Kambaki. "Nong Floro, nanabi na pod si Nang Sonya nga wa ka maminyo kay way dalaga nga mosugot nimo kay anak kag ungo," ni Bitoy dayong lingkod sa unang ang-ang sa payag ni Floro. "Unya ingon siya di ka niya sugton kon mangulitawo ka niya, kay di siya mamana og ungo." "Mao ba, Bitoy?" "Mao gyud na, Nong Floro!" "Sige. Salamat, ha!" "Way sapayan, Nong Floro." Mitindog si Bitoy ug mitalikod aron mopauli. DIHANG misugod na pagtikyop ang kagabhion didto na si Floro sa kasagingan ubos sa bungtod sa Kambaki. Anhi dinhi moagi si Sonya inigpauli niini sa bungtod. Mihubong si Floro sa tulo ka punoan sa saging. Himatayon ang buwan sa langit ug unawop ang dan-ag niini sa palibot. Taudtaod, nakita niya si Sonya nga naglakaw nga nagsapinday samtang nagbitbit og basket. Nagkanta-kanta pa kini, "Bulan, pagkatahom mo..." Paghitungod ni Sonya sa nahimutangan ni Floro kalit siya nga gigakos ni Floro. Mikisi-kisi si Sonya, apan gidaog siya sa kusgan nga mga bukton ni Floro nga mihalok sa iyang mga aping ug mga ngabil. Nanglumoy siya ug nangatumba sila sa yuta. Iya na lang gipasagdan si Floro sa gibuhat niini kaniya, kay gibati sab niya ang kalalim. "Unsay imong ikasulti, Sonya, bahin sa anak sa ungo?" ni Floro pagkahuman sa iyang gibuhat kang Sonya nga nahuwasan sa kahubog. Wala motingog si Sonya. Hinunoa, migakos siyag hugot sa lalake. May talagsaong pagbati sab nga mikuyanap sa tibuok galamhan ni Floro. Siya ang unang lalaki nga nakapusgay sa gihay sa bulak ni Sonya. Mibawos siya paggakos. "Mamauli na ta," ni Floro nga milugak paggakos sa babaye. Mitalikod siya aron mopauli sa bungtod sa Tapon. Samtang siya nagagaka nabatyagan niya nga nagsunod si Sonya kaniya. "Uy, asa man ka punta? Tua sa Kambaki ang inyoha!" hulbaw ni Floro. "Mokuyog ko nimo, Dong Floro. Adto ko uli sa inyo," ni Sonya nga naghilak. "Moipon ka sa anak sa ungo?" ni Floro. "Sulti sa tinuod, uy!" "Oo, uy! Guwapo man ka, Dong Floro!" ni Sonya nga migunit sa walang bukton ni Floro. Wa na lang motingog si Floro. Giagbayan niya si Sonya. Misantop sa iyang hunahuna nga angay na man sab nga may katugbang siya samtang buhi pa dinhi sa kalibotan. Uban kang Sonya nangandoy siyag usa ka dosenang anak. Unya may bilyakong pahiyom migitib sa iyang mga ngabil. (KATAPUSAN) This posting includes an audio/video/photo media file: Download Now

Ciar: Mark Timothy dela Cruz Ang Guwapitong Viral TikToker Posted: 29 Sep 2021 05:09 AM PDT SI Mark Timothy Dela Cruz mao ang 17-anyos nga guwaping ug dunay towering height nga 6'1" nga viral karon sa TikTok. Ang pinaka nag-trending niya, mga pila pa lang ka semana ang nilabay, ang video nga duna kunohay siyay katapad apan ang netizen ray mo-edit sa ilang nawong nga duna nay 8.7 million views, 1.5M likes ug 100k shares. Bisitaha ang iyang TikTok account nga @prettyboiimarkyy aron inyong makita kon unsa siya ka cutie ug talented. Ang iyang popularidad niabot na sa showbiz mao nga gikuha siya sa StarDon Artists Management nga co-manage sa sikat nga komedyanteng singer-TV host nga si Donita Nose. Siya usab karon ang brand ambassador sa Werpa Food Park sa Punta Princesa. Mark Timothy dela Cruz, Ssssuper Ka! Pila na ka video nimo ang nag-viral? Mga 8 then ang 4 niini maoy niabot na og millions. Actually, bag-o ra ko sa TikTok. Kinsay naka-influence nimong mag-TikTok? Mga kaila ra sad kay basin daw mailhan ko kay hitsuraan daw ko. Mao to nisuway ko pag-June. Wa ko nag-expect nga mag-viral, hangtod nga nidaghan akong followers. Unsay first video nimo nga nag-viral? Kadtong nisayaw ko nga niabot og 327k views ug 45k likes. Although before ko nag-TikTok nag-viral na ang usa ka pitik nako sa Facebook kadtong nag-bike ko sa Busay. Niabot og 50k reactions ug 60k shares. Unsay imong mga talent? Hilig ko mokanta pero di ko kaingon nga maayo jud. Kahibawo sad ko mosayaw pero slight lang. Moduwa sad kog basketball. Nag-training ko ron para varsity, isip passerelle player sa CIT-U where I'm studying in 12th grade. Okay ra ka buhisan sa BIR ang mga content creator? Oo, isip responsable nga Filipino dapat gyud ta mo-share sa atong blessing ug mosunod sa patakaran kon unsay makaayo sa atong nasud. Apan sa akong case wala pa man koy income kay bag-o pa lang ko. Kinsay naka-discover nimo sa StarDon? Ang assistant ni Donita Nose while nagkaon mi sa Werpa Foodpark. First project nako kadtong 1st monthsary sa Werpa diin nag-host ko live ug nikanta sab ko. Thankful ko sa Werpa sa opportunity nga ilang gihatag nako. Taga-asa diay inyong kaliwat? Our hometown is Taal, Batangas. Wala gyud mi tarong nga address tungod sa trabaho sa akong papa isip district manager sa Unilab. Nakapuyo sad mig Mindanao kay didto man na-assign akong papa for 15 years. Then 2018 nibalhin mi og Cebu kay dire na sad na-assign si papa. Lisod kaayo sigeg adjust, sigeg balhin og eskuwelahan, balay, new set of friends na sad. Apan matod ni papa nga ang importante nga kanunay ming mag-uban ug dili magbuwag ang among pamilya. Akoy kinamaguwangan sa tulo ka managsuon. Unsay pinakalisud nga nasinati ninyo sa pandemic? Ang mental health especially namong managsuon. Sad to say we're missing out some of the most important memories of our young lives because of this pandemic. Maayo na lang lig-on ang among relasyon sa pamilya nga nakatabang aron ma-survive namo ang new normal. Unsa man ka nga pagkatawo? I'm a happy and optimistic person, friendly, helpful, ug dali ra mosalig kay ang good side man ang akong tan-awon sa tawo. Unsay plano nimo mag-showbiz ka? Kon dunay chance. Ganahan ko makasud sa Pinoy Big Brother aron makatabang ko sa akong pamilya. Wala pa ko ka-try mo-audition for any reality show but if ever ang PBB gyud ang akong plano. This posting includes an audio/video/photo media file: Download Now

Goodbye boxing, hello politics Posted: 29 Sep 2021 05:05 AM PDT PORMAL nang niretiro sa boksing si Senator Manny Pacquiao human siya giindurso sa iyang political party nga mahimong sunod nga presidente sa Pilipinas. Ang maong pamahayag gianunsyo mismo sa eight time division world champion kagahapon, Septiyembre 29, nga dili na siya moaway ibabaw sa ring. "As I hang up my boxing gloves, I would like to thank the whole world, especially the Filipino people for supporting Manny Pacquiao. Goodbye boxing. It is difficult for me to accept that my time as a boxer is over. Today I am announcing my retirement," padayag ni Pacquiao sa iyang 14 minutos nga video sa iyang Facebook page. Ang Pambansang Kamao nihuman sa iyang 26 ka tuig isip professional boxer nga adunay 72 ka away diin 62 niini iyang gidaog, 8 ang pilde ug duha ang tabla samtang 39 ang gi-knockout ug 23 pinaagi sa decision. Siya ang nag-inusarang boksidor sa tibuok kalibotan nga adunay 12 ka major titles nga gibahin sa 8 ka managlahing weight divisions. "Thank you for changing my life. When my family was desperate, you gave us hope, you gave me the chance to fight my way out of poverty. Because of you, I was able to inspire people all over the world. Because of you I have been given the courage to change more lives. I will never forget what I have done and accomplished in my life that I can't imagine. I just heard the final bell. The boxing is over, " matod ni Pacquiao sa iyang video message. Ang pagretiro ni Pacquiao dili tam-is sanglit sa iyang katapusan niyang away niadtong Agusto 22, gipukan siya ni Yordenis Ugas kinsa niabot sa Amerika niadtong tuig 2010 gikan sa Cuba aron ipabilin kaniya ang WBA welterweight title nga maoy pagbalik usab og away ni Pacquiao sulod sa duha ka tuig. Si Pacquiao gilauman nang moretiro sa boksing human siya nagpadungodungog sanglit naglaraw na siya niadtong higayona nga magpapili sa labing taas nga posisyon sa nasod ug sayo niiing buwana, iya nang gidawat ang nominasyon sa PDP-Laban nga maoy iyang partido pagpapili pagka-presidente sa 2022 elections. Iyang gipasanginlan ang kasamtangang administrasyon ni President Rodrigo Duterte nga adunay mga anomaliya ug iyang gisaad nga iyang gisaad nga batukan ang kalisod ug kakabos ug nibahad sa mga corrupt nga ipapriso. Ang senador nibiya sa General Santos City isip teenager ug nisakay sa barko paingon sa Manila ug nagsugod og away isip professional boxer sa junior flyweight niadtong 1995 sa edad nga 16 nga maoy sinugdanan nga si Pacquiao nahimo nga usa sa labing dato nga atleta sa tibuok kalibutan. (PAC) This posting includes an audio/video/photo media file: Download Now

LeBron bakunado na Posted: 29 Sep 2021 05:04 AM PDT NAHUMAN na sa pagpabakuna si LeBron James sa Los Angeles Lakers batok sa Coronavirus disease (Covid-19) nga iyang gibutyag atol sa ilang media day. Ang superstar sa Lakers nagkanayon nga iya kining gihimo para sa kaluwasan sa iyang pamilya ug higala ug nibutyag nga walay discussion sa ilang team batok sa pagpabakuna. Adunay nga pangutana kon magpabakuna ba si James sanglit niadtong Marso 2021, wala siya mohatag og tino nga tubag. Apan daw nahatagan na og giya ang mga fans sa niaging semana human ang ilang general manager nga si Rob Pelinka niingon sa mga tigbalita nga ang tanang kasamtangang players nga adunay kontrata gikonsidera nga fully vaccinated. Apan bisan kon bakunado na si James,dili siya moawhag sa ubang magduduwa nga magpabakuna sama kaniya. Ang sikat nga magduduwa sa NBA nga nangayo og privacy labot sa vaccination mao si Kyrie Irving sa Brooklyn Nets samtang si Andrew Wiggins sa Golden State Warriors nihangyo sa NBA nga hatagan siya og exemption apan wala kini gitugotan. Nahimong issue ang labot sa bakuna sa NBA sanglti ang New York City ug San Francisco nigama og lagda nga dili maka-practice o duwa ang mga atleta sulod sa ilang siyudad kon walay bakuna. Sa report ni Tim Bontemps sa ESPN, ang NBA naglaraw nga mosunod sa maong requirements nga mao karon ang nakapaukay sa mga magduduwa sa NBA labot sa bakuna sa Covid-19. (PAC) This posting includes an audio/video/photo media file: Download Now

Manny maoy centennial champion sa wba Posted: 29 Sep 2021 05:02 AM PDT GUMIKAN sa iyang pagretiro, ang World Boxing Association (WBA) nipasidungog sa PambansaNg Kamao nga si presidential bet Manny Pacquiao isip "Centennial Champion" gumikan sa iyang natampo sa kalibotan sa boksing. "The Centennial Champion is a way to honor the legends of our sport and also to celebrate our 100 years of existence. Without a doubt, Manny meets all the requirements to obtain this recognition that he will never lose, because he earned it by leaving a great legacy in and out of the ring. We are proud to give this distinction to a man who gave so much to boxing," matod pa sa WBA nga napatik sa ilang official website. Ang 42 anyos nga si Pacquiao bag-ohay lang nikumpirar sa iyang pagretiro sa pagpamoksing human sa 26 ka tuig niyang karera aron pagtutotok sa politika diin siya ang manok sa PDP-Laban 2022 elections. Si Pacquiao ang nag-inusarang boksidor sa tibuok kalibotan nga nahimong champion sa walo ka managlahing weight divisions gikan sa flyweight, super bantamweight, featherweight, super featherweight, lightweight, light welterweight, welterweight and light middleweight ug siya ang lineal champion sa flyweight, featherweight, lightweight and welterweight divisions. Dili komedya ang pagpukan ni Pacquiao sa mga dagkong pangalan sa boksing sama nilang Oscar dela Hoya, Shane Mosley, Juan Manuel Marquez, Marco Antonio Barrera, Erik Morales ug Miguel Cotto ug daghan pang uban. Nitapos si Pacquiao sa iyang pagpamoksing uban sa iyang 62 ka daog, 8 ang pilde ug duha ang tabla diin 39 sa iyang mga daog pinagi sa knockout diin siya gipasidunggan isip "Fighter of the Decade for the 2000s sa Boxing Writers Association of Amerika (BWAA) ug three-time Ring Magazine Fighter of the Year Awardee niadtong 2006, 2008 ug 2009. Ang kandidato sa pagkapresidente sa Pilipinas sunod tuig nidaog sa iyang away sa regular WBA welterweight belt pinaagi sa seventh round knockout batok ni Lucas Matthysse niadtong 2018 ug malampuson nga gidepensahan ang iyang bakos batok ni Adrien Broner niadtong 2019. Nahimo siyang super champion sa WBA welterweight division human sa iyang split decision nga kadaugan batok ni Kieth Thurman sa samang tuig ug katapusan niyang away batok ni Yordenis Ugas diin siya napilde pinaagi sa unanimous decision niadtong Agusto 22 niining tuiga. "The WBA congratulates Manny for his great career and is proud to grant this recognition to a man who has managed to represent the black and gold colors with his impeccable career. A big shout out to our Centennial Champion, Mr. Manny Pacquiao." (EKA) This posting includes an audio/video/photo media file: Download Now

Bubble set-up gitun-an Posted: 29 Sep 2021 05:01 AM PDT ANG kalisod sa pagpahigayon og sporting events ubos sa bubble setup maoy usa sa mga agenda nga gituki sa ikatulong Philippine Professional Sports summit nga gipasiugdahan sa Games and Amusements Board (GAB). Ang kalihukan pormal nga gisugdan kagahapon, Septiyembre 29, 2021 ug sa ikaduhang higayon kini ipaagi sa online tungod sa IATF restrictions. Mohatag sa ilang kasinatian mao ang mga opisyalis ug representatives sa mga professional league sa nasod sama sa PBA, PVL, PFL, NBL, WNBL, Chooks To Go Pilipinas 3×3, VisMin Cup ug ingon man sa ubang sports sama sa boxing, golf, chess, ug esports nga maoy guest speakers sa nahisgutang summit. "There will be leagues that are going to share their experiences. Happy tayo that maso-showcase yung mga ginawa nila kasi ang hirap talaga. Planning pa lang and approval niyan ang hirap talaga," matod ni GAB Chairman Abraham Mitra sa online session sa Phillippine Sportswriters Association (PSA) forum. "Tsaka magastos yan kasi ilang araw kayo mag-bubble or mag-isolate bago kayo payagan," dugang niya. Karong tuiga ang summit magdala sa tema nga "Professional Sports Through The Pandemic: Now and Future Directions." Naglakip sa mga resource speakers sila si PBA Deputy Commissioner Eric Castro, former PBL Commissioner Chino Trinidad sa VisMin Cup, Mark Zambrano sa Chooks To Go Pilipinas 3×3, ug Rhose Montreal sa NBL ug WNBL. Kining tanan pulos nagrepresentar sa basketball. Ang ubang nga mamulong mao sila si Ricky Palou (PVL), Coco Torre (PFL), Atty. Paul Elauria (PCAP), Mohamed Shariz (PGTI-golf), Steven Uytengsu (Ironman Triathlon), Marlon Marcelo (Philippine Esports Organization), Nico Kenji Nazario (esports), Jonmar Villaluna (esports player), boxing promoters Brico Santig, JC Mananquil, ug Charlemagne Marban III, boxing officials Alberto Dulalas, Romulo Marlou Neri, Atty. Danrex Tapdasan, Nicolas Banal, muay thai promoter Francis Amandy, ug Team Lakay chairman ug head coach Mark Sangiao. "Meron din tayong mga policy makers na magsasalita and then, of course, the players, the licensees," dugang ni Mitra atol sa session nga gidalit sa San Miguel Corporation (PSC), MILO, Amelie Hotel, Braska Restaurant, ug sa Philippine Amusement and Gaming Corporation (PAGCOR). (JBM) This posting includes an audio/video/photo media file: Download Now

Pink October gipangandaman Posted: 29 Sep 2021 05:00 AM PDT ANG Active Woman Strong Virtual Sports Challenge gilusad na sa niaging semana pinaagi sa usa ka virtual press conference. Ang event maoy sa usa sa mga sentro sa kalihukan sa tinu-ig nga selebrasyon sa "Pink October" nga nagkampanya ug nagpasidaan kalabot sa pagpakigbatok sa breast cancer. Si Theresa Conson, ang founder sa Active Hub nga maoy nagpasiugda niini, nianunsiyo nga virtual ang kompetisyon nga gikatakda sa Oktobre 30 ngadto sa Nobiyembre 30, 2021 ubos sa pag-abag sa Cebu Fuente Rotary Club, Icanserve Foundation, Inc. Cebu ug ingon man sa mga cancer survivors nga sila si Ron Flores, Mary Anne Alcordo-Solomon ug mga ambassadors. Maglangkob sa maong kalihukan mao ang virtual run ug cycle discipline nga motadlas sa nagkalainlaing lugar. Ang mga mosalmot sa run category sama sa 10 kilometer, 50k ug 100k run samtang ang biking event aduna say 50k, 200k ug 500k nga gilay-on sa rota. "Our mission is to arm women with breast care health and breast cancer information to make them well-informed about their health. We provide access to special services to recover and heal effectively," matod ni Conson. " We are excited for this partnership because we can help more women and to help many people remain active despite the pandemic. Cancer is not a death sentence, but a disease you can live with and not die from." Lahi sa niaging mga editions nga eksklusibong lang salmutan sa mga partisipante, ang karon nga virtual race abli alang sa tanan lakip na ang mga kalalakin-an. "The upcoming event is open to male and young participants to address the demands of their previous events for everyone," dugang ni Conson. Aron pagkuha og daghang mga mosalmot ug makahatag og dako-dako nga pundo sa Icanserve Foundation, ang mga tigpasiugda nitanyag og mga ganti sa matag kategorya. Ang top three finishers sa 50k ug 100k run ug ang 200k ug 500k bike makadawat og tagsatagsang premyo samtang ang tanang finishers mouli nga may dalang medal ug race jersey. Alang sa dugang detalyi ilabi na kalabot sa registration fee, mahimong mobisita lang sa Facebook page sa Active Woman. (JBM) This posting includes an audio/video/photo media file: Download Now

You are subscribed to email updates from https://www.sunstar.com.ph/. To stop receiving these emails, you may unsubscribe now.	Email delivery powered by Google
Google, 1600 Amphitheatre Parkway, Mountain View, CA 94043, United States