Sunday, September 5, 2021

https://www.sunstar.com.ph/

https://www.sunstar.com.ph/

Kobe moduwa sab sa Japan

Posted: 05 Sep 2021 04:05 AM PDT

Laing batan-on ug dekalidad nga Pinoyng basketbolista ang mipirma og kontrata aron moduwa sa Japan Basketball League (JBL).

Gitumbok mao ang slamdunk artist nga si Kobe Paras, kinsa mipirma sa Niigata Albirex BB alang sa 2021-2022 season.

"I am very grateful to have this opportunity to be a part of such a great organization and basketball league," asoy ni Paras nga napatik sa official website sa Niigata.

"I look forward to playing in the role that coach Hiraoka has envisioned for me and showcasing the love I have for this game on a professional level in front of the great Niigata boosters."

Ang Niigata nagduwa sa B1, ang first division sa B.League sa miaging season, igo ra nakatigom og 16-38 nga rekord.

Sa umaabot nga season, ang Niigata usa sa pipila ka teams sa B.League nga adunay Pinoy nga mga magduduwa.

Ang 6'6' nga si Paras produkto sa University of the Philippines (UP) Fighting Maroons sa University Athletic Association of the Philippines (UAAP).

Nahimong sakop sa Mythical Five si Paras sa Season 82 human siya nag-average og 17.4 puntos ug 5.7 rebounds.

Nahimo sab nga sakop si paras sa Gilas Pilipinas national team. (ESL)

This posting includes an audio/video/photo media file: Download Now

Jordan, gihandom gihapon sa Gilas

Posted: 05 Sep 2021 04:03 AM PDT

Wala pa mawad-i og paglaom ang Samahang Basketbol ng Pilipinas (SBP) sa ilang tinguha nga makuha si Fil-Am Jordan Clarkson aron makatabang sa kampanya sa Gilas Pilipinas sa 2023 FIBA World Cup.

"We continue to press it," batbat ni SBP president Al Panlilio sa interbyu sa radio program "Power and Play".

Basi sa patakaran sa Fiba, ang basketball governing body sa kalibutan, ang Fil-foreigner kinahanglang nakakuha na og Philippine passport sa wala pa kini nag-edad og 16 anyos. Gipatuman kini sa tanang mga nasod.

Mao kini ang problema sa sitwasyon sa usa sa mga sinaligan sa Utah Jazz sa National Basketball Association (NBA) gumikan lapas na sa 16 anyos iyang edad dihang nakabaton siya og Philippine passport.

Mao sab kini ang sitwasyon sa Fil-foreigners nga nagduwa sa Philippine Basketball Association (PBA) nga sila si Christian Standhardinger ug Stanley Pringle, kinsa gitinguha sab sa Gilas nga kuhaon.

Gipasabot ni Panlilio nga aduna sila'y nakuhang impormasyon nga adunay magduduwa sa laing nasod nga sama og sitwasyon ni Clarkson ang nahatagan og konsiderasyon sa Fiba.

"Kasi we have gotten some information that some (players) may mga passports na nakuha (who have gotten their passports) beyond 16 for some reason and we wanna understand what has happened there so we're looking at other situations that can help us and aid us," asoy ni Panlilio sa interbyu sa Spin.ph.

"But at the end of the day, these guys are Filipinos so we just have to continue to push our justification to FIBA."

Ang Gilas hinayhinay nang nangandam alang sa World Cup qualifiers diin nahisakop sila sa Group A kauban ang South Korea, New Zealand ug India.

Ang Gilas makigsangka sa Korea karong Nobiyembre 25 ug Nobiyembre 28, 2021, ilang ikaharong ang India karong Pebrero 25, 2022 dayon ang New Zealand karong Pebrero 28, 2022.

Ikasangka og balik sa Gilas ang India sa Hunyo 30, 2022 ug ang New Zealand sa Hulyo 3, 2022.

Usa sa dakong problema sa Gilas mao ang pagkuha og kaseguroan nga makaduwa sa team ang kasamtangan ning maong mga sakop ning maong mga kombati hangtod na sa World Cup event na mismo.

"We still have to discuss this but it's going to be a struggle also really for us to keep the team together, that's the challenge. We're working for a full-year program or beyond this on how we can calendar all of this. We have so many things to do in keeping the team together. 'Yan talaga ang problema natin," pasabot ni Panlililo. (ESL)

This posting includes an audio/video/photo media file: Download Now

Dyip nakaligis na sab

Posted: 05 Sep 2021 03:57 AM PDT

Padayon ang kapaspas sa dagan sa Terrafirma Dyip ug nangligis na sab kini'g laing puwersa nga mao ang Blackwater Elite Bossing, 96-84, kagahapon, Septiyembre 5, 2021, sa Philippine Basketball Association (PBA) Philippine Cup sa Don Honorio Ventura State University Gym sa Bacolor, Pampanga.

Kini maoy ikatulong sunodsunod nga kadaugan sa Dyip gikan sa pagbalik sa aksyon sa komperensya, nga taodtaod sab nga naundang tungod sa Covid-19.

Ning kombatiha, nibahar ang duwa sa bayani sa Dyip sa miagi nilang duha ka mga tahas nga si Juami Tiongson apan nagkumboya ang ubang mga sakop sa team aron isaka ang ilang rekord ngadto sa 3-4.

Gipangulohan ni Aldrech Ramos ang kadaugan pinaagi sa iyang 17 puntos, nidugang og 15 puntos si Reden Celda samtang niamot og 12 puntos si Andreas Cahilig.

Ang Bossing, nga naunlod og samot sa labing ilawom nga puwesto dala ang 0-7 nga rekord, gipangulohan ni Mike Tolomia pinaagi sa iyang 14 puntos samtang nitampo og 13 puntos si Simon Enciso.

Puntos matag usa

Terrafirma (96) - Ramos 17, Celda 15, Cahilig 12, Tiongson 10, McCarthy 10, Gabayni 9, Ganuellas-Rosser 9, Laput 4, Camson 4, Adams 3, Calvo 2, Batiller 1.

Blackwater (84) - Tolomia 14, Enciso 13, Daquioag 12, Amer 11, Desiderio 11, Nabong 8, Cruz 4, Golla 3, Torralba 3, Dennison 2, Magat 2, Escoto 1. (ESL)

This posting includes an audio/video/photo media file: Download Now

Pacquiao moretiro sa pulitika?

Posted: 05 Sep 2021 02:31 AM PDT

Gawas sa boksing, gikonsiderar sab ni Senator Manny Pacquiao ang pagretiro sa pulitika.

Mao kini ang gipabuhagay sa Pambansang Kamao ng Pilipinas sa interbyu sa usa ka radio station sa Manila basi sa taho sa Manila Times.

Gipasabot sa fighting senator nga giampiangan niya nga dili mahugawan ang iyang integridad apan aduna gihapon mga tawo nga moataki kaniya, timailhan nga gisamukan na siya sa pulitika.

"Or I might retire from politics. Ayaw ko ng plastikan," asoy sa 8-division world champion nga napatik sa Manila Times.

Gitataw ni Pacquiao nga wala'y bisan usa ka nilalang ang iyang giilad ug wala sab siya mangawat gumikan kay dako ang iyang pagsalig sa Kahista-an.

Matod ni Pacquiao nga iyang ianunsyo ang iyang pinal nga desisyon kon moretiro ba siya pulitika ug boksing sa dili pa moabot ang Oktubre 1, 2021.

Wala pa man tuod siya'y pinal nga desisyon apan gipahimangnuan nang daan ni Pacquao ang mga tikasan sa gobiyerno gumikan kay iya kining paphaon tanan kon mahatagan siya'g gahom sa pagbuhat sa ingon.

Nasayod na ang tanan nga nagplano si Pacquiao sa paglansar isip presidente sa eleksyons sa sunod tuig kon makadesisyon siyang modayon sa pulitika. (ESL)

This posting includes an audio/video/photo media file: Download Now

Ormoc City nagsugod na pamakuna sa 'general population'

Posted: 04 Sep 2021 11:15 PM PDT

GUMIKAN sa pag-abot sa igong supply sa bakuna sa Ormoc City, ipahigayon na sa matag barangay ang vaccination rollout.

Unahon sa City Health Department ang top 10 barangay nga dunay pinakadaghan og natala nga kaso sa Covid-19.

Nag-una niini ang Barangay Cogon nga dunay 156 cases; San Pablo dunay 131 cases; Linao dunay 123 cases; San Isidro dunay 122 cases; Tambulilid dunay 119 cases; Ipil dunay 96 cases; Doña Feliza Mejia dunay 92 cases; Punta dunay 91 cases; Bagong Buhay dunay 85 cases ug Can-adieng dunay 73 cases.

Apan kini tanang kaso toa sa isolation facility sa Dolores ug wala sa barangay.

Giaprobahan na ni Dr. Edmund Keirulf nga sunod semana magsugod na sa pagpamakuna sa taga Cogon, San Pablo ug Linao.

Sa Septiyembre 6-7 ang pamakuna sa taga Cogon adto sa SM Center; sa petsa 8 ang pamakuna sa taga San Pablo adto sa ilang covered court, ug petsa 9-10 ang Linao adto sa Gaisano Riverside.

Ang barangay na ang gitahasan sa masterlisting sa nga wala pa nabakunahi, sila usab ang mopili sa lugar kung asa ipahigayon ang pagpamakuna ug mo tabang sa pagplastar sa vaccination site.

Duna gihapon priority lane para sa A2 o mga senior citizens, A3 o persons with comorbidities, duna sab sa persons with disabilities ug duna sab priority lane sa A5 o kadtong mga miyembro sa Pantawid Pamilyang Pilipino Program.

Modawat usab ang barangay vaccination site og mga nalista nga mga A4 o essential worker pero dapat duna sila'y ipakita nga code nga gi-text.

Ang mga nagpuyo sa matag barangay dapat magpakita og ID o bisan unsang dokumento nga dunay address aron masiguro nga naa gyod sila sa maong barangay nagpuyo.

Pwede usab ang opisyal sa barangay ang magpamatuod kay naa man sila atol sa pagpamakuna.

Dawaton usab sa barangay vaccination site ang mga tawo nga nagtrabaho sa ilang barangay bisan og wala kini nagpuyo sa maong barangay.

Ipakita lang nila ang mayor's permit nga dunay address ug certificate of employment or ID nga dunay pirma sa ilang labaw.

Gipaniguro sa LGU-Ormoc nga sa katapusang semana sa Oktubre, mahuman na ang pagpamakuna sa dakbayan. (JKDP)

This posting includes an audio/video/photo media file: Download Now

Barug padung mabuak?

Posted: 04 Sep 2021 06:57 AM PDT

Unsay nahitabo sa Partido Barug-PDP Laban? Padung kaha kining mabuak?

Usa ka buwan sa di pa ang filing sa certificate of candidacy (COC), si Cebu City Councilors Donaldo "Dondon" Hontiveros ug Phillip Zafra, puros mga konsehal gikan sa Cebu City south district, nag-post sa ilang tagsa-tagsa ka Facebook account og "INDEPENDENT" sa Biyernes sa gabii, Septiyembre 3, 2021.

Gikompirmar ni Zafra atol sa interbyu sa Septiyembre 4 nga mohawa siya sa Barug, apan si Hontiveros wa pa mokompirmar kay gikataho nga toa pa sa kaulohan.

Sa lahi nga interbyu, si Konsehal James Anthony Cuenco niingon nga "seriously considering doing so myself," kun nagkonsiderar usab siya sa pagbiya sa partido.

Matod ni Zafra nga di pa siya sigurado kon modagan ba siya sa umaabot nga eleksyon sa Mayo 2022.

"It does not necessarily follow nga modagan ko. Depende na sa sitwasyon," matod ni Zafra.

Mohawa siya sa grupo aron maka-focus siya sa paghatag og serbisyo sa publiko.

"I can be with, not just the party which I used to belong before, but also to the other party, most importantly to the people, nga maka-discuss ta freely with them and I don't want to be instructed by any political partisanship," matod ni Zafra.

"Para nako mas maayo ang pag-atiman nato, in particular sa Sugbo, kon wala tay political consideration," segun niya.

Niingon sab si Zafra nga wa siyay plano nga moapil og laing political party nga nagpasabot nga di usab siya motipon sa Bando Osmeña Pundok Kauswagan (BOPK).

Iya sab nga giklaro nga wala'y gubot nga nahitabo sa Partido Barug nga nakapakombinser kaniya nga mohawa sa grupo.

Si Hontiveros, atol sa pagsuwat, wa pa naghatag sa rason sa iyang Facebook post. Di sad siya motubag sa mga tawag.

Si Zafra nahibung sad sa Facebook post ni Hontiveros.

Matod niya nga wa pa sila magkaestorya tungod kay si Hontiveros anaa pa sa Manila.

Si Cuenco nalipay sa desisyon ni Zafra nga mag-independent.

"I am actually happy about his decision to go independent. Truth to tell, I am seriously considering doing so myself. No further comment until then," matod ni Cuenco sa iyang text message ngadto sa SunStar Cebu.

Si Councilor Joel Garganera niingon nga wa pa niya mahinabi ang iyang mga kauban sa politika ug mas maayo nga ihatag sa niya ang tibuok weekend ngadto sa duha.

"It's weekend, let's give it to them," matod niya.

Si Konsehal Prisca Niña Mabatid, sa iyang mensahe nga gipadala sa SunStar Cebu, niingon nga mahiuli ra ang ilang grupo sa di pa ting-file sa COC.

"The coast will be clear before filing. In the end I know that our group will be okay. Our captain will not allow our boat to sink," matod ni Mabatid.

"Mayor Mike will stand up for all of us. Pinangga na niya si Phillip ug si Dondon that I am sure of," segun sa konsehal.

Gisuwayan og kuha sa SunStar Cebu ang habig ni Cebu City Acting Mayor Michael Rama isip party president, apan di siya matawagan.

Gisuwayan sab og kuha sa SunStar Cebu ang habig sa ubang mga miyembro sa Barug, apil na si Mayor Edgardo Labella nga nag-leave karon, apan wa pa sila motubag atol sa pagsuwat.

Si Labella wa nay tinguha nga magpasubli tungod sa iyang panglawas.

Niadtong 2019 elections, si Rama modagan unta sa pagka mayor, apan nakombinser siya sa mga kauban sa paghatag og agianan kang Labella. (dugang taho ni REV)

This posting includes an audio/video/photo media file: Download Now

Cebu City drive thru nga pamakuna gilusad

Posted: 04 Sep 2021 06:54 AM PDT

Human pormal nga gibuksan ang drive-thru vaccination sa Noah Complex nga anaa nahimutang sa South Road Properties (SRP), nagplano ang Cebu City Vaccine Advisory Board nga magbutang sab og samang pamaagi sa pagpamakuna sa SM City Cebu.

Niawhag sab ang Board sa sektor sa transportasyon nga mopahimus sa drive-thru service.

Gisugdan sa Board ang drive-thru coronavirus disease 2019 (Covid-19) vaccination sa New Normal Oasis for Adaptation and a Home (Noah) sa SRP niadtong Sabado, Septiyembre 4, 2021.

Si Noah manager Jocelyn Pesquera niingon nga pagahimuon lang ang drive-thru service matag Sabado, gikan sa alas 8 sa buntag hangtod sa alas 4 sa hapon.

Matod ni Pesquera nga maabot sa 300 ang maserbisyoan sa usa ka adlaw.

Kinahanglan magpa-appointment daan ang mga mo-avail sa drive-thru service pinaagi sa Vaccine Operations Center o Vice Mayor's Office o City Health Department.

Matod ni Pesquera nga priority sa drive-thru vaccination ang mga senior citizen ug persons with comorbidities.

Apan kon adunay mga individual nga sakay sa sakyanan bisan og wa naapil sa Priority Codes A2 ug A3, mamahimo sad sila nga bakunahan, matod ni Pesquera.

Ang dakbayan sa Sugbo nakig-coordinate sab sa transportation sector aron ang mga drayber, labi na ang mga nagdala og pampublikong pasaheroan sama sa taxi, bus, ug habal-habal, mabakunahan.

Kinahanglan iparehistro daan ang mga drayber ug operator sa programa pinaagi sa pabakunata.com.

"Importante para sad sa atoang commuting public na they will feel confident nga when they ride public vehicles like taxis and jeepneys nga ma-feel safe sad sila," segun ni Pesquera.

Si City Health Department (CHD) officer-in-charge Dr. Jeffrey Ibones miingon nga ang pamaagi nga iimplementar sa Noah Complex himuong template aron maoy sundon sab unya sa SM City Cebu.

Matod ni Ibones nga i-assess nila ang dagan sa drive-thru aron mapalambo pa ang programa.

Sa Lunes, Septiyembre 6, mag-abli og laing vaccination site ang Board sa Southwestern University PHINMA.

This posting includes an audio/video/photo media file: Download Now

70 ka drivers milapas sa health protocol

Posted: 04 Sep 2021 06:54 AM PDT

Sa unang adlaw pa lang sa Septiyembre 2021 sa pagpatuman sa health protocol alang sa pampublikong mga sakyanan, labing minos 70 na ka mga drayber ang nadakpan sa Cebu City Transportation Office (CCTO).

Ang mga drayber giisyuhan og protocol violation citation ticket kay kini kalapasan sa City Ordinance 2628 alang sa pag-operate sa pampubliko ug pribadong mga sakyanan samtang naa pa ang Cebu City ubos sa modified enhanced community quarantine (MECQ).

Ubos sa ordinansa kinahanglan nga bukas ang mga bentana sa mga bus, beep samtang five-inch usab nga bukas ang mga bentana sa mga taxi.

Kinahanglan usab nga 70 porsyento ra usab ang kapasidad sa sakyanan ang pasakyan og mga pasahero. Kinahanglang tumanon kini kay rekisito sa wa pa sila hatagi og permiso.

"Pero mura og napakabuta ug bungol ang mga operator ug driver nga subra 70 ang na issuehan og PVCT ug duha ang na impound," pahibawo sa CCTO.

Kinahanglan usab nga ang mga pasahero kanunay magsul-ob og facemask ug face shield. Ang di magsul-ob niini di tugtan sa pagsakay.

Ilang gipahinumdoman ang mga operator ug driver sa pagtuman sa mga lagda nga gilatid sa health protocol sa pagpamasada ug bayran gilayon ang multa.

"Sa mga na issuehan sa maong salaud aduna kamoy 48 hrs. sa pagbayad." dugang sa traffic office. (REV)

This posting includes an audio/video/photo media file: Download Now

Sitwasyon sa Cebu City batok sa Covid miarang-arang

Posted: 04 Sep 2021 06:51 AM PDT

Nitala man tuod og siyam ka patay sa unang tulo ka mga adlaw sa Septiyembre ang dakbayan sa Sugbo, apan sa nakalabay nga usaka semana kapin miarang-arang na ang mga kaso sa coronavirus disease 2019 (Covid-19).

Ang data sa Emergency Operations Center (EOC) nagpakita og dugang lima nga nangamatay nga natala sa Septiyembre 3, 2021.

Matod ni Cebu City Councilor Joel Garganera, deputy chief implementer sa EOC, nga ang siyam nga nangamatay alang lang sa buwan sa Septiyembre

Ang EOC data nagpakita nga ang nangamatay tungod sa Covid-19, naglakip na sa Covid-19 probable deaths, niabot na og 1,255 sa Septiyembre 3.

Ang fatality rate karon sa siyudad naa sa 3.27 porsyento. Sa Agusto, ang EOC nitala og 280 nga patay.

Gitataw ni Garganera nga bisan tuod kon siyam ang patay nga natala sa unang tulo ka mga adlaw, iyang giklaro ang pag-arang-arang sa positivity rate sa siyudad.

Sa Septiyembre 3, ang EOC nitala og daily positivity rate nga 15.27 porsyento sa 1,192 ka mga tawo nga gi-test.

Matod ni Garganera nga ika 11 na kini nga adlaw diin ang positivity rate sa siyudad ubos sa 20 porsyento.

Ang total positivity rate sa siyudad naa lang sa 9.92 porsyento sa 387,071 nga gi-test.

Duna usay nabantayan nga pag-arang-arang sa mga tambalanan sa siyudad.

Matod niya nga sa Septiyembre 1, ang mga ospital sa siyudad dunay occupancy rate nga 70.3 porsyento kun 702 ka beds ang giukopar, apan sa Septiyembre 3, ang occupancy rate sa 15 ka mga ospital nikanaug ngadto sa 65 porsyento kun 632 ka beds ang okupado.

Gitagan-an og 973 ka katre ang mga pasyente sa Covid-19 sa 15 ka mga tambalanan.

Sa Septiyembre 3, ang kinatibuk-ang mga kaso sa Covid-19 sa siyudad niabot og 38,403 diin dunay 34,888 ka recoveries ug aktibong mga kaso nga 2,260.

Bisan pa niini, giawhag ni Garganera ang publiko sa di pagkompyansa.

"Just the same, Covid is still very much around so at any time, if we tend to be complacent, it will spike," matod ni Garganera. (JJL)

This posting includes an audio/video/photo media file: Download Now

303 nabakunahan sa Biyernes sa gabii sa Mandaue; mga magpabakuna sa adlawan miminos

Posted: 04 Sep 2021 06:49 AM PDT

Nikabat ngadto sa 303 ka mga trabahante nabakunahan sa Mandaue City Vaccination Operations Center (VOC) sa opisyal nga paglusad sa "Tara Shots sa Gabii: Night vaccination" niadtong Biyernes, Septiyembre 3, 2021, sa Mandaue City Cultural and Sports Complex.

Niadtong Agusto 20, 2021, naghimo ang VOC og dry run aron sutaon kon daghan ba ang buot nga magpabakuna sa gabii human sa ilang working hours. Nakabakuna sila og 341 niadtong gabhiona.

Matod ni Dr. Ligaya Dargantes, operations head sa Mandaue VOC, nga maayo ra ang dagan sa paglusad sa night vaccination bisan kon wala makaabot sa 400 nga target.

Sigon niya nga sa paghimo og Facebook live sa Mandaue City Public Information Office (PIO), nakabantay sila nga aduna pay ubay ubay nga daghan og mga pangutana unsaon pagpabakuna sa night vaccination.

Tungod niini, nakaamgo si Dargantes nga ubay ubay pa sab ang wala nahibawo sa maong inisyatiba alang sa mga trabahante.

Bisan pa niini, sigon ni Dargantes nga aduna gyuy pagkunhod sa gidaghanon sa buot nga magpabakuna sa dakbayan.

Gani, sa regular nila nga schedule, dili na sila makaabot og 1,000 ang magpabakuma matag adlaw sa matag vaccination site kay anaa nalang sa 500 ngadto sa 700.

Matod niya nga nagpasabot sab kini nga ang uban nilangay usa sa pagpabakuna kay permanente kining ilang serbisyo.

Apan, gipasabot ni Dargantes nga ang ilang pag-abli sa vaccination sites mag-agad sab sa mga bakuna nga maabot ug sa pagkakaron, aduna pay sakto nga supply.

Gawas niini, matod ni Dargantes nga usa sa hagit nga ilang nasugatan sa paglusad sa night vaccination mao ang pagpakatap sa mga personnel.

Kini tungod kay ang mga personnel mga boluntaryo lang ug ang uban kanila gikan pa sa regular vaccination schedule.

Karon nga minus pa ang magpabakuna sa buntag, sigon ni Dargantes nga ila usab gitunga ang shift, apan kon modaghan na sab og balik ang magpabakuna, gilaraw niya nga magkaproblema sila niini tungod kay kuwang sila sa tawo.

Gani, nagpadayon pa sab ang ilang pag-hire og personnel alang sa night vaccination.

Gipasabot sab ni Dargantes nga sa pagkakaron, matag Biyernes una ang ilang night vaccination.

Giawhag sab ni Dargantes ang publiko nga mobisita sa ilang official Facebook page (Mandaue VOC) aron updated sa ilang mga kalihokan. (KFD)

This posting includes an audio/video/photo media file: Download Now

DOH 7 mitala og 596 ka recoveries sa rehiyon

Posted: 04 Sep 2021 06:48 AM PDT

Ang Department of Health (DOH) 7 nitala og kinatibuk-ang 596 ka dugang recoveries sa Biyernes, Septiyembre 3, 2021, nga nidala sa kinatibuk-ang gidaghanon sa recoveries sa Central Visayas ngadto sa 99,900 kun 84 porsyento sa kinatibuk-ang mga kaso sa rehiyon.

Matod sa DOH 7 nga mayoriya sa mga kaso kun 218 sa dugang gitaho nga recoveries gikan sa Cebu Province. Ang Probinsya mao usab ang dunay labing daghan karon og aktibong mga kaso sa rehiyon nga naa sa 4,668.

Ang Siyudad sa Sugbo usab nitala og dugang 214 ka recoveries samtang ang Dakbayan sa Lapu-Lapu dunay 100, Mandaue dunay 50 ug Negros Oriental dunay 14.

Ang aktibong mga kaso sa rehiyon nisaka sab ngadto sa 15, 401 human ang 965 sa 4,391 ka specimens nagpositibo sa Sars-CoV-2, kagaw sa conavirus disease 2019 (Covid-19).

Mayoriya sa bag-ong mga kaso gikan sa Cebu Province (359), gisundan sa Cebu City (178), Bohol (152), Lapu-Lapu City (89), Mandaue City (82), Negros Oriental (72) ug Siquijor (33).

Nitaho sab ang DOH sa dugang 33 nga nangamatay sa Biyernes. Kini nga mga ihap naglakip sa mga kaso nga nahitabo mga usa ka semana kapin na ang nakalabay.

Ang 33 nga dugang nangamatay sa Biyernes gikan sa Cebu Province (25), Cebu City (4), Mandaue City (2), Lapu-Lapu City (1), ug Negros Oriental (1).

Sa usa ka post sa Sugbo News, media nga gidumala sa Cebu Provincial Government, sa Sabado, Septiyembre 4, niingon nga ang gidaghanon sa aktibong mga kaso sa Lalawigan nius-us gikan sa 5,015 sa Agusto 21 ngadto 3,836 sa Agusto 31 nga naghimo sa pagsaka sa recovery rate ngadto sa 77.1 porsyento atol sa samang 10 ka adlaw nga gidugayon, base sa data nga gipagawas sa Integrated Provincial Health Office.

Ang Ipho maoy naglahi sa gidaghanon nga gitaho sa 44 ka local government units ug unom ka component cities gikan sa gitala sa DOH 7 aron pag-ila sa mga kaso sa Covid-19 sa mga residente ug pasyente nga nagbutang sa probinsya isip ilang home address.

Samtang sa 272 nga gigahin nga intensive care unit (ICU) beds sa rehiyon, ang 184 niini okupado na, samtang 427 sa 1,070 beds nga gitagana nga Covid-19 ward beds sa tanan infirmaries ug levels, 1, 2, ug 3 hospitals sa rehiyon, bakante pa.

Kinatibuk-ang 988 sa 1,704 ka isolation beds gigamit na sa Septiyembre 3. (WBS)

This posting includes an audio/video/photo media file: Download Now

Barangay kapitan gireklamo nga nanion

Posted: 04 Sep 2021 06:48 AM PDT

Kapitan gireklamo sa usa ka security guard sa usa ka subdivision sa giingong pagpanion og armas alas 4:30 sa hapon sa Huwebes, Septiyembre 2, 2021 sa Belmont Village, Brgy. Pakigne, lungsod sa Minglanilla.

Si Kapitan Vicente Abella gireklamo ni Martin Nuñez, 58, og grave threats ug harassment sa Minglanilla Police Station.

Si Police Staff Sgt. Ernest Laspoña sa Minglanilla Police Station nga nahinabi sa Superbalita Cebu nagkanayon si Nuñez nipasangil nga gika-kan siya sa armas ni Abella.

Giingong nasuko ang kapitan nga gibabagan sa railing ang karsada sa may entrance sa gate.

"Nanaog si Kapitan sa iyang sakyanan, miduol daw niya sa gwardiya, nangutana "nganong imong gibabagan akong sakyanan?" Mibunot sa armas, gikakan siya, dayon giti-unan," kutlo ni Laspoña sa gisaysay kaniya sa gwardiya.

Human niini, nibiya ang barangay kapitan.

Si Nuñez nidugang nga una na siyang gi-harras ni Abella nianang udto sa samang adlaw.

Apan nakugang siya pagkahapon dihang mibalik ug giingong nanion sa wala matinong armas.

KASUNGIAN

Ang barangay ug subdivision nagkasungi kalabot sa kon si kinsa ang nanag-iya sa karsada sa entrance sa gate.

Gipadayag ni Laspoña nga ang karsada sa dapit giingong nabahin sa Belmont Village ug barangay.

Ang homeowners association nimando kang Laspoña nga di paagian og dagkong hauler trucks ang karsada atubangan sa gate kay iya kini sa subdivision.

Gipangsita sa gwardiya, gipang log ang mga plate number ug gibabagan kay dili pasudlon.

Apan giingon sa kapitan nga ang barangay maoy nanag-iya niini.

Si Major William Homoc, hepe sa Minglanilla Police Station nga nahinabi sa Superbalita Cebu, nagkanayon nga nag-abot sa iyang buhatan sa samang adlaw ang kapitan ug gwardya.

Nagpasayloay ang duha sa hitabo, apan si Nuñez nagpa blotter kay mopasaka siya og kaso batok sa kapitan.

Matod ni Homoc nga nagpaabot pa sila kon dayunon ba sa gwardya ang iyang bahad sa pagkiha.

Si Abella gikuhaan sa habig sa Superbalita Cebu sa makadaghang mga higayon pinaagi sa phone, apan nagdumili kini.

This posting includes an audio/video/photo media file: Download Now

Trabahante nasaghid sa linya sa kuryente, kritikal

Posted: 04 Sep 2021 06:46 AM PDT

Kritikal ang kahimtang sa usa ka laborer kay nakuryentihan samtang nagtaod og atop nga sin alas 5:05 sa hapon sa Biyernes, Septiyembre 3, 2021 sa Brgy. Bulasa, lungsod sa Argao.

Si Noel Exquiel, 20, ulitawo, taga Bry. Magdugo, dakbayan sa Toledo, kritikal ang kahimtang nga gidala sa Vicente Sotto Memorial Medical Center (VSMMC).

Si Police Staff Sgt. Howard Minopas sa Argao Police Station nga nahinabi sa Superbalita Cebu nagkanayon nga si Exquiel uban sa mga kauban nagtaod sa atop nga sin sa gitukod nga poultry.

Apan aksidenting nasaghid ang iyang ulo sa linya sa kuryente nga mga usa ka metros lang ang gilay-on sa iyang gibarugan.

Gumikan sa kakusog sa boltahi, nakaangkog seryosong mga paso sa kalawasan si Noel una pa siya nahagbong gikan sa atop.

Gidala sa tambalanan sa lungsod sa Argao, apan kay kritikal, gibalhin sa tambalanan sa dakbayan sa Sugbo alang sa dugang pag-atiman. (GPL)

This posting includes an audio/video/photo media file: Download Now

Editoryal: Gubot pa sa lukot

Posted: 04 Sep 2021 06:45 AM PDT

Duha sa mga konsehal nga naa sa administrasyon karon sa City Hall nangdeklarar na nga sila independent. Sila si Konsehal Philip Zafra ug Acting Vice Mayor Dondon Hontiveros nang post sa ilang social media accounts nga sila mga independent na.

Mga tinubdan niingon nga naglikay sa pulitikanhon nga kasungian ang duha. Bisan tuod kon duol na ang filing sa certificate of candidacy, lubog pa ang kinsay klaro nga mga kandidato sa Barug. Sa norte lang daan, sa pagka kongresista, naa sila si Konsehal Niña Mabatid ug actor Richard Yap nga pulos nagpadayag sa ilang kaikag sa pagdagan. Si Yap mao ang kandidato nila ni Mayor Edgardo Labella, apan giparot ni anhing kongresista Raul del Mar sa 2019 elections.

Ang ilang mga kandidato sa pagka konsehal di pa usab final kay nag-iyahay usab og positioning ang posibleng mga kandidato.

Di kay ang administrasyon lang ang dunay problema sa organisasyon. Bisan ang Bando Osmeña Pundok Kauswagan (BOPK) klaro nga duna say susamang problema.

Duha ang gustong modagan pagkamayor. Si Konsehal Franklin Ong, presidente sa Association of Barangay Councils (ABC), ug Kongresista Rodrigo "Bebot" Abellanosa.

Sa norte sa Sugbo, tulo sab ang gustong modagan pagka kongresista, kana kon iapil si Mimo Osmeña, anak ni anhing gobernador Lito Osmeña. Gikataho nga gusto usab nila ni Rachel "Cutie" del Mar, anak sa kanhi kongresista ug kanhi konsehal Mary Ann de los Santos.

Nakabentaha og gamay ang BOPK kay kon motingog na si kanhi mayor Tomas Osmeña dako ang posibiilidad nga mahilot sila. Ang Barug lisod pa kay si Mayor Edgardo Labella di na manghilabot tungod sa kahimtang sa panglawas.

Si Acting Mayor Michael Rama di usab makagawong sa ubang mga sakop sa Barug. Sa pagkakaron, gubot pa sa lukot ang pulitika. Ang problema, makabadbad ba sila?

This posting includes an audio/video/photo media file: Download Now

Nalzaro: Bakuna bubble

Posted: 04 Sep 2021 06:41 AM PDT

Human gisugyot ni Presidential Adviser on Entrepreneurship Joey Concepcion kabahin sa mga bus nga exclusive lang sa mga nabakunahan na batok sa Covid 19, karon iya na usab nga gisugyot ang 'restaurant bubble'. Unsa man kini? Aw, kadto lamang mga nabakunahan ang puwedeng makasulod ug makakaon sa usa ka restaurant o lainon silag usa ka lugar sulod sa restaurant. Susama ra gihapon kini sa iyang unang sugyot kabahin sa buses alang lang sa mga bakunado.

Wala gihapon kini kalainan niadtong plano ni Lapu-Lapu City Mayor Junard 'Ahong' Chan nga kadtong bakunado lamang ang tugutan nga makasulod sa mga grocery, supermarket ug mga merkado sa dakbayan. Apan iyang kining gisalindot human miani og daghang mga pagsaway ug human siya gibadlong ni Presidential Spokesperson Harry Roque. Karon, gisagop na kini sa Cebu City pinaagi sa gibag-o nga Oplan Puyo ni Acting Mayor Mike Rama.

Matod pa sa usa ka magsusulat: 'We will never have true civilization until we have learned to recognize the rights of others.' Maoy gipanagan-an sa pipila ka sektor sa atong katilingban nga simbako moabot ang panahon diin magsugod na ang pagbahin-bahin o pagpinig sa atong katilingban sa duha na lang ka matang sa katawhan. Ang mga bakunado o dili bakunado. Usa unya kini sa mas dakong perdisyon nga atong mahiaguman gumikan sa pandemiya. Kon duna na unyay pundok sa mga tawo nga masobrahan sa pagtuo nga ang ilang baruganan mao ang labing husto ug kadtung mosumpaki kanila pag-ingon nga nagpakaboang ug angay nga isalikway.

Manguros na lang tang daan kon simbako mahitabo kini ilabi na kay sa pagka-karon wala pay maayong laki nga mopatunga ug makapangangkon nga ang ilang mga estratahiya mao na ang sakto ug angay nga tumanon.Kon mahinayon man kini, mahulog nga discrimination gihapon. Kana bang adunay pagpihig ug makamugna og pagbahin-bahin sa katawhan. Sa pagkakaron, dili pa kini angay himuon gumikan kay dili pa tanan bakunado. Daghang mga rason kon nganong daghan pa usab ang wala pa mabakunahi. Unya pa ni angay himuon kon hurot-hurot na tanan nga mabakunahan. (bobbygnalzaro@gmail.com)

This posting includes an audio/video/photo media file: Download Now

Mongaya: Mga konsehal nabakikaw

Posted: 04 Sep 2021 06:41 AM PDT

Nalingaw ko nga nagtan-aw sa video sa miaging sesyon sa Konseho sa Syudad sa Sugbo. Napugos intawon ang mayoriya sa mga konsehal nga mopasar og proposed memorandum of agreement nga motarong sa mga sayop sa Joint Venture Agreement tali sa Cebu City Hall ug Megawide Construction Corporation.

Unsaon sab kining mayoriya nga namirma man sa JVA bisan wa makabasa sa tibuok dokumento. Si Bise Mayor Mike Rama na ang nabalaka dihang nanggawas na ang mga sayop labi na dihang nisang-at og kiha ang Carbon Alliance.

Si Rama na ang nipresentar sa maong MOA. Imbes mohangyo unta og dugang panahon nga matun-an ang maong mga punto sa bise mayor, igo lang nag-recess ang mga konsehal dayon nagbinutohay na.

Sa samang higayon, daw wala makahibawo sa lakang representante sa Megawide. Ang ilang mga trolls daw amaw nga wala mousab sa ilang mga punto. Naglumba lang ang mga hanggaw nga sigig dayeg sa Megawide bisan og ang gihisgutan mao ang mga sipyat sa JVA.

Simple lang ug madunganon ang baruganan sa minoriya, "rescind sa JVA" or bakwion sa Konseho. Ang Carbon Alliance, sa sunod adlaw, nipadayag nga ipadayon nila ang kaso.

Aw, siguradong maulawan gyud og samot kining maong mga konsehal sa mayoriya. Swerte lang sila nga kasagaran sa mga Sugboanon wala makasubay sa nahitabo. Baga-baga sab og lepz kining mayoriya kay wa man sab magpakitag kaulaw sa nahitabo.

Kay ngano bitaw nga wala mobasa sa JVA pagpirma nila? Unya karon, gusto nilang remedyohan pinaagi sa usa ka MOA. Di ba mga hanggaw?

Alang kanako, maremedyohan lang kining ilang kahimtang karon pinaagi sa pagbalik sa uno. Total, kadudahan na man nga makabalik si Mayor Edgardo Labella. Maluoy na unta kini sila nga paantuson pa ang mayor tungod sa iyang sakit.

Tibuok Sugbo

Ubay-ubay na ang nakatuhog nga kining isyu kabahin sa kaayuhan sa Carbon angay gakson sa tibuok katawhang Sugboanon.

Di lang kini isyu sa mga namaligya sa Carbon. Isyu kini sa tibuok Sugbo nga nangiyawat sa kabarato sa presyo sa mga palitunon sa Carbon.

Kon dayunon kining paghimo sa maong merkado subay sa plano sa Megawide, mga adunahan lang ang makataak niini. Mawad-an ang Sugbo og merkado nga makapalit kitag mga baratong produkto alang sa atong mga sari-sari store, mga karenderiya, mga barbikyuhan, mga flower shop, ug uban pa.

Ang mga mabulahan mao lang ang mga world class labi na kining mga nagkapyot sa saya sa Megawide. (DM nako sa @anol_cebu)

This posting includes an audio/video/photo media file: Download Now

Diola: Distansya

Posted: 04 Sep 2021 06:15 AM PDT

Binasi sa Isaias 35:4-7; Salmo 146; Santiago 2:1-5; Marcos 7:31-37

Gihatagan ang matag usa kanato sa Ginuo og gasa sa panghunahuna, paghimog desisyon, ug kagawasan. Milangkob kini sa gitawag nga tawhanong dignidad kay pinaagi sa atong mga desisyon mahiduol kita sa Dios. Sa laing bahin, milangkob usab kini sa pagkagamhanan nato kay gawasnon pod kita nga makahimo og desisyon batok sa Dios. Pagpaduol man o pagpalayo sa Dios, adunay sangputanan ang atong mga desisyon nga dili malikayan.

Usahay adunay mga desisyon nga nagagikan sa atong tawhanong kahimtang, ilabina sa atong pagkasakop sa katilingban. Adunay mga panghunahuna nga makaingon kita nga dili lamang sa usa ka tawo apan sa usa ka katilingban. Kini mga panglantaw nga mabasa nato sa atong mga panultion, sinultihan, awtomatik nga buhaton, mga pagpihig, ug uban pa.

Usahay ang mga katilingbanong panghunahuna makatabang. Usahay dili pod. Kon mapugngan ang usa ka tawo sa pagpasagad sa iyang kinabuhi tungod kay mahadlok siya sa mga komentaryo sa uban, makatabang ni. Kon ang tawo dili na lang magtinarong og trabaho tungod kay masilo ang uban nga nagtinapolan, dili kini makatabang.

"Ug gipahilayo niya siya nga siya ra gikan sa panon sa katawhan," ang unang lakang ni Jesus sa dihang gidala kaniya sa mga tawo ang usa ka bungol nga maglisod og sulti. Buot tingali ni Jesus nga mahatagan og distansya ang maong tawo sa uban aron dili kini maimpluwensya sa ilang mga huhongihong ug pagtamay ba hinuon.

Dako baya ang hagit nga ginaatobang sa mga tawo nga may "handicap". Bugalbugalan dayon. Sundogdugon dayon ang sinultian sa amang. Dako ang mga babag ug limitasyon nga ilang giatubang. Mao tingali tong gipahilayo siya sa ubang mga tawo.

Kon, matag karon ug unya, modistansya pod ta sa uban, mas dali natong madungog ang tingog sa Ginuo. "Pagmaisog ug ayaw kahadlok! Moanha ang imong Dios aron sa pagpanimalos sa imong mga kaaway ug siya kamong luwason," miingon ang Ginuo pinaagi kang Isaias. Makapahingangha ang himuon sa Dios: makakita ang buta, makadungog ang bungol, magluksolukso ang bakol daw lagsaw, ug mag-awit ang amang. Kinahanglan pod kitang mo-distansya, bisag pinaagi sa "social distancing", kon milagrohan kita sa Dios aron maaninaw gyod nato nga gikan kini sa Dios.

Mahinungdanon pod kining pagdistansya kay usahay aduna kitay mga naandan nga dili maayo apan gidawat lang nato. Naghisgot si Santiago sa kinaiya nga mopalabi sa mga sapian kaysa mga kabos. Nagpahinumdom si Santiago nga "ang Dios nagpili sa mga kabos niining kalibotana aron mahimong dato sa pagtuo ug aron makapanag-iya sa Gingharian nga iyang gisaad sa tanan nga nahigugma kaniya." Kinahanglan ang pagdistansya aron masabtan ang kinaadman nga mibadlong sa usa ka kinaiya nga dili maayo.

Nakasuway ka na ba nga modistansya sa uban? Unsay may nakaaghat nimo sa paghimo niini? Unsa may bunga?

This posting includes an audio/video/photo media file: Download Now

Daclan: Na-intriga sa ‘Barumbadings’

Posted: 04 Sep 2021 06:15 AM PDT

Na-intriga gyud ko aning salida nga "Barumbadings" kay sa trailer lang nga akong nakita mga bayot man kini nga nakig-away ug may pinatyanay pang nahitabo, grabeh gyud.

Una nakong nakita mao ang naninda og balot nga sa dihang nakakita og beki imbes balot, bayot ang singgit niini, ang resulta patay ang naninda og balot.

Na-alarma pa'y laing eksena akong nakita ang beki gibugal-bugalan sa mga istambay nga ga-inom ang ending binokbokay ang nahitabo. Ang winner ang beki grabe.

Karon pa lang murag na-kuryoso nako nga motan-aw niini samot pa nga ang mga bida diay dinhi ang brusko nga mga aksyon star.

Imagina na lang ninyo nga silang Baron Geisler, Jeric Raval, ug Mark Anthony Fernandez ang bida dinhi.

Sila ang mga "Barumbadings" isip Baroness (Baron), Jerica (Jeric) ug Marie Antoinette (Mark Anthony). Silang tulo ang atong atngan dinhi ug sa transformation pa lang malingaw na ka may banat pang mga ma-aksyon nga eksena.

Kon comedy kini o aksyon ba nga pelikula, mao kana ang atong huwaton, upat ka volume ang salida nga ubos sa direksyon ni Darryl Yap.

Sugdan kini og stream karong Nobyembre 2021. Ang unang volume "Dead Mother, Dead All" ang ikaduha "Rise of the Transgingers" sa Marso 2022, sa Hulyo 2022 ang ikatulo "The Pepper Project." Ang katapusan sa Nobyembre 2022 "4 God is Gay All The Time."

Makaboang ang titulo sa mga matag episode labi na ang katapusan. Ang pangutana unsa kahay dagan sa mga istorya niini.

Kay kon ako ang pangutan-on, na-intriga ug nakuryoso gyud ko aning "Barumbadings" busa magdungan ta og atang ini, Ay'g Saba!

* * *

Loisa Andalio ug Ronnie Alonte simbahan na kaha ang padulngan sa ilang relasyon?

Unsaon man gud nga may mga post man ta nga nakita nga nag-sul-ob og singsing ang dalaga.

Unsay bout ipasabot niini magminyo na kaha ang duha? Aduna pa tay laing atngan tinuod kaha nga ang mahimo nang Kapuso ang duha? Atangi, Ay'g Saba!

* * *

Kim Chiu ug Xian Lim may awayan ba nga panghitabo? Ubay-ubay sab ang nahibulong sa mga post ni Kim nga dunay bout nga ipasabot.

Pero wa sab gyud ta kadungog og kompirmasyon gikan sa dalaga sa kon unsa gyud kini katinuod.

Ang partner sab ining si Xian wala say komento bahin niini, hiluman na lang kini ug wala tagda ang maong isyu, Ay'g Saba!

* * *

Ang dugay nang gipangandoy ni Iza Calsado nga makalupad isip "Darna" madayon na gyud.

Trulili kini kay sa "Darna The Series" ni Jane de Leon, si Iza Calsado ang unang Darna nga maoy mohatag sa bato ngadto sa bag-ong Darna, Ay'g Saba!

This posting includes an audio/video/photo media file: Download Now

Super Blowout: Ang ‘bituon’ sa pamilya

Posted: 04 Sep 2021 06:13 AM PDT

Sama sa usa ka bituon, ang kahayag nga dala ni Alleia Amor ngadto sa iyang pamilya.

Nakaawit sa kalipay ang magtiayon nga Peter ug Amorganda "Amor" Rago sa pag-abot sa kamanghurang anak sa ilang kinabuhi.

Ang bata natawo niadtong Agusto 26, 2020 sa alas 6:32 sa gabii.

Ila kini gihinganlan og Alleia Amor.

Alleia gikan sa pulong nga Alleluia nga nagpasabot og praise and worship. Ug ang Amor nagpasabot og gugma.

Sa panuigon nga 44 niadtong higayona, giangkon ni Amor nga gibati siya og kabalaka dihang iyang nahibaw-an nga siya nagsabak.

Apan siya nag-ampo sa Ginuo aron malamdagan.

Gihatagan siya og mensahe Niini nga pagsalig labaw sa kahadlok.

Tungod sa maong mensahe, mas naglabaw ang iyang pagsalig ug pagtuo sa Labaw nga Makagagahum.

Niadtong Agusto 26, 2021, gisaulog sa pamilya ang unang kasumaran sa pagkatawo ni Alleia Amor.

Puno sa pagpasalamat ang gibati sa ilang pamilya ngadto sa kahitas-an sa gasa nga ilang nadawat, si Alleia Amor.

Gihulagway ni Amor nga sama sa usa ka milyon ka mga kandila nga gipasiga, ang kahayag nga dala ni Alleia Amor ngadto sa iyang pamilya.

"You might not be able to blow the candle of your first birthday cake yet. But the gift of you is like millions of lighted candles that brightens up our lives in a way that no one can explain," mensahe ni Amor alang kang Alleia Amor. (SCG)

This posting includes an audio/video/photo media file: Download Now

De la Hoya gi-rape sa edad nga 13

Posted: 04 Sep 2021 06:10 AM PDT

Gipahimuslan ang kaputli ni kaniadto ni boxing legend Oscar "the golden boy" de la Hoya sa usa ka hamtong na nga babaye dihang nisalmot siya og tournament sa Hawaii.

Kini ang iyang gitug-an ngadto ni Dylan Hernandez sa Los Angeles Times dihang gi-jerjer siya nga supak sa iyang kabubot-on.

"I was raped at 13, from a woman, an older woman.Thirteen, lost my virginity over being, you know, being raped, basically. ... She was over 35," pagtug-an ni De La Hoya.

Ang 48 anyos nga Golden Boy moaway unta karong Septiyembre 12 sa Los Angeles apan dili na kini mahitabo gumikan sa pagtakboy sa Covid-19 ngadto kaniya ug padayon pa siyang nagpaalim sa tambalanan.

"Just scared... Scared of what's going to happen, scared of the outcome, scared of just pulling the trigger. I just finally said, 'You know what? I'm going [to] do it. I'm going to do it for myself,'" dugang sa 6th time division world champion.

Matod pa niya nga human sa maong hitabo, nigamit siya og drugas ug niinom og ilimnong makahubog gumikan sa trauma nga nahitabo sa iyang pagkabatan-on diin nahimo sab nga kumplikado ang relasyon tali sa iyang inahan.

"You suppress everything...You're living this life, the Golden Boy, but, oh sh-t, wait, that's still there. Like I never, like, thought about it, I never processed it, I never really thought how my feelings are ... until one day it just comes out, and you don't know how to deal with it," dugang niya.

Human sa 12 ka tuig dihang gipilde siya ni Pacquiao nga niresulta usab sa iyang pagkalulong sa drugas ug bisyo, nakahukom siya nga mobalik og away sa boksing diin siya nahimong ilado ug gitawag nga golden boy gumikan sa iyang pagdaog sa 11 ka titulo sa unom ka managlahing division.

"I couldn't be drinking and doing drugs and this and that.I'm going to throw my life away, you know?" dugang boksidor.

Si De La Hoya adunay 39-6 win-lose record ug nitukod sa kompaniya nga Golden Boy Promotions ug MMA promotional company. (PAC)

This posting includes an audio/video/photo media file: Download Now

Migallen: Oportunidad ni Magsayo dili angay palabyon

Posted: 04 Sep 2021 06:10 AM PDT

Nagkadaiyang reaksiyon ang atong mabasa gikan sa mga netizens kalabot sa pangutana kon angay na bang paawayon si Mark Magsayo alang sa world title human sa iyang kadaugan batok ni Julio Ceja niadtong Agusto 22, 2021 didto sa Las Vegas, Nevada.

Dunay nag-ingon nga dili pa kay dako pa kaayo siyag og kuwang nga angay niyang i-develop sa dili pa kini ihagad alang sa world title fight.

Naobserbahan man gud nga sa iyang 10-round knockout nga kadaugan niagi man gud siya sa tumang kalisod una pa niya natumba ug na-knockout ang beteranong Mexican fighter.

Gawas sa first round diin iyang natumba si Ceja, kulatado man gud siya sa sunod nga mga hugna ug gani sa fifth round mura og nisagunto siya ug napaluhod.

Daghan ang nagtuo nga kadto maoy naghatag og timaan nga di siya maka-survive sa scheduled 12-round fight.

Ang way puas nga pag-ataki ni Ceja ngadto kaniya maoy nag-expose sa iyang mga weakness.

Way nagdahom nga makulit ni Magsayo ang impresibong knockout nga kadaugan sa 10th round nga maoy naghatag kaniya og katungod nga makaaway alang sa world title fight.

Base siguro sa ilang nakita sa makutas nga kadaugan sa undefeated Boholano fighter, maong nisanay ang pangagpas nga dili pa siya angay sa world title fight.

Kadaghang mga higayon nga naka cover ko sa away ining Magsayo bisan didto sa Amerika ug sa Dubai.

Alang nako, nga anaa na niya ang katakos ug hiyas nga makaaway alang sa world title fight.

Yes, dunay panultion nga styles make fight, pero di sab nako isalikway nga ang kasingkasing ug determinasyon maoy giya sa kadaugan.

Niadtong 2016, si Magsayo gipahagba ni Chris Avalos sa ilang WBO International Featherweight title fight sa ikatulo nga round sa Cebu City Sports Complex.

Way magtuo nga makabangon pa si Magsayo niadtong higayona tungod kay sentro man gyud siya nga pagka igo.

Pero tungod sa iyang lig-ong determinasyon ug kasingkasing, inanay kini nga nibarog ug naningkamot nga makahuman siya sa third round.

Hinayhinay nga nakabawi si Magsayo sa fourth ug fifth round ug sa ikaunom iyang gitumba ug gi-knockout si Avalos.

Butang nga way kalahian sa iyang pagpakigsangka ni Ceja sa eliminator bout.

Kon di karon nga nagsaka na ang iyang boxing career, kanus-a pa man diay siya moaway alang sa world title fight nga mao na man ni ang iyang gipaabot?

Dili angay ikahadlok ang kapildihan sa world title fight kay kini maghatag og dugang experience sa usa ka potential fighter. Dili kini maoy magpupos sa iyang damgo.

Kinsay nagtuo nga mabuntog ni Manny Pacquiao ang banggiitang si Antonio Barrera. Kinsay nagtuo nga tagsatagsaon pagpukan ni Pacquiao sila si Oscar de la Hoya, Antonio Margarito ug uban pang mga tang-an sa iyang division.

Ning mga awaya, gihan-okan sa mga pagduda ang kapabilidad ni Pacquiao batok sa mga de kalibring welterweight boxer kay siya kaniadto sa featherweight ra naghari pero iyang gipamatuod nga dakong sayop ang ilang pangagpas.

So, again, alang nako dili angay palabyon ang oportunidad ug kahigayonan alang ni Magsayo kay, sa sinugdanan pa lang, mao kini ang iyang gilantaw sa unahan. And this is the time.

Go for it, Mark!. (jun.migallen22@gmail.com)

This posting includes an audio/video/photo media file: Download Now

Vallena: Bike packing

Posted: 04 Sep 2021 06:08 AM PDT

Ang biseklita di lang panglumba ug exercise, kon di alang sab ni sa suroysuroy kon ikaw magdaginot. Mao ni ang bike packing. Sikat ni sa Europe tungod sa ilang konektadong mga karsada. Makadaginot ka kay mahimo man nga magdala ka og tolda nga makatulgan ug mga gamit pangluto ug personal hygiene.

Simple ra man kaayo i-convert ang imong biseklita pinaagi sa pagbutang og carrier sa likod ug pagpalit og bike bags. Mahimo ra sab nga magpahimo ka o custom made ang imong bike bag pahaum sa geometry sa imong biseklita. Ang OZ Racing sa akong higala nga si Zandro Fajardo duna ining bike bags. Dugay na kong wa na makasuroy sa iyang shop. Naa pa ba kaha?

Nalingaw kong gatan-aw sa mga post sa akong kanhi kauban sa SunStar nga si Jonolin Luab tungod kay nalingaw siya sa bike packing. Kon kaniadto mosuroy nga nag Nmax o gaawto, lately ang iyang suroy sa lagyo puro na biseklita. Sa akong pagsuwat aning akong lindog, toa siya ug pipila ka mga higala sa isla sa Camotes.

Nalingaw kaayo siya sa iyang bag-ong nadiskobrehan nga hobby. Lahi ra ang biseklita sa de makina nga mga sakyanan tungod kay makaehersisyo ka man sab. Sa motorsiklo ug scooter, paspas ka tuod sa biyahe, apan galingkod ka ra man gihapon. Wa ka maka exercise.

MAS MAKAKITA

Tungod kay hinay ang imong speed, mas makakita ka og daghang mga talan-awon nga imong maagian sa dan. Makalantaw ka sa kaanindot sa kadagatan kon motadlas ka sa mga karsada nga daplin sa baybayon. Labina kon naa ka sa Sugbo, padung ka man sa south o norte.

Sa Camotes, daghan ang mga agianan nga naa daplin sa baybayon. Mahimo ka ra gani nga mohunong, mobukhad sa imong tolda aron maligo sa baybayon.

Sa kabukiran, makapanghupaw ka og lawom sa kaanindot lantawon sa mga berdeng kahoy, pagpaminaw sa mga awit sa mga langgam ug hanggap sa bugnaw nga hangin.

Mas maanindot ang bike packing kon duna kay kauban, at least duha, labina ning atong nasod nga daghan og mga mapahimuslanong kriminal.

Lain nakong higala nga si Engr. Allan Loyao hilig sab og bike packing, but lahi ni siya og level kay tag-as nga mga bukid patagon. Moagi sab og mga trail. Mao ni sila ang grupo sa Team Big Ring (TBR). Suhito ni sila sa mga rota sa trail.

Sagad sab ning ilang biyahe, daghan sila.

UNSA NGA BIKE

Sa mga artikulo nga akong nabasa, dunay duha ka wheel sizes ang sikat sa bike packing, ang 20 inch folding bike ug 26-inch wheel nga mountain bike. Alang nako, mas maayo ang mountain bike kay versatile kaayo kon terrain ang hisgutan.

Sa mga dan nga gubaon ug pagtungas sa hait nga mga bungtod ug bukid, kon anad ka na sa mountain bike, di kaayo lisod ang pagsubida. Mas kasaligan usab ang MTB kon durability ang hisgutan.

Okay lang ang folding bike kon paved roads ang imong agian.Sama sa pananglit sa European countries.

Daghan ang nindot sa mga less traveled nga dapit. Kanang virgin pa kaayo ba nga almost unexplored nga mga lugar. Busa, mas pabor ko sa MTB kay sa 20-inch folding bike kon kining mga lugara ang duawon ug agian.

Mas maayong sugdan na nimog explore ang imong tugkaran hangtod nga anam kang magkalayo. Makasuroy ka, makadiskobre ka og daghang mga dapit nga wa ka magtuong imo ra diay nga maabot bisan sa biseklita lang. Daghan ang imong maduaw sa pagtindak.

This posting includes an audio/video/photo media file: Download Now

Roach, Fortune nag-war?

Posted: 04 Sep 2021 06:08 AM PDT

Nitumaw karon ang panagbikil sa mga sinaligan ni Manny Pacquiao human sa iyang kapildihan ni WBA welterweight champion Yordenis Ugas niadtong Agusto 22, 2021 sa Las Vegas, Nevada.

Kini sa dihang nagpinikhanay si boxing coach/trainer Freddie Roach ug ang conditioning coach nga si Justine Fortune.

Matod ni Fortune nga dili na siya makig-uban og trabaho ni Roach sa bisan unsa nga team human siya pasanginli nga maoy hinungdan kon nganong namikog ang mga paa ni Pacquiao atol sa maong away.

Sa nasayran, usa ka semana kapin sa dili pa ang away, si Pacquiao gimasahian ug gi-stretch ang lawas ug mga tiil niini.

Nagtuo si Roach nga kadto maoy hinungdan sa pagpamikog.

Apan gihimakak ni Fortune ang pasangil ug nagkanayon nga wa kini kamatuoran. Ingon niya nga mopranka lang unta niya si Roach.

Sa dihang gikuhaan sa iyang habig, si Roach nagdumili sa paghatag sa iyang reaksiyon.

Sa panagbikil, daw og sa napagan ang kababata ni Pacquiao nga si Buboy Fernandez. Hinuon gipagamay lang ni Fernandez ang maong isyu.

Dili kini maoy unang higayon nga nagkabikil ang duha. Niadtong 2007 dihay higayon nga hapit sila niabot sa korte tungod sa ilang panagbangi nga may kalambigitan sa kuwarta apan nagkauli sila niadtong 2014.

Human sa kapildihan ni Pacquiao sa mga kamot ni Jeff Horn didto sa Australia, gitangtang si Roach sa team ni Pacquiao ug nagpabilin si Fortune.

Sa 2018, niaway si Pacquiao nga wala si Roach batok ni Lucas Matthysse diin si Buboy maoy nagsilbing headcoach uban gihapon ni Fortune. Nidaog si Pacquiao human ma TKO si Matthyssee.

Apan gikuha og balik si Roach sa dihang gikakontra ni Pacquiao si Adrien Broner, Keith Thurman ug Ugas.

Matod ni Justine nga ang kapakyas ni Roach sa pagkuha og sparring partner ni Pacquiao nga haom unta sa estelo ni Ugas maoy rason kon nganong wa makaadjust si Pacquiao sa away batok sa Cuban fighter. (JBM)

This posting includes an audio/video/photo media file: Download Now

De La Hoya gi-covid; Holyfield mohulip?

Posted: 04 Sep 2021 06:05 AM PDT

Ang kanhi boxing world champion ug inila nga si Oscar De La Hoya nahidangat sa hospital human kini nagpositibo sa Covid-19.

Kini maoy hinungdan kon nganong nakanselar ang iyang pagsaka og balik sa ring batok ni Vitor Belfort nga gikatakda unta sa sunod semana.

Ang 48-anyos nga De La Hoya, sa iyang video nga gi post pinaagi sa Twitter nga anaa karon siya hospital aron magpaalim. Kini bisan pa man og fully vaccinated na siya.

"Wanted you to hear directly from me that despite being fully vaccinated, I have contracted Covid and am not going to be able to fight next weekend," matod ni De La Hoya.

"Preparing for this comeback has been everything to me over the last months, & I want to thank everyone for their tremendous support."

Nanghinaot si De La Hoya nga mauswag ngadto sa uwahing bahin ning tuiga ang iyang away.

Katapusang nakaaway si De La Hoya niadtong 2008 diin siya gipaundang ni Manny Pacquiao sulod sa walo ka round sa Las Vegas.

Apan niadtong Hunyo ning tuiga, iyang gipahibawo nga mobalik siya og saka sa ring batok sa Brazilian mixed martial arts fighter nga si Belfort nga adto ipahigayon sa Staples Center sa Los Angeles.

Wa pay klaro kon si Belfort nangita ba og ikapuli apan gikataho nga tinguha karon sa mga organizers nga ilang tanyagan si kanhi heavyweight world champion Evander Holyfield, 58-anyos, kinsa katapusang nakaaway niadto pang 2011. (JBM)

This posting includes an audio/video/photo media file: Download Now

at

No comments:

Post a Comment

Subscribe to: Post Comments (Atom)

End of Summer Sale ☀️😎

20% OFF Inside!🤯 ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏...

  • Breaking: Aaron Rodgers teases Jets return this season: 'Anything is possible'
    New York Jets quarterback Aaron Rodgers suffered a torn Achilles tendon in Monday's 22-16 overtime win vs. the Buffalo Bills. If you a...
  • End of Summer Sale ☀️😎
    20% OFF Inside!🤯 ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏...
  • Last Chance - Win over $1,800 in BLEUSALT
    Elevate your Wardrobe. Offer ends Midnight. ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏ ...