https://www.sunstar.com.ph/ |
- 'Anghel' gisibatan sa inahan
- Roxas Night Market bombing gihinumdom
- 5 nadakpan gikasohan
- Pamilya gi-ambush, 2 patay
| Posted: 02 Sep 2021 03:22 AM PDT ANAA na sa luwas nga kahimtang ang usa ka baby boy kinsa naa karon sa pagdumala sa Municipal Social Welfare and Development Office (MSWDO) human maluwas sa mga residente sa Barangay San Roque, Digos City sa Davao del Sur niadtong Lunes sa gabii, Agosto 30, 2021 dihang gibilin lang kini sa usa ka inahan sa gawas sa usa ka balay. Una niini, perteng kurata sa mga residente dihang ilang nakita ang bata nga gibalot og lampin ug nagkadugo pa gawas sa usa ka balay sa San Roque. Gilayong gipahibalo sa mga residente ang barangay ug ang kapulisan hinungdan nga gilayong miabot ang mga social workers ug giluwas ang masuso. Gidala sab dayon sa ospital ang bata aron ipahiling ang kahimtang niini sa panglawas kinsa anaa kini sa maayong kahimtang. Ang bata anaa sa kustodiya sa MSWDO samtang naghimo og makuti nga imbestigasyon ug pagpanubay ang kapulisan sa Digos aron maila ang inahan nga mibiya sa iyang anak.  This posting includes an audio/video/photo media file: Download Now |
| Roxas Night Market bombing gihinumdom Posted: 02 Sep 2021 03:21 AM PDT MITAKDO na sa lima ka tuig ang mangilngig nga September 2, 2016 Roxas Night Market bombing sa Davao City, apan lab-as gihapon sa panumdoman sa mga masahista ang hitabo nga gikamatay sa sagad nilang mga kaubanan. Sa talaan sa mga casualties, mikalas ang maong hitabo og 15 ka kinabuhi ug miangol og 69 ka mga tawo. Adlawang Huwebes, subling nanumbalik ang mga kagahapon sa kalisang, kayagaw ug agulo sa kasakit sa mga nasamdan ug kabanay nga napagan ang ilang miyembro sa pamilya. Ang kanhi hugyaw ug puno sa kasadya nga Roxas Night Market sa kalit nahulipan sa kaguol ug kahadlok tungod sa hitabo. Apan sa paningkamot sa lokal nga gobyerno, katawhan ug awtoridad, 2020 nasilutan ang 11 ka indibiduwal nga nagpaluyo sa pagpamomba. Sa 32-pahina nga desisyon ni Judge Marivic Vitor sa Taguig Regional Trial Court, Branch 266, nakita nga ang mga miyembro sa Maute group "guilty beyond reasonable doubt for the complex crime of multiple murder and multiple attempted murder." Ang desisyon mihatag og paglaum sa mga nabiktima sa trahedya. Ang trahedya nga mipukaw sa matag usa nga pabiling igmat, abtik ug mabinantayon sa hadla sa terorismo. (Jeepy P. Compio)  This posting includes an audio/video/photo media file: Download Now |
| Posted: 02 Sep 2021 03:01 AM PDT KASONG pagsupak sa Republic Act 9165 kun Comprehensive Dangerous Drugs Act of 2002 ang gikaso sa lima ka mga dinakpan atol sa buy-bust operation sa Philippine Drug Enforcement Agency (PDEA) Davao Region didto sa Purok Vipatil, Barangay Magugpo West, Tagum City. Sumala sa PDEA-Davao Region, usa ka drug den ang ilang gihup-an sa ilang target nga si alyas Dave, 34-anyos, kinsa number 23 sa City Target Listed Drug Personality. Atol sa operasyon, naaktuhan ang upat ka parokyano ni alyas Dave, hinungdan nga gisikop sab sila. Mokantidad sa P210,000 nga shabu ang nakuha gikan sa posisyon sa mga dinakpan. (Jeepy P. Compio)  This posting includes an audio/video/photo media file: Download Now |
| Posted: 02 Sep 2021 02:55 AM PDT DUMOT ang gituohang ugat sa mga awtoridad sa pagpamanhig sa usa ka pamilya alas 8:15 sa buntag,Miyerkules, Septyembre 1, 2021, didto sa Rajah Buayan, Maguindanao Province. Sa maong hitabo, patay ang mag-amahan nga sila si Eskak Esmail Mamo, 38, ug anak nga si Datu Abdullah Mamo, 5, samtang naangol ang inahan nga si Paiza Datua, 35, molupyo sa Sultan Sabarongis sa nahisgutang probinsiya. Sumala kang Maguindanao Provincial Police Office Director Colonel Jibin Bongcayao nga sakay ang mga biktima sa multicab aron unta mamalengke. Apan pag-abot nila sa Barangay Gawnan, Rajah Buayan sa probinsiya, girakrakan sila sa wala mailhing mga armadong kalalakin-an nga dali sab nga miikyas human ang hitabo. Patay on the spot si Abdullah nga naigo sa agtang, samtang dead on arrival sa balay tambalanan ang amahan ug anaa sab sa grabeng kahimtang si Paiza. Sa pagsuwat ning balita Septiyembre 2, duna nay mga person of interest ang gisubay sa kapulisan sa Rajah Buayan Municipal Police Station sa pag-ambush sa nahisgutang pamilya. (Edgar E. Fuerzas)  This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment