https://www.sunstar.com.ph/ |
- 2 ginang naglinambusay og planggana
- Matinud-anong pulis gidayeg
- 5 nagpustaanay og bilyard gikasohan
- Mayor nilaum kagubot mahusay
| 2 ginang naglinambusay og planggana Posted: 03 Sep 2021 03:18 AM PDT NAGLINAMBUSAY og planggana ang duha ka ginang dihang perteng sukoa sa usa kay gipanabi nga dunay kulokadidong. Alas 3 sa hapon niadtong Miyerkules, Septyembre 1, didto sa Barangay Buhangin Proper, Davao City natigayon ang kasamok sa magsilingan partikular sa Dumanlas. Unang misita si Merlyn, 46-anyos, ngadto kang Helen, 49-anyos, kay nasayran niining grabeng libak ug pagpanabi ni Helen nga dunay kabit si Merlyn. Perte sab sukoa sa bana ni Merlyn nga maoy hinungdan sa ilang away nga miresulta nga mora'g tigre ang kaisog nga misulong sa iyang silingan. Natigayon sab nga nanglaba si Helen diin sa labhanan sila nagbugno ug nagbinunalay og planggana. Human makaangkon og mga bun-og ang duruha, nagdungan sab kining nagpatala sa kapulisan, apan gimandoan sila nga sa barangay sila mag-abot aron didto una sila husayon.  This posting includes an audio/video/photo media file: Download Now |
| Posted: 03 Sep 2021 03:18 AM PDT STA. CRUZ, Davao del Sur -- Malampusong nauli sa tag-iya sa pitaka human kini nakit-an sa matinud-anong pulis nga sakop sa Revitalized Pulis Sa Barangay (R-PSB), Septyembre 2, 2021. Sa report sa Sta. Cruz Municipal Police Station, giingong gikan namalengke ang mga pulis sa panguna ni Police Lieutenant Joseph Orbell Pojas ubos sa superbisyon ni Police Major Lief Quililan, 1st DSPMFC Force commander. Alas 7 sa buntag sa Septyembre 2 gikan ang nasampit nga mga pulis sa pelengke diin sa pagbalik ilang nakit-an ang pitaka sa usa ka Marlon B. Felipe nga taga Sto. tomas, Davao del Norte. Daling gitawgan ang numero sa ID, hinungdan nga nauli kini nga dunay cash nga P2,720 ug nagkadaiyang mga IDs. Sumala sa tag-iya nga padung siya sa Makilala kinsa nangihi lamang sa may Tuban ug wala na niya namatnguni nga wala na iyang pitaka. Dako ang pasalamat sa tag-iya sa pitaka sa kamatinud-anon sa R-PSB sa Sta. Cruz police ug iya kining gidayeg. (Jeepy P. Compio)  This posting includes an audio/video/photo media file: Download Now |
| 5 nagpustaanay og bilyard gikasohan Posted: 03 Sep 2021 03:17 AM PDT LIMA ka mga tawo ang gipangkasohan na didto sa korte pinaagi sa Toril Police Station human nangadakpang nagsugal pasado alas 3 sa hapon niadtong Agosto 31, 2021 didto sa Barangay Bato, Toril District, Davao City. Sa report sa Toril police, nagpahigayon sila og operasyon diin naatlan nga nagbilyard ang lima kinsa nagpustahay pinaagi sa baraha. Nakumpiska sa kapulisan ang mga ebidensiya ingon man ang P235 nga pusta ug uban pang mga anti-illegal gambling paraphernalia. Depensa sa mga dinakpan, lingaw-lingaw lang ug wala na silay lain pang intensiyon nga modagko ang ilang sugal. Apan bisan pa man niini, gikasohan gihapon sila sa paglapas sa Executive Order 57, Section 13 kun Prohibition of Billiard game in relation to RA 11332 ug kalapasan sa Presidential Decree 1602. (Jeepy P. Compio)  This posting includes an audio/video/photo media file: Download Now |
| Posted: 03 Sep 2021 03:15 AM PDT KIDAPAWAN CITY -- Dako ang pagtuo ni Mayor Sumulong Sultan sa Pikit, North Cotabato nga matagaan gihapon og solusyon ug matakdo og balik ang relasyon sa duha ka mga armadong pamilya sa usa ka Moro front human nga subling nagka-engkuwentro niadtong Huwebes sa hapon. Mihikling ang mokabat ngadto sa 336 ka mga indibiduwal sa duha ka mga barangay sa Pikit human miulbo ang giyera tali sa duha ka pamilya. Sa taho gikan sa North Cotabato Provincial Police Office, nasayran nga subling nagkapinusilay ang duha ka armadong pamilya sa mga barangay sa Dalingaoen ug Balatikan sa nahisgutang lungsod. Tungod sa kahadlok, ang mga sibilyan namakwit paingon sa mga luwas nga dapit sa kabalaka nga maipit sa kagubot. Kahinumdoman nga una nang nagkabinakbakay ang nahisgutang mga pamilya niadtong Agosto 25, 2021. Apan subli kining miulbo human masugnoran sa dihang usa sa mga pamilya napatyan. Tulo na ang gikatahong napatay ning kasamtangan samtang lima ang samaron sa katag-katag nga pinusilay sa magkasikbit nga mga barangay. Nagpatukod na ang lokal nga panggamhanan sa Pikit ug Bangsamoro Autonomous Region in Muslim Mindanao og dugang tulda nga kapuy-an sa mga bakwit. Una na nga nagpaabot og tabang ang LGU sa Pikit nga gipangulohan ni Mayor Sultan sa mga pamilya nga sentrong naapektuhan sa kagubot. (Edgar E. Fuerzas)  This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment