https://www.sunstar.com.ph/ |
| Posted: 13 Mar 2022 10:19 PM PDT MOKANTIDAD sa P1.5 milyon nga gituohang shabu ang nasakmit sa mga elemento sa Philippine Drug Enforcement Agency (PDEA)-Davao, uban sa National Bureau of Investigation-Semro-Davao atol sa buy-bust operation alas 2:30 sa hapon, Marso 12, 2022, didto sa Pag-asa Street, S.I.R. Phase 2, Barangay 76-A, Davao City.Sumala sa PDEA-Davao nga ang suspek nga si alyas Instik, 24-anyos, taga Madapo Hills, Barangay 5-A Bankerohan, Davao City, usa ka high-value target (HVT).Human nga nakadawat og report ang awtoridad pinaagi sa kasaligan nga impormante, gilayong gikasa ang usa ka buy-bust operation.Malampusong nasikop ang suspek diin gawas sa usa ka pakite nga gibaligya niini, nakuhaan pa kini og laing mga sinako nga pakite sa gituohang shabu nga ang tanan dunay street value nga P1.5 milyon nga gisulod sa mga rubber nga alang sa sapatos.Nakatakdang kasohan ang suspek didto sa korte karong adlawa sa kalapasan sa Republic Act 9165 kun Comprehensive Dangerous Drugs Act of 2002. |
| Posted: 13 Mar 2022 10:18 PM PDT HAGONOY, Davao del Sur -- Nagmalampuson ang gihimong Simulation Exercise o Simex didto sa Barangay Tologan, Hagonoy, Davao del Sur alas 9 sa buntag niadtong Marso 10, 2022.Sa paghugpong sa mga personahe sa Hagonoy Municipal Police Station nga gipangunahan ni Police Lieutenant Joselito A. Cortes, officer-in-charge, lakip na ang ubang departamento sa LGU, ang Bureau of Fire Protection, Municipal Disaster Risk Reduction Management Office (MDRRMO), Municipal Health Office (MHO) ug laing yunit sa PNP nga mao ang Provincial Explosive and Canine Unit (Pecu), Provincial Crime Laboratory Office (PCLO) ug Highway Patrol Group (HPG) nagmalampuson ang maong kaugdahan.Ang senaryo mao ang pagtakas sa duha ka managlahing returning overseas Filipinos o ROFs gikan sa Davao International Airport ug wala kini mituman sa health protocol nga gipa implementar sa Inter-Agency Task Force (IATF).Ang matag-usa nagpakita sa ilang katakos kung unsaon ang tama nga pamaagi kung aduna may mga panghitabo nga may kalabutan sama niini.Gihan-ay ug gipasabot pag-ayo sa mga pulis, barangay kapitan, BHW ug taga MDRRMO ang mga ROF nga adunay mga balaod nga angay'ng sundon aron dili na mosaka ang ihap sa mga active cases sa Covid-19.Nagpasidaan usab si Police Lieutenant Cortes, nga dili kailangan muabot sa punto nga makasuhan ang usa ka i lndibiduwal, walay mawala kung musunod lamang sa mga health protocol nga gipanaog sa IATF. (Jeepy P. Compio/Hagonoy MPS) |
| Amahan nawad-a'g trabaho namatay Posted: 13 Mar 2022 10:17 PM PDT MALITA, Davao Occidental -- Wala nay kinabuhi nga nakaplagan ang usa ka amahan human kini naghunos sa iyang kinabuhi kay nahunong ang trabaho.Ang insidente nahitabo niadtong Marso 10, 2022 didto sa Sitio Kulo, Marwasa, Barangay Poblacion.Sumala sa report sa Malita Municipal Police Station, ang bitkima nga usa ka 53-anyos napalgan na lang nga wala nay kinabuhi sud sa ilang balay nga nagbitay.Saysay sa asawa sa biktima, tuig 2019 misuway na sa paghunos sa kinabuhi ang iyang bana, apan ila kining nakit-an ug namaymayan.Dugang pa, perte kasubo sa biktima ning bag-o lang sanglit temporaryo nga nahunong ang trabaho niini kay gi-renovate ang gitrabahoan niini sud sa 15 diyas.Walay nakitang foul play ang kapulisan sa hitabo, diin ang patay nga lawas sa biktima anaa na gihaya sa Novis Funeral Homes sa Barangay Poblacion.Kung ikaw gasagubang og suicidal thoughts ug mental health crisis, ayaw pag duha-duha og pangayo og tabang, ania ang Hopeline sa National Center for Mental Health Crisis Hotline nga available Pilipinas.Hopeline PH's 24/7 hotlines: 0917-558-4673 (Globe) 0918-873-4673 (Smart) 02-88044673 (PLDT) 2919 (toll-free for Globe and TM).Samtang sa National Center for Mental Health Crisis Hotline 0917-899-8727, 0917-899-USAP, 989-8727, 989-USAP. |
| You are subscribed to email updates from SUNSTAR. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment