https://www.sunstar.com.ph/ |
- Gipugos pagbakuna naimpas?
- Namaligya'g sakyanan di iya, gidemanda na
- Lawas sa nagmotorsiklo gilubngan og mga bala
- Proteksyon sa mga baye gituki
- Roldan: Moubos pa ang presyo sa lana?
| Posted: 14 Mar 2022 03:32 AM PDT COTABATO CITY -- Nanawagan karon ang pamilya sa taga Barangay Poblacion 8 sa dakbayan ngadto sa Department of Health ug kang Presidente Rodrigo Duterte nga imbestigahan ang pagkamatay sa kanhi kagawad ug barangay administrator nga namatay human siya nabakunahan.Nahitabo ang insidente alas 9 sa buntag niadtong Dominggo, Marso 12, kon diin ang kinabuhi ni Nor Kaising wa na masalbar pa.Matud ni Noralyn, asawa sa namatay, nga gikan sila sa iyang bana ug mga paryente sa Pagadian City sakay sa ilang multicab.Pag-abot nila sa border point sa Kapatagan, Lanao del Sur ug Matanog, Maguindanao Province, gipangitaan sila og vaccination card sa mga pulis, apan first dose lang nga card ang ilang dala niadtong higayona.Giingon ni Noralyn nga gipugos sila nga mabakunahan sa mga pulis sa Rural Health Unit (RHU) sa Kapatagan, hinungdan nga nakahukom si Nor nga magpabakuna na lang sa usa ka vaccination hub sa lugar alang sa iyang second dose.Apan wala mabakunahi si Noralyn niadtong higayona gumikan kay nangatarungan man kini nga sa Cotabato City lang siya magpatusok sa second dose bisan og nasuko na ang mga pulis.Human mabakunahi si Nor, nakahukom ang RHU-Kapatagan nga papaulion na lang ang pamilyang Kaising ngadto sa Cotabato City, apil na ang ilang mga paryente.Sa dalan pa lamang, matud pa, nagsakit na kaayo ang bukton ni Nor ug pag-abot sa Cotabato City, nagpula-pula na ang iyang baba ug didto na siya namatay.Wa pay pahayag ang RHU-Kapatagan ug mga eksperto sa panglawas sa hitabo samtang gisuwat kini nga balita. |
| Namaligya'g sakyanan di iya, gidemanda na Posted: 14 Mar 2022 03:30 AM PDT TAGUM CITY, Davao del Norte -- Nagtipun-og nga carnapping estafa nga mga kaso ang na-file na didto sa korte batok sa usa ka Mr. Jan Audie, residente sa Magugpo South, Tagum City, ug giiingong miyembro sa Traffic Management Office sa lokal nga panggamhanan sa Tagum.Kini human nga daghan ang mipadangat og reklamo sa mga biktima ngadto mismo sa buhatan sa Davao Norte Police Provincial Office (DNPPO) ug sa Highway Patrol Group (HPG) sa Davao del Norte.Sa report gikan sa Police Regional Office (PRO)-Davao, mismong ang director sa DNPPO ang nanawagan sa publiko nga makig-koordinar kanila kung naka-transaksiyon sa suspek.Si Mr. Jan Audie gihupo-hupoan na karon sa kapulisan human nga daghan na og reklamo nga nadawat ang kapulisan batok kaniya.Sumala pa nga nalambigit ang nahisgutan sa alegasyong large-scale swindling ug estafa."PCol. Antonio D Alberio Jr., provincial director of Davao Norte Police Provincial Office, asked the public, especially those who have previous transactions with Mr. Jan Audie... to coordinate with the investigators or you may contact at 09985987101 for your assistance," tipik sa press release sa Public Information Office sa DNPPO.Dugang nasayran sa inisyal nga ibestigasyon sa kapulisan nga ang suspetsado nalambigit sa daghang modus operandi sa mga motor vehicles."First of which is the renta-benta which is done by applying to rent the victim's car but would eventually sell the car or motorcycle to another person at a very low price. The second modus is assumed – benta, which is done by assuming the remaining amount of mortgage from the victim but won't actually pay to the company, rather sell the unit to a buyer, so eventually, the company will still ask for payment from the victim. Thirdly is the Labas marketing – Benta which is done by asking a favor from the victim, " dugang tipik sa press release sa PRO-Davao.Sumala sa mga reklamante, ang suspek dili na kini makontak sa iyang cellphone ug wala na sab sa kasamtangan niining gipuy-an. |
| Lawas sa nagmotorsiklo gilubngan og mga bala Posted: 14 Mar 2022 03:30 AM PDT SAN ISIDRO, Davao Oriental -- Usa ka lawom nga imbestigasyon ang gihimo karon sa San Isidro Municipal Police Station (MPS) sa kamatayon sa usa ka 32-anyos kinsa napalgang patay pasado alas 7 sa gabii niadtong Marso 12, didto sa Purok Two Lovers, Barangay Baon.Ang kapulisan sa San Isidro MPS nag-ila sa biktima nga si Kherin Banduan Manigo, driver ug residente sa Purok 2, Sitio Cotcot, Barangay Langka, Mati City.Nakit-an na lamang ang biktima sa pipila ka motorista nga miagi sa national highway diin abi lang og biktima sa bangga, apan sa pagsubay dunay daghang mga samad pinusilan sa kalawasan, kinsa ang biktima natumba gikan sa iyang pagmaneho sa motorsiklo.Narekober sa kapulisan ang upat ka basiyo sa bala sa kalibre .45 nga pistola nga maoy gituohang gigamit sa pagpusil.Ning kasamtangan, nagpadayon ang gihimong imbestigasyon sa kapulisan labot sa krimen samtang ang patay nga lawas sa biktima gidala sa Labajo Funeral Parlor sa Barangay Dugmanon. |
| Posted: 14 Mar 2022 03:28 AM PDT DUNGAN sa pagsaulog sa National Women's Month karong Marso, gihimo sa Tagum City Police Station ang usa ka webinar diin gisalmutan sa kompaniyang Northern Davao Electric Cooperative (Nordeco), Marso 11, 2022, alang sa dugang kahibalo paunsa masanta sa sexual harassment sa trabahoan ugaling mahitabo kini.Gibatbat ni Police Major Anjanette P. Tirador, ang deputy chief of police ug hepe sa Women and Children Protection Desk (WCPD) sa Tagum City Police Station, ang mga butang nga makatabang paunsa malikayan ang sexual harassment diha sa kababayen-an ug sa kabataan."The first line of defense to protect ourselves is kita mismo," ingon ni Tirador.Kini nga selebrasyon nag-ila ug nagpabili sa importansya sa kababayen-an pinaagi sa pagpaambit sa ilang panahon ug paningkamot sa pag-atiman sa mga panginahanglanon sa Member-Consumer-Owners ug mahimong kahayag dili lamang sa ilang mga panimalay kon dili sa tibuok rural electrification.Niadtong Marso 4, 2022, gimarkahan ang pag-abli sa kini nga bulan nga kalihokan, nga adunay tema nga sektoral nga "Kababaihan: Hindi Lang Ilaw ng Tahanan Kundi ng Buong Komunidad." Usa ka thanksgiving Mass ang gipahigayon sa Apokon Chapel, Tagum City nga gipangulohan ni Rev. Fr. Rey Ringo, associate parish priest sa Fatima Parish, Tagum City.Gisundan kini sa Virtual Get-together nga gipasiugdahan sa Philippine Rural Electric Cooperatives Association Inc. (Philreca) nga gitambungan sa mga babayeng empleyado gikan sa lain-laing lugar."Everyone are queens in their own right, remember that you are all intelligent, courageous, and one-of-a-kind," sulti ni Janeene Depay-Colingan, ang executive director ug general manager sa Philreca. |
| Roldan: Moubos pa ang presyo sa lana? Posted: 14 Mar 2022 03:26 AM PDT GIPAUBOS na ang atong dakbayan sa Level 1. Buot ipasabot, daghan nang puwedeng mahimo nato nga dili nato mabuhat sa milabay'ng duha ka tuig. Puwede na magsuroy sa malls ang mga bata basta magtaptap lang gihapon og face mask. Gitugtan na sab ang panagtapok sa daghang tawo.Niadtong niaging semana, gipahigayon ang usa ka National Directorate Meeting sa usa ka nasudnong partido sa hotel sa may Diversion Road ug sobra 100 ang partisipante.Ang kadaghanan nalipay tungod kay karon pa sila naka-face-to-face nga panagtigum. Nalipay sab ang mga negusyante kay sa katapusan makabawi na sila sa hinayhinay. Dili ikalimod nga ang "tourism industry" ang usa sa mga naigo sa Covid-19 pandemic. Hasta ang mga drayber sa PUJ nangalipay sab kay medyo nidako na ang ilang kita. Mao nagpasuwabi na sab og pasakay ang ubang drayber og pasahero. Ang kanhi tag-5 ra matag lingkuranan karon nibalik na'g tag-9. Di sab molarga ang sakyanan kung di mapuno, dili sama sa may pandemya nga bisan katunga ra ang sakay molarga na. Ang nakaparat lang kay hastang mahala sa presyo sa lana tungod sa giyera karon sa Russia ug Ukraine. Dako nga porsiyento sa lana sa tibuok kalibutan gikan sa Russia mao nga daghang nasud nga maapektohan kung dunay giyera didtong dapita. Dunay nag-ingon nga sad-an ang Russia sa pagpasiugda sa giyera, samtang ang uban nag-istorya sab nga sad-an ang Ukraine nganong moapil sila sa North Atlantic Treaty Organization (Nato) nga kontra man kini sa Russia. May nagsulti nga sad-an niini ang Ustados Unidos kay nagsulsol kini sa Ukraine nga moanib sa Nato nga gikasuko sa Russia. Ang resulta mao ang paglalin sa minilyon nga residente sa maong nasud, magkaguba sa mga nindot nilang lugar ug pagkahagsa sa ilang ekonomiya ug apil ta kay nisaka man ang presyo sa lana nga atong gigamit. Kung kinsa man ang sad-an, unta ang ilang lantawon mao ang kahimtang sa mga tawo nga way labot. Kahibalo ra ba ta nga kung ang presyo sa lana na gani ang mosaka, seguradong mosaka sab dayon ang presyo sa halos tanang butang ning kalibutan. Kanus-a pa kaha kini moubos ngadto sa P40-50 matag litro? Karon pa lang, nangayo na'g umento sa pamasahe ang mga drabyer. Nangayo sab og umento sa suholan ang mga trabahante ug tingali mosunod sab ang matrikula sa mga eskuwelahan.Nibalik na usab ang pangutana nganong walay programa sa pagkalot og lana sa atong nasud? Gibalita kaniadto pa nga buhong ang atong nasud sa natural gas ug lana ilabi na dinhi sa Mindanao apan nganong walay seryuso ang programa ang gobyerno alang niini?Anaa sab ang mga bag-ong teknolohiya sa enerhiya nga alternatibo sa lana apan wa gihapon kini gipakaylap sa atong gobyerno.Ang sunod nga presidente ba kaha adunay ingon niini nga plano? Puwede kining ipangutana sa mga debate sa mga modagan nga kandidato kung unsay ilang plano sa pagtaas sa presyo sa lana sa kalibutan ug sa "renewable energy." Di na puwede ang pa-cute karong panahona. |
| You are subscribed to email updates from SUNSTAR. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment