https://www.sunstar.com.ph/

---

• Editoryal: Bag-ong mandato, karaang problema
• AFP milusad sa Vice-Presidential Security and Protection Group
• Zagala mosunod PSG commander, senior military assistant ni Marcos
• Barrita: Bag-ong gubat batok dengue sa Cebu City
• Talk to Papa Joe: Gadahum
• Visayan Electric, Aboitiz Foundation miayuda sa kooperatiba sa mag-uuma
• Visayan Electric, Aboitiz Foundation miayuda sa kooperatiba sa mag-uuma
• Kai angay moduwa sa SL: Cone
• Floyd Jr. milikay ni Pacquiao
• Gilas Pilipinas nagkinahanglan og dugang naturalized players
• No. 2 rookie ma-superstar
• Mas ipalabi na ang depensa
• Fastcraft nasunog

Editoryal: Bag-ong mandato, karaang problema Posted: 26 Jun 2022 05:34 AM PDT Seguradong andam na sa ilang gambalay sa pagdumala sa paghulip sa bag-ong administrasyon ug ang nasubli sa pagkapili sa posisyon niadtong Mayo 9, 2022 nga nasudnon ug lokal nga eleksiyon nga gikatakda nga opisyal nang molingkod sa gahom karong Huwebes, Hunyo 30, 2022.Nag-una sa molingkod sa gahom mao si Presidente-elect Ferdinand 'Bongbong' Marcos, Jr. ug Vice Presidente-elect Sara Duterte-Carpio. Ang duha kauban og partido sa eleksiyon ug parehong ningkuha og taas nga boto. Bisan sila kaalyado apan, ang ilang liderato sa nasod nag-atubang og dakong hagit.Usa sa ilang nag-unang atubangon mao ang pagsutoy matag semana sa presyo sa mga produkto sa petrolyo.Ugma, Hunyo 28, dunay hugonhugon sa laing pag-umento sa pump prices sa lana. Mokapin na kaha sa P100 ang presyo sa diesel o gasolina? Kon mahitabo, mosamot na usab ang kalisod sa katawhan.Ang presyo sa lana maoy nag-unang hinungdan sa pagmahal sa mga nag-unang palaliton (pagkaon) ug serbisyo. Gitawag sa mga ekonomista nga 'domino effect'. Samtang, ang bili sa kuwarta sa nasod mikunhod ngadto sa P54.00 batok sa usa ka US dollar. Dili kini bag-ong problema sa nasod.Nasayod kita nga dili kini masulbad sa usa ka pagpamilok sa mata sa bag-ong mga opisyal. Apan sa ilang paglingkod sa posisyon, dili nato lung-an sa pagpahinumdom sa ilang saad sa kampanya sa miaging eleksiyon sa pagsulbad sa mga problema sa nasod ug motimon sa ekonomiya.Layo pa kita sa sitwasyon sa Sri Lanka nga nideklarar nga bangkarota na. Gipangsuspenso ang daghang serbisyo sa maong nasod sama sa mga klase sa tunghaan. Apan ang bag-ong liderato dili mokompiyansa.Uban sa atong pag-ampo nga dili mahisama sa Sri Lanka ug kooperasyon, hiniusang makalabang kita sa dakong krisis sa ekonomiya ug makab-ot ang tam-is nga kalamboan.Apan kinahanglan nga ang diskarte sa mga bag-ong opisyal makita dayon ning sayo pa sa ilang paglingkod sa gahom.

AFP milusad sa Vice-Presidential Security and Protection Group Posted: 26 Jun 2022 05:34 AM PDT Ang Armed Forces of the Philippines (AFP) nilusad sa Vice-Presidential Security and Protection Group (VPSPG), usa ka unit nga motutok sa paghatag og seguridad sa Bise Presidente sa nasod ug sa iyang pamilya, sumala sa AFP sa Sabado, Hunyo 25, 2022.Si AFP Chief of Staff General Andres Centino nangulo sa activation ceremony niadtong Biyernes, Hunyo 24, 2022, sa AFP General Headquarters uban sa taas nga AFP leadership.Si Lieutenant Colonel Rene Giroy sa Philippine Army maoy napili nga unang group commander sa VPSPG."The AFP saw it fitting to provide the Office of the Vice President a dedicated unit that shall ensure the safety and security of the second-highest elected official in the country," matod ni Centino.Ang VPSPG maoy kanhi Vice-Presidential Security Detachment nga ubos sa Presidential Security Group.Uban sa iyang activation, ang VPSPG karon usa ka laing unit ug pangulohan kini sa opisyal nga dunay ranggo nga colonel o Navy captain."I am confident that the newly-designated acting VPSPG Commander and the rest of the Officers and Enlisted Personnel entrusted to ensure the safety, security, and welfare of the Vice President and her family shall perform their responsibilities to the best of their abilities," matod ni Centino.Sa pamahayag, si Vice President-elect Sara Duterte-Carpio, kinsa usa ka Philippine Army reserve officer sa ranggo nga colonel, nipadayag sa iyang kalipay ni Department of Defense Secretary Delfin Lorenzana ug Centino sa pagsanong sa iyang hangyo nga dunay laing unit gawas sa Presidential Security Group."The activation of the Vice Presidential Security and Protection Group (VPSPG) is commendable as it will resolve the matter of continuity in security for all vice presidents of the Philippines," matod niya."This AFP initiative also highlights the importance of having an independent group that will provide all Philippine vice presidents with the necessary security and protection. That foresight demonstrated in this activation was likewise highly laudable -- that it may be expected to solve the challenges if, in future elections, the vice president and the president face the misfortune of having strained relations," dugang ni Sara. (SunStar Philippines)

Zagala mosunod PSG commander, senior military assistant ni Marcos Posted: 26 Jun 2022 05:31 AM PDT Umaabot molingkod nga bag-ong presidente sa nasod karong Huwebes, Hunyo 30, Ferdinand 'Bongbong' Marcos, Jr., nipili kang Armed Forces of the Philippines (AFP) Spokesperson Colonel Ramon Zagala isip mosunod nga Presidential Security Group (PSG) ug iyang senior military assistant.Si AFP Public Affairs Office Chief Colonel Jorry Baclor nagkanayon nga si Zagala natudlo nga pagka acting capacity."Ang sabi sa akin ni Colonel Zagala is for issuance pa ang order, wala pa actually order, for issuance pa lang. Ang effectivity is 30 yata sabi n'ya kanina, kaya wala pang announcement kasi alam mo naman sa atin, order talaga 'yung kailangan," sumala ni Baclor sa iyang mensahe sa mga tigbalita. Si Zagala gi-commission sa regular force sa Agusto 1994. (SunStar Philippines)

Barrita: Bag-ong gubat batok dengue sa Cebu City Posted: 26 Jun 2022 05:31 AM PDT Kon usa ka bayani ang mopauli sa iyang pinuy-anan, sugaton siya og banda. Maglinya ang mga bata sa daplin sa kadalanan nga magwara-wara og mga banderitas. Apan kay sakit nga dengue man ang nibalik pagsaka sa siyudad sa Sugbo, gisugat kini ni Cebu City Mayor Michael Rama og deklarasyon sa gubat.Gikan sa Enero 1 hangtod sa Hunyo 23 ning tuiga, ang Cebu City Health Department (CHD) nakatala og 1,254 ka kaso sa dengue sa siyudad, 16 kanila ang namatay. Sa samang gidugayon sa miaging tuig, ang CHD nakatala lang og 62 ka kaso sa dengue.Ang CHD di pa motawag niini nga usa ka "outbreak." Apan si Mayor Rama wa maghuwat nga moabot kini sa outbreak level una pa ideklarar ang gubat batok sa dengue, labi pa nga niabot na sa 16 ang namatay tungod niini. Makapabalaka man gani kon usa ra ang mamatay, unsa pa kon 16 na, matod pa niya.* * *Gipaabot nga moluwat si Rama og usa ka orden ehekutibo nga magmando sa 80 ka mga barangay sa siyudad ug sa kabalayan nga ilang sakop mga moapil sa kampanya batok sa dengue sama sa "search and destroy" sa breeding areas sa mga lamok nga nagdala sa dengue.Butangan usab og "fast lanes" alang sa mga pasyente sa dengue ang tanang mga publiko ug pribadong hospital sa siyudad. Nahawan na hinuon ang mga hospital sa mga pasyente sa Covid-19 tungod kay nitibugsok man ang mga kaso sa Covid-19 sa siyudad.Gilikayan sa mayor ang iyang gitawag nga "triple whammy" samtang nagsugod pa ang pagbangon sa siyudad gikan sa Covid-19 pandemic ug sa kadaot gikan sa bagyong Odette, pun-an pa gyud sa dengue.* * *Si Dr. Marc Luen Remedio, CHD dengue coordinator, namahayag nga gilusad nila ang daghang kalihokan sa pagpugong sa pagkuyanap sa dengue pinaagi sa gihingosgan nga information drive sa pagkontrolar sa dengue, clean-up drives sa mga sitios, search and destroy operations ug larvicidal activities.Diri sa Barangay Zapatera, akong nakita ang mga opisyales sa barangay nga nagbutang og larvicide sa mga kanal ug sa mga stagnant o nagluoy nga tubig nga posibleng pangitlogan sa lamok nga nagdala sa dengue.Ang pagbutang og larvicide dugay na nga gihimo sa mga pundok sama sa Dengue Free Philippines ni Dr. Wyben Briones ug sa rotary clubs sa siyudad subay sa giingon sa mga eksperto nga mas daling patyon ang larva sa lamok nga naglangoy pa sa tubig kay sa hingkod nga naglupad-lupad na.

Talk to Papa Joe: Gadahum Posted: 26 Jun 2022 05:26 AM PDT Dear Papa Joe,Ako diay si Jundi, 24 years old, nagtrabaho ko sa usa ka bakery. Di lang nako nganlan asa kay para na lang sad sa akong privacy.Nagsugod ning akong problema dihang nasuod nako akong kauban nga 45 anyos na ang edad, minyo ug may mga anak. Kini siya grabe kaayo ko ka pinangga niya ug ako sad suklian og maayong tagad kay mura ra nako siya og inahan.Suod kaayo mi na libakon mi sa uban namong mga kauban nga uyab daw mi apan ako silang giingnan nga di kay inahan akong panan- aw niya. Mao na nilikay nalang ko kay nakita nako na di anak iyang pagtagad nako. Karon kay gibuhatan man ko niya og istorya nga nangluod daw ko kay nagselos. Unsa may akong buhaton?JUNDIJundi,Kon di tinuod, ayaw paapektar. Pasagdahi na siya ug ang mga tawo nga manglibak nimo. Trabaho diha ug ayaw paapekto sa katrabaho kay madaot na hinuon ka ana.Basin nagtuo gyud ang uban kay suod man mo ug kay nagmalisya na man ka mao nga iyang gipalakaw nga nagselos ka. Karon kon gusto ka nga matuldukan na nga problema, pwede sad ka moduol sa imong amo ug magpatabang ka nga maundang na kay sa maapektuhan ang inyong tabaho.PAPA JOE

Visayan Electric, Aboitiz Foundation miayuda sa kooperatiba sa mag-uuma Posted: 26 Jun 2022 03:45 AM PDT Ang Visayan Electric, uban sa Aboitiz Foundation Inc., nitumong sa pagbalik sa panginabuhian sa mga mag-uuma og mga utanon sa Barangay Adlaon, dakbayan sa Sugbo pinaagi sa KINDer program.Ang Cobcawa Multipurpose Cooperative, kahugpongan sa mga mag-uuma sa bukirang dapit sa Sitio Cobcawa sa Barangay Adlaon, gihatagan og ayuda nga P200,000 nga balor sa farm inputs alang sa ilang produksiyon."Dako kaayo among pasalamat sa Aboitiz Foundation ug sa Visayan Electric nga wala gayud mi pasagdi bisan pa sa panahon sa pandemiya. Ang amo lang gayud nga ikapasalig nga magpadayon gyud ang among paninguha nga molambo ang among cooperative pinaagi sa ilang tabang nga gihatag sa amo," matod ni Eliseo Cantano, tsirman sa Cobcawa Multipurpose Cooperative.Ang mga miyembro sa Cobcawa Multipurpose Cooperative kasagaran nagsalig sa pagtanom og mga utanon sama sa talong, paliya, kamatis, pechay, ug uban pa.Ang pagtumod sa ilang ma produkto naapektohan tungod sa kanhi lockdowns sa Covid-19 human nahimong ang ilang umahan sa bukiran dapit.Ning pagluag sa community quarantines sa dakbayan, ang mga miyembro sa Cobcawa buot mopahimulos sa higayon sa pagbawi sa ilang panginabuhian.Ang Visayan Electric ug Aboitiz Foundation nihimo og lakang sa pagpahimulos sa panahon sa pagtabang sa mga mag-uuma nga mabangon sa ilang pangita sa umahan."Cooperatives play a critical role in the development of the Philippine economy. They contribute to poverty reduction by empowering communities. Together with Visayan Electric, Aboitiz Foundation will accelerate efforts and resources in supporting cooperatives and co-create communities that are resilient, empowered, and sustainable," matod n Aboitiz Foundation President and COO Maribeth Marasigan.Ang 120 farmer-member cooperative nakadawat og mga gikinahanglan sama sa seedlings, insecticides ug fertilizers, uban pa.Tumong sa tabang mao ang pagpahiuli sa pag-uma sa mga utanon ug panginabuhi sa Sitio Cobcawa-based farmers pinaagi sa pundo nga gitahatag sa pagpalapad sa ilang umahan ug pagsagop sa mga bag-ong teknolohiya, lakip sa pagkutay sa merkado. (PR)

Visayan Electric, Aboitiz Foundation miayuda sa kooperatiba sa mag-uuma Posted: 26 Jun 2022 03:39 AM PDT Ang Visayan Electric, uban sa Aboitiz Foundation Inc., nitumong sa pagbalik sa panginabuhian sa mga mag-uuma og mga utanon sa Barangay Adlaon, dakbayan sa Sugbo pinaagi sa KINDer program.Ang Cobcawa Multipurpose Cooperative, kahugpongan sa mga mag-uuma sa bukirang dapit sa Sitio Cobcawa sa Barangay Adlaon, gihatagan og ayuda nga P200,000 nga balor sa farm inputs alang sa ilang produksiyon."Dako kaayo among pasalamat sa Aboitiz Foundation ug sa Visayan Electric nga wala gayud mi pasagdi bisan pa sa panahon sa pandemiya. Ang amo lang gayud nga ikapasalig nga magpadayon gyud ang among paninguha nga molambo ang among cooperative pinaagi sa ilang tabang nga gihatag sa amo," matod ni Eliseo Cantano, tsirman sa Cobcawa Multipurpose Cooperative.Ang mga miyembro sa Cobcawa Multipurpose Cooperative kasagaran nagsalig sa pagtanom og mga utanon sama sa talong, paliya, kamatis, pechay, ug uban pa.Ang pagtumod sa ilang ma produkto naapektohan tungod sa kanhi lockdowns sa Covid-19 human nahimong ang ilang umahan sa bukiran dapit.Ning pagluag sa community quarantines sa dakbayan, ang mga miyembro sa Cobcawa buot mopahimulos sa higayon sa pagbawi sa ilang panginabuhian.Ang Visayan Electric ug Aboitiz Foundation nihimo og lakang sa pagpahimulos sa panahon sa pagtabang sa mga mag-uuma nga mabangon sa ilang pangita sa umahan."Cooperatives play a critical role in the development of the Philippine economy. They contribute to poverty reduction by empowering communities. Together with Visayan Electric, Aboitiz Foundation will accelerate efforts and resources in supporting cooperatives and co-create communities that are resilient, empowered, and sustainable," matod n Aboitiz Foundation President and COO Maribeth Marasigan.Ang 120 farmer-member cooperative nakadawat og mga gikinahanglan sama sa seedlings, insecticides ug fertilizers, uban pa.Tumong sa tabang mao ang pagpahiuli sa pag-uma sa mga utanon ug panginabuhi sa Sitio Cobcawa-based farmers pinaagi sa pundo nga gitahatag sa pagpalapad sa ilang umahan ug pagsagop sa mga bag-ong teknolohiya, lakip sa pagkutay sa merkado. (PR)

Kai angay moduwa sa SL: Cone Posted: 26 Jun 2022 03:37 AM PDT Nagtuo si Brgy. Ginebra Gin Kings coach Tim Cone nga ang National Basketball Association (NBA) Summer League mao gihapon ang ikaduhang labing maayong agianan alang sa batan-ong Pinoy nga higante nga si Kai Sotto paingon sa pangandoy niining makaduwa sa NBA.Si Sotto, kinsa 7'3" na ang gitas-on sa edad pa lang nga 20, namasin na sa miaging NBA Draft apan wala naapil ang pangalan niini sa 58 ka napiling bag-ong mga magduduwa sa NBA."I think the next best thing for him is the Summer League and then see if he can get the playing time and showcase his skills," pasabot ni Cone nga napatik sa Spin.ph.Manuwa sa NBA Summer League o naila sab nga Las Vegas Summer League mao ang NBA rookies, sophomores ug G-League players.Alang ni Cone, sa Summer League mas matutokan sa NBA scouts ang kapabilidad ni Sotto kumpara kon moduwa kini sa Australia ug uban pa nga mga liga sa Europe.

Floyd Jr. milikay ni Pacquiao Posted: 26 Jun 2022 03:36 AM PDT Mas gipalabi ni American Floyd Mayweather Jr. nga makig-away og balik kang Irish Conor McGrecor kumpara kang Filipino boxing legend Manny Pacquiao, taho sa world boxing news.Nasayran nga gilihok na'g sugod ni Mayweather ang panag-away nila'g balik ni McGrecor, kinsa maoy katapusan niyang kontra sa wa pa siya miretiro isip professional boxer bawon ang perpektong 50-0 nga rekord, nga gibuwakan og 27 knockouts.Sa premiro nilang away niadtong 2017, gidominar ni Mayweather ang mixed martial arts (MMA) superstar sa wa pa niya kini gipaundang sa 10th round. Mao kini ang bugtong away ni McGregor sa professional boxing. Sa ikaduha nilang panagsangka, usa ka exhibition fight ang masaksihan."Floyd Mayweather and Conor McGregor are currently in talks for a potential rematch. If it happens, expect Mayweather to pocket another nine-figure payday," pamahayag sa Fighthype.com.Naila si Mayweather nga padayong nangolekta og dagkong premyo hinungdan nga gikahibulngan nganong si McGregor maoy gusto niyang kontrahon nga tataw nga wala'y interes ang boxing fans nga magsumbagay sila pagbalik.Kon kuwarta ang gipangita ni Mayweather, asoy sa www.fighthype.com nga angayang si Pacquiao maoy iyang kontrahon tungod kay dugay nang gihandom sa boxing fans nga mag-away sila pagbalik. Gituohan nga nagpanagana si Mayweather nga makig-away og balik kang Pacquiao hilabi na kay bag-uhay lang miretiro ang Pambansang Kamao ng Pilipinas.Sa ilang premirong away niadtong 2015, midaog si Mayweather pinaagi sa unanimous decision.

Gilas Pilipinas nagkinahanglan og dugang naturalized players Posted: 26 Jun 2022 03:35 AM PDT Gumikan kay milanat pa og 40 ka mga tuig una naka-qualify pagbalik ang Pilipinas sa FIBA World Cup, ang mga eksperto sa basketball nagkahiusa sa pag-ingon nga kinahanglang mokuha og dugang naturalized players ang national team aron makakombati og insakto.Una kining gipabuhagay sa kanhi Gilas Pilipinas coach nga si Yeng Guiao unya gisundan kini ni Samahang Basketbol ng Pilipinas (SBP) chairman Senator Sonny Angara, ug ning bag-uhay lang, si Barangay Ginebra Gin Kings board governor Alfrancis Chua."Balita ko pilay daw si (Ange) Kouame. Paano 'yun? Kailangan kumuha tayo ng mga tatlo, apat, limang papa-naturalized natin where we can choose," matod ni Chua nga napatik sa Spin.ph."Kailangan derecho tayo kung sino yung makukuha. Ask the coach, it's not about the name. It's about a player kung anong kulang natin sa team. Malaki ba, maliit ba? Ano'ng kailangan? Mag-ipon dapat tayo kung sino'ng papa-naturalize natin para makatulong sa 2023."Ang Pilipinas maoy usa sa mga mo-host sa 2023 FIBA World Cup kauban ang Japan ug Indonesia.Mao kini ang labing unang higayon nga maka-host pagbalik ang Pilipinas ning prestihiyusong kompetisyon gikan niadtong 1978.Si Gilas Pilipinas coach Chot Reyes miuyon nga mokuha og dugang naturalized players ang Pilipinas apan nasayod siyang dili kini sayon buhaton.

No. 2 rookie ma-superstar Posted: 26 Jun 2022 03:35 AM PDT Adunay malampusong rekord si Oklahoma City Thunder general manager Sam Presti kabahin sa iyang gipangpili nga draft picks sa National Basketball Association (NBA) sukad pa kaniadto.Tulo sa mga gipangpiling draft picks ni Presti kaniadto nga sila si Kevin Durant, Russell Westbrook ug James Harden pulos na lehitimong superstars sa pagkakaron.Malaumon si Presti nga mahimo sab nga superstar ang iyang gipili nga No. 2 overall pick sa miaging NBA 2022 Draft nga si Chet Holmgren."I'm very confident he'll be ready," asoy ni Presti kabahin ni Holgrem. (AP)

Mas ipalabi na ang depensa Posted: 26 Jun 2022 02:57 AM PDT Miuyon si kanhi 2-time scoring champion Russell Westbrook nga mohangop sa mentalidad nga unahon ang depensa kumpara sa opensa sa iyang pagduwa sa Los Angeles Lakers sa 2022-23 season sa National Basketball Association (NBA).Ning puntoha, wala pa'y kaseguroan kon magpabilin ba sa Lakers si Westbrook alang sa sunod nga season diin aduna kini $47 million player option.Si Westbrook napuno sa pagsaway sa miaging season nga dili haom ang dinuwaan niini alang sa Lakers, nga gipangulohan nila ni LeBron James ug Anthony Davis.Wala nakasulod sa playoffs ang Lakers sa miaging season. (AP)

Fastcraft nasunog Posted: 26 Jun 2022 12:20 AM PDT USA ka fastcraft nga dunay sakay nga kapin sa 100 ka mga pasahero ug tripolante nasunog samtang naglawig padulong sa lungsod sa Bato, Leyte gikan sa lungsod sa Ubay, Bohol nasunog, ala 1 sa hapon, Dominggo, Hunyo 26, 2022.Si Jonathan Andrade, usa sa nitabang sa rescue operation nga sakay sa laing fastcraft nga nakalabay sa dapit, niasoy sa Superbalita Cebu ang fastcraft nga 'Mama Mary' nasunog sa lawod sa lungsod sa President Carlos P. Garcia, Bohol.Matod ni Andrade, ang iyang nasayran nga naluwas tanan ang mga tawo nga sakay sa fasftcraft pinaagi sa pagtabang usab sa mga mangingisda sa dapit.Ang Superbalita Cebu nikontak pa sa Philippine Coast Guard aron pagkompirmar ning pasiunang kasayoran.

You are subscribed to email updates from SUNSTAR. To stop receiving these emails, you may unsubscribe now.	Email delivery powered by Google
Google, 1600 Amphitheatre Parkway, Mountain View, CA 94043, United States