https://www.sunstar.com.ph/ |
- Super Kahimsog: Aron hinanok ang tulog
- Talento: Sex stories
- Pagtunga sa Maguindanao hukman sa plebisito Septiyembre 17
- Fuel cards ihatag na
- 'No Parking' duol sa City Hall, SP
- Entries alang sa Hiyas dawaton na sa tigpasiugda
- Moderno nga PUV biyahe na
- Drug den duol sa PNP crime lab napuhag
- Vax sa Covid-19 sa mga health centers gihangop
- Ronda sa kaadlawon mikalas 7 ka armado
- Lalaki gipusil-patay sa gasolinahan
- 145 barangay sa Davao Region hubsan na og NPA
- Gabas, nipaikyas 3 priso
- Pulis: Niligis sa 2-anyos naareglo
- Sundalo samdan, gipasidunggan
- Suspek sa pagtigbas sa magtiayon, patay
- Nangawat og kanding nasagap sa CCTV
| Super Kahimsog: Aron hinanok ang tulog Posted: 24 Jun 2022 05:25 AM PDT ANG pagtulog gyod ang gigikanan og kusog aron malatas ang mga gimbuhaton, busa pinaka-importante gayod ang pagtulog.Kon kulang og tulog, ang resulta dili maayong kalidad sa mga gimbuhaton, dili produktibo ang adlaw, mao nang matulog gayod sa mga oras nga igpapahuway.Problema sab labi pa nga di na modumdom sa oras ang pagkatulog gumikan sa daghang mga trabaho ug bisan ang mga nakahimo og distorbo diha sa palibot.Maong kinahanglan sa tawo nga kon oras na sa tingkatulog, matulog gayod, apan ang problema, dili makatulog gumikan sa daghan sab nga mga hinungdan ug usa na niini ang social media, busa ang pipila nagkinahanglan og mga suplemento nga luwas alang sa ilang hinanok nga pagkatulog.Sa ulahing episode sa "Istoya Ta" sa SunStar Davao ug Superbalita gi-host ni Darlah Orquiza, girumbo niini ang Roxas Night Market, Davao City diin asa nagkadaiyang kasinatian paunsa makatulog ang gipaambit sa mga Dabawenyo.Si Bea Mae Capuyan, usa ka estudyante, niya pa nga unom ngadto sa walo ka oras ang iyang tulog diin gipaambit niini ang ka-importansya sa pagkatulog."Kinahanglan tama gyod imong tulog para dili luya pagka-ugma," ingon niya.Ang call center agent nga si Naif C. Aragat, lahi ang iyang oras sa ting-tulog sanglit gabii iyang trabaho."Sa akong shift nga 3:30 sa kaadlawon ko nakaga-out, sobra 8-hours akong tulog, sekreto nako, pag-uli, punas, drink og milk then take vitamins... water, para okey kaayo ang immune system," niya pa.Dugang niya, "Lahi gyod og wala kay sakto nga tulog dili maka-focus sa work, pero kon sakto og tulog, productive kaayo."Si Rosalinda Tan, usa ka masahista sa Roxas Night market, suma niya, ang kakapoy mao nay makapatulog niya pag-abot sa ilang balay, apan dali ra sab siya kamata ugaling dunay bisan gamay nga distorbo, busa hasol kaniya gumikan nagkinahanglan siya og igong kusog pagka-ugma.Ang elementary public school teacher ug usa ka biker nga si Gina Garganera, niya pa nga kapuyon niya iyang lawas sa pag-bike aron pag-uli sa ilang balay, makatulog nalang siya, apan usahay hasol sab sa iyang pagkatulog labi pa kon magtipun-og na ang iyang mga trabahoon sa tunghaan.Anaa lang sab sa lima ka oras ang tulog ni Princess Diana Romeo, diin niya pa nga makaluya gayod ang walay tulog, busa mangita siya og mga pamaagi nga siya makatulog.Matag usa sa mga nahinabi, gihatagan sila'g regalo sa NIGHTOL aron ila unyang mamahimong suplemento diha sa maayo nilang pagkahinanok sa pagkatulog.UNSA ANG NIGHTOL?Ang Nightol mao ang melatonin supplement nga nagtumong sa paghatag og kalidad nga pagkatulog nga motabang sa pag-angkon og mas lig-on nga immune system alang sa matag Pinoy. Usa kini ka"non-addictive" ug "non-habit forming". Mahimo kining paliton over the counter nga wa na kinahanglana ang resita sa doktor.Ang Nightol gilunsad niadtong 2020 aron pagtabang sa nagdako nga ihap sa mga indibiduwal nga dunay suliran sa pagkatulog taliwala sa pandemya.Produkto kini sa Organica Nutrition, Inc. nga na-establisar niadtong 2005 kon diin nagtumong sa pagpalambo sa kalidad sa kinabuhi sa mga Pinoy pinaagi sa paghatag og mas taas nga kalidad sa natural nga produkto nga barato lang.Mapalit kini sa mga nag-unang tindahan sa mga tambal sama sa Mercury Drugstore, Watsons, Southstar Drugstore, Rose Pharmacy ug uban pa.Mahimo sab kining mapalit sa Shopee, Lazada, Zalora, Watsons Online, HealthMart PH, PharmEZ. Mahimo sab nga ma-order sa https://nightol.com/where-to-buy/.Apan gipasidaan nga kadtong ubos sa 18-anyos, dunay sakit sa atay ug kidney, mabdos ug nagpasuso nga mga inahan, ug kadtong nag-operate og dagkong ekipo di angay nga motumar niini.Alang sa dugang detalye mahimong mobisita sa Website: https://nightol.com/ o Facebook: Nightol Melatonin Supplement, https://www.facebook.com/nightol o kaha sa Instagram: @nightol_ph. |
| Posted: 24 Jun 2022 04:08 AM PDT HALA, interesado kaayo sila. Ako pud he he! Musta mga higala?Yes, mga matang nga adunay kalambigitan sa "sex" kun "pakighilawas" ang tukion nato. Hilas ug ngilngig kini nga istoryahan sa uban kay lagi usa kini ka butang nga dili kuno dapat ipanabi labi na BAWAL kaayo ipanghagad kung dili sa imong "legit" kun "orihinal" nga kapikas. Uyon mo?Pribadong kalihokan pud kini sulod sa lawak (puwede sa sagbutan depende) dili sama sa kanta ug sayaw nga puwedeng mosabay ang kadaghanan ug mangalingaw lang ang tanan. Ang simpleng pagbuhat niini sa pampublikong lugar, ug daghan pud ang saksi - makagubot sa katilingban kay maka-eskandalo man.O, dili lang kaayo ipahalata ang kahinam ha?Sama sa tanan nakong nasuwat dinhi sa Super B - pag-edukar, pagkutlo sa saktong impormasyon, paglingaw ug pagtuon lamang ang atong katuyoan. Aww, puwede pud nga pahungaw lamang. So, ayaw pataka og imagine dinha. Mga kaagi kini sa pipila sa akong mga kaila nga adunay kalabutan sa ilang "sex life."Tungod pud maulaw ang uban bisan moingon na lamang sa pulong nga "sex" o "iy__t" sa atong pinulongan... naggama ang kadaghanan og tawag niani nga dili kaayo pangka kun halata, miga sama sa... "gerger, kayat, dula'g panit, hikya sa mga kaigsuonan natong bakla, dyug-dyug, kantot, dukduk, giyera sa ubos, change oil (daw sakyanan) ug uban pa.Sama ra pud sa tawag sa atong mga private OT___AN este ORGAN (parte sa lawas - dili piano) o atong hinagiban sa pakighilawas (pribadong parte sa atong kalawasan alang sa reproduksyon o pagpanaghan sa tawo sa kalibutan) - duna pud kiniy daghang mga alayas. Kung sa mga lalaki kay "bunal, manoy, hotdog, patintin, pototoy, nota ug uban pa... sa mga babaye ang bi__ong o bi__at nga ikaulaw litukon; gianggaan na kini'g "pekpek", bundo, bingkang pinaliki, flower ug uban pa. Matud pa sa laraw sa sikolohiya, ang malisya daw sa atong mga utok ang hinungdan nga nahimong nagkadaiya ang atong pamaagi ug pulong sa paghisgot sa atong mga kinatawo ug paggamit niini, migo. Nautg__n... este naughan na ba ka sa kahinam; ania- mas seryuso pa ni sa unahan- wait lang.Pastilan, makalingaw man pud "usahay" hisgutan ning atong body parts ug sex bah. Unsa may tawag nimo sa imoha? Ako? Mag- iningles ra kay mora'g seryuso paminawon ang pulong nga "VAGINA." Puwede pud flower na lang aron dili luod sa imong pagbasa ha ha!!! Bitaw, kining "flower nako dugay na kaayong uga." Pagbulag namo sa papa sa akong anak... natagam na diretso busa wala nako kini nagpatikad, migo. Kung sa buwak pa, buyog na lang ang nagbatug. Kaluoy pud kay sa edad nga 43, mora'g intawon hapit na kini mobagtok he he! Unsa man, mangayo na seguro ko'g banhunon kay Lord ani?Bitaw, dili kini binastos apan adult conversation ang atong ginahimo karon kay nasuta nako nga daghan na diay ginaatubang nga hagit ang mga babaye ug lalaki kalabot sa ilang sex life inig tungtong na sa edad kuwarenta- pataas. Gusto ka masayod? Basa na pud sunod kay taas na man ning intro nato. Pramis... pito ka magkalahing tawo sa among katilingban ang akong giinterbyu aron tun-an ug tukion ang maong hisgutanan, igsuon apan sa sunod na natong pagkita-kita. SalaMUCH ug I miss ya!!! |
| Pagtunga sa Maguindanao hukman sa plebisito Septiyembre 17 Posted: 24 Jun 2022 04:06 AM PDT DUNAY mahitabong plebisito sa Septiyembre 17, 2022 aron nga masayran konpaboran ba ang pagbahin sa Maguindanao ngadto sa duha ka probinsiya.Kini ang gibutyag ni acting Commission on Elections (Comelec) Spokesperson Rex Laudiangco.Ubos sa Republic Act 11550 o ang balaod nga nagbahin sa probinsiya sa Maguindanao ngadto sa Maguindanao del Norte ug Maguindanao del Sur.Kini matigayon lang kon aprobahan sa mayoriya sa mga botante ang "Yes" atol sa plebisito.Ubos sa balaod, ang Maguindanao del Norte gilangkuban sa mga lungsod sa Barira, Buldon, Datu Blah Sinsuat, Datu Odin Sinsuat, Kabuntalan, Matanog, Northern Kabuntalan, Parang, North Upi, Sultan Kudarat, Sultan Mastura, ug Talitay samtang ang lungsod sa Datu Odin Sinsuat maoy sentro niini.Samtang ang Maguindanao del Sur langkuban sa Ampatuan, Buluan, Datu Abdulla Sangki, Datu Anggal Midtimbang, Datu Hoffer Ampatuan, Datu Montawal, Datu Paglas, Datu Piang, Datu Salibo, Datu Saudi Ampatuan, Datu Unsay, Gen. Salipada K. Pendatun, Guindulungan, Mamasapano, Mangudadatu, Pagalungan, Paglat, Pandag, Rajah Buayan, Sharif Aguak, Sharif Saydona Mustafa, Sultan sa Barongis, Talayan, ug South Upi ug ang lungsod sa Buluan maoy magsilbing sentro. |
| Posted: 24 Jun 2022 04:06 AM PDT MANG-APUD-APOD na sab ang Land Transportation Franchising and Regulatory Board (LTFRB)-Davao Region Sabado, Hunyo 25, 2022, sugod alas 8 sa buntag hangtud alas 4 sa hapon.Sa mga taxi operators, ilang makuha ang ilang Pantawid Pasada Program (PPP) Fuel Subsidy Cards sa buhatan sa LTFRB-Davao Office sa Libby Road, Bago Gallera, Davao City.Sumala ni LTFRB-Davao Director Nonito Llanos, ang PPP subsidy cards mahatag lamang niadtong mga bonafide taxi operators pinaagi sa Landbank Toril Branch kon kinsa ang motambong sa venue karong adlawa.Moihap sa 5,196 ka mga taxi units ang makadawat sa ilang mga PPP cards nga naka-submit sa mga forms sa LTFRB-Davao.Dugang ni Llanos adunay moihap sa 708 public utility jeepney units with blocked/purged cards ang makadawat gihapon sa ilang mga bag-ong PPP cards sa Landbank Matina Branch.Mga kinahanglanon nga dalahon atol sa pagdawat mao ang mga mosunod:Sa mga franchise holder kinahanglan ang usa ka valid government-issued original ID, Original Copy sa Official Receipt ug Certificate of Registration (OR/CR), o kaha Certified True Copy sa OR/CR kung ang sasakyan gunit sa bangko, o Original Copy sa Certificate of Public Convenience (CPC), Duly-signed sa Deed of Undertaking.Puwede na ma-download sa LTFRB website ang mga forms sa Deed of Undertaking, ug suwatan ang detalye sa mga forms ug ipadala sa email. (Uban sa taho sa PIA-Davao) |
| 'No Parking' duol sa City Hall, SP Posted: 24 Jun 2022 04:05 AM PDT OKUPADO karon ang City Transport and Traffic Management Office (CTTMO) sa Siyudad sa Davao sa pagpanghatag og mga flyers diin asa dunay pahibalo nga "No Parking" karong Lunes, Hunyo 27, 2022.Kini subay sa ipahigayon nga oathtaking ni Davao City Mayor-elect Sebastian "Baste" Duterte nga mahitabo sud mismo sa Sangguniang Panglungsod Building sa maong adlaw.Nanghatag niini ang mga personahe sa CTTMO aron masayran sa mga motorista ang temporaryo nga pagdili sa pag-parking sa nagkalaing mga lugar.Unom ka mga dalan duol sa City Hall ang dili pa-parkingan sugod ala 1 sa kaadlawon hangtud alas 6 sa gabii sa maong adlaw.Ang mga dalan nga gibawal sa parking mao ang, Bolton Street (cor. Rizal to cor. Pichon Street), Ponciano Street (cor. Rizal Street hangtud San Pedro Street, San Pedro Street (cor. CM Recto hangtud City Hall Drive), Pichon Street (cor. Anda hangtud cor. CM Recto Avenue), City Hall Drive ug ang Engineers Alley.Hinuon, abli ang San Pedro Street, apan lauman gihapon ang hinay nga dagan sa trapiko nianang adlawa. |
| Entries alang sa Hiyas dawaton na sa tigpasiugda Posted: 24 Jun 2022 04:04 AM PDT GIBUKSAN na sa mga organizers ang pagsumite sa mga entries alang sa Hiyas nga nagrepresentar sa 11 ka tribo sa Davao City nga magtigi alang sa gitinguha nga Hiyas sa Kadayawan 2022 title.Ang mga interesadong partisipante aduna lang hangtud alas 4 sa hapon sa Hulyo 19, 2022, aron isumite ang opisyal nga entry form ug uban pang mga kinahanglanon sa City Tourism Operations Office nga nahimutang sa ikaupat nga andana sa Davao City Tourism Investment and Promotions Building, Palma Gil Street, Davao City.Ang matag representante sa Obo Manuvu, Bagobo-K'lata, Matigsalug, Iranun, Bagobo-Tagabawa, Ata, Kagan, Sama, Tausug, Maranao, ug Maguindanaon kinahanglang iendorso sa ilang tagsa-tagsa ka komunidad.Tungod niini, ang mga tribo kinahanglan nga mohimo sa ilang kaugalingon nga proseso sa pagpili aron makapili sa ilang mga representante.Ang "hiyas" sa usa ka tribo kinahanglang babaye, 18 anyos pataas; single kun wala pa naminyo; residente sa Davao City sulod sa labing menos duha ka tuig.Ang tanan nga mga kandidato gikinahanglan nga motambong sa tanan nga mga ensayo, litrato ug video shoot, pagpakita sa bisita, pasundayag, ug uban pang mga kalihokan.Ang mga kandidato pagahukman sumala sa ilang kahibalo sa ilang kultura (30 porsiyento), kahanas sa kultura (25 porsiyento), personalidad ug presensiya sa entablado (25 porsiyento), proposal sa proyekto sa komunidad (10 porsiyento), ug pamatasan (10 porsiyento).Ang Hiyas sa Kadayawan titlist makaangkon og ganting salapi nga P100,000 samtang ang runner-up nga Hiyas sa Panaghiusa makaangkon og P80,000, ug ang third placer nga Hiyas sa Kalambuan makabulsa og P60,000. Ang walo ka non-winners makadawat og tag P25,000 matag usa ug ang Hiyas sa Kaliwatan (Tribal Gems) titles.Ang Best in Cultural Presentation (talent) makadala sa P10,000.Ang coronation night gikatakda sa alas 6 sa gabii karong Agosto 17, 2022 sa RMC Petro Gazz Arena.Alang sa dugang mga pangutana kontaka ang Davao City Tourism Operations Office sa landline number (082) 285-5752, mobile number (0968) 223-0613, o email ctoo@davao city.gov.ph. (Uban sa taho sa Davao City Information Office) |
| Posted: 23 Jun 2022 03:37 AM PDT ILUSAD sa Land Transportation Franchising and Regulatory Board (LTFRB)-Davao Region ang unang modernized Public Utility Vehicle (PUV) sa Digos City sa Lunes, Hunyo 27, 2022, alas 2 sa hapon didto sa Gaisano Mall Atrium.Sumala ni LTFRB-Davao Director Nonito Llanos nga ang paglusad sa unang modernized public utility vehicle sa Davao Region ubos sa Public Utility Vehicle Modernization Program (PUVMP) sa LTFRB.Dugang ni Llanos ang mga modernized nga mga sakyanan magdagan sa mga rota sa pagkakaron sa upat ka lungsod sa Davao del Sur ug Digos City base sa mga munisipalidad nga aprobado sa matag local government units (LGUs).Ang upat ka rota mao ang Zone III, Digos City-Inawayan, Sta. Cruz Route & vice versa; Zone III Digos City–Upper Bala, Magsaysay Route & vice versa; Barangay Sinawilan- Central Terminal (New Business Center) via Super Highway (Loop); ug Central Business Disctrict (CBD)-Aplaya Bus Terminal (Loop) via Barangay Tres de Mayo.Atol sa paglusad, mosaksi mismo ang mga hepe sa PUVMP ug ang chairman sa LTFRB nga si Atty. Martin Delgra III ug si Davao del Sur Governor Marc Cagas.Naa sab si Digos City Mayor Josef Cagas, Vice Mayor Johari Bana ug mga opisyales sa gobyerno ug ang mga operators sa mga rota na Mintrasco ug RB Transco apil usab ang provider sa maong mga public vehicle nga AUTOKID ug OSJ. (Uban sa taho sa PIA-Davao Region) |
| Drug den duol sa PNP crime lab napuhag Posted: 23 Jun 2022 03:37 AM PDT NAPUHAG sa awtoridad ang usa ka giingong drug den atol sa gikasa nga buy-bust operation 1:20 sa kaadlawon, Hunyo 22, 2022, sa Candelaria Street, Ecoland, Davao City.Nasakmit sa mga sakop sa Special Enforcement Team (RSET) sa Philippine Drug Enforcement Agency (PDEA) Davao Region, National Bureau of Investigation-South Eastern Mindanao Regional Office ug Ecoland Police Station ang P230,000 nga kantidad sa gituohang shabu.Si PDEA-Davao Regional Director Aileen Lovitos nag-ila sa target sa buy-bust nga si alyas Yoyong, 42, public utility vehicle driver ug mulopyo sa maong lugar.Sumala ni Lovitos, napalitan ang suspek og usa ka pakite sa gituohang shabu nga nagkantidad og P6,000.Atol sa operasyon, nasiplatan ang duha ka indibiduwal nga sila Jona, giingong kapuyo sa target, ug usa ka alyas Mario nga nag-shabu session sud sa balay.Nakumpiska ang duha ka mga pakite sa gituohang shabu nga dunay gibug-aton nga 14 gramos nga mokantidad og P224,000 ug mga drug paraphernalia.Sumala sa awtoridad dugay na nilang gipanid-an ang lihok sa target person hangtud nga nakig-transak kini sa posuer buyer.Pipila ka metros lang gikan sa balay sa suspek mao ang PNP Regional Crime Laboratory Office-Davao Region.Kasong paglapas sa Republic Act 9165 kun Comprehensive Dangerous Drugs Act of 2002 ang ipasaka nga kaso batok sa mga dinakpan. |
| Vax sa Covid-19 sa mga health centers gihangop Posted: 23 Jun 2022 03:37 AM PDT TANGGALON na sa City Government of Davao ang mga vaccination hubs nga anaa sa mga malls ug sa mga parks sugod Hulyo 1, 2022.Sumala ni Davao City Covid-19 Task Force Spokesperson Dr. Michelle Schlosser, alang sa mga magpabakuna batok Covid-19 didto na sa mga health centers himuon.Apan padayon ang mobile vaccinations nga gihimo sa mga konsehal, ang school-based vaccinations ug ang sectoral vaccinations sa mga private ug public offices.Sumala sa lungsuranon nga si Ely Mantawel, 56-anyos, taga Busna, Barangay 76-A-Bucana nga mas sayon na hinuon kini nga pamaagi aron duol na lang ngadto sa mga tawo nga wala kalakaw tungod sa ka-busy."Nindot na hinuon, dali lang, duol na kaayo," ingon ni Mantawel.Ang opisyal nagbutyag nga abli ang 18 ka mga health centers sa Davao City gikan alas 8 sa buntag hangtud alas 5 sa hapon, Lunes hangtud adlaw'ng Biyernes.Dugang ni Schlosser nga nag-request ang Davao Covid-19 Task Force's Vaccination Cluster nga mag-abli og vaccination hub bisan usa lang ka mall kada congressional district aron nga ma-cater ang mga Dabawenyo nga bakante lang matag adlaw'ng Sabado.Dungan niini ang paghangyo sab sa Covid-19 Task Force nga ipabilin ang usa ka drive-thru vaccination.Base sa datus, 80.67 percent sa total target population nga 1,531,004 sa Davao City anaa na sa 87.43 percent o 1,338,584 ang naturukan sa first anti-Covid-19 vaccine shots sugad Hunyo 17, 2022.Samtang 1,320,221 o 86.23 percent ang nakakompleto na sa seconddose. Sa booster dose, 273,238 ug 27,140 sa second booster shots.Subling nag-awhag ang Covid-19 Task Force nga magpabakuna gayod aron luwas batok Covid-19. |
| Ronda sa kaadlawon mikalas 7 ka armado Posted: 23 Jun 2022 03:32 AM PDT PATAY ang pito ka mga armado samtang laing lima ang nadakpan sa gilusad nga Law Enforcement Operation sa mga awtoridad alas 4 sa kaadlawon, Huwebes, Hunyo 23, 2022, sa usa ka barangay sa Rajah Buayan, Maguindanao Province.Apil sa lima nga napatay mao si Turkey Utto Latip, kinsa wanted sa kasong frustrated murder, ug Katindig Mustapha, kinsa duna say giatubang nga kasong robbery with homicide.Gibutyag ni Police Regional Office-Bangsamoro Autonomous Region (PRO-BAR) Director Brigadier General Arthur Cabalona nga isilbi na unta nila ang warrant of arrest sa hiniusang puwersa sa Criminal Investigation and Detection Group (CIDG-BAR), Regional Mobile Force Battalion (RMFB), uban ang militar batok sa mga suspek sa Barangay Mileb, Rajah Buayan.Apan pasulod pa lang ang raiding team sa lugar, gipaarakan na sila sa grupo sa usa ka Kumander Torque, hinungdan nga napugos ang raiding team sa pagbawos ug nahitabo ang kinse minutos nga binakbakay.Nakuha gikan sa posisyon sa mga napatay ug mga nadakpan ang siyam ka mga tag-as nga matang sa armas, mga bala, magazines, eksplosibo ug mga personal nga kagamitan. |
| Lalaki gipusil-patay sa gasolinahan Posted: 22 Jun 2022 11:13 PM PDT PATAY ang usa ka lalaki nga paingon unta magpatubil sa usa ka gasolinahan sa dan Tres de Abril sa Barangay San Nicolas Proper, Siyudad sa Sugbo Huwebes, Hunyo 23, 2022.Ang biktima giila nga si Gabriel Rafinan subay sa lisensiya nga nakuha sa motor nga iyang dala nga usa ka itom nga Raider 115.Matod ni Rodel Arado, guwardya sa gasoline station, duha ka buto ang iyang nadunggan nga suma pa gitawag pa ang biktima sa suspek bag-o kini gipusil.Igo sa ulo ug dughan ang naangkon niining biktima.Padayon ang imbestigayon sa kapulisan kabahin sa insidente. |
| 145 barangay sa Davao Region hubsan na og NPA Posted: 22 Jun 2022 05:58 AM PDT INSURGENCY-FREE na ang 145 ka barangay sa Davao Region nga kanhi ubos sa Communist Party of the Philippines-New People's Army-National Democratic Front (CPP-NPA-NDF).Kini maoy gibutyag ni Regional Development Council (RDC)-Davao Region Chairperson Governor Jayvee Tyron Uy.Niadtong Hunyo 21, 2022, sa SM Lanang Premier, atol sa iyang hinapos nga termino nga State of the Region Address (Sora), gikanayon ni Tyron Uy nga ang mga barangay nga naapektuhan sa communist terrorist group sukad 2016 nalimpyo na."We were also informed by the 10th Infantry Division of the Philippine Army that 100 percent of the recorded 145 barangays in Davao Region, which used to be affected by these communist terrorist groups in 2016, have been cleared of CPP-NPA-NDF affectation. Today, I am proud to share our victory. At last, we are now finally free," butyag ni Uy.Gitin-aw ni Uy nga kini nakab-ot pinaagi sa Executive Order No. 70 nga giisyu ni President Rodrigo Duterte niadtong 2018 nga nagmugna sa "whole-of-nation approach towards ending local communist armed conflict" ug miresulta sa pagkapuhag sa dugay nang mga dekada nga paghupot sa CPP-NPA-NDF sa Davao Region.Gitataw ni Uy nga ang mga insidente sa kasamok nga naglambigit sa communist terrorist groups sa rehiyon nikubos gikan sa 130 niadtong 2017 ngadto sa 13 ka insidente niadtong 2021 ug revitalization of barangay police sa rehiyon nga dako og tabang sa kampanya sa anti-insurgency."The Revitalized Pulis sa Barangay Program, pioneered in October 2019 by PNP (Philippine National Police) Regional Office 11, was effective in eradicating the remnants of communist insurgency through the regular delivery of government services directly to communities in geographically isolated and disadvantaged areas in the region. The initiative was recognized by the PNP National Leadership and has since been replicated nationwide," dugang pa niya.Gipahimug-atan ni Uy nga ang rehiyon nakigbatok sa communist terrorist groups dili pinaagi sa kasamok apan sa sinseridad ug panagsabot.Lakip na matud pa, ang suporta ug pakig-alayon sa tibuok sosyodad, apil ang barangay functionaries ngadto na sa gabinete sa Presidente, Kongreso, Hukmanan, ug mga pribadong mga sektor kinsa midula og dakong papel sa pagkab-ot sa "insurgency-free" nga kahimtang sa rehiyon. |
| Posted: 22 Jun 2022 05:58 AM PDT GIIMBESTIGAHAN na karon sa Davao City Police Office (DCPO) paunsa nakasulod ang gabas sa puthaw sa selda sa Sasa Police Station nga maoy hinungdan nga nakasibat ang tulo ka mga piniriso Biyernes sa kaadlawon, Hunyo 17, 2022.Tungod niini, girelibo ang station commander sa Sasa police nga si Police Major Alberto Abella, kinsa gihulipan ni Police Major Jose Rodrigo Mendoza pagka Hunyo 20.Atol sa Armed Forces of the Philippines-Philippine National Police (AFP-PNP) press conference Miyerkules, Hunyo 22, 2022, gikumpirma ni Police Major Ma. Theresita Gaspan, spokesperson sa DCPO, nga tulo ka mga piniriso ang nakasibat.Sumala ni Gaspan nga hinay-hinay nga gigabas sa tulo ka mga priso ang rehas sa prisohan, hinungdan nga nakasibat sila.Wala sab namatngonan sa mga kaubanang priso ang pagkabas gumikan hilom kaayo ang paggabas ug nangatulog na sab ang mga kaubanang priso.Giingon ni Gaspan nga padayon nilang giimbestigahan ang jailer kon paunsa nakasulod ang gabas, diin pahamtangan og silot kung mapamatud-an kung duna kini pagpasagad.Ang tulo ka mga nakasibat pulos dunay mga kasong pagsupak sa Republic Act 9165 o Comprehensive Dangerous Drugs Act of 2002.Nakigkoordinar na ang kapulisan sa mga pamilya sa mga suspek sa ilang gilusad nga hot pursuit operation. |
| Pulis: Niligis sa 2-anyos naareglo Posted: 22 Jun 2022 05:57 AM PDT GIINGONG naareglo na ang kaso batok sa 2-anyos nga bata ug sa nakaligis niini alas 3 sa hapon, Hunyo 18 2022, didto sa Bolton Bridge, Davao City, suma sa report sa kapulisan.Nasayran nga wala pa nakapasaka og kaso ang inahan sa biktima nga si Elisha batok sa drayber nga si Leovy Beboso, 23-anyos, kinsa nagmaneho sa Toyota Revo niadtong mga taknaa.Gibutyag sa San Pedro Police Station nga naareglo lang ang maong kaso hinungdan nga wala na kini nakaabot sa korte.Giingong giabaga sa nakaligis ang tanang galastuhon sa ospital ug sa pagpalubong sa biktima.Nadala pa ang biktima sa Southern Philippines Medical Center (SPMC) apan gideklara kining dead on arrival.Bisan pa man sa hitabo, grabeng pagbangotan sa pamilya ug dili madawat ang nahitabo sa 2-anyos.Gihaya na karon ang biktima. |
| Posted: 22 Jun 2022 05:55 AM PDT GIPASIDUNGGAN ni Joint Task Force Central ug 6th Infantry (Kampilan) Division acting commander Major General Roberto Capulong ang sundalo nga samaran sulod mismo sa Camp Siongco Station Hospital sa 61 Infantry Division Headquarters, Barangay Awang, Datu Odin Sinsuat, Maguindanao Province niadtong Martes sa buntag, Hunyo 21, 2022.Nakadawat og Medalya ng Kagalingan si 1st Lieutenant Jomar C. Binay-an (Inf) PA, executive officer sa Bravo Company, ubos sa 7th Infantry (Tapat) Battalion, Philippine Army.Kahinumdoman nga nasamdan si Binay-an sa nahitabong engkuwentro tali sa kapin kun kulang 10 ka communist terrorist groups (CTGs) samtang nagpahigayon og combat clearing operation ang 7th IB sa Barangay Baluan Palimbang, Sultan Kudarat.Gawas sa medalya, ang division acting commander, uban ni Colonel Edgar L Catu, chief of staff, nitunol sab og cash assistance, groceries ug fruit baskets ngadto kang Binay-an.Matud ni Capulong nga giila nila ang samdan nga sundalo sa iyang pagkabayani pinaagi sa pagbutang sa iyang kinabuhi sa peligro samtang naggukod sa mga teroristang grupo sa bukirong bahin sa Palimbang.Dugang pa ni Capulong sa paghatag sa pasidungog nga nalipay siya sa kaisog sa batan-ong opisyal ug gipasigarbo niini ang iyang dili hinakog nga pagserbisyo sa pagpatunhay sa kalinaw sa iyang tagi-lungsod. |
| Suspek sa pagtigbas sa magtiayon, patay Posted: 22 Jun 2022 05:52 AM PDT IMPAS ang giingong adik-adik ug suspek sa pagpanigbas sa magtiayon human misukol sa mga pulis alas 2:45 sa hapon niadtong Martes, Hunyo 21, 2022, sa Tulunan, Cotabato Province.Ang napatay giila nga si Ariel Moda alyas Clotte, 25, dayo sa Tulunan.Matud ni Tulunan Chief of Police Major Junrel Amotan nga nakadawat sila og impormasyon gikan sa mga opisyal sa Barangay New Culasi sa lungsod nga ilang nasiplatan ang suspek.Abtik nga nagresponde ang mga pulis apan sa diha nga ilang dakpon na unta si Moda, misukol kini hinungdan nga siya napatay.Nakuha gikan sa posisyon sa suspek ang usa ka .38 revolver, mga bala ug pinaugang dahon sa marijuana.Si Moda maoy suspek sa pagtigbas sa magtiayong Andong ug Susan Dumagat alas 11 sa gabii niadtong Dominggo kon diin napatay ang bana samtang ang asawa gisulayan sab niini og lugos ug dayong misibat.Si Moda sab ang gitudlo nga maoy mitigbas sa barangay tanod nga si Juvy Camot nga molupyo sa Barangay Lampagang sa nahisgutan gihapong lungsod.Patay'ng lawas sa suspek anaa sa punerarya sa Tulunan samtang nagpaabot kon kanus-a kuhaon sa iyang pamilya. |
| Nangawat og kanding nasagap sa CCTV Posted: 22 Jun 2022 05:52 AM PDT TINGKAGOL sa selda sa kapulisan ang habal-habal drayber nga nasagap sa closed-circuit television (CCTV) camera nga nangawat og kanding alas 10 sa buntag, Martes, Hunyo 21, 2022.Ang suspek giila nga si alyas Dael, tinuod nga bansagon gitago una sa kapulisan, gumikan gipangita pa ang iyang mga kauban nga mangawatay og kanding.Sa taho gikan sa kuwerpo sa kapulisan, nasayran nga nangawat og duha ka tinugway nga kanding ang suspek sa Makilala, Cotabato Province.Gikarga ni Dael ang kinawat nga kanding sa iyang habal-habal nga motorsiklo aron itumod sa ubang dapit.Apan dimalas gumikan nakuhaan og hulagway ang suspek pinaagi sa CCTV sa iyang giagain.Abtik nga mihimo og operasyon ang Makilala Municipal Police Station ug dakpan ang suspek nga karga ang duha ka kanding sa iyang motor.Nasayran nga daghan nang mga binuhi nga kanding ang gipangkawat sa Makilala og posibleng grupo ni Dael ang naghimo niini. |
| You are subscribed to email updates from SUNSTAR. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment