https://www.sunstar.com.ph/ |
- Katol nipatay 2 tawo
- Tawo gi-salvage sa Digos City
- Baste nanumpa; HPBS dayon, Davao City mas palambuon pa
- Mag-uyoan gi-ambush, impas
- Laag ta: Baganga
- Roldan: Salamat PRRD
- 'Kikik' naningil og utang?
- Oathtaking ni Mayor-elect Duterte matigayon karon
- Pedicab driver nanindag shabu, dakpan
- Serbisyo sa Barangay 11-B padayon human nasunog
- Compio: Sa Diplahan Zamboanga Sibugay
| Posted: 27 Jun 2022 05:19 AM PDT DUHA na ang kompirmadong patay sa nahitabong sunog sa Barangay 23-C, Isla Verde, Quezon Boulevard, Davao City alas 3, Lunes sa kaadlawon, Hunyo 27, 2022.Kini ang gibutyag ni Barangay 23-C Barangay Kapitan Alimoden "Wating" Usman, diin suma sa opisyal anaa na sa moihap kapin kun kulang 100 ka mga panimalay ang giugdaw sa kalayo.Ang usa sa mga namatay mao ang nagpangedaron og 18-19 anyos human nisuway pagluwas sa iyang pamilya sa pag-ulbo sa kalayo samtang ang usa wala pa nasayran sukad sa pagsuwat ning balita Lunes.Sumala ni Senior Fire Officer 1 Padang Jovil sa Davao City Central Fire Station, ang biktima natanggong ug na-suffocate sulod sa nasunog nga panimalay human maluwas ang iyang igsuong babaye.Sa nakalap nga impormasyon sa Superbalita Davao gikan mismo sa nahitaboan sa sunog, natumba matud pa ang dinagkotang katol nga maoy gituohang hinungdan sa kalayo.Sanglit ang mga balay sa dapit sagad gama sa light materials hinungdan nga daling mikanit ang kalayo sa mga kasikbit nga kabalayan.Lunes sa buntag, gilayong mihimo og assessment ang mga personahe sa City Social Welfare and Development Office (CSWDO) sa siyudad sa Davao sa mga biktima sa sunog.Miabot sab dayon ang Kusina ng Bayan sa CSWDO nga maoy nanghatag og pagkaon sa mga biktima nga anaa karon nagtiner sa covered court sa Brgy. 23-C.Alas 5 na sa buntag na-fire under control sa kabomberohan ang maong sunog. |
| Posted: 27 Jun 2022 05:19 AM PDT WALA pa nagpagawas og report ang Digos City Police Station labot sa usa ka patay nga lawas nga napalgan sa sagbutang bahin sa Matti, Barangay Tres de Mayo ning Siyudad sa Digos.Sa hulagway nga gi-post sa netizen nga si Gloria Fe Abenoja Beron sa iyang Facebook, nagbuy-od ang usa ka tawo, diin wala sab niini gibutyag kon babaye ba o lalaki ang biktima.Hinuon, gihulagway niini nga ang patay nga lawas sa biktima nakit-an sa Kurbada Matti, diin gibaatan og tape ang baba ug gigapos ang tiil ug kamot.Hunyo 25, 2022 pa na-post ni Beron ang maong hulagway diin hangtud ning pagsuwat sa balita, wala pa nakapagula og spot report ang Digos City police.Gisulayan sa Superbalita Davao ang pagkuha sa bahin sa Digos police pinaagi sa station commander niini nga si Police Lieutenant Colonel Hamlet Lerios, apan pakyas ang tigsuwat.Wa sab pulis nga mitubag sa group chat sa DavSur AFP-PNP Press Corps.Sumala sa mga residente sa dapit, gituohang gisalbids ang biktima diin gipatay sa layo ug gilabay sa dapit.Ning kasamtangan ang patay nga lawas sa biktima anaa sa usa ka lokal nga punerarya sa Digos City. |
| Baste nanumpa; HPBS dayon, Davao City mas palambuon pa Posted: 27 Jun 2022 05:17 AM PDT GIPASALIG ni Davao City Mayor-elect Sebastian "Baste" Duterte ang mga Dabawenyo nga mahuman dayon niini ang High Priority Bus System (HPBS) alang sa moderno nga transportasyon sa taga siyudad sa Davao.Kini maoy usa sa iyang mga gibutyag atol sa iyang inaugural speech kagahapon atubangan sa mga Dabawenyo gawas sa City Hall of Davao."The preparation of the High Priority Bus System is now in full swing and the city will double its efforts for the fast completion of this project, Dabawenyos is soon to enjoy a modern and efficient transport system that does not only provide comfort but also space economic growth," tipik sa mensahe sa batan-ong Duterte.Giingon niya nga ang HPBS usa ka inisyatibo ni outgoing Mayor ug karon Vice President-elect Sara Duterte."Kining HPBS mao ni ang binuhat ni Mayor Inday Sara Duterte," niya pa nga sumpay sa iyang pamulong.Sa sayong bahin ning tuiga, si VP-elect Duterte miingon nga plano nila nga ipadayon ang bidding alang sa ubang mga component sa proyekto nga naglakip sa 1,000 ka units alang sa mga bus fleets nga naglakip sab sa labing menos 300 ka electric 18-meter buses.Ang depot sa mga electric bus kabahin sa Contract Package 4 sa HPBS, sumala sa Pre-Bid Conference Presentation sa Department of Transportation (DOTr). Ang Sasa sa amihanan ug St. Nino sa habagatan maoy magsilbing mga depot niini.Dugang pa, gilauman nga ang mga electric buses magsilbi nga mga rota sa sentro nga distrito sa negusyo sa siyudad base sa presentasyon sa DOTr.Samtang, ang kombinasyon sa diesel ug electric bus fleets maghatag og serbisyo alang sa HPBS 29 nga mga rota, nga mokabat sa 672 kilometros sa rota nga network niini.Gawas niini, gihimug-atan sab sa bag-ong mayor ang mga butang sa pagpaneguro nga molambo pa ang siyudad sa Davao ug aron makahimulos ang daghang mga Dabawenyo, dungan sa iyang makanunayon pagpasalamat diha sa pagsalig kaniya.Human sa iyang inaugural speech, gilayon kining midiretso sa Sangguniang Panlungsod Building alang sa oathtaking ceremony diin asa naa didto naghulat ang iyang pamilya ug mismong si outgoing President Rodrigo Duterte.Namulong sab ang Pangulong Duterte kinsa nagpasalamat sa pagsalig kaniya sa mga katuigan nga siya ang pangulo sa nasud. Nagpasalamat sab si PRRD sa tibuok nga pagsalig kang Mayor Baste nga maoy modala na sa siyudad sa Davao. (Uban sa taho ni Krizzy Daugdaug) |
| Posted: 27 Jun 2022 05:17 AM PDT RIDO ang gilantaw nga motibo sa mga awtoridad sa pag-ambush patay sa mag-uyoan alas 3:25 sa hapon, Dominggo, Hunyo 26, 2022 sa probinsiya sa Cotabato.Giila ang mga biktima nga sila Martino Roben, 63, minyo, sakop sa Citizen Armed Forces Geographical Unit (Cafgu) ilawom sa 90th Infantry Battalion, Philippine Army, ug si Archie Pableo, 13, tinun-an sa Grade 7.Gawas kanila, naangol sab ang drayber sa motorsiklo nga si Felix Pableo, molupyo sa Barangay Bualan, Pikit.Gibutyag ni Cotabato Provincial Police Office Director Colonel Harold Ramos nga sakay ang mga biktima sa motorsiklo gikan sa basketball tournament sa Aleosan ug pauli na sa ilang balay.Apan pag-abot nila sa Sitio Upper, Barangay Tapodoc, Aleosan, kalit nga dunay mitumaw nga wala mailhing mga armado daplin sa dalan ug gi-ambush sila, kinsa abtik sab nga miikyas human sa hitabo.Patay on the spot ang mag-uyoan samtang ang drayber sa motorsiklo gidala ngadto sa Aleosan District Hospital apan gibalhin dayon sa Cotabato Provincial Hospital sa Barangay Amas, Kidapawan City.Padayon pang gisusi sa kapulisan sa Aleosan Municipal Police Station ang hitabo. |
| Posted: 27 Jun 2022 05:17 AM PDT KON nagsawa naka sa mga nindot nga beach resorts duol sa imong dapit... kini na ang higayon nga mo-explore na sab ka sa mga tago nga mga islets, mga lakes, hot spring ug daghan pa, bisan diha lamang sa imong rehiyon.Usa sa among nalaagan mao ang Baganga, Davao Oriental, mga 113 kilometros gikan sa Davao City.Nindot kung dunay sakyanan or mag-rent og van para swak sa mag-barkada ug sa tibuok pamilya.Kung mag-commute sab, naay mga bus ug van gikan sa Tagum City, apan mohatag gyod og igong oras una ka moabot sa destinasyon, mga 4-5 oras lang man hinuon.Karon kay bakasyon na, nindot i-apil sa laag checklist ang Baganga, tungod kay gawas sa mga nindot nga mga resorts ug mga islets, lab-as sab kaayo ang mga isda ug alimango, ngari.Kauban nako akong mga kaubanang magtutudlo, nag-renta kami'g van aron swak sa budget. Dunay mga paabangan sab nga mga balay diin didto kami nagpalabay sa kagabhion.Apan, dili kompleto kung anang hapon padung sa gabii sa unang abot ninyo, kung dili katusmaw sa Mainit Balite Hot Spring, P15 lang ang entrance.Pagkabuntag, rumbuhon na ang Poo Sandbar sa Kinablangan nga daw, Maldives, dayon pagkahapon, didto na sa San Victor Island.Ops, ang tugsaw nga Magnificent Lake Carolina ang usa sab sa pinaka-best tungod kay perte kabugnaw sa tubig ug ang pictorial dili kompleto kung wala ang background nga Sunrise Boulevard.Busa, laag na sa Baganga, di gyod ka magmahay! |
| Posted: 27 Jun 2022 04:48 AM PDT DUHA na lang ka adlaw og matapos na ang unom ka tuig nga PRRD Administration. Ginaingon nga way permanenting kausaban niining kalibutana kon dili ang kausaban lamang. Gani niadtong Hunyo 23, gipahigayon dinhi sa Davao ang simpleng salosalo isip pasalamat kang PRRD sa pagdumala sa nasud. Gitambongan kini sa mga dagkong opisyal nga iyang gitudlo sa mga ahensiya ug opisina sa iyang administrasyon.Niapil didto ang akong igsuon nga si Willy Roldan nga maoy executive director sa Fertilizers and Pesticides Authority nga ubos sa Department of Agriculture. Karong semanaha may pipila sab ka salosalo nga tambongan sa pangulo didto sa kaulohan agi'g pa-goodbye sa iyang natampo sa nasud. Ingon pa sa mga kawani sa Malacanang nga dugay nang nanghipos ang pangulo sa iyang mga gamit aron mobalik sa Davao. Sa nilabay'ng bulan gibalita nga nagsakay siya sa iyang "big-bike" padulong sa Digos City, Davao del Sur ug nakig-uban sa pagkaon ni Gov. Mark Cagas, nga nihulip sa iyang amahang si Gov. Dodo Cagas sa iyang panimalay. Dugay nang panahon nga wa makasuroy si PRody gamit ang iyang motorsiklo busa naghinamhinam na kining makabalik dinhi aron makauban ang "Every Sunday Bikers Club" ug ubang grupo nga iyang giapilan. Siyempre gihandom sab sa pangulo nga makauban niya ang iyang mga mahal sa kinabuhi, mga kapamilya ug higala nga nahikling tungod sa daghang trabaho sa Malacanang. Gikapoy na tingali siya maminaw og isyu sa politika busa mas gusto pa niyang mag-istorya sa ilang kaagi sa gagmay pa sila, sa iyang pasaway nga pagka-ulitawo, kalihukan sa iyang mga anak ug apo, mga isyu sa marites ug maridol nga nagpalibot kaniya ug simpleng pagkaon nga giandam sa panga-on.Mas makapahulay ug makatulog na siya og lawom matag gabii ug wala na sa iyang abaga ang problema sa Covid-19, utang sa Pilipinas, away sa Senado ug Kongreso, isyu sa West Philippine Sea, giyera sa Ukraine, mga isyu sa Asean, mga kurap ug pasaway sa gobyerno, pagtaas sa presyo sa lana, insurhensiya, problema sa tubig ug elektrisidad, kahuot sa trapiko ug daghan pang uban. Karon ang iyang hunahunaon mao ang iyang matampo sa BBM-Sara administration isip yanong lungsuranon, asa siya mosuroy ugma, kinsang paryente iyang bisitahon ug unsay kan-on niya sa paniudto ug panihapon.Layo kaayo kini sa dihang presidente pa siya sa nasud o kadtong bisan mayor pa siya sa Davao. Hapsay ug gialirongan siya karon sa iyang mga mahal sa kinibuhi dili parehas kaniadto nga gialirungan siya'g mga politiko nga buot magpatabang o magpasipsip sa iya. Sa akong tan-aw, ang dakong preparahan na lang ni PRody mao ang iyang kaso sa International Criminal Court (ICC) tungod sa isyu sa "extrajudicial killings" sa panahong mayor pa siya sa Davao ug sa iyang unang tulo ka tuig pagka-presidente.Gibalita nga nisugod na usab og lihok ang prosecutor sa ICC nga ipadayon ang imbestigasyon sa gitawag niini nga "crime against humanity" batok kaniya. Kahibalo ako nga bug-at kining kaso nga iyang atubangon apan duda ko nga dili kini matigayon sa sunod unom ka tuig. Salamat PRRD! |
| 'Kikik' naningil og utang? Posted: 26 Jun 2022 02:56 AM PDT NABANIOG sa usa ka Purok sa Barangay 76-A, Bucana, Siyudad sa Davao nga usa ka "kikik" ang maningilay og utang, diin suma pa, paagi kini aron mahadlok ug makabayad ang mangutangay.Niadtong Biyernes sa gabii, Hunyo 24, 2022, nabaniog ang maong impormasyon human alas 11 sa gabii, miagi si alyas Tasing, 54-anyos, nagpautang og mga "ready to wear" (RTW) ngadto sa balay ni Gerlie (bansagon gitago), 38-anyos.Nasayran nga miingon lamang si Tasing nga magsayo kini og paningil pagkaugma kay lima na suma pa ka adlaw wala kabayad si Gerlie sa tag P25 ang adlaw sa iyang giutang nga mga RTW.Subay sa saysay ni Gerlie sa SuperBalita Davao, diha dayon kalit nga misibat ang tigpautang ug perte kakusog sa tingog sa Kikik nga gituohan ni Gerlie nga si Tasing.Pagkaugma, gisukmatan si Tasing sa silingan ni Gerlie nga gipanabi niini nga kikik kini, hinungdan nga perteng sukoa ni Tasing ug hapit niya kining dumoga.Gisulong ni Tasing si Gerlie ug gisukmatan sa pagpanabi niini nga siya kikik, apan gihimakak niya kini.Gilayong midangop si Tasing sa buhatan sa San Pedro Police Station aron ipa-blotter ang maong hitabo.Nakatakda silang mag-abot sa Barangay 76-A, Bucana aron didto sila husayon. |
| Oathtaking ni Mayor-elect Duterte matigayon karon Posted: 26 Jun 2022 02:55 AM PDT KARONG adlawa, Hunyo 27, 2022, matigayon ang oathtaking ni Davao City Mayor-elect Sebastian "Baste" Duterte sud mismo sa Sangguniang Panglungsod Building, San Pedro Street, Siyudad sa Davao.Live sab sa social media ang oathtaking sa bag-ong mayor ning siyudad diin simple lang ang seremonya ug tambungan kini sa iyang pamilya sama sa oathtaking ni Vice President-elect Sara Duterte.Una niini, okupado ang City Transport and Traffic Management Office (CTTMO) sa Siyudad sa Davao sa pagpanghatag og mga flyers, diin asa dunay pahibalo nga "No Parking" Lunes, Hunyo 27.Nanghatag niini ang mga personahe sa CTTMO aron masayran sa mga motorista ang temporaryo nga pagdili sa mga parking area nga mamahimo unta nga ka-parkingan.Unom ka mga dalan duol sa City Hall ang dili paparkingan sugod ala 1 sa kaadlawon hangtud alas 6 sa gabii.Ang mga dalan nga gibawal sa parking mao ang, Bolton Street (cor. Rizal to cor. Pichon Street), Ponciano Street (cor. Rizal Street to San Pedro Street, San Pedro Street (cor. CM Recto to City Hall Drive), Pichon Street (cor. Anda to cor. CM Recto Avenue), City Hall Drive ug ang Engineers Alley.Hinuon, abli ang San Pedro Street, apan lauman gihapon ang hinay ngadto na sa kasarangan nga dagan sa trapiko karong adlawa. |
| Pedicab driver nanindag shabu, dakpan Posted: 26 Jun 2022 02:53 AM PDT TUMAL ang pamasahero, kini maoy unang nabutyag nga hinungdan ning usa ka pedicab driver sa Barangay San Miguel, Digos City nga nahimo niya ang pagpaninda og ilegal nga druga.Bisan pa man sa pasangil sa suspek nga si Reyland Montemayores alyas Rey, 32, taga Purok Arwana, Lim Extension, Barangay San Miguel, Digos City, giposasan kini sanglit ilegal.Ang suspek nasikop human nakigkoordinar sa kapulisan nga mobaligya og shabu, hinungdan nga gikasa ang usa ka buy-bust operation.Sa pagpanguna ni Police Lieutenant Diosdado Niones ubos sa superbisyon ni Police Lieutenant Colonel Hamlet Lerios, hepe sa Digos City police, nasikop ang suspek alas 3:30 sa hapon, Hunyo 24, 2022, didto sa Purok Bayanihan, Barangay San Miguel.Usa ka pakite sa gituohang shabu, selpon ug marked money ang nakuha gikan sa posisyon sa suspek kinsa napasakaan na og kaso didto sa korte. |
| Serbisyo sa Barangay 11-B padayon human nasunog Posted: 26 Jun 2022 02:53 AM PDT PADAYON ang serbisyo Lunes, Hunyo 26, 2022, sa Barangay 11-B, Poblacion, Davao City bisan pa man nga pipila sa ilang mga kompyuter dili una magamit human kini nangabasa sa tubig sa pagkasunog pasado alas 11 sa Dominggo sa buntag, Hunyo 26.Sumala ni Barangay 11-B Kapitan Martina Fe Arabiana nga dili una nila gamiton ilang mga kompyuter sanglit nangabasa kini sa tubig."Dili sa namo ipangsaksak, for sure grounded ni, pero atong serbisyo magpadayon, mohimo kita'g extension diri sa covered court," ingon ni Kap. Arabiana nga nahinabi sa Superbalita Davao Dominggo.Dugang sa kapitan nga una natigayon ang sunog, nakadungog ang mga molupyo og pagbuto, dayon misunod ang kalayo."Sa kilid sa barangay hall, naay balay nga walay tawo, didto nagsugod ang pagbuto, dayon mikanit sa porsyon sa barangay hall," saysay sa kapitana.Sa suwat ning balita Dominggo sa hapon, fire out na ang maong sunog, diin ingon sa kapitan, electrical faulty wiring ang duol nga hinungdan sa kalayo.Walay nadamay nga mga balay sa residente sa maong hitabo, sanglit paspas nga nakaresponde ang kabomberohan.Wala pa sab gikabutyag sa kabomberohan kon pila ang damyos sa maong sunog. |
| Compio: Sa Diplahan Zamboanga Sibugay Posted: 26 Jun 2022 02:46 AM PDT LABING unang higayon sa akong pagkalaagan nga hapit naabtan og 11-oras una naabot ang destinasyon. Sa halos tanan man gud nakong laag, labi pa og sa layo, mag-eroplano gyod ko, diin makuha lamang kini sa dul-an duha ka oras ang pinakalayo nga dapit sa nasud gikan sa Davao City.Hunyo 17, 2022 sakay sa nindot kaayo nga coaster, usa ka moderno nga bus, uban sa mga kaubanan sa buhat gikan sa Davao City padung sa Diplahan, Zamboanga Sibugay didto sa Zamboanga Peninsula, alang sa usa ka programa sa pag-imbeta sa usa sa mga labing unang kolumnista sa SuperBalita Davao, Emmanuel Roldan.Sa dalan palang dihay mga pagpahibalo si Sir Emmanuel labot sa kung unsa ang matigayon sa programa, busa nadugangan akong kahibalo, ug tuod man, wala ko batia'g katulgon gumikan sa mga lugar nga una ko pa nga naagian.Ang wala nakapaduka nako mao ang pagtan-aw sa mga maagian nga lugar sama sa Parang, sa Lanao del Sur ug Lanao del Norte, mga lungsod sa Bangsamoro Region, dungan sa akong gibati nga dunay kabalaka tungod sa mga balita niadto nga maoy giingong usa sa mga gigikanan sa kagubot sa Mindanao ang maong mga dapit; hinuon malinawon gayod among biyahe.Pagka-ugma, Hunyo 18, mao na ang programa, nakapalihok sa akong mga ngabil diha sa pagpahiyom, sa akong nakita nga mga lumad, diha sa paghatag sa ilang pasundayag gikan sa mabulukon nilang kagikan ug kinaadman sa tribong Subanen.Pormal nga gibuksan, uban sa tibuok suporta sa lokal nga panggamhanan sa Zamboanga Sibugay ang groundbreaking sa Mount Zynai 0304 Mining Corporation (MZMC) nga gitukod diha sa Mount Zynai Industrial Park sa Barangay Sta. Cruz sa Diplahan.Usa sa mga halandong bisita mao si National Security Adviser Sec. Hermogenes Esperon Jr., nga giabi-abi pag-ayo ni MZMC President/Chief Executive Officer Leonardo A. Fernandez.Si Esperon namulong nga ang katukoran sa MZMC usa ka dalan nga mobarato na unya ang presyo sa bakal sa nasud tungod dili na moangkat ang Pilipinas sa ubang kanasuran og mga materyales sa paghimo niini, tungod mismong ang MZMC na ang mga prodyus niini alang sa Mount Zynai Integrated Steel Mill & Smelting Plant.Sumala ni Esperon nga paneguraduhon lamang sa MZMC nga kinahanglan maampingan ang kinaiyahan, mahatagan og dugang serbisyo ang katawhan ug ang pagpabiling usa kini ka dalan alang sa paglambo sa lugar, luyo sa kamatuoran nga ang dapit dunay dako nga deposito sa iron ore ug limestone nga maoy mo-prodyus sa 'pig iron' o gitawag sab kini og 'crude iron' nga maoy intermediate product sa iron industry sa produksyon sa steel nga makuha pinaagi sa smelting iron.Giingon sa CEO nga si Fernandez nga ang 15-hectare facility Steel Mill and Smelting Plant maoy usa sa mga dalan nga mas molambo pa ang dapit, daghan og mahatagan og kahigayonan sa trabaho ug alang sa maayong kaugmaon sa mga nagtubong Subanen sa Diplahan ug sa mga kasikbit nga lungsod, pinaagi sa pagpatukod og mga gambalay, mga ospital ug mga pagpalambo nga ang tanan makahimulos.Tungod niini, hayan mokubos ang presyo sa bakal nga maoy pinakamahal labi pa diha sa pagpatukod og balay ug gambalay; miubos ang presyo kay di naman moangkat sa laing nasud sama sa China ug Indonesia og mga materyales sa paghimo niini.Manghinaut kita, ubanan sa pag-ampo nga malampuson ang katukoran sa maong planta, ug giyahan ang mga nagdumala niini uban sa mga dagkong investors nga sa kanunay ma-sentro ang tulo ka mga nag-unang ikonsidera; ang alang sa kalamboan sa dapit, paghatag og dugang serbisyo ngadto sa katawhan ug ang labaw sa tanan ang pagpangga sa kinaiyahan. |
| You are subscribed to email updates from SUNSTAR. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment