https://www.sunstar.com.ph/ |
- Ospital puno sa tipos
- 41-anyos patay sa drug buy-bust
- Kapin sa P105M shabu nasakmit sa PRO 7 sa managlahing dapit sa CV sa Sabado, Hunyo 25
- 3 ka gasoline stations sa Cebu City makabalik na sa ilang operasyon
- Inahan tua dapig sa suspek sa rape?
- Mayor Chan midayeg sa kapulisan, PDEA tungod sa laing kalamposan
- Granada gitugyan sa kapulisan sa lungsod sa Lila
- No. 2 nga most wanted sa Lapu-Lapu, nasikop
- Kai angay moduwa sa Summer League: Cone
- 1 patay, 1 missing sa sunog sa fastcraft
| Posted: 26 Jun 2022 06:58 AM PDT Ang na-admit sa Barili District Hospital ug infirmary sa lungsod nanubra sa kapasidad sa ilang katri tungod sa nagkadaghang pasyente sa tipos o typhoid fever.Si Dr. Johanna Lois de Leon, medical officer III sa Barili District Hospital, niasoy sa SunStar Cebu, nga 60 na ka mga pasyente ang nasulod sa ospitali kagahapon, Hunyo 26, 2022, ug ang 27 niini na-diagnose nga typhoid fever.Samtang, si Dr. Joseph Martel Mahinay sa Barili Infirmary, niingon nga dunay walo lang katri sa pasilidad apan dunay 14 ka pasyente na-admit sa typhoid fever kagahapon, wala pay labot ang kaso sa dengue.Matod ni Mahinay, ang mga pasyente gi-monitor naa na lang sa hallway ug dunay lima nga gipaubos pa sa confirmatory test alang sa typhoid fever sa infirmary.Kadaghanan sa 41 ka kaso sa typhoid naa sa Barili District Hospital ug ang mga bata sa infirmary sa lungsod.Matod ni Mahinay, siyam sa 14 ang confirmed ug active cases sa infirmary pulos bata, samtang si De Leon niingon nga kadaghanan sa na-admit nga typhoid cases sa ospital apan dili pa makatino sa ilang gidaghanon.Si Mahinay nagkanayon nga ang tanang kaso nga na-admit sa infirmary pulos moderate cases, kinsa nidugang nga labing daghang nasulod sa infirmary natala sa miaging semana human namatikdan ang maong sakit sukad sa Marso ning tuiga.Si De Leon usab nagkanayon nga ang admitted typhoid cases sa district hospital pulos kontrolado samtang ang uban naghinayhinay na og kabaskog ug gikatakda nga makagawas na.Si De Leon niingon nga kini maisip na nga outbreak sa lungsod tungod sa nagsaka nga gidaghanon sa kaso sukad sa Mayo.Gikan sa Marso 16 ngadto sa Hunyo 25, ang data sa Cebu Provincial Health Office (CPHO) nagpakita nga 98 na ka mga tawo ang nasakit sa tipos sa Barili diin tulo ang namatay.Ang mga kaso gikan sa 24 sa 42 barangay sa Barili."Not counting pa tong uban nga wala pa gyud na-diagnosed but nagsige na og manifest og mga hybrid nga fever, mga classic symptoms gyud sa typhoid," matod ni De Leon.Si De Leon nagkanayon nga ang mga kaso nalakip sa food ug contaminated water, diin ang lokal nga kagamhanan nimando na sa paghimo og pakisusi sa tinubdan sa tubig sa lungsod."Siyempre mga bata dili man gyud na ingon nga punit deretso ra sud baba og unsay mapunitan. So, mao gyud na akong gidudahan nga mao gyu'y cause nga laganap gyud ang typhoid dinhi sa Barili," dugang ni De Leon, diin ang komon nga simptomas mao ang sakit sa tiyan, kalibanga ug constipation.Matod ni De Leon, sila dunay test kits nga moila sa maong sakit ug ang Cebu Provincial Government naghatag usab og dugang medisina ug test kits."Atong gilikayan nga complications kanang mag-bleeding na gyud ang iyahang gastrointestinal," matod niya bahin sa tulo ka mga nakalas sa maong sakit sa Barangays Poblacion ug Gunting.Si Maria Rosario Mompar, 73, inahan sa 29-anyos nga si Shaun Miguel Mompar nga namatay sa tipos niadtong Hunyo 14, 2022, niingon nga ang iyang pamilya walay ideya kon asa kini nakakuha sa maong sakit.Matod ni Mompar, ang ilang giinom kanunay sa balay pulos purified water gikan sa refilling station ug dili tap water.Samtang si Mayeth Selitona sa Barangay Sta. Ana, inahan sa 12-anyos nga Grade 6 graduating student, kinsa na-admit sa Barili Infirmary sa Hunyo 25, niingon nga mineral o purified water usab ang ilang giinom. |
| 41-anyos patay sa drug buy-bust Posted: 26 Jun 2022 06:39 AM PDT Usa ka 41-anyos nga suspek sa pagpayuhot sa gidiling druga ang napatay sa buy-bust sa Brgy. Hilasgasan, lungsod sa Barili niadtong Sabado, Hunyo 25, 2022.Si Staff Sergeant Jeffrey Alpas, desk officer sa Barili Municipal Police Station, niila sa suspek nga si Givanni Cañete Estrada, 41, taga Barangay Hilasgasan, Barili.Si Major Janus Giangan, acting chief sa Barili MPS, maoy nangulo sa buy-bust batok kang Estrada uban sa pag-abag sa Philippine Drug Enforcement Agency sa Central Visayas (PDEA) 7.Matod ni Alpas, alas 11:45 sa buntag sa Hunyo 25, 2022, si Staff Sergeant Tirso Berjolano maoy nagpakaaron-ingnon nga mopalit og gidili druga sa balay ni Estrada.Dihang mopalit na unta si Berjolano, si Estrada nakamatikod nga pulis ang iyang nakatransaksiyon ug nikuha kini sa iyang armas aron pagpusil sa naulahi.Apan ang Barili operating team nga nagsuporta sa operasyon, maoy nipusil sa suspek.Si Giangan nagkanayon nga ang kamatayon ni Estrada resulta sa pinusilay.Nakuha nga ebidensiya sa kapulisan mao ang 15 ka plastic sachets sa giingong shabu nga nitimbang og 10.65 gramos nga dunay street value nga P72,420, P500 marked money, P800 ug drug paraphernalia.Samtang, ang pamilya ni Estrada niadto sa police station apan wala mosanong sa pagpa-autopsy sa lawas suspek."Niingon ang pamilya nga dili na sila mo-execute og waiver kay para dili nalang ipa- autopsy ang patayng lawas sa maong kapamilya nila," matod ni Alpas. |
| Kapin sa P105M shabu nasakmit sa PRO 7 sa managlahing dapit sa CV sa Sabado, Hunyo 25 Posted: 26 Jun 2022 06:35 AM PDT Kapin sa P105 milyunes nga balor sa shabu ang nasakmit sa Police Regional Office (PRO) 7 ug pito ka high-value drug personalities ang nasikop sa managlahing drug operations sa Central Visayas (CV) sa Sabado, Hunyo 25, 2022.Sa Bacong, Negros Oriental, ang joint operating teams sa Dumaguete Maritime Police, ug Bacong Municipal Police Station ninglusad og buy-bust operation sa alas 12:42 sa kaadlawon ug nasikop ang usa ka high valued individual.Si Major Fortunato Villafuerte, team leader sa Bacong Municipal Drug Enforcement Unit Operations, niila sa suspek nga si Crisanto Ang Sayre, 42, taga Sitio Canday-ong, Brgy. Calindagan, Dumaguete City, Negros Oriental.Nakuha gikan sa posisyon ni Sayre ang shabu nga 200 gramos nga dunay street value nga P1,360,000 ug drug paraphernalia.Sa Talisay City, duha ka high-value personalities ang nasikop sa Talisay City Police sa managlahing buy-bust operations sa Talisay Drug Enforcement Unit.Si Lieutenant Elwood Ebona, hepe sa DEU sa Talisay Police Station, niila sa mga dinakpan nga sila si John Maverick Gabisay, 20, taga Sitio Tunga, Brgy. Tangke ug May Faith Bacus Vinculado, 25, taga Sitio Kilawan, Brgy. Tangke.Sa ala 1:28 sa hapon, si Gabisay nasikop sa Sitio Tunga, Barangay Tangke samtang si Vinculado sa Sitio Sawsawan, Barangay San Roque sa dakbayan sa Toledo, Cebu sa alas 4:05 sa hapon.Gibanabana nga 150 gramos ang nasakmit gikan sa mga suspek nga dunay street value nga P1,020,000 ug drug paraphernalia.Samtang sa Dasuna Brgy. Das, Toledo City, ang operatiba sa Toledo City Police nihimo og buy-bust sa alas 4:45 sa buntag.Si Master Sergeant Leodines Leduna, team leader sa Drug Enforcement Unit sa Toledo City Police Station, niila sa mga suspek nga sila si John Roderick Autencio Sollano, 42, ug Rutchen Baliguat Buglosa, 39, pulos taga Dasuna, Brgy. Das, Toledo.Ang duha ka high-value individuals nakuhaan og 100.12 gramos sa shabu nga dunay street value nga P680,816 ug drug paraphernalia.Sa Brgy. Poblacion, Lapu-Lapu City, alas 10:15 sa buntag, nasikop sa follow-up buy-bust sa teams ang duha ka high-value individuals.Si Major Joey Bicoy, team leader sa Drug Enforcement Unit sa Lapu-Lapu City Police Office, niila sa mga suspek nga sila si Bacalso Felisilda, 46, taga Block 13, Lot 23, Rosa Street, Ilang-ilang, Lindaville Subd., Tagbilaran City, Bohol, ug James Plaza Vallesquina, 28, taga Langkaan, Dasmarinas, Cavite.Nasakmit ang 15,000 gramos sa shabu nga dunay street value nga P102,000,000 ug drug paraphernalia.Si PRO 7 Director Police Brigadier General Roque Eduardo Vega nidayeg sa kalamposan sa kapulisan."Mapipilayan na sila ngayon dahil unti-unti ng bumabagsak sa kamay ng pulisya ang mga tao o grupo na responsable sa ilegal na mga kalakalan ng droga dito sa Kabisayaan. Hahabulin ko kayo at wala kayong kawala sa batas," matod ni Vega. |
| 3 ka gasoline stations sa Cebu City makabalik na sa ilang operasyon Posted: 26 Jun 2022 06:35 AM PDT Makabalik ra sa pag-operate ang tulo ka gasoline stations nga gi-padlock ang gas pumps human masuta sa gihimong kinalit nga inspection sa kapulisan sa siyudad sa Sugbo ug sa kagamhanan sa dakbayan nga wala kini ma-calibrate sa miaging semana.Matod ni Police Lieutenant Colonel Wilbert Parilla, deputy city director for administration sa Cebu City Police Office (CCPO), walay tagal kon kanus-a ipa-recalibrate sa maong mga kompanya sa lana ang ilang gas pumps nga kuwang sa sukod.Iyang gipasabot nga hugot kini nga gibantayan sa kapulisan ug sa Prevention, Restoration, Order, Beautification and Enhancement (Probe) team nga dili mahilabtan ang ilang gas pumps kon wala pa nila ma-settle ang mando sa kagamhanan sa siyudad sa Sugbo.Ang tulo ka gas stations nga wala lang una nganli ning mantalaan samtang wala pa sila moluwat og pamahayag.Giingong makamulta ang kompanya og tag P1,000 kada gas pumps nga wala ma-calibrate ug gimandoan usab sila nga mopasabot sa city hall labot sa kalapasan nga ilang nahimo.Samtang, gihuwat pa usab sa kapulisan ang resulta sa gihimong inspeksyon sa norte nga bahin sa siyudad sa Sugbo nga adunay daghang gasoline stations.Karong adlawa, Lunes, Hunyo 27, 2022 mopagawas na usab ang Probe team ug CCPO sa resulta sa ilang pag- susi sa tanang gasolinahan sa norte.Nidugang si Parilla nga wala silay nakita nga problema sa dagkong oil players sama sa Shell, Caltex ug Petron sanglit updated man ang calibration niini matag adlaw sa tanan niini nga gas pumps."Way problema sa dagko nga player according to Mam Raquel Arce. Ang dagko nga mga gasoline stations walay problema, murag naa silay kaugalingon nga calibration nga himuon nga everyday constant nila nga ipa-check ang ilang gas pumps," matod ni Police Lieutenant Colonel Wilbert Parilla.Gitinguha ni Cebu City Mayor Michael Rama nga ning pagsulbong sa presyo sa krudo ug gasolina sakto ang madawat sa mga motorista ug dili kini mapahimuslan. |
| Inahan tua dapig sa suspek sa rape? Posted: 26 Jun 2022 06:32 AM PDT Usa ka 20-anyos nga dalaga nasagmuyo sa iyang inahan human wala modapig sa iyang reklamo nga gilugos sa manghod sa iyang stepfather.Ang pagsuway og lugos nahitabo sa alas 10:56 sa gabii niadtong Biyernes, Hunyo 24, 2022 sa ilang balay sa Sitio Sinsin, Barangay Bato, dakbayan sa Toledo.Si Ana (dili tinuod ngalan), 20, dalaga, college level, ug nagpuyo sa nahisgutang lugar, nangayo og abag sa kapulisan uban sa iyang uyab.Ang suspek nga si Junior (dili tinuod ngan), 21, ulitawo, ug taga Barangay Tinubdan, lungsod sa San Fernando, nasikop sa follow-up operation, ala 1:30 sa kaadlawon sa Sabado, Hunyo 25, 2022.Ang ngan sa suspek gipugngan usab ning mantalaan human wala makuha ang iyang habig sa alegasyon."Subo kaayo kay ang inahan niya tua molaban sa suspek nga manghud sa iyang stepfather. Giingnan siya sa inahan nga isibog ang kaso," matod ni Police Senior Master Sgt. Violeta Godinez sa Women's and Children's Protection Desk (WCPD) sa Toledo Police Station nga nahinabi sa Superbalita Cebu kagahapon, Hunyo 26, 2022.Ang biktima mibutyag sa kapulisan nga diha siya sa ilang lawak nagduwa sa iyang selpon, nagtan-aw siyag video ug kalit nga misulod ang suspek ug nitupad sa paghigda.Apan paglabay sa 5 minutos, dugang sa biktima, nabantayan niya nga dunay kusog kaayong mipisik sa iyang sampot ug sa iyang paglingi, nakita ang suspek nga nagduwa sa iyang kinatawo hinungdan nga nakurat ug nibarog.Dason sa biktima, gikuptan sa suspek ang iyang wala nga kamot ug dayon gitabunan iyang baba dayon gikumotkumot ang iyang dughan ug gihuboan sa iyang underwear dayon gilugos.Bisan pa man kon nilampos ang suspek sa gihimo niini, nakalingkawas gihapon ang suspek ug nidagan paggawas sa ilang panimalay.Ang biktima mitawag sa iyang uyab nga si George ug gi-report sa kapulisan.Sila si Police Staff Sgt. Florante Narandan ug Police Staff Sgt. Rolando Tampip mao ang ninghimo sa follow-up operation ug malampusong nasikop ang suspek.Si Godinez nagkanayon nga kasong rape ang ipasaka sa suspek karong adlawa, Hunyo 27, human nakumpleto nila ang mga dokumento lakip sa resulta sa paghiling sa biktima sa Pink Room sa Vicente Sotto Memorial Medical Center (VSMMC).Bisan wa modapig ang inahan, sumala ni Godinez, ang biktima gisuportahan sa iyang uyab ug sa Department of Social Welfare and Development (DSWD). |
| Mayor Chan midayeg sa kapulisan, PDEA tungod sa laing kalamposan Posted: 26 Jun 2022 06:27 AM PDT Kagamhanan sa dakbayan sa Lapu-Lapu misaad nga mohatag na usab og laing pahalipay sa kapulisan ug Philippine Drug Enforcement Agency (PDEA) personnel kini nunot na sa lain na usab nga kalampusan sa pagsumpo sa illegal nga drugas.Matod ni Lapu-Lapu City Mayor Junard 'Ahong' Chan sa interview kaniya sa Sabado sa buntag, Hunyo 25, atol sa pagpangronda sa mga operatiba sa City Drug Enforcement Unit sa Lapu-Lapu.Dugang ni Chan nga posibleng dako ang madawat niini sa mga pulis labi na nga pila ka kilo ang nasakmit."It depends on the board base on our experience, depende sa gidaghanon sa nakompiska kon dako-dako, dako usab ang incentives nga madawat," pasalig sa mayor.Nagpasalamat ang mayor nga tungod sa sub-sob nga kampanya batok sa illegal nga drugas nga miresulta sa pagkasakmit sa kinilo nga shabu."Akong itunol akong pahalipay sa Lapu-Lapu Police for the continuous campaign against illegal drugs grabe gyud ang kampanya nato aning illegal nga drugas. Actually, ang atong kapulisan wala gyud nangatulog ang atong mga pulis aron dili makasulod ang illegal nga drugas sa atong siyudad no," dugang ni Chan.Matod niini nga usa ka dakong kalampusan ang pagkasakmit sa dakong kantidad nga drugas tungod sa napugngan ang pagbaligya niini ngadto na sa publiko."Akong pahimangno nga kadtong namaligya og drugas dinhi sa Lapu-Lapu, wala moy luna dinhi sa siyudad," pasidaan ni Chan.Samtang, panawagan ni Chan sa tanang kapitan sa barangay sa pag-monitor ngadto na sa ilang barangay aron mapakgang sa mga ilegalista.Gipahibawo usab ni Chan dungan sa pagpahimangno nga dunay duha ka mga barangay nga iyang nahibaloan nga nibalik sa pagpamaligya og gidili nga drugas. |
| Granada gitugyan sa kapulisan sa lungsod sa Lila Posted: 26 Jun 2022 06:27 AM PDT Usa ka rifle grenade ang personal nga gitugyan ngadto sa kapulisan sa lungsod sa Lila gikan sa usa ka 51 anyos nga molupyo sa Barangay Banban sa nahisgutang lungsod.Si Police Staff Sergeant Ronald Besinga sa Lila Police Station nga nahinabi sa Superbalita Cebu niila sa nitahan niini nga si Emmanuel Hamoay, kinsa personal nga nangayo og pakisayod sa kapulisan sa kon unsay angayan nga buhaton kalabot na sa maong hinagiban.Matod ni Besinga, ilang nasayran nga ang maong rifle grenade gipanag-iya kaniadto sa amahan ni Hamoay nga usa ka kanhi sakop sa police organization nga si SPO4 Joven Hamoay apan namatay na.Ang maong rifle grenade kasamtangan nang anaa sa kustodiya sa Lila Police Station. |
| No. 2 nga most wanted sa Lapu-Lapu, nasikop Posted: 26 Jun 2022 06:27 AM PDT Giilang number 2 most wanted person sa dakbayan sa Lapu-Lapu, nasikop pinaagi sa Oplan Pagtugis o Intensified Anti-Criminality Operation nga gilusad sa Criminal Investigation and Detection Group (CIDG).Ang nadakpan pinasikad sa warrant of arrest sa kasong duha ka counts of murder nga giluwatan ni Judge Mendulfo Ceniza Pintor, Jr. sa Regional Trial Court (RTC) Branch 72 sa siyudad sa Lapu-Lapu mao si Erwil Estremos Paasa, 42, nga pinetsahan sa Hunyo 24, 2022 sa Sitio Kabatuan 1, Barangay Maribago sa maong siyudad, alas 5:45 sa Sabado sa hapon Hunyo 25, 2022.Matod ni Police Captain Nigel Sanoy, hepe sa CIDG Lapu-Lapu City Field Unit, nga human nila madawat ang warrant of arrest sa akusado ila dayon nga gipaubos sa surveillance hangtod nga natultolan ang balay niini.Si Paasa naa na karon kasamtangang gibalhog sa CIDG 7 custodial facility ug gitakdang dalhon sa korte aron ipresentar sa huwes nga maoy nag-isyu sa warrant of arrest.Niadtong Marso 6, 2022 sa alas 3:55 sa hapon, napatay ni Paasa ug laing kauban niini nga wala mailhi si Elvis Torrenueva, 32, alyas Pluto sa kilid sa karsada sa CKL Subdivision, Zakiki, Malinao Barangay Agus, Lapu-Lapu sa wala matino nga hinungdan.Dali nga misibat ang duha ka suspetsado samtang ang biktima nga si Pluto gidala kini sa Lapu-Lapu City District Hospital apan gideklara kini ni Dr. Anne Maureen Maceren nga dead-on-arrival.Dunay nakahatag og kasayoran nga maoy gigamit nga saksi sa Police Station 4 nga si Paasa ang nagpusil.Pagka Abril 25, 2022, gipasaka sa kapulisan ang kasong murder.Ang CIDG 7 sa pagpangulo ni Police Colonel Ireneo Dalogdog, mihingusog pa sa ilang kampanya batok sa mga pinangita sa balaod nga adunay mga pending warrant of arrest nga kabahin sa ilang programa nga Oplan Pagtugis.Matod ni Dalogdog, daghan pa nga most wanted persons ang ilang gipangita sa Central Visayas nga adunay dagko nga mga kaso nga giatubang sa korte. |
| Kai angay moduwa sa Summer League: Cone Posted: 26 Jun 2022 03:37 AM PDT Nagtuo si Brgy. Ginebra Gin Kings coach Tim Cone nga ang National Basketball Association (NBA) Summer League mao gihapon ang ikaduhang labing maayong agianan alang sa batan-ong Pinoy nga higante nga si Kai Sotto paingon sa pangandoy niining makaduwa sa NBA.Si Sotto, kinsa 7'3" na ang gitas-on sa edad pa lang nga 20, namasin na sa miaging NBA Draft apan wala naapil ang pangalan niini sa 58 ka napiling bag-ong mga magduduwa sa NBA."I think the next best thing for him is the Summer League and then see if he can get the playing time and showcase his skills," pasabot ni Cone nga napatik sa Spin.ph.Manuwa sa NBA Summer League o naila sab nga Las Vegas Summer League mao ang NBA rookies, sophomores ug G-League players.Alang ni Cone, sa Summer League mas matutokan sa NBA scouts ang kapabilidad ni Sotto kumpara kon moduwa kini sa Australia ug uban pa nga mga liga sa Europe. |
| 1 patay, 1 missing sa sunog sa fastcraft Posted: 26 Jun 2022 12:20 AM PDT Gikompirmar sa Philippine Coast Guard (PCG)-Visayas nga usa ang patay ug usa ang missing sa pasahero sa fastcraft nga nasunog sa kadagatan sa Bohol samtang naglawig padulong sa lungsod sa Bato sa Leyte gikan sa lungsod sa Ubay, Bohol kagahapon sa hapon, Hunyo 26, 2022.Ang biktima giila sa PCG nga si Adolfo Rañola, 53, taga Barangay Poblacion, lungsod sa Trinidad Bohol, nga usa sa kapin sa usa ka gatos nga sakay sa M/V Mama Mary nga fastcraft. Sa alas 6:23 kagabii, usa na lang sa unang tulo ka mga tawo nga gikatahong missing, ang gipangita.Sa kinatibuk-an, 99 ka mga tawo ang naluwas ug gipangdala sa lungsod sa Hilongos sa Leyte, 27 sa lungsod sa Carlos P. Garcia sa Bohol ug 35 sa Gaus Island.Si Lieutenant Junior Grade Krysta Bergantin nagkanayon nga ang PCG-Visayas nipadala na sa barko nga MRRV-4409 aron pagtabang sa search and rescue operations.Ang PCG wala pa mobutyag sa hinungdan sa sunog. |
| You are subscribed to email updates from SUNSTAR. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment