https://www.sunstar.com.ph/ |
- Teller sa STL naghikog
- Datu Montawal nga gibahaan gipaubos 'state of calamity'
- BIFF napatyan kontra militar
- 45k patigayon nanguha og permit
| Posted: 19 Jul 2022 04:46 AM PDT WAY nakitang foul play ang mga awtoridad sa kamatayon sa giingong teller sa Small Town Lottery (STL) kinsa giingong naghikog sulod mismo sa booth niini.Dako na lang nga kakurat ang gibati sa wa mailhing tayador dihang maoy nisugat sa iyang panan-aw ang nagbitay nga teller sa STL sulod sa booth didto sa Purok 12, Barangay San Vicente, Siyudad sa Panabo alas 11:30 sa buntag, Lunes, Hulyo 18, 2022.Gibutyag nga ang wa mailhing tayador miadto sa nahisgutang STL booth aron nga motaya og numero. Apan nahingangha ug wa dayon makalihok dihang maoy misugat sa iyang panan-aw ang biktima nga si Mark Joseph Cascallas, 24, ulitawo, ug molupyo sa Purok Suaybaguio, Magugpo North, Tagum City nga nagbitay gamit ang kolor itom nga panaptong giputol-putol.Gibutyag nga wala na gidala ang biktima ngadto sa ospital sa mga sakop sa City Disaster Risk Reduction and Management Office (CDRRMO) gumikan kay nakompirma nga patay na siya.Apan taliwala ning tanan, giawhag sa mga awtoridad ang pamilya sa biktima nga ipa-autopsy ang patay nga lawas niini.Kung duna kamoy nasayran o kaha nakasinati mismo og depresyon ug buot nga dunay ika-istorya, ayaw pagduha-duha sa pagkontak sa 0966-351-4518/0917-899-8727 ug 0917-899-USAP alang sa Globe/TM Subscribers samtang 0908-639-2672 sa Smart/Sun/TNT Subscribers. |
| Datu Montawal nga gibahaan gipaubos 'state of calamity' Posted: 19 Jul 2022 04:44 AM PDT GIPAILAWOM sa state of calamity ang Datu Montawal sa Maguindanao Province human nga grabeng nakasinati og pagbaha niadtong Lunes, Hulyo 18, 2022.Sumala ni Municipal Disaster Risk Reduction Management Office (MDRRMO-Datu Montawal) Officer Balumol Kadiding nga moabot sa 5,212 ka pamilya ang naapektuhan sa baha gikan sa napulo ka mga barangay sa lungsod.Tungod niini, niduso og resolusyon ang Sangguniang Bayan (SB) base sa rekomendasyon sa buhatan sa MDRRMO nga ipaubos sa state of calamity ang lungsod.Mipabor sa resolusyon sila Mayor Datu Ohto Montawal ug Vice Mayor Datu Vicman Montawal.Ang nasinatiang pagbaha sa Datu Montawal resulta sa pag-awas sa Pulangi River tungod sa kusog nga pag-ulan sa dili maayo nga lakat sa panahon.Mibul-og sab ang baha gikan sa Bukidnon ug Agusan River nga midagayday diretso sa Maguindanao ug North Cotabato.Nagpaabot na og hinabang ang mag-amahang Montawal sa mga pamilya nga naapektuhan sa kalamidad, uban ang kagamhanan probinsiyal. |
| Posted: 19 Jul 2022 04:44 AM PDT IMPAS ang usa ka sakop sa Bangsamoro Islamic Freedom Fighters-Karialan faction human nakigsangka batok sa militar alas 2:15 sa kaadlawon, Martes, Hulyo 19, 2022, sa Shariff Saydona Mustapha, probinsiya sa Maguindanao.Ang napatay giila nga si Ramos Amilil, alyas Ramos, sakop ni Kumander Muslimin Amilil sa 2nd Division BIFF-Karialan faction.Gisaysay ni Philippine Army's 601st Brigade Commander Colonel Oriel Pangcog nga nagpahigayon og combat operation ang puwersa sa 33rd Infantry Battalion nga gipangulohan ni Lieutenant Colonel Benjamin Cardiente Jr. sa Barangay Duguengen sa nahisgutang lungsod sa dihang nabagat nila ang grupo ni Amilil hinungdan sa 15 minutos nga binigwasay.Miatras lang ang BIFF sa dihang gimortar sila sa militar ug misum-ok sa SPMS Box. Narekober ang patay nga lawas ni Amilil ug narekober sa iyang posisyon ang usa ka M14, M16 Armalite rifle, mga bala, eksplosibo ug mga magazines.Samtang gidayeg ni 6th Infantry (Kampilan) Division Chief ug Joint Task Force Central Commander Major General Roberto Capulong ang puwersa sa 33rd IB.Sa pagsuwat ning balita, padayon ang paglutos sa Joint Task Force Central sa grupo ni Amilil sa hilit ug bukirong bahin sa Shariff Saydona Mustapha. |
| 45k patigayon nanguha og permit Posted: 19 Jul 2022 04:32 AM PDT NAMATIKDAN ang pagtaas sa nag-apply og business permit sa City Business Bureau sa Davao nga milapas pa sa ilang gitarget nga 40,000 alang sa unang tunga sa tuig 2022.Gibutyag ni Business Bureau head Maribel Paguican ngadto sa SunStar Davao niadtong Hunyo 19, 2022, nga ang kinatibuk-ang 45,308 ka business establishments misumite sa ilang aplikasyon alang sa permit registration, gikan Enero 1 hangtud Hunyo 30, 2022.Gitarget sa buhatan ang 40,000 ka aplikasyon alang sa maong higayon apan sulti ni Paguican nga nakatampo sa pagtaas niini mao ang "freelance food and delivery riders" ug ang uban mga bag-ong negusyo nga niaplay og permit."Business permit ang mga riders kaya that's why we have the increase despite na wala gaanong new establishments. Sila ang naging contributor natin," matud ni Paguican sa dihang nahinabi. Ang ihap sa aplikasyon alang sa unang tunga sa tuig 2022 nitaas sab itandi sa mga aplikasyon sa samang panahon sa miaging tuig nga niabot og 43,427.Sa 45,308 nga niaplay, matud ni Paguican nga 38,904 niini malampuson nga nakarehistro ug giisyuhan og business permits sa buhatan kon diin 35,145 niini mga renewal ug 3,759 mga bag-ong patigayon.Kasagaran sa mga patigayon mao ang "services and retail industry" samtang ang natalang "manufacturing industry" mao ang pinakagamay nga nagparehistro.Padayon ang buhatan sa paglusad og higpit nga monitoring ug pagsusi sa mga business establishments aron nga maseguro nga "existing" sila ug kanunay bag-o ang ilang rehistrasyon. (ICM) |
| You are subscribed to email updates from SUNSTAR. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment