https://www.sunstar.com.ph/ |
- Tatay giihaw sa 15-anyos nga anak
- Task Force Bangis mangunay og gukod sa mga NPA
- OFWs nga gipapauli tungod sa Covid-19 gipangtabangan
- Suspek sa pagpangluba sa Sta. Cruz nadakpan
- Paghiusa sa pulis, Task Force Davao epektibo
| Tatay giihaw sa 15-anyos nga anak Posted: 14 Jul 2022 03:57 AM PDT KASUKO ang nagtukmod sa usa ka 15-anyos nga anak aron nga hunusan og kinabuhi ang iyang kaugalingong amahan alas 7:50 sa gabii, Miyerkules, Hulyo 13, 2022.Giila ang biktima nga si alyas Rafael, 44, minyo ug nagpuyo sa Purok Kalabasa, Barangay Ulamian, Libungan, Cotabato Province.Gibutyag ni Libungan Chief of Police Major Judgie Barrotas nga gikasab-an ug gisumbag sa amahan ang iyang 15-anyos nga anak nga si alyas Roel.Sa sobrang kasuko sa anak, mikuha kini og mahait nga kutsilyo ug gidunggab sa makadaghang higayon ang iyang amahan.Sa diha nga nakita sa anak nga naligo na sa kaugalingong dugo ang amahan, nangayo kini og pakitabang sa iyang mga silingan.Nadala pa ang biktima sa Mount Blessing Hospital sa Libungan apan gideklara siya sa doktor nga patay na.Matud pa ni Barrotas nga tua sa gawas sa nasud ang inahan sa ulitawo ug sa impormasyon sa usa ka kaila, kanunay pasakitan sa amahan ang iyang anak sa matag higayon nga mag-away ang magtiayon.Naa na ang 15-anyos nga anak sa pag-atiman sa Municipal Social Welfare and Development. |
| Task Force Bangis mangunay og gukod sa mga NPA Posted: 14 Jul 2022 03:56 AM PDT GIMUGNA na sa 6th Infantry (Kampilan) Division, Philippine Army ang Task Force (TF) Bangis.Tumong niini aron nga palig-onon pa ang kampanya sa militar batok sa mga rebeldeng New People's Army (NPA).Matud pa ni 6th ID Chief ug Joint Task Force Central Commander Major General Roberto Capulong Jr., palig-unon pa nila ang puwersa sa kasundalohan aron hingpit nang mapuhag ang nahibiling mga sakop sa Communist Terrorist Group (CTG) Guerilla Front Musa. Apil na ang ubang mga terorista nga naglihok sa habagatan ug sentral Mindanao.Ang TF Bangis ibutang ubos sa hurisdiksyon sa 1st Mechanized Infantry Brigade kon diin si Lieutenant Colonel Michael Angelo Candole maoy gitudlong battalion commander.Pinaagi sa task group, tumanon sa 6ID ang ilang saad kang Presidente Ferdinand Marcos Jr. nga mapalig-on pa ang kampanya batok sa teroristang grupo. |
| OFWs nga gipapauli tungod sa Covid-19 gipangtabangan Posted: 14 Jul 2022 03:56 AM PDT MIKABAT na sa 31 ka mga overseas Filipino workers (OFWs) ang nakadawat og hinabang pinansiyal ubos sa Assistance to Individual in Crisis Situation (AICS) pinaagi sa OFW Families Welfare and Crisis Center.Sa interbyu sa Byaheng DO30, si Jupanie Bebillo-Simpao, assistant focal person sa OFW Families Welfare and Crisis Center, niingon nga ang naka-avail sa P5,000 nga hinabang mao ang mga OFW nga na-repatriate tungod sa Covid-19.Si Simpao niingon nga ang center, nga nahimutang sa ikalimang andana sa CSWDO building, nagpabiling bukas aron sa pag-atiman sa mga OFWs nga nangayo og financial assistance."Mo-visit lang sila diri kay pag ma-interivew sila, gina-home visit na sab nato sila para ma-assess gyod nato ang kinahanglan sa family," ingon niya.Gawas sa financial assistance, naluwas sab sa center ang upat ka indibidwal pinaagi sa report nga ilang nadawat, diin tulo ang mga bata ug usa ang hamtong.Sa mga bata, usa ang 10-anyos nga babaye nga biktima sa sexual abuse, ang laing duha mga igsuon nga biktima sa physical abuse. Gilugwayan na sa CSWDO ang interbensiyon alang sa mga nahisgutan.Samtang ang na-rescue nga hamtong usa ka OFW nga biktima sa hit-and-run sa dakbayan sa Naga.Matud pa ni Simpao nga ang financial assistance ug rescue sa mga indibiduwal usa lamang sa mga hinabang nga gihatag sa center."Gikan nagsugod ang OFW Families and Crisis Center naa na ta'y mga 100 plus ka mga natabangan. Ubay-ubay na pud ang atoang na-refer sa ilahang mga provinces tungod kay ang Davao City OFW Families and Crisis Center is for Davao City residents ra gyud siya so ang atong ginabuhat atong ginatawagan ang CSWDO sa mga provinces kung asa gyud sila nagpuyo," dugang ni Simpao.Ang center gilusad niadtong Mayo 2022, diin kini ang nagsilbi nga sentro nga referral hub alang sa mga kabalaka sa mga migranteng mamumuo.Sa mga gustong mopasaka sa ilang mga kabalaka mahimong motawag sa OFW Crisis Center pinaagi sa 0999 994 3577, o pinaagi sa ilang landline number (082) 225 6214, email ofwcenter.davaocity@gmail.com, o mensahe sa ilang opisyal nga Facebook Page: OFW Families' Welfare and Crisis Center Davao City. (Uban ang taho sa CIO) |
| Suspek sa pagpangluba sa Sta. Cruz nadakpan Posted: 14 Jul 2022 03:56 AM PDT PERTENG tago sa suspek sa pagpanunggab-patay sa Sitio Malusing, Barangay Zone I, Sta. Cruz, apan dali kining nasikop sa awtoridad sa gilusad nga hot pursuit operation niadtong Hulyo 13.Ang suspek giila sa Sta. Cruz Municipal Police Station nga si alyas Jay-ar, 43-anyos, minyo ug residente sa Sitio Malusing Barangay Zone 1, kinsa daling mitago sa Mt. Fortune sa samang barangay human niya madunggaban ang biktima nga si Jessie Canencia Author, 31-anyos, taga Sitio Cebulan, BarangayAstorga.Nasayran nga daling girespondehan sa kapulisan ang tawag nga dunay usa ka lalaki nga nagbuy-od kinsa dugoan.Wala pa sab gikabutyag unsay hinungdan sa suspek sa paghimo sa krimen.Pag-abot sa mga pulis, patay nang daan ang biktima kinsa dunay samad-dinunggaban sa walang bahin sa dughan.Gipasaka na ang kasong murder batok sa suspek didto sa korte. |
| Paghiusa sa pulis, Task Force Davao epektibo Posted: 14 Jul 2022 03:53 AM PDT SA HUGOT nga pagbantay sa Task Force Davao ug sa kapulisan sa Davao City Police Office sa mga checkpoints ning siyudad, wala milampos ang mga tawo nga dunay ilegal nga dala pagsulod sa dakbayan.Sa impormasyon gikan sa Public Information Officer sa TF-Davao Captain John Louie Dema-ala, mokantidad sa P36,800 sa gituohang shabu ang nasakmit sa awtoridad alas 3:30 sa kaadlawon, Hulyo 14, gikan sa usa ka alyas Bonbon, 35-anyos, ug residente sa Purok 4 Nalum, Bago Gallera, Davao City.Sayo niini, gipahugtan sab ang joint checkpoint operation sa Task Group Falcon ug Toril Police Station nga miresulta sa pagkasakmit sa mga ismagol nga sigarilyo didto sa Sirawan checkpoint.Ang suspek usa ka alyas Mark, 24-anyos, taga Maitum, Sarangani Province, kinsa sakay sa usa ka Public Utility Vehicle pasulod unta sa Davao City, apan wala kini milampos.Nakuha gikan sa posisyon niini ang 25 ka mga reams sa ismagol nga Astro ug Fort cigarettes nga dunay street value nga P12,500.Tungod niini, gidayeg ni Task Force Davao Commander Colonel Darren E. Comia ang mga tropa gumikan sa mga mandato aron masiguro nga ang mamahimong luwas Davao City dili lang sa mga hulga kondili sa mga ilegal nga elemento.Gipahinumdoman usab sa opisyal ang mga Dabawenyo sa paghimo sa upat ka mga buhat sa Culture of Security nga mao ang Report, Remind, Participate, Volunteer aron makab-ot ang mas luwas nga komunidad.Ang mga suspek ug ang mga nakumpiska nga butang gi-turnover nga ngadto sa istasyon sa kapulisan. |
| You are subscribed to email updates from SUNSTAR. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment