https://www.sunstar.com.ph/ |
| Posted: 23 Mar 2021 02:12 AM PDT NAGPAHIMANGNO karon sa City Disaster Risk Reduction and Management Office (CDRRMO) nga likayan una sa mga bikers ang pag-adto sa Mandug-Acacia Bypass Road sa Purok Sto. Niño, Barangay Mandug, Davao City sanglit humok ang yuta gumikan padayon ang gihimong road construction. Una niini, pasado alas 7 kagahapon sa buntag, Marso 23, midahili ang porsiyon sa kalsada diin subay sa mga testigo, dunay tulo ka mga tawo ang aksidente nga natabunan. Gilayong miresponde ang mga tawo sa dapit diin naluwas ang usa ka babaye ug daling gidala sa Southern Philippines Medical Center (SPMC). Dali sab nga miabot ang mga rescuers ug ang Urban Search and Rescue team sa Central 911 ug gilayong mihimo og search and retrieval operation. Alas 12 sa udto, nakalutan ug wala nay kinabuhi ang usa ka lalaki nga si Harvey Mar Cipriano Panes, taga Trento, Agusan del Sur. Subay niini, gikompirma ni Rodrigo Bustillo, ang Operations and Warning officer sa CDRRMO sa Davao City, nga tulo ka tawo ang gituohan nga na-trap sa midahili nga yuta. Kini gibutyag sa opisyal alas 11 kagahapon samtang nagpadayon ang gihimong clearing ug retrieval operations sa lugar. Ang lugar nahimong adtoanan sa mga bikers sanglit overlooking ang maong dapit.  This posting includes an audio/video/photo media file: Download Now |
| Ambush sa 2 sakay sa Raptor padayong gisusi Posted: 23 Mar 2021 02:12 AM PDT NAGPADAYON karon ang makuti nga imbestigasyon sa kapulisan sa Sta. Ana Police Station labot sa pagpamusil nga nahitabo Lunes sa hapon, Marso 22, didto sa Jose P. Laurel Avenue, Davao City. Subay sa report, ang biktima nailhang si Welhelm Cubelo, residente sa Tagum City kinsa dead on the spot ug ang kauban niini nga babaye kasamtangang anaa sa talandugon nga kahimtang sud sa Southern Philippines Medical Center. Pasado alas 4 sa hapon girapido sa wa mailhing mga mamumuno ang Ford Raptor dunay plaka numero LAG 7341 atubangan mismo sa daghang nangagi nga motorista. Sumala sa Davao City Police Office padayon pa silang nagsubay sa background sa mga biktima aron ma-establisar ang motibo sa krimen. (Jeepy P. Compio)  This posting includes an audio/video/photo media file: Download Now |
| Posted: 23 Mar 2021 02:10 AM PDT DI NA mohangyo ang siyudad sa Davao nga mopailawom og mas istriktong community quarantine classification kung ugaling mahitabo ang "second wave" sa mga kaso sa Covid-19. Kini maoy pagklaro ni Mayor Sara Duterte-Carpio sa paghinabi kaniya sa radyo niadtong Lunes, 22, 2021. Gitaho sa Department of Health ang pagsutoy sa mga kaso sa Covid-19 sa Metro Manila ug Metro Cebu, nga nagpakita og mga sinyales sa "second wave." Ang pagsutoy sa mga kaso giingong tungod sa bag-ong variants sa Sars-CoV-2 ug ang wala na pagsunod sa minimum health standards. Ang Manila gipailawom sa general community quarantine (GCQ), samtang Cebu naa sa modified GCQ (MGCQ). Kahinumdoman nga nagpasidaan nang daan si Mayor Sara sa posibilidad sa second wave kon ang siyudad padayon nga magpaluag sa pipila ka mga restriksiyon ug ang publiko mokompiyansa ra sab ug di motuman sa minimum health protocols. Sa kaso sa siyudad, gisulti sa mayor nga ang pagpailawom sa enhanced community quarantine (ECQ) o modified ECQ (MECQ) sa Davao wa na girekomenda sa Inter-Agency Task Force on Emerging Infectious Diseases (IATF). Sa kasamtangan ang dakbayan ubos sa GCQ sukad pa Nobyembre 20, 2020, ug gilauman nga hangtud sa Marso 31, 2021. Kon ugaling ang IATF motugot nga ang siyudad mokambyo ngadto sa MGCQ, gipaneguro ni Duterte-Carpio nga ipatuman gihapon nila ang samang Covid-19 response ug action plan kung ugaling mahitabo ang "second wave" sa maong panahon. Usa sa mga paagi nga himuon aron pagpakgang sa ikaduhang hugna sa mga kaso mao ang pagpatuman sa ilang "test-before-travel policy" pinaagi sa ordinansa. Magpakusog sab ang siyudad sa pagmonitor sa mga komunidad alang niadtong makitaan og simtomas sa influenza-like illness. Kadtong dunay mga simtomas niini, hangyuon nga magpa-test. Subling lilion sab sa dakbayan ang contact tracing strategy aron mapugngan ang "second wave." (Ralph Lawrence G. Llemit)  This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment