Wednesday, March 31, 2021

https://www.sunstar.com.ph/

https://www.sunstar.com.ph/

14 ka adlaw nga quarantine sa OFW nga taga Lalawigan sa Sugbo giwagtang

Posted: 30 Mar 2021 07:42 PM PDT

Dili na kinahanglan pa nga mopaubos sa 14 ka adlaw nga quarantine sa tanan nga mga Sugboanon nga repatriated Overseas Filipino Workers (OFWs) ug returning non-OFWs sa lalawigan sa Sugbo.

Kini subay sa bag-ong kamandoan ni Cebu Governor Gwendolyn Garcia nga iyang gipaagi sa Executive Order No. 17.

Gumikan kini sa nasabutan tali ni Garcia ug sa mga opisyal sa Department of Tourism (DOT), Department of Health (DOH), Department of the Interior and Local Government (DILG), Bureau of Quarantine (BOQ), Overseas Workers Welfare Administration (OWWA), Mactan Cebu International Airport Authority (MCIAA), GMR-Megawide Airport Corporation, airline companies ug Hotel, Resort and Restaurant Association of Cebu (HRRAC).

Kini paagi nga mamenosan ang bayranan sa mga OFW sa pagpauli dinhi sa Sugbo.

Sukwahi sa kaniadto nga paagi nga kinahanglan pa nga mopaubos sa 14 ka adlaw nga mandatory quarantine ang mga mopauli gikan sa laing nasud.

Karon, gikinahanglan na lang mao ang :

una mao ang pag register online sa Mactan-Cebu International Airport Passenger website.

Ika-duha mao ang pagpaubos sa libre nga DOH RT-PCR test atol sa pag abot sa airport.

Ika-tulo mao ang pagpa-booked sa hotel room kon diin sila mamasilong samtang naghuwat sa resulta sa RT-PCR test.

Kon negatibo ang resulta sa pagsulay, mahimo nang makapauli largo sa probinsya.

Gimandoan usab ni Garcia ang tanan nga mga local government unit nga dili na mangayo pa og dugang nga mga rekisitos sa mga indibidwal.

Apan kon mag positibo sa coronavirus disease (Covid-19), gikinahanglan nga mosubay sa DOH-7 protocol alang sa himuon nga treatment sa mga pasyente. (ANV)

This posting includes an audio/video/photo media file: Download Now

at

No comments:

Post a Comment

Subscribe to: Post Comments (Atom)

End of Summer Sale ☀️😎

20% OFF Inside!🤯 ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏...