https://www.sunstar.com.ph/ |
- Mokatkat sa Mount Apo ukyon
- Estudyante naninda og marijuana sikop
- Nagsima-sima's 3 apo gitipi
- Delos Reyes: Penetensiya sa Semana Santa
| Posted: 31 Mar 2021 08:37 AM PDT NAKAALERTO na ang mga sakop sa Digos City Police Station (DCPS) aron bantayan ang mokatkat sa Mount Apo ning panahon sa Semana Santa. Sa pakighinabi sa SunStar Superbalita ngadto sa hepe pinaagi sa telepono Biyernes sa buntag, Marso 31, 2021, gitataw ni Lieutenant Colonel Vici Anthony Tababa nga kinahanglang kompleto sa mga permit ang tanang climbers ug moagi sab sa City Tourism Office. Matud ni Tababa nga naka-deploy na ang ilang mga tourist police didto sa Barangay Kapatagan nga maoy agianan sa pagsaka sa bulkan. Apan di niini masulti kung pila na ang ihap sa mga nisaka sa bulkan. Naandan na sa mga trekkers ang pagkatkat sa Mount Apo panahon sa Mahal nga Adlaw sanglit usa kini sa mga dapit nga nindot mag-penetensiya. Di pa dugay, diriyot pasirad-an sa Department of Environment and Natural Resources ang Mount Apo human nakita ang pipila ka mga climbers nagbilin sa ilang mga basura sa bisan asa ug vandalism sa mga bato, diin usa sa mga kalapasan sa pag-protekta niini. Ning panahona, nagpasidaan ang mga awtoridad sa tanang trekkers nga mahimong responsable sa ilang mga hugaw aron maprotektahan ang kinaiyahan. Ang Mount Apo mao ang pinakataas nga bukid sa tibuok nasud nga adunay gitas-on nga 9,692 ka tiil kun 2,954 metros.  This posting includes an audio/video/photo media file: Download Now |
| Estudyante naninda og marijuana sikop Posted: 31 Mar 2021 08:35 AM PDT WALAY kabutangan sa pagmahay sa usa ka estudyante human siya masikop sa kapulisan sa Toril Police Station dihang naninda kini og pinaugang dahon sa marijuana. Ang Toril police nag-ila sa suspek nga si alyas Mozael, taga Barangay Sirawan, Toril, Sakbayan sa Davao. Human makadawat og impormasyon ang kapulisan nga mobaligya og druga ang suspek, gilayong gikasa ang buy-bust operation nga gipangunahan ni Toril police station commander Police Major Michael Uyanguren. Pagtunol sa suspek sa marijuana, gilayon kining giposasan sa nagtakuban nga pulis. Nakumpiska ang daghang putos sa pinaugang dahon sa marijuana nga dunay street value nga P1,450. Gipasaka na ang kasong paglapas sa Republic Act 9165 kun Comprehensive Dangerous Drug Act of 2002 batok sa suspek didto sa korte. (Jeepy P. Compio)  This posting includes an audio/video/photo media file: Download Now |
| Posted: 31 Mar 2021 08:33 AM PDT GIPATAY sa giingong liquidation squad sa mga rapist ang usa ka 50-anyos nga lalaki kinsa nagmolestiya sa iyang tulo ka mga apo alas 10:30 sa buntag, Martes, Marso 30, 2021 sa Siyudad sa Kidapawan. Giila ang gipatay nga si Max Salikan, nagpuyo sa Purok 4-D, Barangay Lanao sa nahisgutang siyudad. Sumala kang Kidapawan City Chief of Police Lieutenant Colonel Ramel Hojilla nga gisulod sa usa ka wala mailhing lalaki si Salikan sa iyang balay ug gipusil gamit ang kalibre .45 nga pistola, kon diin dali sab kining misibat human sa hitabo sakay sa motorsiklo nga gimaneho sa iyang kauban. Nadala pa sa iyang pamilya ang biktima ngadto sa balay tambalanan apan gideklara kini sa mga doktor nga dead on arrival human nga makaangkon og tulo ka mga samad pinusilan sa lawas. Nasayran nga ang biktima dunay giatubang nga reklamo sa ilang barangay gumikan sa giingong pagmolestiya sa iyang tulo ka apo. Ikatulo na si Salikan nga gipatay sa nagpailang LS sa mga rapists sa Kidapawan City. Kapulisan mihimo na og makuting imbestigasyon aron nga ilhon ug sikupon ang mga mamumuno. (Edgar E. Fuerzas)  This posting includes an audio/video/photo media file: Download Now |
| Delos Reyes: Penetensiya sa Semana Santa Posted: 31 Mar 2021 08:32 AM PDT MAAYONG adlaw sa tanan. Alang sa katilingban sa mga kristiyano nga nagasubay sa kasaulogan sa Semana Santa, ato ba gayud gibati ang kaimportante sa kamatayon ni Kristo para nato? Daghan unta ang mga ritual sa pagsaulog sa Semana Santa kon naa pa sa normal ang atong sitwasiyon. Dunay mga naghimo og sakripisyo, mopas-an sa krus, magpabunal sa ilang lawas ug ang uban magpalansang pa sa krus, subay sa ilang mga tulumanon. Dunay ubang nga mosulod sa mga langob alang sa ilang personal nga mga pag-ampo aron kuno mopadayon ang gahum nga ilang naangkon, mga tahas sa ilang kinabuhi. Sa basahon sa 1Corinto 15:31 si Apostol Pablo nagsulti nga tungod kang Kristo, ginapatay niya ang iyang kaugalingon adlaw-adlaw. Alang kaniya ang iyang kinabuhi, alang kang Kristo ug ang iyang kamatayon usa ka ginansiya. Dunay mga kabilinbilin nga sugilanon nga bawal ang mokaon sa sinugba labi na kung karne, panahon sa Biyernes Santo kay mahimong talumtumon! Bawal ang paggamit sa mahait nga mga butang kay kon masamad ka dugay maayo tungod nianang adlawa namatay ang Diyos. Bawal ang pagkaon og karne labi na sa mga nagpabadlis. Daghan ang mga bawal nga walay igo nga pagpasabot hinungdan nga sa kinabuhi sa mga bag-ong tubo o mga batan- on, wala na kini ginahatagan og gibug-aton ug nagakahanaw na sa ilang mga hunahuna. Angayan ug husto nga unta duna tay panahon sa pagpamalandong nga gihatagan ta og higayon nga mahimo ta nga pinasaylo sa atong mga kasal anan pinaagi sa kamatayon ni Kristo nga maoy mihulip sa atong dapit tungod kay gihigugma ta sa Diyos. Ang nakaparat kay human ta giluwas pinaagi sa grasya sa Diyos, daghan naman hinoon ang naghunahuna nga dili na kinahanglan nga motuman pa kita sa mga sugo sa Diyos kay giluwas na ta sa dugo ni Kristo. Kon mao man, dili na unta kinahanglang nga mag-antus pa si Jesus nga ilansang pa sa krus, giwagtang na lang diretso ang kasugoan nga maoy hinungdan nga makasala ang tawo, apan wala kana niya gibuhat tungod ang kasugoan (10 commandment) mao ang hulagway sa Diyos. Apan gikinahanglan pa ba sa tawo nga magsakrapisyo, sakiton ang iyang kaugalingon aron kaloy-an sa Ginoo labi na sa Semana Santa? Ang mga sakripisyo nga ginabuhat sa tawo kon atong gihunahuna nga atong buhaton aron maluwas ta, wala gyud merito kay ang kaluwasan pinaagi ra gyud sa grasya sa Diyos. Atong hunahunaon nga ang usa ka tawo nga dautan ang mobiya sa iyang pagkadautan ug magabuhat siya'g maayo, kalimtan sa Diyos ang tanan niyang pagkadautan tungod sa iyang pagdawat sa Diyos pinaagi sa pagtoo. Apan kon ang matarong mobiya ug mobalik sa pagkadautan, sa mao sab nga paagi ang tanang maayong buhat walay pagahinumdoman ug magpaabot na lang siya sa silot. Ang kahilayan sa kalibutan maoy maga palayo kanato sa Diyos. Ang mga sakripisyo nga ginahimo mamahimong walay pulos kon human sa imong pagsakripisyo mobalik ra gihapon ta paglunang sa kahilayan sa kalibutan. Duha ra ang padulngan sa tawo sa katapusan sa kalibutan, langit ug impiyerno. Dili ang atong mga pagsakripisyo ang basihan o daghan ang atong maayo nga nabuhat kay sa dautan. Didto ta sa finish line pagahukman, namatay ka ba nga nagsunod sa kabubot-on sa Diyos o namatay ba ta diha sa pagpakasala. Higala ug igsuon, alagad ta sa Diyos alang sa kinabuhing dayon. Ayaw basihi ang pagsakit sa imong kaugalingon.  This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment