Monday, March 29, 2021

https://www.sunstar.com.ph/

https://www.sunstar.com.ph/

Tinapay, palaman shabu

Posted: 29 Mar 2021 02:15 AM PDT

GIPASLAK sab sa selda sa Bunawan Police Station ang usa ka dalaw sa piniriso human nasakpan nga gipalamanan og shabu ang pan nga dala niini.

Sumala ni Police Major Noel Villahermosa, hepe sa Bunawan Police Station, nga motimbang sa 1.5 gramos ang gituohang shabu nga dunay street value nga P10,200 ang nakumpiska.

Napalaw si alyas Neneng, 25 anyos, nga taga Seaside, Agdao, Davao City, dihang nakita sa jailer nga mga shabu ang gipalaman sa pan atol sa paghiling niini una itunol ngadto sa piniriso.

Hinuon, wala mihatag og pamahayag ang suspek labot sa iyang gihimo, ug gilimod sab sa piniriso nga gidalaw nga suma pa nasayod sa dalhon ni Neneng.

Gikasohan na sa korte ang suspek sa paglapas sa Republic Act 9165, kun Comprehensive Dangerous Drug Act of 2002.

This posting includes an audio/video/photo media file: Download Now

Choy napalita'g shabu, priso

Posted: 29 Mar 2021 02:14 AM PDT

NANGMINGHOY sa prisohan si alyas Choy, nga taga Tibungco, Davao City, human kini napalitan og shabu sa nagtakuban nga pulis pasado alas 7 sa gabii, Marso 28.

Giila ni Bunawan Police Station commander Police Major Noel Villahermosa ang suspek nga si Reynan Tubinas Salvador, 44 anyos ug residente sa Tibungco Relocation, Davao City.

Pakite sa shabu, marked money, Motorola touchpad cellphone, ug usa ka itom Honda Wave motorcycle ang nakuha sa posisyon sa dinakpan.

Giingon nga ang suspek notadong tigbaligya og ilegal nga druga sa Tibungco area.

Kasong pagsupak sa Republic Act 9165 kun Comprehensive Dangerous Drug Act of 2002 ang atubangon nga kaso sa suspek didto sa korte. (Jeepy P. Compio)

This posting includes an audio/video/photo media file: Download Now

2 pamilya naggubot; 2 patay

Posted: 29 Mar 2021 02:13 AM PDT

COTABATO CITY -- Nanghikling ang mga sibilyan sa nahitabong engkuwentro sa duha ka pamilyang nagkabikil nga nagsugod alas 7:00 sa buntag hangtud alas 5:00 sa hapon, Dominggo, Marso 28, sa probinsiya sa Maguindanao.

Nagkapinusilay ang pamilya Dumbra ug Mamukaw nga dunay personal nga dumot sa yuta nga ilang giugmad.

Matud ni Maguindanao Police Provincial Office Director Colonel Donald Madamba nga "ghost barangay" ang mga barangay sa Pageda ug Gadungan, Talitay sa Maguindanao Province gumikan sa katag-katag nga engkuwentro sa magkaaway nga pamilya.

Nagsugod ang pinusilay sa diha nga gisulod sa pamilya Dumbra ang yuta sa pamilya Mamukaw nga namutol og punuan sa saging lakip na ang pagpanungkit sa lubi.

Namakwit ang mga silingan sa pamilyang Dumbra ug Mamukaw sa kahadlok nga mapagan sa kagubot.

Gikataho nga duha ang napatay ug usa ka sibilyan ang naigo sa mga saag nga bala.

Nadakpan sab sa mga sakop ni Talitay Mayor Montasir Sabal ang usa ka Renteng Mamukaw nga nalambigit sa kagubot.

Ang duha ka pundok mga armado og mga tag-as nga matang sa armas nga gitumbok nga pulos miyembro sa giila nga Moro Front.

Milihok na ang puwersa sa militar ug kapulisan aron kapugngan ang pagkuyanap sa kagubot ug maresolba ang away sa duha ka pamilya sa madaling panahon. (Edgar E. Fuerzas)

This posting includes an audio/video/photo media file: Download Now

Roldan: President Manny Pacquiao?

Posted: 29 Mar 2021 02:12 AM PDT

DILI na mapugngan ang pagsutoy sa pipila ka grupo nga nagsiyagit og "Run, Sara, Run" (RSR) ug "Dagan, Dayon Sara" (DDS).

May grupo nga nagtuyoktuyok sa tibuok Mindanao samtang may grupo sab nga tua karon sa kaulohan aron ibandilyo ang ilang tinguha sa pagpadagan ni Mayor Inday Sara Duterte sa bugnong lugaynon karong 2022.

May grupo nga gipangulohan nilang Pidot Pontillo samtang may grupo pod ni kanhi PCA board member Kiking Quimpan. May grupo sab sa mga kapitan, mga gobernador, mga mayor ug konsehal nga nag-indurso kang Mayor Inday para pagka-pangulo.

Apan sa laing bahin, mora'g dunay kisaw karon sa kampo sa Pambansang Kamao ug Senador Emmanuel "Manny Pacman" Pacquiao.

Didto ako sa Davao del Sur niadtong Dominggo ug mora na'g panahon sa kampanya kay daghang dagkong poster si Sen. Manny ang makita sa daplin sa highway.

Gibutang didto nga siya ang Presidente sa 2022. Kulang na lang sa pulong nga "Vote" o "Iboto" kay puwede nang tawagon nga "campaign poster" sa kandidato.

Anaay duha ka hulagway ang maong poster.

Ang usa kay ang nagpahiyom nga nawong sa senador nga nagsul-ob og puti nga Barong Tagalog samtang ang usa mao ang iyang hulagway isip kampeyon sa boksing.

Nagdusingot pa kini nga daw bag-o pa lang nahuman ang iyang bahug-bahog ibabaw sa ring kung asa nagmadaugon siya.

Wala akoy nakitang hinungdan nganong gibutang kining mga poster sa Davao del Sur gawas kung nagpasalamat ang senador sa maayong pag-abi-abi ni Davao del Sur Governor Douglas Cagas ug iyang pamilya sa dihang nibisita ang senador sa Digos City.

Basin pod kung may dakong pangilin o okasyon nga nahuman o umaabot pa diha sa Davao del Sur mao nga anaay poster. Busa ang una nakong pangutana kung nganong anaa nay poster ang senador sa mga lungsod sa maong probinsiya?

Ang ikaduha nakong pangutana kung sa Davao del Sur lang ba kini kay wa man koy nakitang susamang poster sa senador dinhi sa Davao City?

Kamo diha sa Davao Occidental, Davao Oriental, Davao de Oro ug Davao del Norte may poster sab ba siya dinha?

Ang ikatulo nakong pangutana kay kung modagan ba siya pagka-presidente sa Mayo 2022?

Sa isyu sa pagdagan, dako ang akong pagtuo nga modagan gayud si Sen. Manny pagka-presidente ubos sa Partido Demokratiko Pilipino (PDP)-Laban isip "standard bearer" niini.

Sama kini niadtong 2016 diin gisabak sa PDP-Laban isip kandidato si PRody ug nahimong chairperson sa Partido. Niadtong niaging tuig, gitugyan ni Senador Koko Pimentel ang pagka-presidente sa PDP-Laban ngadto kang Sen. Manny, butang nga wala gikahimut-i sa daghang lideres sa PDP-Laban kay wala kini mahisubay sa konstitusyon sa Partido. Puwede diay'ng ihatag sa kanhi presidente sa PDP-Laban ang iyang puwesto sa dili gani opisyal sa Partido nga wala moagi sa National Assembly?

Para kanako kuwalipikado si Sen. Manny nga modagan pagka-pangulo bisan pa man daghan ang niingon nga wa siyay tukmang kaalam nga maghupot sa maong puwesto.

Ang akoa lang gikabalak-an kung kinsa ang mabulahan ug kinsa ang mogamit kaniya kung molingkod na unya siya sa Malacanang?

This posting includes an audio/video/photo media file: Download Now

Nagpatay sa bata nabugha

Posted: 28 Mar 2021 05:12 AM PDT

NAPATAY sa kapulisan sa Toril Police Station ang lalaki nga suspek sa pagpatay sa 5-anyos nga batang lalaki sa Phase 1, Batulosa, Barangay Bangkas Heights, Toril, Davao City.

Alas 7:15 sa buntag Dominggo, Marso 28, 2021, napatay ang suspek nga si Nolasco Sarno, alyas Manoy, hamtong ang pangedaron, human misukol sa operatiba sa Toril Philippine National Police (PNP) dihang gipailawom kini sa buy-bust operation didto sa Purok 4, Juan Dela Cruz Street, Barangay Toril Poblacion.

Ang Toril PNP nga gipangunahan ni Police Major Michael Uyanguren, hepe sa istasyon, nakigkoordinar sa Philippine Drug Enforcement Agency aron ilusad ang buy-bust operation.

Dihang namatikdan sa suspek nga mga pulis ang iyang ka-transaksyon, dali kining mibunlot sa iyang .38 revolver, hinungdan nga gilayon kining giniyutralisa, apan dead on arrival sa Mediquest Medical Hospital.

Nakuha sa posisyon sa suspek ang mga pinaugang dahon sa marijuana nga dunay street value nga di moubos sa P600.

Sumala sa kapulisan sa Toril PNP, ang napatay nga suspek maoy mipatay sa 5-anyos nga si Kenjay Gido kinsa napalgang dunay daghang dinunggaban sa lawas.

Midagan pa og dul-an mag-tulo ka semana una nadumdoman ang gitagoan sa suspek. Nakahigayon sab ang kapulisan sa pagdakop unta sa nahisgutan dihang nakig-transaksiyon kini sa poseur buyer nga mobaligya og marijuana.

Ang patay nga lawas sa suspek gihaya na sa iyang kabanay.

This posting includes an audio/video/photo media file: Download Now

Ex-manager gipusil

Posted: 28 Mar 2021 05:12 AM PDT

PADAYON karong gisusi sa kapulisan sa Mawab Municipal Police Station ang tinuod nga motibo ug ang bansagon sa suspek kinsa nagpusil patay sa kanhi manager sa usa ka kompaniya didto sa Purok 1, Barangay Sao-Sao, Mawab, Davao de Oro alas 11:30 sa buntag, Sabado, Marso 27, 2021.

Ang biktima giila nga mao si Agelyn Bocol, 32, minyo, kanhi manager sa Everarm Investment Marketing ug kasamtangang nanimuyo sa Candinuyan, Golden Valley, Mabini sa nahisgutan gihapong probinsiya.

Base sa inisyal nga imbestigasyon, nasayran nga ang biktima, uban sa iyang bana nga si Jake Quita, 39, naglabigar sa dalan gikan sa lungsod sa Nabunturan padung sa ilang balay sakay sa Honda XRM nga motorsiklo.

Pag-abot sa Purok 1, Barangay Sao-Sao, mihunong ang bana aron mangihi. Samtang nagpahuwas sa iyang kaihion, dunay kalit nga miabot nga motorsiklo ug mihunong sa tungod ni Agelyn ug nangutana kung asa nahimutang ang Barangay Sao-Sao.

Unya wa madugay, giguyod na matud pa, sa suspek ang biktima padulong sa kabagnutan ug gipusil sa makaduha ka higayon.

Tungod sa kahadlok, mikaratil og dagan ang bana padulong sa Barangay Bawani ug nangayo og panabang sa mga tawo.

Human sa insidente, ang suspek nagdaling mikagiw palayo sa wala masayring direksiyon.

Ang biktima nakahiagom og samad pinusilan sa tiyan ug dali nga gihatud ngadto sa Doctor's Community Hospital sa pamasin nga masalbar ang kinabuhi.

Apan way suwerte gumikan kay gideklara kining dead on arrival sa doktor nga mihiling kaniya.

Patay'ng lawas sa biktima gipahiluna na sa St. Thomas Funeral Homes sa lungsod sa Mawab. (Dexter T. Visitacion)

This posting includes an audio/video/photo media file: Download Now

Simbahan miabri na; nagbendita'g lukay

Posted: 28 Mar 2021 05:11 AM PDT

HUMAN sa usa ka semanang pagsirado sa parokya sa Immaculada Concepcion sa Bansalan, Davao del Sur, miabri na kini atol sa pagsaulog sa "Bendita sa Lukay" Dominggo, Marso 28, 2021.

Timailhan usab kini nga nagsugod na ang paghandom sa Simbahang Katoliko sa Semana Santa.

Nalipay ang mga deboto sa lungsod sama ni Ginang Leticia Quezon, 45, human nga nakahigayon siya pagpabendita sa iyang lukay nga giporma og krus.

Subay sa abiso sa kura paruko nga si Reverend Father Consorcio Lopez, DCD, gituman sa mga deboto ang pagsul-ob og face mask ug face shield ug social distancing panahon sa pagsaulog sa Santos nga Misa.

Hugot nga gidid-an sa pagsulod sa simbahan ang mga nag-edad og 15-anyos paubos ug 65-anyos pataas sigon sa polisiya sa modified general community quarantine ug Inter-agency Task Force.

Wa sab gitugtan nga mosilbi sa Santos nga Misa ang mga nagtrabaho sa parokya samtang wa pa mahuman ang ilang pagpailawom sa home quarantine hangtud sanglit kinahanglang ilang tumanon ang gitakdang adlaw sa pagtapos niini.

Kahibaloang gisirad-an ang simbahan ug kombento human nga adunay usa ka pari nga nataptan sa Covid-19.

Sa pag-obserba sa Bendita sa Lukay, gipangunahan ni Bishop Guillermo Afable, DCD, ang unang misa, alas 5:30 sa buntag.

Sa mensahe ni Afable, giasoy niini sa mga deboto nga dalhon ang lukay sa panimalay aron mahimong timailhan ug pahinumdom sa mga maayo ug matarong nga mga buhat kay tungod ni Kristo, angay kining buhaton sa tanan. (Orlando B. Dinoy)

This posting includes an audio/video/photo media file: Download Now

Pacquiao way kabangkaagan

Posted: 28 Mar 2021 05:10 AM PDT

SAMTANG nagkaduol na ang 2022 nasyonal ug lokal eleksiyon halos hikalimtan na nato ang dakong problema nga giatubang sa atong nasud ang pandemic Covid-19, ug tua na ang tanang atensiyon sa mga politiko sa umaabot nga bugnong lugayno.

Ang oposisyon nagmugna na sa ilang 1SAMBAYAN ug ang makapatingala kay ang namuno dili politiko?

Matud pa's mga eksperto naisahan ang mga dilawan ni retired Associate Justice Antonio Carpio. Dili politiko apan mao na hinuoy nangulo sa mga maas nga politiko kon kinsay ilang standard bearer nga i-atbang sa mga kandidato sa administrasyon.

Pero ang nasentro karon sa atensiyon sa mga lungsuranon mao ang atong hero sa sport nga si Manny Pacquiao. Gikadyawan sa ubang mga politiko ug sa sekreto, mga pipila ka kauban niya sa Senado kay dugay ra diay ni siya mihunghong kang Senador Panfilo Lacson ug Senate President Tito Sotto nga nagtinguha siya nga modagan sa pagka- presidente.

Pero ang atong naluy-an kang Pacquiao kay bisan sa mga kauban niya sa Senado ni isa, walay mikampi sa kaniya nga mosuporta. Kay si Lacson mismo mipadayag na nga tali ni Pacquiao ug Sotto, adto siya kang Sotto mosuporta.

Si Pacquiao wa gyud intawon kabangkaagan sa sistema sa politika, ngano? Naa siya sa Partido Demokratikong Pilipino (PDP-Laban) ug aduna pay ranggo isip bise presidente, apan iyang gikalaban ang mga de ranggong opisyal sa partido? Sama kang Vice Chairman Energy Secretary Alfonso Cusi.

Gawas niini, iyang gipatapsing-tapsingan og atake si Presidente Rodrigo Duterte nga "Huwag muna tayong mamolitika harapin muna natin ang malaking problema nang ating bansa na ginugotom tulongan muna natin sila".

Nakalimot si Pacquiao nga ang chairman sa PDP-Laban mao si Presidente Duterte. Kon may kabangkaagan pa siya, dili niya pangatakihon ang iyang kauban sa partido? Kay ang tanang mga aspirante sa pagka-presidente sa usa ka partido, i-submit ang ilang kaugalingon sa National Party Convention ug kinsay mapili, mao kadto ang standard bearer nga kandidto sa pagka-presidente sa maong partido.

Pero si Pacquiao nagbuot-buot lang og iyaha. May posiblidad nga palagputon si Pacquiao sa PDP-Laban apan modagan gyud siya kay daghan na ra ba og gipanghatagan og bugas. Puwede independente kay di man pud siya dawaton sa United opposition kay gisaway na man gani siya ni Antonio Carpio.

Matud ni Carpio, "Manny Pacquiao kwalipikado modagan sa pagka-presidente base sa atong constitution, apan kulang siya sa high standard."

Si Department of Foreign Affairs (DFA) Secretary Teodoro Locsin nagkomento kang Pacquiao, "Don't vote him for president, but honor him." Tungod kay naghatag si Pacquiao og dakong dungog sa atong nasud sa natad sa isports.

Dapat dunay makatambag kang Pacquiao kay dungog lang ug ang pagkailado sa iyang pangalan maoy iyang gisakyan nga modagan sa pagka-presidente, bisan ug wa gyud tawon siyay kabangkaagan.

Dili basta-basta ang pagka-presidente Manny, kinahanglan puno ka sa kargada EDUKASYON UG EKSPERYENSIYA.

This posting includes an audio/video/photo media file: Download Now

Title

Posted: 28 Mar 2021 04:10 AM PDT

This posting includes an audio/video/photo media file: Download Now

at

No comments:

Post a Comment

Subscribe to: Post Comments (Atom)

End of Summer Sale ☀️😎

20% OFF Inside!🤯 ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏...