Friday, May 28, 2021

https://www.sunstar.com.ph/

https://www.sunstar.com.ph/

Birthday Pancit Canton with Quail Eggs

Posted: 28 May 2021 04:20 AM PDT

Serves 4 to 7

Alang sa Kwek-kwek

(Orange Fried Quail Eggs):

Mga sagol:

Set A:

1/4 tasa sa harina alang sa dugang pagpabaga

2 kutsara sa cornstarch

1/4 kutsarita sa asin

Pudyot sa ground black pepper

Tubog, suma sa gikinahanglan

1 ka kutsarang annatto oil o orange food coloring

Set B:

12 ka boiled quail eggs, gipanitan

Harina, alang sa dredging

2 ka tasa sa mantika

Unsaon pagsagol:

A. Pag-andam og batter. Sa usa ka bowl, itipon ug sagola ang Set A ingredients hangtod mo-smooth. Ipadaplin hangtod nga kinahanglanon.

B. Inita ang mantika sa usa ka pot. Pusta ang boiled eggs sa batter, hauna gamit ang kutsara, ug ibutang sa pot nga naa ang init nga mantikas. Mantikai hangtod ma-crispy ang gawas. Ipadaplin hangtod nga gikinahanglan.

Alang sa Pancit Canton:

Mga sagol:

Set A:

Usa ka putos sa pancit canton noodles (500 grams)

Tubig, kon gikinahanglan

1 ka kutsarita sa asin

Set B

¾ tasa sa pork kasim, gihiwag strips (gi-marinate sa soy sauce ug 1 ka kutsara sa cornstarch)

2 ka buok atay sa manok, gihiwa (optional)

8 ka buok squid balls, gihiwa

6 ka buok medium shrimps, gipanitan ug gihiwa, gikuha ang sulod

1 ka sibuyas bombay, gitadtad

1/2 sa carrot, gihiwa pormag buwak

1 ka stalk sa celery, gi-cut og diagonal

4 ka dried wood ear mushrooms (tenga ng daga), gihumol sa tubig ug gi-drain

14 ka snow peas

1 ka tasa sa sliced cabbage

Set C:

2 ka kutsara sa mantika

1 ka lusok sa ahos, gihiwa

1 kutsara sa oyster sauce

3 ka tasa sa sabaw sa manok (o poaching liquid)

2 ka kutsara sa cornstarch

2 ka kutsara sa sesame oil, gibahin

Pudyot sa black pepper

Unsaon pagsagol:

A. Inita sa usa ka kaldero ang tubig, idugang ang asin, ug pabukala. Ibutang ang Canton noodles hangtod maluto ug isunod ang mga utanon. Habwaa ug i-arrange sa usa ka plato.

B. Sa samang kaldero, pabukali sa tubig ang Set B ingredients sa batches sugod sa mga utanon, dayon mga karne ug, sa katapusan, seafood. I-arrange sa noodles.

C. Andama ang sauce pinaagi sa pag-init sa mantika sa kaha ug gisala ang ahos, sa di pa idugang ang Set C ingredients. Lutoa hangtod ang sauce molapot, dayon iyabo ang sauce sa noodles.

This posting includes an audio/video/photo media file: Download Now

Lakers, Nuggets pareho nang 2-1 sa West series

Posted: 28 May 2021 04:20 AM PDT

Laing duwa, lain na sab nga linubnganay nga buhi ang resulta.

Sa ikaduhang sunodsunod nga higayon, gipanglampornas sa Milwaukee Bucks ang host Miami Heat, 113-84, sa Game 3 aron pagposte og dominanteng 3-0 nga bintaha sa ilang 1st round playoffs best-of-seven series sa National Basketball Association (NBA) kagahapon, Mayo 28, 2021 (RP time).

Unom ka mga magduduwa sa Bucks ang ningrehistro og dobleng numero nga puntos aron itukmod ang Eastern Conference defending champion Heat sa ngilit sa pagpanamilit.

Gipangulohan ni Khris Middleton ang kadaugan pinaagi sa iyang 22 puntos, nidugang og 19 puntos ug 12 assists si Jrue Holiday samtang niamot og 17 puntos ug 17 sab ka rebounds si 2-time MVP Giannis Antetokounmpo.

Human sa makutas nilang kadaugan sa Game 1 nga miagi pa og overtime, 109-107, ang Bucks nagbangis na og maayo.

Gisugdan nila pagmakmak ang Heat sa Game 2, 132-98, ug wala milubad ang ilang kabangis sa Game 3.

Sa kasaysayan sa NBA, wala pa'y team ang hingpit nga nakabangon gikan sa 0-3 nga biya sa best-of-seven nga kombati.

Sa laing bahin, parehong nakaposte og 2-1 nga bintaha ang defending champions Los Angeles Lakers ug Denver Nuggets human nila gipangbuntog ang ilang tagsatagsa ka kontra sa Game 3 sa Western Conference playoffs series.

Nimugna og 34 puntos si Anthony Davis samtang niamot og 21 puntos si LeBron James aron pangulohan ang kadaugan sa Lakers batok sa Phoenix Suns, 109-95.

Samtang ang Nuggets ningpukan sa Portland Trail Blazers, 120-115, sa pagpanngulo ni Nikola Jokic, kinsa mitali og 36 puntos. / AP

This posting includes an audio/video/photo media file: Download Now

Tanang PUJ route gibuksan

Posted: 27 May 2021 08:47 AM PDT

GIABLIHAN na ni Mayor Edgardo Labella ang nahabiling mga rota sa traditional public utility jeepneys (TPUJ) sa Dakbayan sa Sugbo.

Si Labella niisyu sa Executive Order Number 131 kagahapon, Mayo 28, nga maoy nagtugot nga makabalik og pamasahero ang nahisgutang mga PUJ.

Kinahanglan ang drivers mosunod sa minimum health protocol ug sakmiton ang mga Balik Pasada TPUJ Driver's identification (ID) card niadtong di mosunod sa balaod.

"In a meeting with the Cebu City Jeepney Task Force, and other relevant enforcement agencies , the Land Transportation Franchising and Regulatory Board VII has recommended the reopening of all TPUJ routes in Cebu City," tipik sa EO ni Labella.

"There is a need to further amend the Balik Pasada Program in order to formally reopen all TPUJ routes in Cebu City following the request and recommendation of the CCJTF," dugang sa EO sa mayor.

Ang mga unit nga modagan kinahanglan nga adunay approval sa TPUJ applications, issuance sa permits, issuance sa identification (ID) cards sa ilang pagkumpleto sa mandatory orientation ug seminar sa mga driver.

Kinahanglan nga masunod sa mga operator ang minimum health protocol, matarong og dumala ang operasyon ug evaluation sa tanang unit nga aprubado ilawom sa Balik Pasada Program.

Sa kasamtangan, ang Cebu City adunay 20 gikan sa 60 kapin ka orihinal nga rota nga kanhi gibiyahian sa mga TPUJ sa wala pa ang pandemya niabot dinhi sa Sugbo.

Sa pagkakaron, adunay 532 ka mga TPUJ ang nagdagan sa nahisgutang mga rota.

Si Konsehal James Cuenco, chairman sa Cebu City Jeepney Task Force (CCJTF), maoy nangusog nga maablihan ang nahabiling mga rota sanglit way nagbiyahian sa ilang lugar.

Ang ubang mga bus nga kanhi nagdagan sa siyudad, karon nibalik na sa ilang mga rota sa lalawigan.

Ang konsehal sa south district nalipay sa pahibawo sa mayor sanglit mahatagan na og katunanan ang gipangayo sa katawhan kinsa matag adlaw maglisod og sakay paingon ug gikan sa trabahuan.

"That is an answered prayers gyud and very welcome development. Dugay nana nato nga gilauman nga maablihan na gyud ning mga original routes niadtong wala pa ang pandemic," matod ni Cuenco.

This posting includes an audio/video/photo media file: Download Now

International flights padung sa Mactan airport i-divert

Posted: 27 May 2021 08:43 AM PDT

Sa Ninoy Aquino International Airport (NAIA) na mokanaog ang tanan nga overseas Filipino workers (OFWs) ug returning overseas Filipino (ROFs) ug dili na makadiretso sa Mactan Cebu International Airport (MCIA) sugod Mayo 29 hangtod sa Hunyo 5, 2021.

Kinahanglan usab nga ang tanang mga buhatan sa kagamhanan mosunod sa tanang mga protocol nga gilatid sa Inter-Agency Task Force for the Management of Emerging Infectious Diseases bisan kon dunay mga protocol nga gipatuman sa mga local government unit.

Kini maoy labing bag-ong kamandoan sa Malacañang pinaagi ni Executive Secretary Salvador Medialdea direkta sa tanang lokal nga kagamhanan ug national government agencies.

Kinahanglan nga tumanon sa tanang local government units ug ports of entry ang kamandoan sa IATF kalabot sa swab testing.

"Enforce the current testing and quarantine protocols approved and issued by IATF applicable to inbound international travels in all ports of entry regardless of any specific protocols that may be issued by local government units (LGUs) to the contrary," gisaysay sa kamandoan.

Bisan wa maghisgot ang kamandoan sa Malacanang, klaro kini nga gitumong sa Executive Order 17 ni Gobernador Gwendolyn nga niepekto sugod sa Marso 31, 2021.

Ang EO 17 ni Garcia nagmando nga ang tanang OFW ug ROF nga motugpa sa MCIA ipailawom dayon sa swab test.

Samtang maghuwat sa resulta, magpuyo kini sa usa ka hotel. Sa paglabay sa duha ngadto sa tulo ka adlaw, kon negative sa Sars-CoV-2, mahimo nang makapauli. Kon positibo, i-quarantine kini.

Sa IATF protocol, gikinahanglan nga ang OFW ug ROF mopailawom sa 14 ka adlaw nga quarantine bisan negatibo ang resulta sa swab test.Ang 10 ka adlaw niini anha sa accredited nga hotel sa kagamhanan samtang ang nahabiling upat ka adlaw sa balay.

Si Garcia, sa presscon niadtong Mayo 25, nipahibawo nga dunay plano ang pipila ka mga opisyal sa Malacanang sa pagkiha kaniya. Apan nibarog siya nga di niya bakwion ang iyang EO nga nakab-ot sa konsultasyon tali sa national agencies ug pribadong sektor.

"Moingon sila didto sa Manila maka-infect gihapon na. Aw, di nalang diay ta motuo sa resulta kon negative. Then why are we testing? Di man diay ta motuo. You asked us to trust the RT-PCR. You must also trust the RT-PCR nga kon negative na siya, paulion na nimo . That is good for the next 72 hours, isn't it? Paulion largo sa ilang probinsya, maka-infect diay na?" matod ni Garcia. (ANV)

This posting includes an audio/video/photo media file: Download Now

Samsam: basura usa sa mabasol sa baha sa Talisay

Posted: 27 May 2021 08:40 AM PDT

SUBAY sa pagbaha sa pipila ka mga dapit sa Dakbayan sa Talisay sa Huwebes sa buntag, Mayo 27, 2021 tungod sa pagbunok sa uwan, nangayo og tabang si Talisay City Mayor Samsam Gullas sa publiko nga masolusyonan ang pagbaha sa kadalanan sa syudad.

Matod ni Gullas nga usa sa dakong hagit sa Siyudad mao ang drainage system ingon man ang mga basura nga nakabara usab sa mga agianan sa tubig.

Matod niya nga bisan sa pagsugod sa iyang termino, anaa na kini nga problema hinungdan nga iyang giumol ang Aksyon Agad Team nga daling motubag sa mga panginahanglanon sa mga konstituwente ingon man ang paglimpyo sa mga drainage sa syudad.

"Upon close checking sa mga drainages, nakita gyud ang problema. Garbage. Tons and tons of garbage were found lodged in our drainages. Mostly plastic pa gyud ang gipanglabay. Despite our efforts to help mitigate flooding in Bulacao through infrastructure, flooding will still occur as long as indiscriminate atong paglabay sa basura," matod ni Gullas.

Subay niini, gihangyo usab niya ang Department of Public Works and Highways (DPWH) ingon man ang mga contractor nga susihon ang drainage project sa kadalanan sa Bulacao.

Tungod sa namugna nga kahasol ug pagka stranded sa pipila ka mga residente ug pasahero, nangayo og dispensa si Gullas sa nahitabo.

Apan nanawagan siya sa mga residente nga tabangan ang kagamhanan nga masulbad ang problema pinaagi sa tinarong nga pagsunod sa mga lagda sa paglabay sa basura ug dili magpataka og labay sa mga plastic sa kadalanan.

"But also, I am again appealing to our constituents to help us in solving the flooding problem by not throwing your garbage indiscriminately. Masolbad ra gyud ni nato if magtinabangay ta. Let's make it our shared responsibility," matod ni Gullas.

Sa pagsuwat niining balita, nihubas na ang baha ug nalimpyohan na ang mga drainage gikan sa mga basura nga nibara.

Ang uwan nagsugod sa pagbunok sa lawom nang gabii sa Miyerkules sa ubang mga dapit sa Sugbo.

Nilanat kini hangtod pa nianang buntag hinungdan nga nimugna og baha sa pipila ka mga dapit sa Sugbo. (ANV)

This posting includes an audio/video/photo media file: Download Now

Labella mihangop nga mga simbahan himuong vaccination sites

Posted: 27 May 2021 08:39 AM PDT

GIHANGOP ni Mayor Edgardo Labella ang tanyag sa Catholic Bishops Conference of the Philippines (CBCP) nga ipagamit ang ilang mga simbahan isip vaccination sites.

Matod ni Labella nga dako kining kalambuan alang sa Cebu City sanglit ang dakbayan aduna lay upat ka vaccination areas nga di kini paigo kon adunay massive vaccination nga ipahigayon.

"This is a very welcome development. Ang CBCP ni offer sa mga simbahan nga atong magamit kay ang atong vaccination site upat pa man," padayag ni Labella.

Gihulagway sa mayor nga kon mahimong vaccination site ang mga simbahan, igo na kaayo kini nga makaatiman sa libuan ka mga Sugbuanon sanglit ang Cebu City lakip na ang kabukiran, adunay mga parokya.

Gianunsyo niya nga gitanyag ni Dr. Yong Larrazabal ang ilang pasilidad sa Cebu Doctors Hospital nga mahimong laing vaccination site sa Cebu City.

Matod ni Labella nga kumpleto na sa kahimanan ang gym sa Cebu Doctors nga makaatiman og 300 ngadto sa 500 ka mga individual nga gustong magpabakuna.

Gitahasan sa mayor si Dr. Jeffrey Ibones, pangu sa City Health Department, aron maandam ang memorandum of agreement para magamit na ang pasilidad sa sunod nga pag-abot sa mga bakuna gikan sa national government. (PAC)

This posting includes an audio/video/photo media file: Download Now

P400M sa Siyudad alang sa bakuna di gamiton; hayan ma-realign

Posted: 27 May 2021 08:33 AM PDT

Di una tandugon sa Cebu City Government ang ilang P400 milyones nga gahin alang sa pagpalit og bakuna hangtod nga aduna pay libre nga ihatag gikan sa national government.

Kini ang gipadayag ni Mayor Edgardo Labella human siya gipasaligan ni Secretary Carlito Galvez, vaccine czar, nga ang Cebu City national priority sa bakuna.

Ang mayor niingon nga kon makab-ot na sa Cebu City ang herd immunity gamit ang mga bakuna nga hinatag sa national government, ang pundo nga gitagana sa Dakbayan para sa pagpalit og bakuna posibleng i-realign aron magamit sa laing programa o proyekto.

"Beside niini, dili nato gamiton, i-realign ang vaccine budget sa lain nga gastuhan hangtod nga maabot nato ang herd immunity," padayag ni Labella atol sa press conference sa Mayo 27.

Ang Cebu City gisaaran nga makadawat og kapin o kulang 500,000 ka doses nga bakuna gikan sa national government nga gihinayhinayan na og gamit sama sa AstraZeneca, Sinovac ug Pfizer. Sa Cebu City, gipahibawo ni Dr. Jeffrey Ibones, pangu sa City Health Department, niabot na og 50,000 ka mga tawo ang nabakunahan gikan sa upat ka vaccination sites sukad niadtong Marso.

Wala pa kini labot sa mga individual nga nagpabakuna gikan sa private companies.

Si Ibones nidugang nga nahurot na ang 4,800 doses sa Pfizer sa miaging mga adlaw.

Kon mahurot na sab ang 27,000 doses sa AstraZeneca nga maoy gigamit sa tulo ka sites sukad pa sa miaging semana, temporaryo na usab silang mohunong sa pagpamakuna. (PAC)

This posting includes an audio/video/photo media file: Download Now

P70M nga tinuig nga kita sa Cebu City gikan sa C2W

Posted: 27 May 2021 08:28 AM PDT

SUGOD ning tuiga, 2021, ang siyudad sa Sugbo magdawatan og annual guaranteed Payments (AGP) gikan sa Cebu2World Development, Inc. (C2W), subsidiary sa Megawide Construction Corporation, nga mopalambo sa merkado publiko sa Carbon.

Ang AGP tipik sa gisaad sa C2W ngadto sa Cebu City ubos sa joint-venture agreement. Niini, seguradong ang siyudad sa Sugbo magdawatan og mas taas nga kita gikan sa Carbon Public Market nga moabot og P70 milyunes.

"Through the AGP, the city will receive a guaranteed annual net income of P50 million from C2W, subject to 10% escalation every five years - significantly more than what it has previously received from Carbon Market," matod ni Louie Ferrer, chairman sa C2W.

Dugang P20 milyunes gikan sa business ug propety taxes ang madawat sa siyudad bisan padayon pang gitrabaho ang modernisasyon sa merkado publiko.

"Apart from the AGP, the LGU will also receive an estimated P20 million in business and property taxes yearly. This brings the city's annual guaranteed income to about P70 million from the project," dugang niya.

Niini, gitriple na ang tinuig nga kita sa siyudad gikan sa Carbon market.

Base sa labing uwahi nga data gikan sa siyudad, ug gihiusang data sa merkado sa siyudad gikan sa Commission on Audit (COA), ang Cebu City dunay limpyong kita nga P21 milyunes gikan sa Carbon market sa 2019, labing dako sa iyang kasaysayan.

Sa nangaging unom ka mga tuig, ang Carbon nikita og average gross revenue nga P27 milyunes matag tuig, apan kuhaan pa kini sa operating expenses.

Karong tuiga, ang Siyudad sa Sugbo padayong direktang mangolekta sa market fees, wa pay labot sa unang AGP nga P5 milyunes gikan sa C2W.

Niini, ang Siyudad nagsugod na sa iyang kita gikan sa C2W bisan kon ang Phase 1 sa proyekto sa Carbon ilusad pa.

Ang AGP magtubo matag tuig tukma sa gidak-on sa luna nga nga gipalambo sa C2W kansang tibuok kantidad bayran gikan sa ikalimang tuig ngadto sa umaabot.

"It was during the term of Mayor Labella that Carbon reached its highest contributions to date of P21 million in 2019. With these guaranteed annual payments, Cebu City will be earning more than three times its highest previous earnings from Carbon. This is a big win for the City and the people of Cebu," dugang ni Ferrer.

Matod ni Ferrer nga kini nagpakita nga ang proyekto naghatag og benepisyo sa Siyudad.

Siya niingon nga bisan ang labing yano nga tigkurmata sa Carbon makabenepisyo niini.

Ang kompaniya mobubo og kinatibuk-ang P5.5 bilyunes nga puhonan alang sa 50-ka tuig nga concession sa pagdumala sa modernong merkado. (REV, gikan sa PR)

This posting includes an audio/video/photo media file: Download Now

Drayber, konduktor sikop

Posted: 27 May 2021 08:28 AM PDT

Usa ka bus driver, conduktor, bus washer ang nasikop sa buy-bust samtang nagpaabot og mga pasahero niadtong Martes, Mayo 25, sa alas 5:45 sa hapon sa Barangay Sangi, dakbayan sa Toledo.

Napusasan sila si Mike Pescador Dogomeo, 26, taga Barangay Matab-ang, Toledo; Nelson Cabansag Guillano, 49, dunay kapuyo, bus driver, ug taga Sangi, Toledo City; John Christopher Obiedo Lumangtad,19, bus washer ug taga Barangay Matab-ang, Toledo.

Si Police Lt. Col. Junnel Caadlawon, hepe sa Toledo City Police, nagkanayon nga ang mga suspek nagpadagan sa illegal nga drugas gawas sa ilang pagtrabaho sa Gabe Transport.

Ang druga nga nakuha nitimbang og 7.5 gramos o P119,000.00 sa Dangerous Drugs Board (DDB) value.

Samtang, nasikop sa mga sakop sa City Intelligence Unit CIU sa Lapu-Lapu City Police Office (LCPO) ang usa ka taga Barangay Ermita, dakbayan sa Sugbo atol sa buy-bust sa Sitio Kulo, Barangay Pajac, Lapu-Lapu ,alas 8 sa gabii niadtong Miyerkules, Mayo 26.

Ang dinakpan nailhang si Celeste Formentera Miao alyas Leste, 38, nakuhaan og 11 ka pakete sa shabu nga motimbang og 100 gramos ug mokantidad og P680,000 sa DDB value.

Nakuha usab isip ebidensya sa dinakpan ang boodle money nga mobalor og P15,000 nga maoy gigamit sa kapulisan sa transaksyon. (GPL, GCM)

This posting includes an audio/video/photo media file: Download Now

Editoryal: Tipik ka sa problema

Posted: 27 May 2021 08:28 AM PDT

NIGAWAS ang mga video sa social media kalabot sa mga baha nga nasinati sa pipila ka mga lumolupyo sa Dakbayan sa Talisay sa sayong buntag sa Huwebes, Mayo 27, 2021.

Sa usa ka video nga nagpakita sa karsada sa Bulacao-Tabunok area, naingon og sapa ang dan tungod sa lawom nga bul-og sa tubig. Kay maglisod pag-agi ang mga sakyanan, daghan ang nanga late sa ilang trabaho.

Si Talisay City Mayor Gerald Anthony Gullas Jr. niingon nga sa ilang pagsusi, barado ang mga drainage tungod kay nasampungan sa mga basura, sagad plastik. Gihulagway sa mayor nga kini tonelada, busa daghan kaayo. Kang kinsa ni nga mga basura? Di ni iyaha sa gobiyerno, iyaha ni sa mga tawo.

Di ni bag-o nga problema. Daghan nang dekada ang nanglabay, mao ra gihapon kini nga problema.

Nag-irog ang katuigan, nagsaka ang populasyon, nagkadaghan usab ang mga basura. Busa, nagkadako usab ang problema.

Ang tipik sa solusyon sa problema naa sa gobiyerno. Mao na ang pagpanghakot sa mga basura. Ang tipik sa solusyon naa usab sa katawhan. Bisan kon ang gobiyerno nagbuhat sa iyang kaakuhan sa paghipos sa mga basura, magpadayon gihapon ang problema kon ang katawhan nagpataka lang gihapon sa paglabay.

Daghan sa drainage systems ang gipalambo pinaagi sa pagbutang og dagkong culverts. Apan way paigo nga lungag sa kadaghan sa mga basura nga gipanglabay, kadaghan plastik pa.

Isip mga lumolupyo, yano natong responsibilidad ang tarong nga paghipos sa basura, sama sa paglabay niini sa basurahan, dili sa dalan.

Dali ra ba kaayo kita makabasol sa kagamhanan kon magbaha. Kusog kaayo kitang manulisok, apan diay, tipik kita sa problema kay atoang basura ang nakabara. Huna-hunaa kanunay, ang basura mo, problema mo. Di mangitag laing tawo nga basulon kay kon ikaw tigpatakag labay sa basura, ikaw ang tipik sa problema.

This posting includes an audio/video/photo media file: Download Now

Nalzaro: Pinugsanay

Posted: 27 May 2021 06:14 AM PDT

Gumikan kay daghan gihapon ang nagdumili sa pagpabakuna, daghan ang mga sugyot nga mohimo og lig-ong baruganan ang kagamhanan aron mapugos ang tanan sa pagpabakuna aron makab-ot ang 'herd immunity'. Ang target sa gobiyerno aron makab-ot kanang "herd immunity" nga mabakunahan ang 70 porsiyento sa kinatibuk-an nga population. So, mga 70 million sa 110 million nga population.

Usa sa mga sugyot aron mapugos ang mga tawo sa pagpabakuna, iapil kini sa requirements sa adunay dawaton nga benepisyo o ayuda gikan sa kagamhanan sama sa beneficiaries sa Pantawid Pamilya Pilipino Program (4Ps). Kadaghanan sa mga na-enroll sa 4Ps kadtong mga kabus o poorest of the poor. Wagtangon sila sa listahan kon dili magpabakuna.

Himuong requirement ang bakuna kon adunay laing Bayanihan 3 nga mohatag og laing hugna sa ayuda sa katawhan. Kon himuon kini sa kagamhanan, morag pinugos naman ni. Para nako dili kini maayo kay pinugsanay na. Nganong dili man nato gihapon hatagan og kagawasan ang katawhan nga magpabakuna ba sila o dili. Daghang mga rason nganong magdumili o magduha-duha ang usa ka tawo sa pagpabakuna.

KAAYUHAN SA TANAN?

Kining ideya nga kitang mga kunsumidor maoy labing maayong mohukom sa atong kaugalingong kaayuhan, inay ang ubang mga tawo, maoy gitawag sa Economics og consumer sovereignty. Pananglit sa ipanghatag nga ayuda sa gobiyerno sa katawhan, mas pilion sa tawo ang cash inay in kind. Kitang tanan adunay kagawasan sa paghukom kon unsay makaayo o makadaot kanato, dili ang ubang tawo.

Maoy hinungdan nga nahimong dakong lalis kining pagbakuna batok sa Covid 19. Kinahanglang ayagon ug timbangon sa gobiyerno unsa ang labing bug-at nga kapilian. Kay samtang aduna tuod kitay katungod kon unsay angay mahitabo sa atong lawas, ang gobiyerno usab naningkamot sa pagpanalipod dili lang sa usa ka tawo kon dili sa tanang sakop sa katilingban. Unsa tuod ang mas hatagan og dakong gibug-aton? Ang tagsa-tagsa nato ka tawhanong katungod o ang kaluwasan ug kaayuhan sa kinabag-an? (bobbygnalzaro@gmail.com)

This posting includes an audio/video/photo media file: Download Now

Barrita: Pagsul-ob og face shields undangon na?

Posted: 27 May 2021 06:13 AM PDT

USA ka medical anthropologist, si Dr. Gideon Lasco, niingon nga angay repasuhon sa gobyerno ang lagda sa pagpasul-ob og face shields sa mga tawo kon mobiya sa ilang mga panimalay kay way pagtuon nga nagpakita nga epektibo kini sa pagpakunhod sa pagtakboy sa Covid-19.

Matod pa ni Lasco, ang mga nasod nga nakakontrolar sa Covid-19 wa magmando sa ilang katawhan sa paggamit og face shields. "It's time to end the Philippines' baseless, inconvenient, and environmentally harmful face shield mandate, especially in outdoor spaces where there's zero evidence of its benefit," matod pa niya.

Mao bitaw. Didto sa Estados Unidos, wa man mandoi ang mga tawo sa pagsul-ob og face shields. Di na man gani pasul-ubon og mask kadtong kompleto na sa bakuna batok sa Covid-19.

* * *

Ang gibasihan diay sa gobyerno niining pagsul-ob og face shield mao ang usa ka pagtuon nga napublikar sa medical journal nga The Lancet niadtong Agusto 2020 nga giulohan "SARS-CoV-2 Infection Among Community Health Workers in India Before and After Use of Face Shields."

Sumala sa maong pagtuon, 12 sa 62 ka community workers napositibo sa virus human sila moduaw sa linibo ka kabalayan. Ang laing 50 ka mga 50 community workers nga nagsul-ob og face shields wa matakdi.

Apan ang India karon maoy ikatulo sa gidaghanon sa nangamatay sa Covid-19. Kon epektibo pa ang face shields, wa unta managhan ang mga kaso sa maong sakit sa maong masod. Gipasul-ob unta ang tanan og face shield.

* * *

Laing doktor, si Benjamin Co, usa ka espesyalista sa pediatric infectious diseases, niingon nga ang maong pagtuon usa lang ka "research letter" nga lahi sa usa ka "well-controlled study."

Si Lasco ug si Co niingon nga ang face shields, labi na kadtong gigamit sa mga hospital nga sirado tanan sa tibuok nawong, morag astronaut, maayo lang sa mga hospital, sa mga sud sa building nga way maayong ventilation.

Ang atong mga face shields nga gigamit lusot-lusot ang hangin, unya ipatong lang sa ulo. Di komportable sa magsul-ob. Ambot lang kon gi-sterilize ba human og gamit. Matod pa sa duha ka doktor, di sab ka matakdan og Covid-19 pinaagi sa mata, gawas kon sigihan nimo'g lugod.

This posting includes an audio/video/photo media file: Download Now

Rabacal: Tumanon ang health protocol

Posted: 27 May 2021 06:13 AM PDT

Kinahanglang tumanon ang minimum health standards kun protocols nga gilatid sa Inter-Agency Task Force for the Management of Emerging Infectious Diseases (IATF). Dili man lisud tumanon

kining pagsul-ob sa facemask, face shield, manghunaw kanunay ug dili magpaduol kaayo sa isig-ka tawo. Sumala kang Emergency Operations Center (EOC) deputy implementer Cebu City Councilor Joel Garganera nga kadaghanan sa nagpositibo sa Covid-19 karong bag-o mao ang mga tawo nga dili magsul-ob og facemask sa gawas sa ilang balay. Importante usab nga magtinir og distansya gikan sa laing tawo. Mao nay katarungan nga uyon ko nga silotan ang mga tawo nga dili mutoman sa health protocol. Wa koy makitang katarungan niini kon dili ang pagkagahi lang gyud og ulo.

* * *

Mahinayon na gyud kuno ang away sa ring nila ni Senador Manny Pacquiao ug Errol Spence, kinsa modepensa sa iyang World Boxing Council (WBC) ug International Boxing Federation (IBF) welterweight titles. Suma ni Jun Migallen sa Superbalita Cebu nga inilog si Spence didto sa sugal sa Las Vegas. Ang muposta kang Pacquiao og $100 modaog og $350 samtang kon adto kang Spence ang $450 makabulsa lamang og $100.

Dili kini maayong balita sa mga dumadapig ni Pacman apan wala man siyay kapildihan, modaog man o kaha o mapildi, sigurado man ang iyang premyuong salapi. Mominos hinuon ang iyang ranking. Ambut og aduna bay epekto sa iyang kandidatura ang resulta sa maong boxing match apan ang siguro nga aduna na siyay ikapuno sa iyang magasto sa election. (mannyrabacal1144@gmail.com)

This posting includes an audio/video/photo media file: Download Now

Talk to Papa Joe: Gi-ghost sa uyab

Posted: 27 May 2021 06:03 AM PDT

Dear Papa Joe,

Maayong adlaw nimo. Tawga lang ko og Robbie. Usa ka ulitawo.

Sa akong 37 anyos nga pangedaron, matawag og successful na ko financially tungod kay duna man koy negusyo. Gusto na gyud unta kaayo kong magminyo kay syempre, I'm not getting any younger ug ganahan na ko makakita sa akong liwat. Ang problema lang kay ang akong girlfriend dili pa gusto magpakasal kay duna pa kuno siyay responsibilities sa iyang family. Nagtabang pa siya sa iyang mga parents unya nagpa eskwela pa gyud siya sa iyang mga manghud karon.

LDR ang among relationship kay tua man siya sa Manila ron. Duna pod siyay nindot nga trabaho sa usa ka hotel. Manager siya sa usa ka 4-star hotel sa Manila. Ang akong patambagan kay mga 2 weeks na ko niyang gi ghost, Papa Joe. Meaning wala na siya ni chat or call nako. Usahay maka chat siya pero igo lang moingon nga busy daw siya. Pero grabe na man pod. Sa una, busy man pod siya pero makahatag man gyud siyag time nako to chat everyday. Problematic na kaayo ko. What if nakakita na siyag lain didto? Unsa may akong buhaton?

ROBBIE

Dear Robbie,

Daghan og factors sa pagbinag-o sa imong GF. Una, basin pressured siya tungod sa imong sigeg apura nga magpakasal niya unya dili pa siya ready. Ikaduha, basin og tinuod nga busy lang ug pressured pod siya didto, labina sa nahitabo karon nga pandemic. Ikatulo ug labing pinaka posible sa tanan, mao nga basin duna na gyud siyay nakit-an didto sa Manila nga usa ka tawo nga sa paminaw niya mas labaw pa nimo sa tanang aspeto, physically and financially.

Maayo nimong buhaton nga mangayo kag time niya para magprangkahanay mog estorya para dili na ka magdahom pa. For the mean time, kon gusto niyag space, then give her time and space. Salig gihapon niya, pero ayaw na paglaum kay sakit raba kaayo ning paasahon lang.

Thank you so much.

PAPA JOE

(Kon duna moy problema ipadala sa papajoesuerb@gmail.com)

This posting includes an audio/video/photo media file: Download Now

Serna: Aida Patana ready na

Posted: 27 May 2021 06:02 AM PDT

Human sa kapin sa tuig nga kutob ra sa virtual media conference lang ang akong apilan, nakatambong na gyud kog face-to-face mediacon niadtong Sabado.

Nagpa mediacon si Aida Patana tungod kay moapil siya sa duha ka international pageants, Mrs. Tourism Ambassador sa Hulyo 7-12 ug Mrs. Universe 2021 sa Nob. 27-Dis. 5.

Kahinumdoman nga napili si Aida nga 1st runner-up sa Mrs. World 2019 didto sa Paris, France niadtong Okt. 2019.

Gipili si Aida ni Sava Takev, ang chief operating officer sa Mrs. Tourism Ambassador. Mao sab ang nahitabo sa Mrs. Universe 2021 diin ang national director sa Mrs. Universe Philippines nga si Rodel Salvador ang nipili ni Aida.

Ning duha ka bangga, mga creations sa master couturier nga si Cary Santiago ang iyang isul-ob.

* * *

Siyam na ka tuig nga nagdala og kalingawan sa Cebu ang M Talents ni Aida pinaagi sa mga artista nga iyang gidala gikan sa Manila. Kini naglangkob nila ni Vice Ganda, Zsa Zsa Padilla, Pops Fernandez, Jaya, Bamboo ug uban pa.

Nadala usab ni Aida sa Cebu aron magkonserto ang mga international artists nga sila si David Pomeranz ug Patti Austin.

Sa pagsugod pa lang sa kompaniya, sila na si Coco Martin ug Daniel Matsunaga ang mga pinasidunggang dinapit.

* * *

Sa laing bahin, nagkasikat na usab sa Cebu ug sa YouTube ang The Aida Patana Show nga naghatag og kalingawan ug sorpresa.

Karong bag-o nanghatag kinig libreng insurance gikan sa M Lhuillier.

Nagpasiugda usab kinig community pantry sa lainlaing mga barangay sa Cebu uban sa suporta nila ni Daniel Matsunaga ug Claudine Barreto.

This posting includes an audio/video/photo media file: Download Now

Super Suroy: Libreng relax sa Himensulan beach

Posted: 27 May 2021 06:01 AM PDT

KARONG panahon sa pandemic, sa imong matag lakaw, bation mo ang kahingawa, kabalaka ug kahadlok. Ingon sa matag karon ug unya, dunay kalit mobugno nimo nga maligno. Ang makahahadlok kay di makita ang kaaway.

Kapin na sa usa ka tuig nga ang katawhan nagdala-dala ning mao nga kahadlok, inubanan pa sa mga lockdown ug uban pang mga pagpig-ot nga nagguba sa normal o naandan nato nga lihok.

Karon nga gilugakan na og maayo ang Sugbo, panahon nang moginhawa og lawom, mo-relax gikan sa kakapoy nga pisikal ug huna-huna. Way laing dapit nga maanindot duawon: beach.

Presko ang hangin ug kalami paminawon sa tingog sa mga bawod nga mohawok sa baybayon o molamba sa mga bato sa baybayon. Dunay mga pagtuon sa mga sayantipiko nga nagpakita nga ang "vitamin sea" dunay maayong epekto sa atong panghuna-huna, pinaagi sa atong makita ug madungog.

HIMENSULAN BEACH

Sa Lungsod sa San Francisco, mga isla sa Camotes, dunay barangay nga gigasahan sa Diyos og puti nga baybayon nga bisan naa ka taliwa sa kadagatan nga nag-uwang sa mainland Cebu ug Camotes, imo nang makita ang puti kaayong bas.

Ang nakaanindot, kini nga beach pampubliko, busa libre. Kon gamay ka ra kaayog budget, pamplete ug pagkaon lang ang imong gikinahanglan.

Pagdala og tolda ug gamay nga galamiton sa pagluto kay mahimo ka rang makaandam sa kinaugalingon sa imong pagkaon daplin sa baybayon, ilawom sa mga kahoy ug kalubihan. Naa ra sab sa duol ang balay diin mahimo kang maligo ug motubag sa sugo sa lawas sa bayad nga P2-P10 matag gamit sa matag tawo.

Ang nakalahi sa Himensulan beach sa mas sikat nga Santiago Bay kay duol ra ang tubig sa baybayon kon maghunas. Wa usay daghang komersyal nga mga establisemento busa sa kagabhion, labina sa weekdays, mingaw.

Haum sa imong gipangita nga dapit nga pang-relax. Kon ganahan kang magsud-ong sa kabituonan sa langit, maanindot ang Himensulan beach. Kon ganahan ka og astrophotography, haum kining dapita.

COTTAGE

Dunay pipila ka mga lumolupyo nga nagpaabang og mga payagpayag isip cottage sa tag P300 ug naa say floating cottage nga tag P600. Apan kadaghanan sa mangaligo magdala lang og banig ug gamay nga lamesa, ipahimutang sa ilawom sa mga kahoy, enjoy na kaayo sila.

Kon di ka gusto nga masamok ang imong bakasyon o mga moment, way signal sa cell phone ang dapit. Di ba, mibakasyon ka aron mo-relax, way laing huna-hunaon?

UNSAON PAG-ADTO

Pag book online sa Jomalia Shipping aron way hasol sa paglinya. Tag P220 ra ang ticket gikan sa Danao City padulong sa pantalan sa Consuelo sa San Francisco. Mas maayong roundtrip ang imong booking aron di ka na mahasol sa pag-uli kay dunay higayon nga maputol ang imong internet connection sa isla. Kon two-wheeled nga sakyanan, P602 ang bayran, apil na ang driver.

Sa pag-abot sa Consuelo, dunay mga multicab nga mahimong abangan kon kamo grupo, apan kon ikaw ra o duha mo, naay daghang habalhabal nga modala nimo sa Himensulan.

Kon magdala ka og sakyanan, sama sa motorsiklo, gikan sa Consuelo, naa kini sa mga upat ngadto sa lima ka kilometro ang biyahion. Pangutana lang og direksyon sa mga tawo. Naa sa tuo ang eskina padulong sa beach, diin dunay karatulang dako nga Himensulan Beach.

Huna-hunaa, wa kinahanglanang buk-on mo ang imong bangko sa pagbakasyon. Wa kinahanglana ang five-star hotel accommodation, labina kon ikaw gustong mag-inusara o makigsawo sa imong mahal sa kinabuhi sa panahon nga kamo rang duha nga magsawo sa inyong moment bisan gamay rang budget.

Taliwa sa kamingaw, inyo pang madungog ang pinitik sa inyong tagsa ka kasingkasing samtang maminaw sa lagubo sa mga bawod nga nagbalikbalik sa paghawok sa baybayon sa Himensulan.

This posting includes an audio/video/photo media file: Download Now

Paul mikantiyaw ni Mayweather

Posted: 27 May 2021 06:00 AM PDT

Gikantiyawan ni YouTube star Logan Paul si boxing legend Floyd Mayweather Jr. kabahin sa ilang umaabot nga exhibition bout nga gikatakda sa Hunyo 6, 2021 sa Hard Rock Stadium sa Miami.

Gisaway ni Paul si Mayweather sa pag-post niini og hulagway sa social media diin makita nga nagkadugo ang sparmate sa Amerikanong boksidor.

"Floyd Mayweather is so excited that he made someone bleed in sparring. He posted the same picture twice from the same day," batbat ni Paul sa interbyu sa www.boxingscene.com.

"Hey champ, you're not the only person who makes people bleed in sparring. Who are you sparring bro? You're sparring trash."

Misaad si Paul nga masinati ni Mayweather ang labing ngil-ad niyang kasinatian inig abot sa gikatakdang petsa. (ESL)

This posting includes an audio/video/photo media file: Download Now

Marcial misulod sa semis sa ASBC nga wa’y singot

Posted: 27 May 2021 05:54 AM PDT

Nakapugnit og lingkuranan sa semi-finals round ang Olympic qualifier nga si Eumir Marcial nga way singot nga niagas human mi-back out ang Mongolian niyang kontra nga si Otgonbaatar Byamba Erdene tungod sa piang niini sa abaga sa ASBC Asian Men's and Women's Boxing Championships sa Dubai niadtong Miyerkules sa gabii, Mayo 26, 2021.

Si Byamba-Erdene, kinsa sama kang Marcial usa usab ka professional boxer, miatras sa away human naangol ang abaga niini atol sa iyang preliminary bout batok sa Iraqi nga si Ridha Talib Jabbar sa middleweight class.

Niini, ang 2019 World Championship silver medalist ug Southeast Asian Games gold medalist, moabante sa semis nga makigsanka ni Uzbek Jafarov Saidjamshid, kinsa midaog, 5-0, batok ni Omurbek Bekzhigit Uulu sa Kyrgyzstan.

Naghatag na usab kini og kaseguroan ni Marcial alang sa bronze medal uban sa laing tulo ka Pinoy fighters nga sila si flyweight Mark Lester Durens, bantam Junmilardo Ogayre ug kanhi world ug light fly women's champion Josie Gabuco.

Si Gabuco, isip top seed, makigsinukliay sa kumo batok sa taga Uzbekistan na si Gulasal Sultonavieva.

"We have four in the semis. Josie and Eumir haven't fought yet, both seeded No. 1 in their respective weight categories," matod ni Association of Boxing Alliances in the Philippines (ABAP) secretary-general Ed Picson.

Si Duren mosakbang ni Daniyal Sabit sa Kazakhstan samtang si Ogare makigbatok ni Asian Gold Games gold medalist Mirazizbek Mirzahalilov sa Uzbekista. (JBM)

This posting includes an audio/video/photo media file: Download Now

at

No comments:

Post a Comment

Subscribe to: Post Comments (Atom)

End of Summer Sale ☀️😎

20% OFF Inside!🤯 ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏...