https://www.sunstar.com.ph/ |
| Posted: 23 May 2021 05:36 AM PDT NAGBANGOTAN karon ang Archdiocese of Cotabato sa kamatayon sa duha ka pari niadtong adlaw nga Sabado, Mayo 22, 2021, sa Siyudad sa Cotabato tungod matud pa sa coronavirus disease 2019 (Covid-19). Ang unang pari nga namatay nagpangedaron og 78 anyos sulod sa Cotabato Regional and Medical Center. Sumala pa, pamunoan sa Archdiocese of Cotabato nga duha ka semana siyang naospital gumikan sa komplikasyon sa iyang sakit hangtud nga nataptan sa Covid-19. Ang nahisgutang pari nadestino na sa nagkadaiyang parokya sa dayosis sa Cotabato ug nahimong rector sa seminaryo. Samtang, ang ikaduhang pari nagpangedaron og 62 anyos nga giingong namatay gihapon sulod sa balay tambalanan tungod sa Covid-19. Nanawagan karon og pag-ampo ang kaparian sa Archdiocese of Cotabato sa duha nila ka mga kaubanan sa ministriya ug miapela ngadto sa publiko nga seryusohon ang pag-amping batok sa Covid-19.  This posting includes an audio/video/photo media file: Download Now |
| 2 gisalagan sa mga adik gipuhag; 8 sikop kasohan Posted: 23 May 2021 05:12 AM PDT SIKOP ang walo ka parokyano sa gipuhag nga duha ka mga drug dens sa Tagum City niadtong Biyernes, Mayo 21, 2021, diin mokabat usa ka milyon nga kantidad sa ilegal nga druga ang nasakmit sa Philippine Drug Enforcement Agency (PDEA) Davao Region ug sa ubang yunit sa kapulisan sa siyudad. Sa report sa PDEA-Davao Region, anaa sa P987,000 nga kantidad sa gituohang shabu, kuwarta ug drug paraphernalia ang nasakmit gikan sa posisyon sa mga dinakpan. Una niini, upat ka mga gituohang pusher ang subject sa gilusad nga search warrant, apan usa lang ang nasikop kanila, samtang nakasibat pod ang duha ka tag-iya sa drug den. Ang pito ka mga parokyano sa drug den apil sa gipangsikop dihang naatlan sila sa awtoridad. Gawas sa mga ilegal nga druga, nakumpiska sab ang walo ka mga .38 revolvers. Giandam na ang kasong kalapasan sa Republic Act 9165 kun Comprehensive Dangerous Drugs Act of 2002 ug ang Republic Act 10591 kun ang Comprehensive Firearms and Ammunition Regulation Act of 2013. (Jeepy P. Compio)  This posting includes an audio/video/photo media file: Download Now |
| Kanhi midagan sa pagka-mayor gitipi Posted: 23 May 2021 05:12 AM PDT PERSONAL nga atraso ang gilantaw nga motibo sa pagpusil-patay sa tag-iya og tulunghaan ug kanhi mayoralty candidate sa Matalam, North Cotabato alas 9:05 sa buntag, Sabado, Mayo 22, 2021. Giila ang biktima nga si Marvin Marcinni Repato Prado, 45, minyo, tag-iya sa Mindanao Institute of Science and Technology-Matalam Campus ug nagpuyo sa Purok Bromelliad, Barangay Poblacion sa nahisgutang lungsod. Gibutyag ni North Cotabato Provincial Police Office Director Colonel Henry Villar nga sakay si Prado sa iyang gimaneho nga Mitsubishi Gallant didto sa Purok Duranta MH, Del Pilar Street, Barangay Poblacion sa diha nga gitaparan sa riding in tandem suspects ug gipusil gamit ang kalibre .45 nga pistola. Abtik sab dayong miikyas ang mga suspek sakay sa walay plaka nilang motorsiklo paingon sa direksiyon sa Kidapawan City. Gitabang gilayon si Prado sa nagresponde nga mga pulis ug gihatud ngdato sa Midway Hospital sa Matalam, apan gideklara siya nga dead on arrival tungod sa tulo ka mga samad pinusilan sa iyang lawas. Ang biktima kasamtangang incumbent barangay kagawad sa Barangay Poblacion. (Edgar E. Fuerzas)  This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment