https://www.sunstar.com.ph/ |
- 1 patay, 5 angol sa aksidente sa sakyanan sa Bogo
- East finals: Hawks mipakaging sa Bucks sa Game One, 116-113
- Asst. coach sa Nets gikuha as Celtics
| 1 patay, 5 angol sa aksidente sa sakyanan sa Bogo Posted: 23 Jun 2021 09:00 PM PDT Usa ang patay, lima ang nangaangol sa aksidente sa dalan sa Miyerkoles sa alas 12:20 sa udto sa national highway sa sityo Manoong, Barangay Don Pedro, Dakbayan sa Bogo, amihanang Sugbo. Mga ginikanan ug ilang 4-anyos nga anak nga babaye apil sa nangaangol human sila nasaghiran sa trak nga ni-overtake kanila sa wa pa malimbuwad ang four-wheeled nga sakyanan. Ang namatay giila nga si Nestor Serafin Arcipe, 29, dunay kapuyo, taga Barangay Punta, lungsod sa San Remegio, amihanang Sugbo. Samtang ang nangaangol giilang mao sila si Rexel Sinangote, 41, minyo, taga Purok Indian Tree, Brgy. Maño, San Remegio, iyang asawa nga si Ivy, 39, ug ilang anak babaye nga si Gabriela. Lakip usab sa nangaangol ang drayber sa Canter truck (YDA 156) nga si Judy Amistoso, 31, minyo, taga Purok Matinabangon, ug si Justine Eral, 23, truck helper, taga Purok Indelicio, Brgy. Guadalupe, Dakbayan sa Bogo. Matod ni Police Lt. Colonel Timothy Aniway, Jr., hepe sa Bogo Police Station nga sila si Sinangote ug Amistoso pulos padulong sa lungsod sa San Remegio. Sa pag-abot sa nahisgutang dapit, si Amistoso ni-overtake sa pamilyang Sinangote nga nagsakay sa Honda Beat nga motorsiklo, apan iyang nasaghiran hinungdan sa pagkatumba. Tungod usab sa impact, nawad-an og kontrol sa trak si Amistoso, naalsa ang atubangan sa iyang sakyanan tungod sa bug-at nga mga kargang bas ug sinakong semento sa likod. Si Arcipe nga giingong naghigda sa luyo sa sakyanan nalabay ug napantok ang ulo sa karsada. (GPL)  This posting includes an audio/video/photo media file: Download Now |
| East finals: Hawks mipakaging sa Bucks sa Game One, 116-113 Posted: 23 Jun 2021 08:42 PM PDT Lab-as pa gikan sa ilang pagpalagpot sa inilog nga Philadelphia Sixers, si Trae Young ug ang Atlanta Hawks padayon sa ilang suprisang kalampusan sa Eastern Conference playoffs. Di pa lang dugay, ilang gipakaging ang inilog nga Milwaukee Bucks, 116-113, sa Game One sa Eastern finals ubos sa pagpangulo ni Young kinsa miposte og 48 puntos nga maoy iyang bag-ong career-high. Sa maong kadaugan, ang Hawks ning nagpadayon nga playoffs,mipausbaw sa ilang record sa pagpanulong ngadto sa 6-2 ug maoy nagmansa og unang kapildihan sa Bucks diha sa ilang korte ning nagpadayon nga postseason. Ang Game Two duwaon gihapon sa korte sa Bucks karong Biyernes (Sabado sa Pilipinas). Gawas sa iyang 48 puntos, si Young mirehistro usab og 11 ka assists ug pito ka rebounds. Dili lang kay si Young ang nakapakita og igong labok sa Hawks kon dili apil usab si John Collins kinsa mipakatap og 23 puntos ug 15 ka rebounds. Sa pikas bahin, sa naandan si Giannis Antetokounmpo mipaksit usab og 34 puntos, 12 ka rebounds ug siyam ka assistss alang sa Bucks ug 33 puntos usab ang natampo ni Jrue Holiday kinsa milamas usab og 10 ka assists ug lima ka rebounds, apan wala kini makapaigo aron mapatugpa ang Hawks. Diha pa untay kahigayonan nga maka overtime ang Bucks sa himatyong mga segundos apan nasipyat si Khris Middleton sa iyang tres nga maoy nag-ugbok sa ilang tinguha. Si Middleton nga may 15 puntos, way nahimo sa three-point area sa iyang siyam ka itsa. Nagsikit ang duwa gikan sa sinugdanan hangtod sa katapusan, ug ang sunodsunod nga free throws ni Young maoy naghatag og kasiguroan sa Hawks. (JBM)  This posting includes an audio/video/photo media file: Download Now |
| Asst. coach sa Nets gikuha as Celtics Posted: 23 Jun 2021 08:38 PM PDT Ang Boton Celtics mikuha ni Brooklyn Nets assistant coach Ime Udoka isip ilang headcoach. Ang tinubdan wala lang una magpaila sanglit wala pa pormal nga gipahibawo ang kasabutan. Si Udoka, 43 anyos, nakaduwa og 316 ka higayon sulod sa pito ka seasons sa NBA ubos sa lima ka mga teams. Sa iyang pagretiro niadtong 2012, nalakip siya sa coaching staff isip assistant coach ni Gregg Popovich sa San Antonio sulod sa pito ka season lakip na sa 2013-14 sa dihang sila ang nakampiyon. Nibalhin siya sa Philadelphia Sixers sa 2019 ug dayon sa Nets sugod sa niaging tuig. Si Udoka mao nay modala sa Celtics, ang team nga niabot og tulo ka higayon sa niaging upat ka season Sa karon nga season naus-os sila sa ikapito nga seedings ug napildi sa Brooklyn sa first round. Human sa kapildihan, ang General Manager nga si Danny Ainge miretiro samtang ang kanhi headcoach nga si Brad Stevens maoy nipuli sa puwesto ni Ainge. Ang pag-trade ni Kemba Walker ngadto sa Oklahoma City Thunder bugti sa bigman nga si Al Horford maoy unang gihimo ni Stevens isip GM sa team. (JBM)  This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment