Saturday, July 24, 2021

https://www.sunstar.com.ph/

https://www.sunstar.com.ph/

13 pulis, 14 piniriso sa Samboan positibo sa Covid-19

Posted: 23 Jul 2021 07:48 PM PDT

MOABOT sa 13 ka mga police personnel sa Samboan Police Station ang natakbuyan sa Covid-19 lakip na ang 14 ka mga piniriso niini.

Matod ni Police Colonel Engelbert Soriano, ang hepe sa Cebu Police Provincial Office, nga sa 14 ka piniriso nga na Covid, usa kanila ang nadala sa tambalanan nga gi monitor na sa mga pulis.

Tungod niini, nagpadala karon og walo ka personnel gikan sa Provincial Mobile Force Company aron mo dugang sa kakuwangon sa mga pulis sa maong lungsod human gipatuman sa lokal nga kagamhanan ang "hard lockdown" sa unom ka mga barangay nga taas ang kaso sa Covid-19.

Gisaad ni Soriano nga dili maapektuhan ang batakang serbisyo sa police station ngadto sa mga molopyo sa lungsod sa Samboan tungod kay aduna pay mga personnel ang wala maigo sa virus lakip na ang hepe niini. (AYB)

This posting includes an audio/video/photo media file: Download Now

Wa mobayad sa P300, gipatay

Posted: 23 Jul 2021 07:55 AM PDT

Water attendant gipusil patay kay giingong wala mobayad sa P300 nga utang niadtong Huwebes sa alas 10:30 sa buntag, Hulyo 22, 2021 sa Brgy. Nangka, Lungsod sa Consolacion.

Ang biktima giila nga si Ramil Bruno Bantolio, 36, ulitawo, taga Brgy. San Vicente, Lungsod sa Liloan.

Ang suspek nga si Danilo Agusto Alburan, 42, minyo, taga Brgy. Looc, Dakbayan sa Mandaue, nadakpan sa follow-up operation sa kapulisan alas 8:50 sa gabii sa Huwebes sa Brgy. San Vicente.

Si Police Staff Sgt. Arnold Rosiana sa Consolacion Police Station nga nahinabi sa Superbalita Cebu nagkanayon nga sila si Bantolio ug Alburan managkaila.

Si Bantolio na-busy sa trabaho sa refilling station sa tubig.

Kalit nga niabot si Alburan nga naglakaw lang ug wa makabantay si Bantolio kay nagtalikod dihang gipusil siya sa buko-buko. Patay nang niabot si Bantolio sa ospital tungod sa usa ka samad sa buko-buko.

Matod pa ni Rosiana nga ilang nasubay nga si Alburan nga mag-adtoan sa balay sa iyang iyaan sa Brgy. San Vicente busa ilang giadto ug gidakop.

Wa mosukol si Alburan sa kapulisan. Wa silay nakuhang pusil kang Alburan, apan siya ang gitumbok sa mga saksi nga maoy namusil.

Niadtong Martes, sila si Bantolio ug iyaan ni Alburan nagkalalis kalabot sa utang nga P300.

Giingong niagi si Bantolio sa tindahan sa iyaan ni Alburan.

Gipaningil si Bantolio sa iyang utang nga P300, apan wala mobayad, hinuon gitulisok niya ang iyaan.

Akto sab nga naglingkod si Alburan sa gawas sa tindahan sa iyang iyaan ug naapil sa lalis.

"Wa daw mobayad ning biktima. P300 ra man iyang utang unya gitulisok man niyag apil ang suspek kay milaban sa iyaan. Nasuko maoy nipalit sa away," dugang ni Rosiana.

Mao kini ang motibo ni Alburan sa pagpatay kang Bantolio, dugang ni Rosiana.

Si Alburan naa gitanggong sa Consolacion Police Station ug pasakaan og kasong murder.

This posting includes an audio/video/photo media file: Download Now

Rama: isulti unsay kahimtang sa mayor

Posted: 23 Jul 2021 07:53 AM PDT

Si Cebu City Acting Mayor Michael Rama miawhag sa pamilya ni Mayor Edgardo Labella sa pagsulti unsay kahimtang sa mayor.

Kini human nikatap ang mga balita nga namatay si Labella sa Huwebes sa gabii, Hulyo 22, 2021.

Si Rama niingon nga usa ka pamahayag o pagklaro sa pamilya dako og ikatabang "so everybody will not hide any innuendos, any assumptions."

"We know pretty well that the mayor is in the hospital. We know pretty well that the mayor is trying to get back in shape. We know pretty well that there is something more to that and I wish the family should speak out," nagkanayon si Rama.

"I think it's about time that the family should be coming out," matod ni Rama.

Si Jaypee Labella, sa usa ka mensahe nga gipadala sa media, niingon nga ang iyang amahan nag-recover pa sa pneumonia ug "is actually doing better."

Matod ni Jaypee nga ang pamilya mogawas og pamahayag "when the time is right."

Si Rama gusto usab nga makigsulti kang Labella, apan siya gisultihan nga ang mayor di manawat og bisita.

"I want to see my mayor."

Si Rama makigsulti unta kang Labella sa Huwebes, Hulyo 22, 2021, apan wa kini mahitabo.

Ang katapusang higayon nga dunay interaction sila ni Labella niadto pang Hunyo 2021 pinaagi sa pagtubag sa iyang text message dihang ang mayor nipailawom sa tulo ka semana nga medical leave.

Si Cebu City Administrator Floro Casas Jr. nanghimakak usab sa nikatap nga taho nga namatay ang mayor.

"In fact last night, around 9-10 o'clock, I was in the hospital and mayor is okay. I was even surprised where did that rumor came from," matod ni Casas.

Matod ni Casas nga ang mayor nagpadayon sa iyang pagpatambal sa pneumonia.

Si Casas niawhag sa nagpakatap ning hungihong sa paghunong niini kay ang mayor angay nga tahuron.

Matod ni Casas nga si Rama magpadayon sa pagdumala sa City Hall samtang si Labella naa pa sa ospital.

Si Casas niingon nga makigsulti pa siya sa doktor sa mayor kon si Labella nagkinahanglan pa bang mopahuway kon i-discharge o mabalik na ba sa iyang trabaho.

Siya niingon nga wa pay balita kon kanus-a ma-discharge ang mayor.

Usa ka kasaligang tinubdan niingon nga mataudtauran pa nga makagawas si Labella sa ospital.

Si Labella nag-medical leave niadtong Hulyo 14-16. Apan iya kining gilugwayan gikan sa Hulyo 19-25 aron siya maatiman pa og maayo sa mga doktor.

Hulyo 19, iyang gitudlo si Rama isip acting mayor hangtod sa iyang pagbalik.

Si Labella nabalaka nga naigo siya sa pneumonia tungod sa iyang way undang nga ubo.

Unang nalandig si Labella sa tambalanan niadtong sa Enero niining tuiga gumikan sa ear infection.

Sa Hunyo, ni file usab siya og medical leave sulod sa tulo ka mga semana aron maulian gikan sa sepsis.

Sa gihimo nga check-up sa mayor, nasuta nga adunay sepsis si Labella hinungdan pagkaluya sa iyang kalawasan. (JJL, dugang taho ni REV)

This posting includes an audio/video/photo media file: Download Now

6 ka tindahan og motor parts gironda sa CIDG 7

Posted: 23 Jul 2021 07:52 AM PDT

Unom ka tindahan sa Metro Cebu nga dili awtorisado nga mamaligya sa pipila ka brands sa motorcycle parts ug helmets ang gironda sa mga sakop sa Criminal Investigation and Detection Group (CIDG) 7.

Dul-an sa tunga sa milyon ka pesos nga balor sa helmets ug motor parts ang nasakmit sa CIDG 7.

Unom ka mga tawo ang nasikop sa mga sakop sa mga ahente sa CIDG human naatlan sa gilusad nga entrapment operation nga namaligya og mga kagamitan sa motorsiklo nga dili awtorisado sa distributor niini sa nasod.

Ang mga nadakpan giila nga silang Rogelio de Luna, Jho-an Villanueva, Harry Formentera Adasa, Orlando Capisnon Asolon, Noel Tamang ug Pete Nino Codilla.

Nakuha gikan kanila ang mga double ug single suspension shocks sa motorsiklo nga adunay nakatatak nga YSS ug mga KYT nga helmets nga mobalor ang tanan og P463,200.00.

Matod ni Police Colonel Ireneo Dalogdog, hepe sa CIDG-7, sa miaging semana, usa ka Eduardo Macam Chua, tag-iya sa Moto Industriya nga nagbase sa Manila nga exclusive distributor sa maong matang sa brands sa motorcycle parts, nidangop sa ilang buhatan labot sa paghitak sa pagpamaligya niini sa Metro Cebu.

Gilusad dayon nila ang entrapment operation sa LLB Motorcycle Parts and Trading, OMG Motor Parts, Heng Thai Motor Parts, Hard Stuff Helmet Trading, Heng Motor Parts ug Skut Garage sa nagkalainlaign dapit sa Meto Cebu.

Dugang ni Dalogdog nga tungod kay counterfeit ang mga helmet ug peligro usab kini sa mga motorista nga mogamit niini.

Ang mga nasakmit nga helmets wala kini moagi sa pagsusi sa Department of Trade and Industry (DTI) sa pagsusi niini alang sa kaluwasan sa motorista

Awhag sa CIDG 7 sa publiko nga kung adunay mamaligya niininng maong matang sa brands nga wala moagi sa exclusive distributor, mahimong i-report kini sa kapulisan aron madakpan ang mga tawo nga nag negosyo niini. (AYB)

This posting includes an audio/video/photo media file: Download Now

Kanhi NPA sikop

Posted: 23 Jul 2021 07:52 AM PDT

Nasikop sa Criminal Investigation and Detection Group (CIDG) 7 kagahapon, Hulyo 23, ang kanhi sakop sa New People's Army (NPA) nga naglihok kaniadto sa Agusan del Norte human malutsi og warrant of arrest.

Ang nadakpan mao si Jan-jan Biory alyas Fortunato, 39, kasamtangan nga nagpuyo sa Barangay Timpolok, siyudad sa Lapu-Lapu nga nalakip sa most wanted person top 7 communist terrorist group priority target sa PNP didto sa Agusan del Norte nunot sa giatubang niining kasong kidnapping.

Human siya gikiha sa dakbayan sa Butuan, nisibat na kini ug sa Lapu-Lapu nagtagotago sa dugay nga panahon. Walay gitugot nga pyansa ang korte ug gitakdang dalhon si Biory sa Agusan sa mosunod nga mga adlaw. (AYB)

This posting includes an audio/video/photo media file: Download Now

2 ka balay natumbahan sa karaang punoan sa mangga

Posted: 23 Jul 2021 07:51 AM PDT

Duha ka balay ang natumbahan sa 100 anyos kapin na nga punoan sa mangga human sa kusog nga hangin nga dala sa habagat sa Gothong Road, Barangay Subangdaku, dakbayan sa Mandaue, alas 6:00 sa gabii niadtong Huwebes, Hulyo 22.

Matod ni Ernie Manatad, ang kapitan sa Barangay Subangdaku, nga tungod sa kakusog sa hangin niadtong Huwebes ang hinungdan sa pagkatumba sa maong punoan sa mangga.

Sigon sab niya nga niadtong orasa aduna sab silay giputol nga sanga sa kahoy kuyog ang mga kawani sa Mandaue City Disaster Risk Reduction Management Office (CDRRMO).

Nakadawat sila og tawag gikan sa mga residente nga adunay natumba nga kahoy diin adunay mga balay nga natumbahan.

Daling miresponde ang DRRMO ug ang rescue team sa Barangay Subangdaku ug gipadad-an kini og chainsaw tungod lisod maputol ang kahoy tungod sa kadako niini, sigon ni Manatad.

Nakahinabi sab sa Superbalita Cebu si Janneth Velasquez Bacalso, residente sa lugar diin ang kahoy anaa sa ilang luna.

Sigon niya nga sa wala pa natumba ang kahoy, nikatkat ang ilang silingan nga si 'Toto' aron magkuha og bunga sa mangga.

Nag-atang si Bacalso ni Toto kay mangayo sab siya og mangga ug sa dihang pagnaog ni Toto sa atop niinanay og katumba ang punoan sa mangga diin ang atop sa agianan nilang Bacalso ug garahian ug parte sa balay sa ilang silingan natumbahan sa dkong punoan niini.

Matod ni Bacalso nga bata pa siya anaa na ang maong punoan, gani sigon sa mga silingan, nga mas tigulang pa ang maong punuan kaysa sa iyang apohan nga 90 anyos mitaliwan na.

Udto niadtong Biyernes Hulyo 23, matod ni Bacalso nga wala pa nakuha ang punoan tungod sa kadako niini, kinahanglan kini anam-anamon og kuha ang sanga o pul-ongan.

Sa maong insidente, matod ni Manatad nga wala ray nakaangkon og kadaut sa mga residente.

Matod ni Manatad, gi-require ang kada barangay sa Mandaue nga maghimo og reporting sa mga peligrosong mga kahoy o punoan sa ilang lugar aron maputlan dayon ang mga sanga niini aron malikayan ang disgrasya.

Dugang niya nga labi na karong kusg kanunag ang hangin nga habagat. (KFD)

This posting includes an audio/video/photo media file: Download Now

Miikyas sa mga kaaway naaksidente, patay

Posted: 23 Jul 2021 07:51 AM PDT

Ulitawo namatay sa aksidente sa motorsiklo sa Sitio Cogon 2, Barangay Esperanza, lungsod sa San Francisco sa Isla sa Camotes, alas 12:45 sa kaadlawon niadtong Huwebes, Hulyo 22.

Si Ronald Muaña, 27, ulitawo taga Brgy. Campo, San Francisco patay na dihang nadangat sa tambalanan sa dakbayan sa Danao.

Si Police Corporal Aldred Bonjoc sa San Francisco Police Station nga nahinabi sa Superbalita Cebu nagkanayon nga ang biktima uban sa iyang higala nagtagay samtang nisuroy sa daplin sa baybayon sa nahisgutang dapit.

Ddunay laing unom ka mga batan-on nga nag-inom sab sa samang lugar.

Dihang nangahubog na, nagkainitay ang duha ka gripo. Nagkalalis ug niresulta sa komusyon.

Ang biktima uban sa iyang higala nipauli apan giatangan sila sa dalan.

Ang unom ka batan-on nagsakay sab sa tulo ka motorsiklo ug gigukod ang biktima.

Samtang naggukod, nagsinggitay ug gilabay sa botilya ang biktima.

Sa kahadlok sa biktima, kusog nga nakapadagan sa motorsiklo hinungdan nga naaksidente ug nabunal ang ulo,

Ang unom ka mga batan-on dali sab nga nibiya ug sa follow-up operation sa alas 11:00 sa buntag Huwebes, Hulyo 22, nasikop ang mga suspek. Duha ang gitanggong sa nirespondi nga awtoridad.

Ang duha giila sa kapulisan nga si Carlo Impas, 21, taga Brgy. Sunog, San Francisco Camotes ug iyang silingan nga si Art Alexander Australia, 22, ulitawo.

Matud ni Bonjoc, ang duha ka suspek niangkon nga sila ang milabayg botilya apan wala ini maigo.

Giklaro sa duha nga wala silay tumong nga patyon ang biktima ug ilang ra nga gihadlok dihang gigukod.

Kasong homicide ang atubangon sa duha. (GPL)

This posting includes an audio/video/photo media file: Download Now

Editoryal: Di mabalaka apan dili mokompiyansa

Posted: 23 Jul 2021 06:45 AM PDT

DUNAY pagsaka sa kaso sa Covid-19 sa Dakbayan sa Sugbo gikan sa two-digit ngadto sa three-digit matag adlaw sukad niadtong Lunes, Hulyo 19, human sa bag-ong natala nga 120 ka kaso sa naasoy nga adlaw. Naghimo sa talaan sa positibo sa Covid-19 sa dakbayan ngadto sa 1,484.

Nagsugod og pagdagsa sa kaso Hulyo 13, Martes, diin ang Department of Health (DOH) nakalista og 98 ka kaso hinungdan nga nahimong three-digit.

Pagkasunod adlaw, niabot og 115 ka bag-ong kaso. Niadtong Hulyo 15, Huwebes, dunay 99 ka bag-ong kaso apan pagka Hulyo 16, Biyernes, niubos ngadto sa 85 ka kaso.

Apan kalit kining nisulbong ngadto sa 196 ka mga bag-ong Hulyo 17, Sabado, ug niubos na usab sa Hulyo 18, Dominggo, ngadto sa 118 ka kaso.

Naobserbahan nga dunay pagsaka ug pipila ka adlaw dunay pag-ubos sa ihap. Busa dili kabalak-an nga kahimtang apan dili usab maayong kompiyansahan.

Nganong dili kabalak-an? Niadtong Hulyo 19 nga talaan, 76 ang naayo na ug walay natala nga namatay. Dili kaha tungod daghan nang nabakunahan?

Ang epekto sa virus milurang ug layo na sa risgo sa pagkamatay sa matakboyan.

Samtang, wala pa usab kini makatupong sa labing taas nga ihap sa kaso sa Covid-19 sa samang panahon sa 2020.

Si Konsehal Joel Garganera, deputy chief implementer sa Emergency Operation Center (EOC), nihulagway sa kapin 100 ka mga kaso sa Covid-19 sa dakbayan matag adlaw dili masumpo kon dili moako og responsibilidad ang matag kanato.

Subling siya nga nanawagan nga mokooperar sa inisyatiba ug paningkamot sa kagamhanan sa pagsumpo sa virus. Dili ibaliwala ang minimum health protocol.

Dili mabalaka apan dili mokompiyansa. Padayon sa pagpanginabuhi ubos sa bag-ong normal.

This posting includes an audio/video/photo media file: Download Now

Binghay: ‘Sana all’

Posted: 23 Jul 2021 06:44 AM PDT

NANGINSULTO si Vivian (tinuod ngalan gitago) kay nauwawan man dihang gibalibaran sa iyang kauban nga si Ben ang iyang gipamaligya nga libro.

Tubag ni Ben, 'ako unang konsultahon si misis kay di ko ka desisyon og palit kung way pagtugot sa akong pares.'

Gikataw-an ug giyagayagaan siya og samot ni Vivian kay lagi kuno under the saya kay bisag gamay ug baratong butang ang paliton, kinahanglan pang konsultahon si misis.

Giinsulto hinuon siya og tubag ni Ben, 'di sa ingon nga di ko ka afford og palit ana apan agi'g respito sa akong asawa, mangunsulta gyod una ko kay ang akong kinitaan amo mang duha ug para sa among pamilya.

Nakadayeg ko ni Ben og naka ingon 'Sana All' kay tinu-od man ang magtiayon angay kanunay nga magkonsultahay agi og pagrespito sa usag-usa.

Ang respito dako og matabang pagpahimsog sa relasyon di lang sa managti-ayon kundi sa mga anak sab ngadto sa ginikanan, mga kauban sa buhat o managhigala.

Unsaon man pagpakita ang respito?

Pagpaminaw sa usag-usa nga way pag-panghusga ma hitsurta, pagkatawo o batasan.

Abri, tim-os ug matinud-anon nga komukasyon pagpadayag sa gibati bisag unsa nga paagi ang gamiton, masulti o suwat.

Paghatag og balor o importansiya kung unsay gibati o bation sa uban lakip iyang mga panginahanglan.

Ayaw pagdiritso og panaway o komentaryo nga way huna-huna kung masakitan o mahi-ubos ba ang nakadungog nga tagtungod.

Angay hinuon tak-umon ang baba unya panaminan ang kaugalingon una mobuhi og mahait nga mga pulong o buhat, sahi pa ikaw maoy buhatan sa ingon, di ba?

Kasagaran sa mobuhat ini mahadlok nga maoy libakon maong mag-una-una hinuon og panlibak.

Paninguhaa kada adlaw nga duna kay masulti nga nindot o maayo ngadto sa uban unya kung bati ipadaplin lang una ug tak-umon ang baba.

Di ka sakto o sayop sa tanang panahon, busa pagkat-on nga makigkompromiso.

Suportahi ang interes, kalingawan o damgo sa imong pares o mga higala imbes maselos kay kita tanan dunay kaugalingong dalan nga tadlason.

This posting includes an audio/video/photo media file: Download Now

Nadela: Makapadasig nga suporta

Posted: 23 Jul 2021 06:44 AM PDT

NAGBAHA ang mga positibong komento labot sa labing uwahi nako nga gi-upload sa akong Youtube channel. Kini mao ang makadaghan na nako dinhi hisguti nga tukar bisan asa, iyawat na lang may maluoy pagtunol sa ilang sensiyo. Gitawag ni og busking o street perfomamce nga uso kaayo sa mga nasod sa Uropa ug Ameika. Dinhi sa ato wala kaayo ni mauso.

Kasagaran sa mga tukar tua sa mga imnanan, concert ug ubang espisyal nga okasyon. Mao nga sa dihang may nagpahibalo nako nga may usa ka grupo nga nagplano niini, nangita dayon ko og paagi unsaon nga maka-connect sa mga hingtungdan.

Taudtaod sab nakong hapahapa kong asa sila mag-busking hangtod nga naporma ang usa ka espisyal nga presentasyon sa akong Youtube channel.

Gusto nakong pasalamatan ang amahan ug anak nga sila si Marvin ug Kevin Mark Dullo. Sila maoy utok ning maong busking nga gisalmotan sab ni Herbert Anga usa ka gitarista.

Sa akong presentasyon gipailaila si Pat Vosotros nga taastaas na sab og kaagi kung musika ang hisgutan.

Si Pat nakaila ni Marvin samtang siya nanuroy og isda. Biko, puto ug isda mao ni pulipulihon ni Marvin og suroy kong walay busking.

Human magsayranay sa ilang tagsa tagsa ka abilidad sa pag-awit, way duha duha nga gitanyag ni Pat ang iyang sound system nga magamit sa grupo sa ilang busking. Ninindot og kalit ang audio sa ilang tukar itandi niadtong baratuhon nga sound system nga una nilang gigamit pagsugod sa busking.

Karong bag-o napuno si Sophia Plaza, ang 21 anyos nga violinist. Si Sophia 8 anyos pa lang nga nagkat-on sa music, magtukuran sa Cebu Metropolitan Cathedral isip sakop sa choir.

Ning panahon sa pandemiya, nakadungog nako og mga musikero nga naningkamot nga may masapian sila bisan sa ginagmay nga paagi. May nanawat na og booking alang sa nagkadaiyang okasyon.

Apan lahi ang grupo ni Marvin nga nag-busking.

This posting includes an audio/video/photo media file: Download Now

Albor: Kagaw sa pulitika mihinay pagkutkot

Posted: 23 Jul 2021 06:43 AM PDT

KAGAW sa pulitika daw anay nga hinayhinayng mikukot. Ang Bando Osmeña Pundok Kauswagan (BOPK) mitandog sa pamunoan ni Mayor Edgar Labella sa dakbayan sa Sugbo. Gisakyan kadtong haguka nga pagdumala sa pandemiya.

Apan naluwas sa nasudnong task force nila Chief Implementer Sec. Carlito Galvez, DENR Sec. Roy Cimatu, DILG Sec. Eduardo Año, Shield Commander Guillermo Eleazar, Visayas Deputy Implementer Melquiades Feliciano ug Baguio Mayor Benjamin Magalong.

Gimud-an sa kamahal sa bugas, sardinas, test kits, face mask, gahin sa isolation ug quarantine centers. Nangita sa donasyon nga liboan ka manok nga gibaligya. Dunay gibitay nga tarpaulin,'Tuman aron ang tanan OK.'

Si Barangay Kapitan Kirk Repollo sa Inayawan mipasakag kaso batok kang Labella kalapasan sa Solid Waste Management.

Kanhi Mayor Tomas Osmeña mihulagway sa administrasyon ni Labella nga gisanapan sa kahakog ug kasilag. Walay kaluoy sa vendors sa pagmoderno sa Carbon Market. Nakamansa sa pangalagad ni Labella ang desisyon sa mga tawo sa iyang palibot, kadtong tukorong sementeryo ug isyu sa tuob.

Dihay nagkasumpaki nga executive order kabahin sa pagtimon sa pandemiya. Nakalawgaw sa hinabang ang gitukod nga Mayor's Information Liason Office. Pakyas ang saad nga hingpiton ang Cebu City Medical Center sa unang 100 ka adlaw. Si Cimatu mao nay nagpahinomdom paglimpyo sa kasapaan. Saad nga mananom og 3M ka mga kahoy apan namutol og 389 ka mahogany.

Gumikan sa hulga sa pandemya naapektohan ang gilaraw nga mga proyekto. Unod sa state of the city address (Soca) ang PCR machines, personal protective equipments, test kits, negative pressure ambulance isolation centers, quarantine centers, cluster clinics, tracing teams ug dialysis machines.

Gasto sa miaging tuig mokabat og P2.5B. Ang Commission on Audit mihatag og star rating nga limpyo ang paggasto sa salapi. (csa_1156@yahoo.com / 09064648954)

This posting includes an audio/video/photo media file: Download Now

Tambagi ko, Noy Kulas: Trabaho sa balay

Posted: 23 Jul 2021 06:43 AM PDT

MAAYONG adlaw kanimo, Noy Kulas. Tawga lang ko sa ngalan nga Bregoy, taga northern Cebu.

Dili kaayo ni dakong problema ang akong patambagan. Duha ka tuig na ang nakalabay, nigasto ko og pa renovate sa balay sa akong ginikanan aron moarang-arang ang kahimtang ug pagpuyo nila nga dili na matuloan sa ulan. Medyo dako-dako kog nagasto niadto. Ang panday nga nitrabaho akoa ra sad nga mga silingan. Akong nakita nga daghan og backjob ug nagsubli-subli ang labor plus nangausik ang uban nga materyales.

Karon naka-decide mi sa akong wife nga magtukod og balay nga amoa. Pero dihay usa sa mga panday nga nihangyo nga sila kunoy motrabaho. Pero nangita nami sa akong wife og laing grupo sa mga panday nga mas makabalo ug maoy among patrabahuon. Karon, mangutana ko nga dili ba lain nga paminawon nga lain na akong patrabahuon? Angay ba kong maikog nila? Pero kami man sa akong wife ang mogasto. Aduna man sad siguro mi katungod sa pagpili sa mas makamao?

Bregoy

***

Bregoy,

Ayaw kaikog kay imoha man nang kwarta ang gastuhon. Wa diay sila maikog nga nausik ang imong kwarta tungod sa ilang gihimo nga mga sayop? Mao ni ang nakaapan natong mga Pinoy, maikog ta sa uban bisan ang ubang tawo way kaikog. Basta ilang makita nga maayo kang tawo, ila kang pahimudsan. Pangita mo og laing grupo sa mga panday, kanang specialized ang skills. Ayaw paggamit sa imong mga silingan kay namatud-an na man nga sila palpak. Lisod kaayo nang trial and error ang pagtrabaho unya kwarta baya nang involved. Ayaw na sila panumbalinga ug kaikog kay wa gani sila ana.

Noy Kulas

(rojval69@yahoo.com)

This posting includes an audio/video/photo media file: Download Now

RK Bagatsing, Jane Oineza sweet kaayo sa birthday

Posted: 23 Jul 2021 06:31 AM PDT

DILI lang sweet message ang halad ni RK Bagatsing sa iyahang girlfriend nga si Jane Oineza apan mi-post sab ni og sweet photo nila atol sa birthday sa aktres.

Si Jane nag-celebrate sa iyahang 25th birthday niadtong July 22.

"Everything I need is in this photo dump. Happy birthday," si RK sa iyahang Instagram post.

Gi-tag pa niini si Jane sa maong birthday message.

Mayo ning tuiga dihang gi-kompirmar sa duha ang ilahang relasyon pinaagi sa usa ka TikTok video nga nag-kiss kini. (Superbalita Cebu)

This posting includes an audio/video/photo media file: Download Now

Francesca Taruc, Miss Alagang Silka 2021

Posted: 23 Jul 2021 06:30 AM PDT

MANILA -- Usa si Francesca Taruc sa bet nako sa Binibining Pilipinas 2021.

Pre-pageant activities pa lang, hataw na si Fran (tawag kaniya sa iyang mga amiga) pero sa finals wa modapig kaniya ang mga bituon pero buwenas pa rin siya tungod kay siya ang winner sa Miss Alagang Silka 2021 diin ang iyang ganti, tumataginting nga P50,000 cash ug P50,000 worth of products.

Gi-represent ni Francesca ang Pampanga ug candidate no. 24 siya.

Dili na bag-o si Francesca sa beauty pageant. Niadtong 2019 may international title na siya, Miss Tourism World ug Best Body Award nga gipahigayon sa China.

Nganong si Franscesca ang midaog sa kauna-unahang Miss Alagang Silka winner sa Binibining Pilipinas?

Nakitaan man gud nila si Francesca og uniqueness among the candidates gumikan sa iyang advocacy, ang mental health awareness ug woman empowerment nga swak sa ilang mission sa walang dudang alaga ug ang pagiging strong independent woman, naggikan sa pag-amuma sa kaugalingon (self-care) ug sa uban.

Atong lauman nga gikan karon hangtod sa mga sunod pang Bb. Pilipinas, andam og tagana ang Silka nga mohatag og special award as Miss Alagang Silka.

Well, di man nagkaroon ng title si Francesca, sa tan-aw ko, malipayon siya sa iyang special award nga nadawat.

Sa laing bahin, pipila ka adlaw after ng Bb. Pilipinas 2021 finals, panay ang post ni Fran sa mga hulagway kauban ang iyang boyfriend.

Ug dili basta-basta ang iyang boyfriend guys no? Ambungan ug mukhang super yummy.

Anak lang naman siya ni Chavit Singson.

Base sa mga hulagway, mukhang labs na labs din si Fran sa iyang boyfriend nga si Christian Luis Tiongson Singson nga matod pa sa mga friends niini, dako kaayo ang ibinait nang makilala og maging uyab si Francesca.

Taas kaayo ang buhok ni Francesca, gilupig pa si Rapunzel tungod kay gipa-tattoo-an ni Christian og letrang "Francesca Taruc" ang iyang dughan.

It must be love talaga. Dyutay na lang ang mga lalaki nga magpa-tattoo og pangan sa ilang uyab sa ilang lawas, gawas kung mahal jud nimo kini ug gadahom ka nga imo siyang pakaslan. Di ba, Ma'am Millet Simon?

This posting includes an audio/video/photo media file: Download Now

P-Pop group SB19 mi-release sa EP ‘Pagsibol’

Posted: 23 Jul 2021 06:30 AM PDT

GI-RELEASE na sa Pinoy Pop group ang extended play (EP) album niini nga Tagsibol niadtong Huwebes, July 22.

Anaa'y unom ka kanta ang maong album nga aduna'y titulo nga "Mana," "SLMT," "MAPA," "Bazinga," "Ikako," ug "What?"

"Ang mga bago naming kanta, iba't iba ang hugot pero iisa ang tatak: Pinoy," matod sa maong grupo sa video nga gi-post sa Spotify.

"Dapat halimaw kami sa bawat performance but we always keep our feet on the ground, yan ang 'Mana,'" pagpasabot sa grupo sa meaning sa ilahang kanta.

"Walang SB19 kung walang ATIN kaya para sa bawat isa sa kanila 'SLMT'."

Mao kini ang latest release sa grupo after sa ilahang debut album nga Get in the Zone. (Superbalita Cebu)

This posting includes an audio/video/photo media file: Download Now

Bea Alonzo, Dominic Roque miladlad na

Posted: 23 Jul 2021 06:29 AM PDT

WA NA gyud gitago sa rumored couple nga sila si Bea Alonzo ug Dominic Roque ang ilahang relasyon.

Sa latest photos sa duha, makita nga sweet ni ug ga holding hands pa.

Ang amigo mismo ni Dominic mi-post og hulagway nga nagkuyog ang couple nga nag-holding hands pa.

"Happy birthday brother @dominicroque ! Enjoy kayo team #TiNik tayo," sa birthday greeting ni Raniel Resuello kang Dominic nga nagsaulog sa iyang birthday niadtong July 20.

Laing photo usab nga gatupad ang duha sa California pinaagi sa greeting ni Aris Tuazon sa aktor.

Dugay nang exclusively dating ang duha apan gikompirmar lang kini sa aktres niadtong Abril 2021.

Mas open na usab ang duha sa ilahang trips, dili pareho kaniadto nga maklaro na nga gakuyog kini apan wala sila'y gi-post nga photo together.

Sa Instagram stories ni Dominic, makita nga nagkuyog ang duha sa bakasyon niini sa US. (Superbalita Cebu)

This posting includes an audio/video/photo media file: Download Now

Sue ‘super crush’ si Zanjoe

Posted: 23 Jul 2021 06:29 AM PDT

GITUG-A ni Sue Ramirez nga "super crush" niya ang kauban niini sa highly anticipated series sa ABS-CBN "The Broken Marriage Vow" nga si Zanjoe Marudo.

Mao kini ang gibutyag sa aktres dihang nahibaw-an niya nga lakip siya sa cast sa maong serye.

"Nung sinabi nila 'yan sa 'kin, umiyak ako. Hindi ako makapaniwala, 'yung breathing ko talagang 'di ko na alam kung paano. Tanong niyo lahat ng tao sa set na kasama ko. Hindi ako makausap nang tama. Umiiyak ako," matod ni Sue sa Star Magic Inside News.

Sa maong Phillippine adaptation TV series makauban ni Sue si Zanjoe. Si Sue mao ang modala sa role ni Dr. Lexy Lucero, ang other woman sa karakter ni Zanjoe nga si Dave Illustre.

"Hindi ako makapaniwala. Sobra. Sabi ko sa 'yo, 'pagkinol out ko sa universe... Anong sabi ko? Magkakatrabaho kami niyan in the future. Magkakatrabaho kami. Ito na!" reaksyon sa aktres sa ilang first project together ni Zanjoe. (Superbalita Cebu)

This posting includes an audio/video/photo media file: Download Now

Dani Barretto midepensa, Kier Legaspi nagpadungog-dungog

Posted: 23 Jul 2021 06:28 AM PDT

MIDEPENSA si Dani Barretto, anak ni Marjorie Barretto, sa nadawat niini nga pagsaway subay sa giingon nga pagpadungog-dungog niini sa iyang amahan nga si Kier Legaspi.

Nagsugod ang tanan dihang gi-interview si Dani ni Dra. Vicki Belo sa vlog niini.

Matod sa 27-anyos nga content creator nga pito ka buwan na daw sila nga wala nagkita sa iyang amahan.

"I didn't even have his number. I had to ask for his number sa lola ko, his mom. I called him and we spoke. We kept trying to plan to see each other but because of Covid hindi kami matuluy-tuloy."

Sa interview usab niini sa GMA News Online kagahapon, giklaro niini nga napangutana ra siya ni Belo sa kahimtang sa relasyon niya sa iyang papa.

"I was asked about him, but the interview wasn't about him. There was no hidden agenda to make him feel like he was being attacked. I have no guilt towards my father."

Si Kier usab mi-post sa iyahang IG sa mensahe nga susama og nagpadungog-dungog.

"Magpa-interview kaya ako para yung side ko naman ang marinig. I'm trying to take all the punches and lies but let's see how you would feel if I tell my side of the story." (Superbalita Cebu)

This posting includes an audio/video/photo media file: Download Now

Super Busog: Sweet and sour fish

Posted: 23 Jul 2021 06:20 AM PDT

MGA SAGOL:

Set A:

• 1 ka tibuok isda (mga 800 grams ngadto sa 1.2 kgs)

• Asin

• Mantika pangpreto

Set B (Sauce):

• ½ tasa sa suka

• Juice gikan sa gamay nga lata sa pineapple chunks

• ½ tasa sa tubig

• ½ tasa sa puti nga asukar

• ¼ tasa sa banana catsup

• 2 ka kutsara sa cornstarch

• Asin ug pepper pangtempla

Set C:

• 2 ka kutsara sa mantika

• 1 ka buok nga sibuyas bombay, gihiwa

• 1 ka buok gamay nga carrot, gihiwag florets

• 1 ka lata sa pineapple chunks

• 1 ka buok medium-sized nga luy-a, gihiwag strips

• 1 ka buok red bell pepper, gihiwag strips

• 1 ka buok green bell pepper, gihiwag strips

• 2 ka kutsara sa black beans (optional)

Unsaon pagluto:

A. Templahi ang isda og asin ug pepper. Mantikai ug ipadaplin.

B. Sa usa ka mixing bowl, sagula ang tanang Set B ingredients. Sagula og maayo ug ipadaplin.

C. Inita ang mantika sa kaha, gisala ang Set C sa makadiyot. Idugang ang giandam nga sauce (Set B ingredients) ug pabukala aron molapot ang sauce. Iyabo ang sauce sa isda. Ibalhin og plato aron i-serve.

Sunda ko sa akong social media accounts.

Facebook: facebook.com/lutongsimpol

YouTube: youtube.com/c/SimpolSimpol

Instagram: @lutongsimpol

This posting includes an audio/video/photo media file: Download Now

Dul-an 15,000 milapas sa curfew, health protocol

Posted: 23 Jul 2021 06:15 AM PDT

DUL-AN sa 15,000 ka curfew ug health protocol violators nadakpan sa hiniusang operasyon sa Cebu City Government ug Cebu City Police Office (CCPO) sa unang pito ka buwan sa 2021.

Si Raquel Bohol-Arce, pangulo sa Prevention Restoration Order Beautification Enhancement (Probe) kinsa maoy gitahasan ni Mayor Edgardo Labella sa pagdisiplina ug pagpasabot sa katawhan labot sa curfew, niingon nga 14,884 ka violators ang ilang nadakpan sa Hulyo 22, 2021.

Base sa record sa Probe, sa Enero 2021 adunay 1,737 ka tawo ang nadakpan samtang 732 sa Pebrero.

Nisugod pagdagsa ang curfew violators sa Marso nga niabot na og 2,271; 2,816 sa Mayo; 2,623 sa Hunyo; ug 1,915 sa unang 22 ka adlaw sa Hulyo.

Inom lagi

Ilang naobserbahan nga nisugod og saka ang curfew violators dihang niabli na ang mga imnanan ug restaurant bars niadtong unang semana sa Mayo human gilibkas ni Labella ang liquor ban.

Si Arce nagkanayon nga base sa Executive Order sa Cebu City, ang makalapas sa curfew nga magsugod alas 11 sa gabii hangtod alas 5 sa kadlawon makabayad og P500 nga multa o community service.

Sa maong gidaghanon, gitug-an ni Arce nga 60 porsiyento sa mga nakalapas sa curfew gipailawom sa community service.

Si Police Lt. Col. Wilbert Parilla, deputy chief for operations sa Cebu City Police Office (CCPO), nagkanayon nga matag karon ug unya, molusad sila og Oplan Bulabog aron mabadlong o masikop ang mga tawo nga anaa pa sa gawas lapas sa alas 11 sa kagabhion.

Apan sukad niadtong Hulyo 19, 2021, kada adlaw na ang Oplan Bulabog sa CCPO.

Ila kining gibuhat tungod sa paspas nga pagsaka sa mga kaso sa coronavirus disease 2019 (Covid-19) sa nakalabay nga mga adlaw.

Sa kasamtangan, base sa records sa Emergency Operations Center (EOC) nga maoy adunay lista sa mga ngalan sa nagpositibo nga naka-quarantine, niabot na sa 1,480 active cases sa Siyudad human nakatala og 216 ka aktibong kaso niadtong Hulyo 22.

This posting includes an audio/video/photo media file: Download Now

200 metros palibot sa sibyaanan gisusi sa kapulisan

Posted: 23 Jul 2021 06:13 AM PDT

DUHA ka mga bala niigo kang Reynante "Rey" Cortes gamit ang wa pa matino nga kalibre sa armas base sa inisyal nga resulta sa autopsy sa Philippine National Police (PNP) Crime laboratory.

Gisusi usab sa kapulisan ang 200 metros libot sa sibyaanan aron pagsusi kon diin posible nanukad ang gunman nga gituohang usa ka sniper.

Ang close-in body guard ni Cortes nga si Felix Booc nisulti sa mga imbestigador sa Mambaling Police Station nga usa lang ka buto sa armas ang iyang nadunggan dihang gipusil ang blocktimer gawas sa sibyaanan diin siya nagprograma.

Apan sa inisyal nga resulta sa autopsy, napalgan nga duha ang mga samad sa lawas ni Cortes, nagpasabot nga makaduha siya gipusil.

Matod ni Police Lieutenant Colonel Wilbert Parilla, deputy city director for operations sa Cebu City Police Office, nga wa pa nila madawat ang official report sa PNP Crime Lab diin mahibaw-an kon unsa nga matang sa armas ang gigamit sa pagpatay.

"We don't have yet the official report from the Soco as to the firearm used. But we have an initial... duha ka samad nga pinusilan, but we don't have yet the exact kind of firearms used sa pagpusil kang Rey Cortes," matod ni Parilla.

Tungod kay way nakabantay nga adunay nipusil sa magsisibya, gipasusi sa mga imbestigador sa Mambaling Police Station ang dapit ug ang 200-meter radius kon aduna bay building sa duol nga mahimong didto nanukad ang gunman.

Nigawas ang pagduda nga sniper ang nipusil kang Cortes kay buto lang sa armas ang nadungog sa mga tawo nga naa sa lugar atol sa hitabo.

Wa silay nakitang tawo nga matumbok nga maoy nihimo sa krimen.

CCTV

Samtang nagsugod na usab ang Criminal Investigation and Detection Group (CIDG-7) sa pagsubay sa mga kuha sa CCTV camera footage sa dapit diin gipusil patay si Cortes nunot sa mando sa ilang labaw nga si Police Major General Albert Ignatius Ferro.

Matod ni Police Colonel Ireneo Dalogdog, regional chief sa CIDG 7, nga ang ilang gihimo mao ang pagkolekta sa mga CCTV footage.

Ilang gikuha ang usa ka semana hangtod usa ka oras sa pagsaka ni Cortes sa sibyaanan nga footage.

Dinhi masayran kon aduna bay kadudahan nga sakyanan nga kanunay mag-estambay sa dapit.

Dinhi sila magsugod sa ilang imbestigasyon.

"Nag umpisa na kami kasi mismo si director ng CIDG, Police Major General Albert Ignatius Ferro, ay nagbibigay ng instruction mag conduct tayo ng parallel investigation about doon sa nangyari," matod ni Dalogdog.

Blangko pa ang kapulisan kon kinsa ang naghimo sa krimen, apan matod ni Parilla nga ilang ipaubos sa interview ang duha ka body guard sa iyang bana kay maoy sugyot sa asawa.

Dili pa matawag nga persons of interest ang iyang duha ka bodyguards sanglit standard operating procedure ang pagkuha sa tanang kasayuran lakip na sa iyang escort.

Kon adunay mamatikdan nga kadudahan ang mga mogawas nga pamahayag sa iyang bodyguard, mahimong ipaubos kini sa lie detector test.

Lisud na usab nga ipa paraffin test ang mga kamot ni Booc tungod kay milapas na sa 24 oras ang insidente. (AYB, Sunstar Philippines)

This posting includes an audio/video/photo media file: Download Now

Anak nga gi-kidnap nakit-an human sa 24 ka tuig

Posted: 23 Jul 2021 06:13 AM PDT

DAGHAN ang nakadayeg niining usa ka amahan gikan sa China nga way hunong sa pagpangita sa iyang anak human kini gikidnap niadtong 1990s.

Way hunong iyang pagmotor sa tibuok nasud aron lang makit-an pagbalik iyang anak.

Tuod man, nakit-an niya iyang anak human sa 24 ka tuig.

Ang iyang kasinatian maoy inspirasyon ug gihimuan pa og pelikula niadtong 2015.

Ning bag-o lang, gibutyag ni Guo Gangtang kinsa gikan sa Henan Province nga human sa duha ka dekada, nakit-an na gyud niya iyang anak kinsa nabiktima sa human traffickers sa dihang nag-edad pa kini og dos anyos.

Nailhan niya iyang anak pinaagi sa DNA test sa Ministry ug Public Security samtang duha ka mga suspek, sigun sa Global Times, ang kasamtangang gitanggong.

"My baby, you came back!" tiyabaw sa inahan human kini mahiusa pagbalik sa iyang anak.

Sumala sa South China Morning Post nga usa ka babaye ang nikidnap sa anak ni Guo gawas sa ilang balay didto sa Liaocheng niadtong Septiyembre 21, 1997. Kapin sa dos anyos pa ang edad niini.

Matod sa taho gikan sa BBC nga duha ka suspek nga kanhi manag-uyab niadto nakakita sa anak ni Guo nga inusarang nagduwa sa balay.

Ang babayeng suspek nga si Tang maoy nilabnot sa bata ug gidala kini sa bus station diin iyang partner nga si Hu naghuwat. Nisakay paingon sa Henan ang duha ug didto nila gibaligya ang bata.

Maayong amahan

Human sa hitabo, nius-os ang timbang ni Guo og 20 kilos ug namuti dayon iyang buhok nunot sa stress.

Bisan pa man niini wa siya nitahan sa pagpangita sa iyang anak maong iyang gisugdan ang pagmotor sa tibuok nasud bitbit ang flag nga may hulagway niini ug mga flyers, saysay sa Reuters.

"Many people say I am a great father. But I am not great at all. I am helpless. I just lack the courage to restart life after experiencing tremendous hardship. Therefore, I kept on searching."

Sa iyang pagpangita, nakasinati sab siya og mga aksidente ug mga kawatan sa karsada.

Iyang tinigum maoy iyang gigamit sa iyang tahas, nakatug na sab siya ilawom sa taytayan ug nakapanglimos human mahutdan og kwarta.

Ang iyang istorya sa kinabuhi nahimong pelikula nga may titulo nga "Lost and Love" ug ang sikat nga artista nga si Andy Lau maoy nidala sa papel ni Guo.

Human mabalitai ni Lau ang panagkita og balik, dali kini nipadayag sa iyang kalipay.

"I'd like to say to Brother Guo that I admire your persistence. I also want to salute the police authority for their years of efforts," ni Lau.

Daghan nalipay sa Chinese social media sa balita ug nanghinaot siya nga adunay sequel ang maong pelikula.

This posting includes an audio/video/photo media file: Download Now

Casimero, 80% pa: trainer

Posted: 23 Jul 2021 06:07 AM PDT

KON tan-awon sa video, impresibo kaayo ang gipakita ni World Boxing Organization (WBO) bantamweight champion Johnriel Casimero sa iyang ensayo.

Pero alang sa iyang trainer nga si Nonoy Neri di pa gyud ni mao ug anaa pa lang sa 80 porsiyento ang iyang pagpangandam sa di pa niya ikasangka si kanhi world champion Guillermo Rigondeaux karong Agusto 14, 2021 sa Carson, California.

Gibutyag ni Neri sa usa ka TV interview nga anaa na ang kusog ni Casimero apan ang iyang kaabtik ug kalangas ibabaw sa ring wala pa gyud mahingpit.

Gipasabot ni Neri nga dali ra kining makuha sa iyang batos tungod sa subsob nga training niini aron madepensaan ang iyang kampyunato sa Dignity Health Sports Park.

Samtang magkaduol na ang petsa sa away, matod ni Neri, nga magkagaan na usab ang training niini ug ning higayuna hinayhinay na usab nga maka-recover ang iyang lawas sa naandan nga kaabtik.

Si Neri kinsa usa usab sa nitabang karon sa training ni Manny Pacquiao, nagtuo nga ang kaabtik ug kusog maoy magyawe sa kadaugan ni Casimero.

Bisan tuod og sa niaging semana pa siya nakasugod pag-training ni Casimero isip puli sa laing trainer nga si Jorge Capetillo, nanglantaw si Neri nga labing taas unom lang ka rounds si Rigondeaux.

Si Capetillo, kinsa maoy nanag-iya sa gym diin nag-training si Casimero sa Las Vegas, anaa na usab karon sa Los Angeles aron moabag ni Neri.

Nakuyog usab ang conditioning coach sa lumad nga taga Ormoc City nga si Memo Heredia aron pagseguro nga makuha ang 118 lbs. nga timbang ni Casimero.

Ang Team Casimero ni-release na sa resulta sa iyang Voluntary Anti-Doping Association (Vada) niadtong Hulyo 16, 2021 nga nagpamatuod nga wala siya naggamit og performance-enhancing substances human sa preliminary testing. (JBM)

This posting includes an audio/video/photo media file: Download Now

Iligan mi-back out sa VisMin

Posted: 23 Jul 2021 06:06 AM PDT

SA WALA damha, ang Iligan Archangels ni-back out sa nagpadayon nga 2021 Chooks-to-Go Pilipinas VisMin Super Cup niadtong Hulyo 22, 2021.

Kini maoy gipahibawo ni Chelito Caro, head sa basketball operations sa lega, atol sa Zoom meeting sa team representatives.

"Team Iligan already backed out from the Mindanao Leg. There was an internal problem and they decided to pull out," unod sa minutes of the meeting nga gipirmahan ni Rocky Chan, ang chief operation officer sa lega.

Ang Archangels wala'y daog sulod sa lima ka mga duwa ug mao ang nangiwit sa standings.

Sa kalit nga pagkawagtang sa Iligan, ang tanan nilang duwa i-forfeit pabor sa ilang kontra ug niini, ang nahabiling walo ka teams nakaseguro na og luna alang sa playoffs nga sugdan sa Hulyo 29.

"'Yung remaining games ng Iligan, considered as winner na 'yung opponent," pasabot ni Caro.

Tungod ning kalamboan, lima na lang ka mga adlaw ang nahabilin sa elimination round ug nausab ang kasamtangang rankings.

Ang Iligan City team gipanag-iya ni Mayor Celso Regencia ug ubos sa pag-coach ni Dane Lariosa. (JBM)

This posting includes an audio/video/photo media file: Download Now

Pacquiao miwali ni Marcial

Posted: 23 Jul 2021 06:06 AM PDT

PIPILA ka adlaw sa dili pa ang iyang away sa Tokyo Olympics, usa ka mensahe nga naghatag og dakong inspirasyon sa iyang kampanya ang nadawat ni Eumir Marcial, kinsa usa sa lig-ong mga prospect nga maka-gold medal sa matag upat ka tuig nga kompetisyon.

Ang mensahe nga adunay pataban nga usa ka Bersikulo sa Bibliya gikan mismo ni eight-time division champion ug Senador Manny Pacquiao, kinsa usa ka relihiyuso.

Pinaagi sa ilang online conversation, gidasig ni Pacquiao si Marcial sa iyang umaabot nga mga away kay mao na kini ang iyang higayon nga makatunol sa labing unang gold medal alang sa Pilipinas.

"Pagbutihan mo, this is our time, this is your time. Ipakita mo yung galing mo. Just focus lang, wag kang mag-over confident. Kailangan focus ka, concentrate ka," pahimangno ni Pacquiao ngadto ni Marcial.

Sa kasamtangan, si Pacquiao nag-training sa Estados Unidos alang sa iyang away batok ni Errol Spence karong Agusto 21, 2021 Las Vegas, Nevada.

Apan sa wala pa motapos ang ilang sinukliay sa mga pulong nga puno sa panghinaot ug pangaliya, si Marcial mihangyo sa senador sa pagpasawo og usa ka Bersikulo sa Biblia nga sa iyang dakong pagtuo makadugang sa determinasyon ug inspirasyon sa sa iyang kalampusan.

"Senator basin duna kay Bible Verse nga mahatag nako senador," ni Marcil pa. Niini daling gisanong ni Pacquiao ang hangyo ni Marcial pinaagi sa yanong pagbatbat niini.

"Okey Bible Verse Isiah 41:10. Fear thou not; for I am with thee: be not dismayed; for I am thy God: I will strengthen thee; yea, I will help thee; yea, I will uphold thee with the right hand of my righteousness. ... 13 For I the Lord thy God will hold thy right hand, saying unto thee, Fear not; I will help thee," saysay ni Pacquiao.

Ang pagpasalamat ni Marcial ngadto ni Pacquiao maoy mitapos sa ilang hinabi. "Salamat, Senador," matod ni Marcial kinsa gikatakdang mopakita og aksiyon sa Miyerkules, Hulyo 28 sa men's middleweight division.

This posting includes an audio/video/photo media file: Download Now

Pinoy rower nakasulod sa quarterfinals

Posted: 23 Jul 2021 06:05 AM PDT

NAKAABANTE sa quarterfinals ang Pinoy rower nga si Chris Nievarez human siya nahiluna sa ikatulong dapit sa Heat 5 sa rowing men's single sculls event sa Tokyo Olympics Games regatta kagahapon sa Sea Forest Waterway sa Japan.

Ang mopatigbabaw lang nga tulo sa matag heat – adunay unom ka heats – mao ang makasaka sa sunod round.

Ang 21 anyos nga si Nievarez mitali og pito ka mga minutos ug 22.97 ka mga segundos sa ilang tapok nga gipatigbabawan ni 2016 silver medalist Damir Martin sa Croatia, kinsa adunay 7:09.17 nga oras.

Si Alexander Vyazovkin sa Russian Olympic Committee maoy miangkon sa ikaduhang dapit nga adunay oras nga 7:14.95.

Ang resulta usa ka maanindot nga musika alang sa kampanya sa Team Pilipinas, nga padayon pang nangandoy nga makabaton sa labing unang gold medal niini sa matag upat ka mga tuig nga kompetisyon.

Si Nievarez, kinsa gold medalist sa 2019 Southeast Asian Games, maoy labing una sa 19 ka Pinoyng mga atleta nga nipakita og aksyon sa Tokyo Games.

Ang quarter-finals ipahigayon karong Lunes, Hulyo 27, 2021. (ESL)

This posting includes an audio/video/photo media file: Download Now

Marcial miabante nga wala’y singot

Posted: 23 Jul 2021 06:05 AM PDT

MIABANTE sa Round-of-16 si Filipino boxer Eumir Marcial sa boxing men's middleweight division boxing sa Tokyo Olympics nga wala'y singot.

Kini human nakatayming og bye sa 1st round si Marcial ug tungod niini, nagkinahanglan na lang siya og duha ka mga daog aron makaseguro og medalya sa matag upat ka mga tuig nga kompetisyon.

Si Marcial, kinsa usa ka three-time Southeast Asian gold medalist ug Asian Games bronze medalist, mosagubang sa labing una niyang tahas karong Hulyo 28, 2021.

Sa 19 ka mga Pinoyng atleta sa kompetisyon, si Marcial maoy labing gilaman nga makahatag sa labing unang Olympic gold medal alang sa Pilipinas. (ESL)

This posting includes an audio/video/photo media file: Download Now

Yulo naa sa saktong kondisyon

Posted: 23 Jul 2021 06:04 AM PDT

GIPANEGURO sa Gymnastics Association of the Philippines (GAP) nga naa sa saktong kondisyon si Carlos Yulo ug andam kining mokombati sa gymanstics event sa Tokyo Olympics.

Si Yulo maoy usa sa labing gilauman sa Pilipinas nga makalabni og medalya sa matag upat ka mga tuig nga kompetisyon.

Giangkon ni GAP president Cynthia Carrion nga nakasinati og sakit sa iyang bat-ang atol sa training, duha ka mga semana ang nakalabay.

Hinuon gitataw ni Carrion nga hingpit nang naalim si Yulo pipila ka mga adlaw sa wala pa sugdi ang kompetisyon.

"He has no injury now. I can say that Caloy is really 100 percent okay for the Olympics," asoy ni Carrion sa interbyu sa GMA News Online.

"He hurt his hip while doing a triple back routine in the floor exercise and it's not an easy routine. But he's not injured anymore. He's okay."

Si Yulo, 21, mokombati sa pito ka events sa artistic gymnastics nga mao ang men's all-around, floor, horizontal bar, parallel bar, pommel horse, rings, ug vault. Karong adlawa sugdan ang qualifying round.

"He's fine and there's nothing to worry about," pagtino ni Carrion. (ESL)

This posting includes an audio/video/photo media file: Download Now

at

No comments:

Post a Comment

Subscribe to: Post Comments (Atom)

End of Summer Sale ☀️😎

20% OFF Inside!🤯 ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏  ͏...