https://www.sunstar.com.ph/ |
- Kabacan gipailawom sa state of calamity
- 2 angol sa disgrasya sa multicab luwas na
- Contact sports arangkada na
- Face-to-face classes sa Davao gisugdan
- P2.4M ismagol yosi nasakmit
- 3 sundalo angol sa engkwentro sa BIFF
- Batan-on gipatay giilogan og motor
- Super Negusyo: Bongga nga Christmas pa-raffle sa M&D Medical SPA
| Kabacan gipailawom sa state of calamity Posted: 30 Nov 2021 03:00 AM PST KIDAPAWAN CITY -- Tungod kay grabeng naapektuhan sa mga pagbaha ang Kabacan, sa probinsiya sa Cotabato, gipailawom kini sa state of calamity subay sa Resolution 2021-343 sa Sangguniang Bayan sa lungsod. Nasayran nga gibaha na ang lungsod sugod pa niadtong unang semana hangtud sa ikatulong semana sa Nobyembre tungod sa pagdaut sa panahon. Subay kini sa pagsusi sa buhatan sa Municipal Disaster Risk Reduction and Managemet (MDRRMO-Kabacan) nga gipangulohan ni David Don Saure. Moabot sa 2,071 ka pamilya ang naapektuhan samtang 485.55 ektarya sa agrikultura ang nangadaut sa baha. Unom ka barangay ang gilunopan sa tubig-baha nga gilangkuban sa mga barangay sa Cuyapon, Lower Paatan, Magatos, Kilagasan, Bannawag, ug mga sitios sa Punol ug Lumayong sa Kayaga. Giandam na sa lokal nga panggamhanan sa Kabacan nga gipangunahan ni Mayor Herlo Guzman Jr. ang pundo gikan sa calamity fund nga itabang sa mga pamilya nga naapektuhan sa baha. Sa kasamtangan, nakig-alayon na sab ang Municipal Agriculture sa Department of Agriculture sa tabang nga itunol ngadto sa mga mag-uuma nga gibanlas ang mga pananum sa baha. This posting includes an audio/video/photo media file: Download Now |
| 2 angol sa disgrasya sa multicab luwas na Posted: 30 Nov 2021 03:00 AM PST KIDAPAWAN CITY -- Luwas na ang duha ka tawo nga naangol sa pagkahulog sa multicab sa pangpang alas 9:25 sa buntag niadtong Lunes, Nobyembre 29, sa Makilala, Cotabato Province. Naila ang mga naangol nga sila Damaso Tumanggong ug si alyas Dondon nga drayber sa multicab ug pulos molupyo sa Barangay Bato sa maong lungsod. Sa taho gikan sa traffic section sa Makilala Municipal Police station, nasayran nga sakay ang mga biktima sa multicab nga gimaneho ni alyas Dondon nga puno og karga nga sinakong mais nga itumod unta sa lungsod. Apan pag-abot sa multicab sa sakaon nga parte sa kalsada sa Barangay Bato kalit lang napalong ang makina niini ug diretso kining miatras ug wala na makontrola sa drayber hinungdan nga nahulog sa bung-aw sa kilid sa kalsada. Ang drayber ug si Tumanggong dali nga gisapupo sa mga molupyo nga nakasaksi ug gidala ngadto sa Makilala District Hospital diin luwas na sila sa makuyaw nga kahimtang. Nagpasidaan ang Makilala police sa mga drayber og sakyanan nga nagbiyahe sa kabukiran nga dili sobrahan ang ilang karga aron dili masusama sa nahitabo sa multicab. This posting includes an audio/video/photo media file: Download Now |
| Posted: 30 Nov 2021 02:52 AM PST MIHATAG na og pagtugot ang Davao City Covid-19 Task Force alang sa pagbalik sa contact sports, apan sa limitado lang nga ihap sa mga duwa ug bakunado na nga mga magdudula. Gikanayon ni Sports Division Chief Mikey Aportadera sa siyudad sa Davao sa paghinabi kaniya sa radyo kagahapon, Martes, Nobyembre 30, nga ang Task Force, atol sa panagtigum niadtong Lunes, Nobyembre 29, misugot na niini, apan ang kopya sa resolusyon naghuwat pa nga lagdaan ug ipagawas, uban sa mga sumbanan aron nga maseguro nga mga paugnat sa kusog ug kalihukan di mahimong tinubdan sa pagtakod sa Covid-19. "It was already agreed na pwede na ta mag-resume sa atoang contact sport but very limited ang atoang movement in terms of sa unsaon pagbuhat og dula," tug-an ni Aportadera sa paghinabi kaniya sa 87.5 FM Davao City Disaster Radio. Mga sumbanan ipagawas sa social media account sa City Government of Davao kung andam na kining ipublikar. Hinuon, ang iyang buhatan sa pagkakaron naghimo lang og mga sumbanan alang sa basketball, football (soccer), volleyball, ug ultimate frisbee. Kini nga mga duwa gitumong alang sa kalihukang recreational ug pasingot o ehersisyo. Mga dagkong padula ug torneyo gidili pa ning panahona. Giesplikar sa opisyal nga ang upat ka mga paugnat sa kusog, gawas nga inilang mga duwa, mahimo sab duwaon sa gawas nga mas luwas sa transmisyon sa Covid-19. Ang matag paugnat sa kusog dunay kaugalingong sumbanan, apan sa kinatibuk-an, ang pagdumala sa lugar o court kinahanglang magseguro nga tanang mga magdudula "fully vaccinated" ug kinahanglan nga ipresentar ang ilang vaccination cards and SafeDavao QR (DQR) code. Tanang mga magduduwa kinahanglan mokuha og "reservation" sa lugar una ang ilang duwa. Mga magdudula lang ang gitugtan nga mosulod sa lugar. Mga motan-aw istriktong gidili. Ubang health protocols sama sa mandatory nga pagsul-ob sa masks, footbath, ug pagsusi sa temperatura sa pagsulod kinahanglan nga sundon. Ang pagsul-ob og face masks atol sa duwa boluntaryo na lang, basta kinahanglan nga sul-obon kini human sa duwa. Pagpalayo sa uban sa pagpalingkod mandatory usab. Sa kaso sa basketball, matud niya nga ang iyang buhatan nakig-alayon pa sa Vice Mayor's Office aron magtakda og tigum uban sa tanang mga kapitan sa barangay sa siyudad aron nga hisgutan kon unsaon sa mga barangay makapadula basketball courts ubos sa ilang superbisyon. "The barangays will be mandated na bantayan ang mga basketball courts nila na identified asa pwede madula," tin-aw niya. Ang mga duwa sa basketball gawas sa "designated courts" di tugtan. "Bawal usa modula sa mga ring na ibutang sa punoan," pagklaro ni Aportadera. "This is prohibited for now since the implementation of health protocol will not be imposed since there is no means of checking the vaccination card, DQR, and the temperate check." Sa Alert Level 2 nga klasipikasyon kon diin nahilakip ang Davao City, contact sports gitugtan na apan mag-agad sa mga LGUs. This posting includes an audio/video/photo media file: Download Now |
| Face-to-face classes sa Davao gisugdan Posted: 29 Nov 2021 03:56 AM PST NAGSUGOD na ang limited face-to-face classes sa Faith International Academy of Davao City Inc. Lunes sa buntag, Nobyembre 29, 2021, sa Marfori Heights Subdivision Davao City. Sumala ni Department of Education (DepEd)-Davao spokesperson Jenelito Atillo nga mao lang kini ang nag-inusarang eskwelahan sa private ug public schools sa Davao City ug sa tibuok rehiyon nga gitugutan sa DepEd ug sa Department of Health (DoH) nga magpahigayon og limited face-to-face classes. Dugang ni Atillo nga half day lang ang pagahimuong klase matag adlaw sa Lunes, Martes, Huwebes ug Biyernes, samtang ang Miyerkules anaa lang sa balay ang mga estudyante alang sa independent learning. Sa kinder, may usa ka estudyante, sa Grade 1 dunay usa ngadto sa tulo ka mga estudyante, sa Grade 2 usa ug sa Grade 3 dunay lima ka mga estudyante. Gisiguro sa DepEd nga matuman ang minimum health protocols sama sa pagsuot og face mask, paghugas sa kamot ug ang social distancing. (Uban sa taho ni Cheche Diabordo/KAMM Media Network) This posting includes an audio/video/photo media file: Download Now |
| Posted: 29 Nov 2021 03:55 AM PST KIDAPAWAN CITY -- Mag-atubang sa kaso nga kalapasan sa Republic Act 10863, o Customs Modernization and Tariff Act, ang mga suspetsado nga namaligya og ismagol nga sigarilyo alas 5:20 sa hapon niadtong Dominggo, Nobyembre 28, sa probinsya sa Cotabato. Matud ni Libungan OIC Chief of Police Captain Razul Pandulo nga nakadawat sila og impormasyon sa tulo ka mga tawo nga namaligya og smuggled cigarettes sa public market site duol sa old municipal compound sa Libungan, Cotabato. Abtik nga nagresponde ang mga pulis apan pag-abot nila sa dapit nga ilang target mikaratil og dagan ang tulo ka mga suspetsado. Narekober sa awtoridad ang 4,800 rims sa nagkadaiyang klase sa sigarilyo. Gidugang ni Captain Pandulo nga nagkantidad og P2.4 milyones ang nailog nila nga ismagol nga sigarilyo. Kahinumduman nga nakakompiska sab awtoridad og mga smuggled cigarettes sa Aleosan ug Makilala Cotabato ning bag-o lang. Sa kasamtangan, padayon nga gipangita sa mga sakop sa Libungan Municipal Police Station ang mga suspetsado. This posting includes an audio/video/photo media file: Download Now |
| 3 sundalo angol sa engkwentro sa BIFF Posted: 29 Nov 2021 03:53 AM PST COTABATO CITY -- Gipasidunggan ang tulo ka sundalo nga naangol sa engkwentro sa mga terorista alas 4:30 sa hapon, niadtong Sabado, Nobyembro 27, sa probinsya sa Maguindanao. Giila ang mga samaron nga sila Corporal Kent Ayco, Private First Class Joemar Deguit ug Private First Class Carl John Lagdamen nga mga sakop sa 6th Infantry Battalion Philippine Army. Sa taho gikan sa 601st Brigade nga samtang nagpatrolya ang mga sakop sa 6th IB sa Shariff Saydona Mustapha Maguindanao ilang na-engkwentro ang mga miyembro sa Bangsamoro Islamic Freedom Fighters (BIFF). Milungtad sa 50 minutos ang sinukliay og mga bala tali sa duha ka pundok gamit ang mga tag-as nga matang sa armas. Tungod sa kahadlok, milalin ang mga sibilyan paingon sa mga luwas nga dapit sa kabalaka nga maipit sa kagubot. Miatras ang mga terorista sa diha nga sila gipabuthan sa mga sundalo gamit ang 81 mm mortar. Upat ang gikataho nga napatay sa BIFF samtang tulo ang naangol sa military nga gidala dayon sa Camp Siongco Hospital. Mismo nga si 6th Infantry (Kampilan) Division Chief ug Joint Task Force Central Commander Juvymax Uy ang nagpasidungog sa mga samaron nga sundalo nga pulos nakadawat og Wounded Personnel Medal. Sa kasamtangan, nagpadayon ang paglutos sa Joint Task Force Central batok sa BIFF sa Shariff Saydona Mustapha, Maguindanao. This posting includes an audio/video/photo media file: Download Now |
| Batan-on gipatay giilogan og motor Posted: 29 Nov 2021 03:52 AM PST TACURONG CITY -- Impas ang usa ka batan-on human pusila ug giilugan pa sa motor alas 6:25 sa gabii, niadtong Dominggo, Nobyembre 28, sa probinsya sa Sultan Kudarat. Giila ang biktima nga mao si Ralph John Hobiera, 17-anyos, ug nagpuyo sa Barangay Kudanding, Isulan, Sultan Kudarat. Gibutyag ni Isulan Chief of Police Lieutenant Colonel Gary Flor Marfil nga samtang nagpa-load ang biktima sa iyang cellphone uban ang uyab niini sa Barangay D'Lotilla, Isulan, Sulatan Kudarat, pag-andar na sa motor, kalit lang mibutho ang duha ka wala mailhing tawo ug gitiunan si Hobiera og armas. Apan misukol ang batan-on ngadto sa mga suspetsado hinungdan nga gipusil siya gamit ang kalibre .45 nga pistola. Abtik nga miikyas ang duha ka tawo dala ang motor sa batan-on paingon sa direksyon sa Tacurong City. Patay on the spot ang biktima nga naigo sa iyang ulo ug dughan. Sa kasamtangan, ang kapulisan sa Isulan Sultan Kudarat ang padayon nga nag-imbestiga kalabutan sa maong hitabo. This posting includes an audio/video/photo media file: Download Now |
| Super Negusyo: Bongga nga Christmas pa-raffle sa M&D Medical SPA Posted: 29 Nov 2021 03:51 AM PST USA sa mga atangan karon sa mga kliyente sa M&D Medical SPA mao ang ilang Christmas Bonut2x Papremyo nga mahitabo karong Disyembre 23, 2021. Ngano? Gumikan tumataginting nga duha ka mga Diamond Rings with certificate ang madag-an. Ug nasayod ka ba nga ang kantidad sa matag usa ka Diamond Ring, P25,000 lang naman, nga gikan ang usa sa Russia ug ang usa gikan sa nasud Qatar. Gisaysay sa tag-iya, ang Dabawenya nga Dermatology nurse Mercy Villabroza nga dala niya kini gikan sa maong mga nasud niadtong didto pa siya nadestino. Niya pa, nga sa matag P500 worth sa bisan unsang services sa M&D Medical SPA duna kana'y usa ka raffle coupon. "Ang maka-avail kadtong atong mga customers nga sa matag P500 sa bisan unsang services naa kana'y usa ka bunot raffle entry. Nag-start ta ani atong August pa, kini ang atong pasasalamat sa atong mga kliyente nga misalig gyod sa atong mga services," ingon sa nurse nga si Mercy. Ops, gawas sa duha ka Diamond Ring naa sab napulo ka mga gift certificates nga nagkantidad og tag P1,000 diin napulo sab niini ang mananaug. "Nagpabilin kita diri nga gipangga gyod nato atong mga kliyente, gani naa sab ta'y promo nga 10 percent discount sa fully-vaxx," sulti ni Mercy diin dalhon ug ipakita lang ang vaccination card. Ang nakanindot karon kay duna siya bag-o nga serbisyo, kini mao ang Lazer whitening alang sa kili-kili, ug ang tattoo removal. "Ang atong vampire facial mao man gyod na ang atong patok kaayo nga services kay pabataon man ka, pero ang atong tattoo removal karon kita ang una niini sa Mindanao, available ni siya sa atong walo ka mga branches," ingon ni Mercy. Niadtong Sabado, gitigayon ang ika-3rd Year Anniversary sa ilang General Santos City Branch diin nakatakda na sab nga mag-abli sa Kidapawan, Laguna, Bacolod, Cebu ug sa Cagayan de Oro. Nailhan gayod ang M&D Medical SPA sa kabarato ug dunay kalidad nga serbisyo busa daghan ang ilang mga kliyente. "Spa with a heart", kini ang ma-ingon sa M&D Medical SPA gumikan sa ilang pang world-class nga serbisyo nga napamatud-an na sa daghan nilang mga kliyente. Dugang niya, "thousands of our clients who are satisfied with our whitening even sa 1st session (For Only P300 3+1 free P900), no price increase since 2017. Kudos to our clients who shares their photos and happy experiences, here." "Nakuha na sab nato ang Hall of Fame alang sa Best Choice nga every 3 consecutive years lang ni mahitabo sa usa ka prestigious event," dugang niya. Busa ayaw na paglangan, sulaye aron ikaw sab maka-sulay sa serbisyo nga pang world-class diha sa pang-masa nga kantidad! This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment