https://www.sunstar.com.ph/ |
- Globe Business ‘#GiftLocal’ nagdala sa lokal nga mga bahandi nga mohatag og kalipay sa mga minahal ug mobayaw sa mga komunidad
- Simbahan pabor sa bakuna
- Pulis wa pay suspek pagtipi's magkapuyo
- 1 NPA nasamdan, kauban dakpan sa kasundalohan
- P2.2-M balor sa marijuana gilarot, gidauban
| Posted: 02 Dec 2021 05:00 PM PST PANAHON na usab karon sa paghimo og listahan sa Pasko ug buhongon ang mga minahal sa kinabuhi ug kahigalaan sa regalo nga molipay kanila. Aron magpabalin ang tradisyon sa kapaskuhan nga buhi ang pagpanghatag og regalo ug maghatag niini og dugang katuyoan ning tuiga, ipakita ang paghigugma sa lokal nga brands ug pagpamalit sa mga baligya nga mohatag kanimo og sukli alang sa maayong kawsa. Naa sa iyang ikalimang tuig, ang "Gift Local" campaign sa Globe Business mohatag og atensyon sa micro, small ug medium local enterprises ug mosuporta sa panginabuhi sa mga mag-uuma, local designers ug indigenous nga mga komunidad, ug ingon man niadtong naghimo sa malungtaron nga mga buhat alang sa matag produkto nga ilang gibaligya. Kini nga inisyatiba gitumong aron mabuhi kining mga negusyo nga dunay iyang kaugalingong maayong tumong labina ning panahon nga daghang mga Pinoy nga way trabaho tungod sa pandemic. "This year's campaign aims to bring out the goodness behind each purchase by giving Filipinos the opportunity to choose holiday gifts that give twice the joy—to the recipient and to the local business and community that they benefit," matod ni KD Dizon, pangu sa MSME Group, Globe Business. Gikan sa artisanal chocolates ngadto sa virgin coconut oils, skincare essentials ngadto sa gikinamot pagla' nga mga habol ug tualya, mao kini ang pipila ka lokal nga brands nga nagtanyag og mga regalo nga mohatag og kalipay di lang kay ngadto sa imong mga minahal, kon di ngadto sa usab sa gagmay nga mga komunidad nga gisuportahan ning gagmay nga mga negusyo. Malagos chocolate cake Usa sa mga Pinoy nga "tree-to-bar" chocolate brands nga daghan og mga award, ang Malagos chocolate lapad og koleksyon sa premium chocolate nga gikan sa malungtaron nga giugmad nga cocoa. Pinaagi sa iyang Malagos Cacao Development Center, ilang gihatagan og gahom ang mag-uuma sa cacao pinaagi sa pagdugtong kanila sa mga oportunidad sama sa pag-apil kanila mga kasabutan sa produksyon ug marketing, pagtudlo kanila sa operasyon sa pag-uma ug nursery ug pagnegusyo sa mga liso sa cacao. HTP Basics Gilusad niadtong 2020 isip sanga sa malampusong local fashion brand HTP Clothing, ang HTP Basics nagtanyag og lapad nga mga kinahanglanon sa classic fashion sa mga bisti sa matag usa. Bisan tuod kon nagdala kini sa samang gugma sa fashion, kini gipadagan sa laing tumong- sa pagtabang sa iyang distributors ug resellers sa pagtabang sa pagsugod sa ilang negusyo pinaagi sa pagbaligya og taas og kalidad ug barato nga basic nga mga sapot nga gihigugma sa matag usa. Looca Skincare Ang Looca Skincare nagpasigarbo nga ang ilang mga produkto di isog, way alcohol ug paraben nga mga sagol, hinungdan nga makalingaw ang naandan nga paglimpyo sa panit. Gikan sa iyang mga label ngadto sa iyang packaging, tanang gigamit sa brand sa lokal lang giggama, nga kini nagpasabot nga ang tanang gipalit nakatabang sa malungtaron nga komunidad sa gagmay nga mga patigayong Pinoy nga nagpaluyo sa produkto. Ang kompaniya bukas usab sa mga reseller, motabang kanila sa pagsugod sa ilang kaugalingong negusyo uban sa naandang komunidad sa mga kustomer Looca ug sa iyang igsuong brand, HTP Basics. Greenlife Coconut Products Philippines Inc. Gitukod sa Cocofed sa scholar nga si Francisco Rubio ug sa iyang asawa, Emilita, ang Greenlife nagsusugod lang isip manufacturing enterprise sa 2009. Human makamugna og daghang mga kabag-ohan sa lubi ug sa nagtubo nga linya sa mga produkto, nahimo kining hingpit nga adbokasiya sa pagmugna og mga trabaho ug pagsustenir sa kugihan nga mga mag-uuma sa lubi sa nasod.Ang Greenlife nagpasundayag sa ilang nagkadaiyang maayo kaayong matang sa mga produkto sa lubi alang sa pagpangluto ug baking. Locano Ang Locano nagtanyag og maanindot nga collection sa gikinamot paghimo nga mga habol ug tualya ug table runners nga nagpasundayag sa ka maayong mobuhat sa Filipino artisans.Sukad kini gitukod niadtong 2015, ang Locano padayong direktang nagpatrabaho sa labing maayong mga weaver gikan sa Vigan ug Santa, Ilocos Sur ug Bangar, La Union. Roots Collective Ph Nagsugod ra sa co-working space ug boutique café nga nahimutang sa Katipunan sa 2016 karon mao na kini ang nag-unang komunidad ug merkado sa social enterpreneurs nga taytatayan sa social enterprises ug mamugnaon nga startups sa mga konsumidor ug advocates. Ang iyang mga programa sa enterprise developments nagpahigayon og social enterprise funding, rural community training ug inter-enterprise collaborations. Nagtipun-og sa ilang shop ang maanindot nga local, social ug malungtaron nga mga produkto nga haum nga pangregalo panahon ning kapaskuhan. Apil sa mga brand nga gikan sa Roots Collective Ph mao ang BalaiKamay, Hineleban Farms, The Bamboo Company, Chocoloco, Creative Definitions, Gouache, HABI Lifestyle, Happy Helpers, Hiraya Chocolates, Jacinto & Lirio, Magwai, Obrano, The Peanut Butter Junkie, Plantsville Health, Reef Picks, The Spark Project/Spark Books, Theo & Philo Chocolates, ug Wholly Grain. Ang mga mamalitay mahimong mobisita sa Globe Business Gift Local Page https://glbe.co/giftlocal aron pagsusi ning mao nga mga produkto ug mga komunidad nga gisuportahan sa matag magpapatigayon. Usa ka live selling event ang ipahigayon sa Nob. 28 sa alas 7 sa gabii pinaagi sa Globe Business Fabook page aron paghatag sa Gift Local partner nga magpapatigayon sa pag promote sa ilang kompaniya ug mga produkto alang sa kapaskuhan. Mas malipayon nga kapaskuhan alang sa lokal nga mga MSMEs uban sa Globe Business Gawas sa pagdasig sa publiko sa pagpalit kanunay sa lokal nga mga produkto alang pagpanghatag og mga regalo sa kapaskuhan, ang Globe Business nagpadayon sa pagsuporta sa lokal nga mga magpapatigayon pinaagi sa regular nga mga kalihukan pinaagi sa Globe Business Academy. Ang pag-apil makausa sa Globe Business Academy maghatag kanila og dobleng benepisyo, kay ila mang makita ang mga pamaagi sa negusyo ingon man ang networking ilang patigayon. Ilang makita ang bili nga magamit ug practical nga mga kasayuran nga ilang madugang sa pagpalig-on sa ilang negusyo. Makakuha usab sila og kahigayunan sa pagpalapad sa ilang network sa negusyo pinaagi sa pagpakigtagbo ug pagkukabildo sa ilang mga kuban nga MSMEs sa nagkadaiyang mga kalihukan nga gipasiugdahan sa Globe Business. Alang sa libreng pag sign up, bisita sa https://mybusinessacademy.ph/sign-up/. Dugang niini, ang Globe Business nagtanyag sa local nga mga magpapatigayon og dugang mga oportunidad aron pagpadako sa ilang negusyo. Ang mga tag-iya sa MSME kinsa gustong mobalhin ngadto sa Globe Business ug ipabilin ang ilang gihigugmang numero, mahimong makasugod business upgrade pinaagi sa pagkuha libreng Samsung phones alang sa bulk orders.Mga tag-iya og negusyo mahimo usab nga mo sign up alang sa Globe Business Unli Fiber Biz Plan 2499 aron pahimudsan ang managsamang gikusgon sa download ug upload, unlimited landline calls ngadto sa tanang landlines ug mobile networks nga magdugang lang og 59, ug madoble ang mga kustomer engagement sa usa lang ka click sa M360 solutions. "As their trusted digital solutions provider, Globe Business is committed to provide local MSMEs relevant and practical digital tools, as well as access to trainings, networking, loyalty programs and services that uplift their businesses and the lives that benefit from their success," dugang ni Dizon. Ang Globe nagsuporta sa United Nations Sustainable Development Goals (UNSDG), labina sa UN SDG No. 8 nga nanawagan alang sa Decent Work and Economic Growth; ug No. 9 nga naghatag og gibug-aton sa mga papel sa imprastraktura ug kabag-ohan sa mahinungdanon kaayong drivers sa ekonomikanhong pagtubo ug kalamboan. Tinguha sa Globe ang pagpatigbabaw sa 10 United Nations Global Compact principles and 10 UN SDGs. SPONSORED CONTENT This posting includes an audio/video/photo media file: Download Now |
| Posted: 02 Dec 2021 06:08 AM PST Nagkadaiyang relihiyusong sektor sa Davao Region nag-adbokasiya alang sa pagbakuna sa Covid-19 taliwala sa giingong dunay mga lideres sa lokal nga relihiyon nga nagduha-duha sa bakuna. Sa video nga gi-post sa opisyal Facebook page sa Department of Health-Davao (DOH-Davao) kagahapon, Huwebes, Disyembre 2, 2021, sila si Archbishop Romulo Valles, Reverend Anselmo Ingay sa Bible Baptist Church Davao, ug Comm. Alim Jamal Munib sa Ulama Sector - National Commission on Muslim Filipinos, ug uban pang mga lideres, mihatag sa ilang mensahe nga nagdasig sa publiko nga magpabakuna batok sa Covid-19. Ang video message nagkanayon nga ang bakuna maoy epektibo nga proteksiyon batok sa pagkuyanap sa kagaw. "Sa padayon nato pakigbatok aning pandemya, padayonon natong mamahimo kitang usa sa tumong nga maprotektahan atong pamilya ug matag usa," sumala sa unod sa video message. Ubang mga relihiyusong lider kinsa nag-adbokasiya alang sa Covid-19 vaccine mao sila Sherrila Porza-Sawah sa National Commission on Muslim Filipinos XI, Elder Ferdinand Pangan sa Church of Jesus Christ of Latter-day Saints, Rev. Grace Bangisan sa United Church of Christ of in the Philippines, ug Pastor Edwin Magdadaro sa Davao Mission sa Seventh-day Adventists. Kahinumdoman nga laing video nga nag-viral sayo ning tuiga, nagpakita sa usa ka wala panganli nga pastor nga nagbase sa Davao City nagpakatap og sayop nga impormasyon bahin sa bakuna sa Covid-19 nga nagdugang hinuon sa pagpanagana sa publiko nga magpabakuna. Apan ang wala magpabakuna nga pastor nasayran nga nataptan sa kagaw ug grabe, subay sa gibutyag ni Davao City Mayor Inday Sara Duterte-Carpio atol sa paghinabi kaniya sa 87.5 FM Davao City Disaster Radio niadtong Septyembre 13, 2021. Taliwala sa mga sayop nga pag-angkon sa bakuna, gitug-an ni Dr. Lenny Joy Johnson-Rivera, Assistant Regional Director sa DOH-Davao nga 94 porsiyento sa namatay tungod sa Covid-19 wa nabakunahan. "Walang deaths sa Davao Region because of the bakuna alone. Most of the deaths that we have, may (severe) comorbidities," pagtin-aw niya. This posting includes an audio/video/photo media file: Download Now |
| Pulis wa pay suspek pagtipi's magkapuyo Posted: 02 Dec 2021 06:07 AM PST BLANGKO pa ang kapulisan sa Hagonoy Municipal Police Station (MPS) sa responsable sa pagpamusil-patay sa mag-live-in partner alas 6 sa gabii niadtong Miyerkules, Disyembre 1, 2021, didto sa Crossing Tologan, Barangay Guihing, Hagonoy, Davao del Sur.. Ang Hagonoy MPS nag-ila sa mga biktima nga sila Jonathan Buenaflor ug Lilibeth Brieta, magkapuyo kon diin sa maong insidente dunay usa ka menor de edad nga naigo sa saag nga bala. Subay sa inisyal nga imbestigasyon, migula nga dunay gipalit ang mag-live-in partner sa usa ka tindahan sa dapit dihang kalit miabot ang mamumuno, dayon namusil sa makadaghang higayon. Dead on the spot ang magkapuyo gumikan sa fatal nga igo sa pusil sa ilang kalawasan, samtang aksidente nga naigo sa saag nga bala ang menor kinsa anaa na sa luwas nga kahimtang sud sa balay tambalanan. Usa ka makuti nga imbestigasyon karon ang gihimo sa Hagonoy MPS aron masayran ang motibo ug aron masikop ang mga suspek sa krimen. This posting includes an audio/video/photo media file: Download Now |
| 1 NPA nasamdan, kauban dakpan sa kasundalohan Posted: 02 Dec 2021 06:04 AM PST USA ang samdan samtang laing duha nga kauban niini sa Communist New People's Army Terrorist (CNT) ang nadakpan sa nahitabong engkuwentro tali sa hiniusang puwersa sa kasundalohan alas 5:58 sa hapon niadtong Miyerkules, Disyembre 1, 2021, didto sa Sitio New Laslasakan, Barangay Palma Gil, Talaingod, Davao del Norte. Nasamdan giila nga si Masarinda Balite alyas Alina nga giingong medical ug supply officer sa Sub-Regional Guerilla Unit, Sub-Regional Committee 5 sa CNT, kinsa daling gitambalan sa mga sundalo. Si Balite usa sa kapin 10 ka mga sakop sa NPA sa nahitabong ginukdanay ug pinusilay nga milungtad og 20 minutos tali sa mga tropa sa 56th Infantry Battalion, 27IB ug 3IB. Ang iyang kauban nga si Odessa Dumol alyas Ann nadakpan sab. Gitug-an ni Colonel Consolito Yecla, commander sa 1003rd Brigade, nga nahitabo ang pinusilay sa dihang ang grupo nga gipangulohan ni alyas Macky mibalibad nga motahan bisan pa sa paningkamot ni ni Ka Eloy kinsa nanawagan alang sa nahabiling mga lumad nga CNTs nga dawaton ang peace program nga gihanyag sa gobyerno. Narekober sa mga sundalo ang tulo ka M-16 assault rifles ug usa ka M-4 rifle nga nahabilin sa dalan nga gisibatan sa mga rebelde. Sa pikas bahin, sayo sa hapon sa mao gihapong adlaw, duha ka sakop sa CNTs ang misurender ngadto sa kasundalohan nga sila Nester Tausan alyas Bong, supply officer sa Squad Primera Andoy sa SMRC, 19, molupyo sa So Sambulongan, Palma Gil, Talaingod; ug Wena Teklonay alyas Sirena, supply officer sa Platoon Basil sa SMRC, 18, molupyo sa So Muling, Gupitan, Kapalong. (WGM) This posting includes an audio/video/photo media file: Download Now |
| P2.2-M balor sa marijuana gilarot, gidauban Posted: 02 Dec 2021 06:00 AM PST PADAYONG gipangita sa mga awtoridad ang nanag-iya sa dakong plantasyon sa marijuana, diin mga dagkong punoan sa tanum gipanglarot ug gipangdabdaban alas 12:25 niadtong Miyerkules sa udto, Disyembre 1, 2021, sa usa ka barangay sa Columbio, Sultan Kudarat. Gibutyag ni Sultan Kudarat Provincial Police Office Director Colonel Tom Tuzon nga gironda sa mga sakop sa Philippine Drug Enforcement Agency (PDEA)-Soccsksargen ug uban pang yunit sa kapulisan ang plantasyon sa marijuana didto sa Sitio Asmakul-Basag, Barangay Sinapulan sa nahisgutang lungsod. Pag-abot sa mga awtoridad sa dapit, nakasibat na ang target sa operasyon nga giingong maoy nanag-iya sa plantasyon nga sila si alyas Vincent Estrada ug Virgel Estrada. Subay sa drug market value, mokantidad og P2.2 milyon ang mga nalarot sa mga awtoridad nga mga punoan sa marijuana ug gidauban. Gikanayon ni PDEA-Soccsksargen Spokesperson Kit Abad nga mibaktas pa og duha ka oras ang mga awtoridad una naabot ang plantasyon nga nahimutang sa hilit nga dapit sa nahisgutang barangay. Mismo ang mga sibilyan maoy mipindot sa mga awtoridad ug mihatag og impormasyon sa nadiskubre nilang plantasyon sa marijuana. This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment