https://www.sunstar.com.ph/

---

4 sikop, P1.3 milyon 'shabu' nasakmit sa pulis Posted: 25 Feb 2022 07:51 PM PST UPAT ka tawo ang nasikop ug kapin sa P3 milyones nga kantidad sa gituohang shabu ang nasakmit sa managlahing anti-illegal drug operations sa Sugbo niadtong Biyernes sa gabii, Pebrero 25, 2022.Unang nasikop sa buy-bust operation nga gipangulohan ni Lieutenant Bonifacio Tanola sa Regional Police Drug Enforcement Unit sa Central Visayas niadtong Biyernes sa alas 10 sa gabii didto sa Barangay Mabolo, dakbayan sa Sugbo sila si Regine Melorin Garciano, 25, tungod sa paghupot og gituohang shabu nga motimbang og 450 gramos nga adunay street value nga P3 milyones ug Steven Cedeno Lazarraga, 24, tungod sa pagdala og .45 nga pistola, nga kalapasan sa Comelec gun ban.Samtang sa dakbayan sa Lapu-Lapu, laing duha ka mga drug suspects ang nasikop atol sa gipahigayong pagpangronda sa City intelligence Unit (CIU) sa Lapu-Lapu City Police Office nga gipangulohan ni Lieutenant Noah Añana pasado alas 10 sa gabii. niadtong Biyernes sa Sitio Camansi, Barangay Pajo.Ang nasikop mao sila si Grace Baclohan, 20, ug Lito Paclipan, 28, pulos taga dakbayan sa Naga, Cebu.Nasakmit sa kapolisan gikan kanila ang 60 gramos sa gituohang shabu nga mobalor og P400,000.Ang duha mag-atubang og kasong kalapasan sa Comprehensive Dangerous Drugs Act of 2002. (BBT, TPT)

You are subscribed to email updates from SUNSTAR. To stop receiving these emails, you may unsubscribe now.	Email delivery powered by Google
Google, 1600 Amphitheatre Parkway, Mountain View, CA 94043, United States