https://www.sunstar.com.ph/ |
- Bird flu miatake sa Makilala?
- General Hospital sa Davao Occidental abli na
- P1.2M dahon sa marijuana nasakmit
| Posted: 15 Mar 2022 02:59 AM PDT KIDAPAWAN CITY -- Gikakurat sa mga molupyo sa usa ka barangay sa Makilala sa probinsiya sa Cotabato ang nakaplagan nga mga patay nga langgam alas 2:00 sa hapon niadtong Lunes.Matud ni Makilala Municipal Agriculture Office acting Officer Benancia Bangot nga mismong mga namuyo sa Barangay San Vicente sa nahisgutang lungsod maoy nakadiskubre sa mokabat 20 ka langgam nga nangamatay sa dapit.Bisan og makonsiderar nga isolated case ang hitabo, gisubay gihapon sa MAO-Makilala ang kabarangayan aron monitoron o panid-an ang mga binuhing manok, itik ug bisan mga langgam.Kini human nga gituohan nga ang misteryusong pagkamatay sa mga langgam dunay kalambigitan sa giingong pagkatap sa giingong bird flu sa dakbayan sa Tacurong sa South Cotabato.Giangkon ni Bangot nga nabalaka sila sa maong sakit, hinuon gipaabot pa nila ang resulta sa blood test sa mga manok nga ilang gisusi.Dugang ni Bangot nga atol sa ilang tigum, nasabutan nga temporaryong idili una ang pagpasulod og mga binuhing manok nga wala magbaton og "bird flu free certification" sa lungsod.Nasayran nga pipila ka poultry growers gikan sa nagkalain-laing lugar ang nagdala sa ilang mga binuhing itik aron pasanayon sa humayan sa Makilala sa post harvest period.Nanawagan si Bangot, dili lang sa mga opisyal kon dili lakip na sa katawhan sa lungsod, nga mag-alerto batok sa mga sakit sa mananap, ilabi na nga nasinati na sab nila ang Asian Swine Fever sa miaging mga bulan. |
| General Hospital sa Davao Occidental abli na Posted: 15 Mar 2022 02:59 AM PDT MALITA, Davao Occidental -- Kagahapong adlawa, Marso 15, ang opisyal nga pagbukas sa Davao Occidental General Hospital sa Barangay Lacaron, Malita, Davao Occidental nga suma sa mga residente, usa kini ka katumanan sa ilang dugay ng gidamgo nga di na sila moadto pa sa Davao City aron dalhon ang ilang mga pasyente.Luyo niini, walay kabutangan sa kalipay ni Davao Occidental Congresswoman Lorna Bautista-Bandigan sa kalampusan sa katukuran sa maong ospital.Ang maong ospital usa ka national hospital nga ikaduha sa Southern Philippines Medical Center (SPMC) nga dunay 100 bed-capacity ug gikonsiderang usa ka state-of-art facility."Natuman na gyod ang usa ka damgo, ug mas maningkamot pa kita nga mohimo og dugang mga balaod nga ikalipay ug ikaayo sa tanan natong mga residente ngari sa Malita," sulti ni Bautista-Bandigan sa ambush interview sa mga tigbalita kagahapon atol sa inauguration.Hunyo 24, 2021, gilagdaan ni Pangulong Rodrigo Duterte ang balaudnon nga mag-establisar sa Davao Occidental General Hospital nga unod sa House Bill 7321, gititulohan og "An Act Establishing A General Hospital in Barangay Lacaron, Municipality Malita, Province of Davao Occidental To Be Known As The Davao Occidental General Hospital, And Appropriating Funds Therefor."Ang paglagda gitambongan sa pipila ka mga miyembro sa Kongreso ug Malacañang. Si Duterte mipirma og 16 ka balaod, 13 niini may kalambigitan sa panglawas ug hangyo alang sa pagdugang og bed capacity sa mga ospital sa nagkadaiyang bahin sa nasud."Natuman na gyod karon ang damgo da tanang taga Malita, alang ni kaninyong tanan," sumpay ni Congresswoman Bandigan.Dugang ni Bautista-Bandigan, nahimong inspirasyon niini nga ospital ang moabot sa tulo hangtud upat ka oras ang pagbiyahe sa mga molupyo sa probinsiya una makapahimulos sa serbisyo sa tertiary hospitals nga naa sa siyudad sa Davao.Namugna ang Davao Occidental niadtong Oktubre 28, 2016 nga gisaak gikan sa Davao del Sur human ang referendum."Even before una ang pagbahin sa Del Sur, usa ka kini ka dako nga plano — plano nga alang sa katawhan ngari, ilaha kini, karon hapit nang magamit, gusto nato nga magamit kini sa unang kuwarter sa 2022," dugang niya.Dako ang pasalamat ni Bautista-Bandigan ngadto sa suporta ni Senator Bong Go, ang chairperson sa Senate Committee on Health kinsa naa sa opisyal nga pagbukas kagahapon sa maong ospital. |
| P1.2M dahon sa marijuana nasakmit Posted: 15 Mar 2022 02:58 AM PDT MOKANTIDAD sa P1.2 milyon sa pinaugang dahon sa marijuana ang nakumpiska sa Talomo Police Station atol sa buy-bust operation alas 9 sa gabii niadtong Marso 12, 2022 didto sa Purok San Vincente, Lote Street, Barangay Lizada, Toril District, Davao City.Ang suspek giila ni Police Major Noel Villahermosa, hepe sa Talomo Police Station, nga si Mark Anthony (bansagon gitago) alyas Anton, 21-anyos, ug giilang anaa sa top list sa drug watchlist sa Davao Region.Sumala ni Major Villahermosa nga nakadawat sila og impormasyon labot sa ilegal nga kalihukan sa suspek hinungdan nga ila dayon nga gikasa ang buy-bust operation.Nakuha sa posisyon sa dinakpan ang mga pakite sa pinaugang dahon sa marijuana nga mokantidad og sobra P1.2 milyon.Ang suspek gipasakaan na og kasong paglapas sa Republic Act 9165, kun Comprehensive Dangerous Drugs Act of 2002 didto sa korte. |
| You are subscribed to email updates from SUNSTAR. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment