https://www.sunstar.com.ph/ |
| Posted: 16 Mar 2022 02:56 AM PDT DAVAO DE ORO -- Wa gyud kalusot sa checkpoint ang usa ka 19-anyos nga lalaki human madakpi gumikan sa paghupot og mahait nga hinagiban ug ilegal nga druga didto sa national highway sa Townsite, Kingking, Pantukan ala 1:30 sa hapon Martes, Marso 15.Ang suspek giila nga si Journey Quinomes Cadayuna, ulitawo, molupyo sa Purok Talisay, Seminary Drive, Tagum City.Subay sa report, nasayran nga samtang nagpahigayon og Comelec checkpoint ang mga personahe sa Pantukan Municipal Police Station (MPS), naharang nila ang suspek nga niadtong higayona nagsakay og kolor pula nga Skygo motorsiklo nga dunay plaka nga MV File Number 1501273631 human nasiplatan nga duna kini gisusok nga icepick sa hawak niini nga dunay gitas-on nga onse ka pulgada.Sa dihang gihatud na kini ngadto sa buhatan sa Pantukan MPS, gihimo ang standard operating procedure (SOP) nga pagkapkap sa iyang lawas una gipaslak sa selda.Apan nasuta nga duna pa siyay laing kutsilyo nga gitipigan nga dunay gitas-on nga siyam ka pulgada ug usa ka sachet sa gituohang shabu nga giputos og puti nga papel nga gisuksok sa iyang brief.Nagtimbang ang shabu og 0.05 gramo nga dunay gibana-banang kantidad nga P340.Ang suspek posibleng mag-atubang og mga kaso ngadto sa korte. |
| Posted: 16 Mar 2022 02:45 AM PDT PAIT ang panginabuhi, kini ang natuklod nga pasangil sa duha ka mga gituohang pusher nga nasikop sa kapulisan sa Toril Police Station atol sa gikasa nga buy-bust operation pasado alas 11 sa gabii, Marso 14, 2022, didto sa Purok-2, Bankas Heights, Toril District, Davao City.Subay sa report sa Toril police ang duha ka nahisgutan nailhang sila alyas Koykoy, 36-anyos, taga Bago Gallera, Davao City, ug usa ka alyas Ariel, 42-anyos, nagpuyo sa Aplaya, Digos City.Nadakpan ang duruha subay sa impormasyon nga gipaabot sa Toril police gikan sa nagpakabanang lungsuranon hinungdan nga gikasa ang buy-bust operation.Ang duruha napalitan ug nakuhaan sa ilang posisyon og tulo ka pakite sa gituohang shabu nga mokantidad og P5,000.Kasong pagsupak sa Republic Act 9165, kun Comprehensive Dangerous Drugs Act of 2002, ang gipasaka nga kaso batok sa mga dinakpan didto sa korte. |
| Modernong mobile x-ray machine naa sa Mati City Posted: 16 Mar 2022 01:59 AM PDT MATI CITY, Davao Oriental -- Usa ka modernong mobile x-ray machine nga gipalit sa lokal nga panggamhanan sa Mati City pinaagi sa City Health Office ang miabot na sa nahisgutang dakbayan.Ang sakyanan, uban ang mga modernong ekipo, miabot niadtong Marso 15, 2022 ug gipaubos na kini sa usa ka dry run sa mga personahe sa CHO.Sumala ni CHO head Dr. Ben Hur Catbagan Jr., ang mobile x-ray dunay digital server alang sa tele-radiology project diin ang pag-eksamin sa pasyente mamahimo nang buhaton didto sa mga lagyong lugar ug dili na kinahanglan pang moadto sa ospital.Paspas na usab ang paggawas sa resulta sa x-ray ug mamahimo na kining ipadala dayon ngadto sa doktor sa bisan asang lugar nga maoy moeksamin sa resulta ug mohatag sa iyang diagnosis ug rekomendasyon.Gawas pa niini nga miubos usab ngadto sa singkuwenta porsiyento ang radiation exposure sa pasyente tungod sa bag-ong teknolohiya.Ang bag-ong customized mobile x-ray nagkantidad og mokabat sa kapin kon kulang P6.8 milyon. (JPC/CIO Mati) |
| You are subscribed to email updates from SUNSTAR. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment