https://www.sunstar.com.ph/ |
- P1M batok nipatay sa kapitan
- Davao City, Caraga pabilin gihapon sa Alert Level 1
- Rota sa Libreng Sakay sa LTFRB-Davao Region midaghan
- Nagpatay sa kapitan, vlogger gikasohan na
- Talento: Picking up the pieces
| Posted: 29 Apr 2022 02:37 AM PDT MOHANYAG si Digos City Mayor Josef Cagas og P1 milyon nga ganting salapi gikan sa lokal nga panggamhanan sa bisan kinsa nga makahatag og impormasyon sa bansagon nga tawo nga nagpaluyo sa linuog nga pagpatay sa barangay kapitan sa Digos City niadtong Miyerkules, Abril 27.Si Cagas, sa gipagawas nga pahayag, nagkondena sa pagpatay kang Barangay San Jose Captain Angelito Balasbas, kinsa bag-o lang niabot gikan sa barangay hall gipusil-patay sa suspek nga nagsakay og motorsiklo gawas sa iyang balay.Gidala si Balasbas ngadto sa ospital sa iyang mga silingan kinsa nakadungog og mga buto sa pusil.Ang 50-anyos nga kapitan gideklarang patay na sa pag-abot sa Sunga Hospital."No cause or reason can justify such senseless and brutal attack to a public servant whose heart and soul bleeds genuine concern for his constituents," matud ni Cagas.Ang mayor nag-awhag sa kapulisan nga gukdon ang mamumuno aron nga mahatagan og hustisya ang iyang pamilya.Gitawag ni Cagas si Balasbas isip "a man of faith, integrity and compassion." Gitawag sab niya kini nga "true leader" ngadto sa iyang mga konstituwente, kinsa "always ready and available to serve them.""Kap. Balasbas believed in our vision of making Digos City a city of choice, to visit, work and live. He actively supported and adopted the programs of the city government to better the lives of his constituents," dugang pa sa mayor.Misulay ang SunStar Davao sa pagkuha og dugang impormasyon gikan sa Police Regional Office (PRO)-Davao Region sa maong kaso, apan wala pa kini mitubag Biyernes, Abril 29.Ang pagpatay nahitabo pipila ka semana human duha ka managlahi nga mga opisyal sa barangay ang gipatay usab. Usa ang pagpatay kang kanhi barangay kagawad candidate Danilo Lumikid Jr. niadtong Abril 1 sa Manay, Davao Oriental. Ang laing pagpatay nahitabo kang Barangay Matiao Captain Ronnie Valera sa Mati City, Davao Oriental niadtong Abril 13, 2022.Wala pa magdeklara ang awtoridad kon duna bay kalambigitan sa eleksiyon ang managlahing insidente. |
| Davao City, Caraga pabilin gihapon sa Alert Level 1 Posted: 29 Apr 2022 02:35 AM PDT TALIWALA sa posibleng hulga sa laing pagtaas sa Covid-19, ang Davao City ug Caraga sa Davao Oriental nagpabilin ubos mas luag nga Alert Level 1 gikan Mayo 1 hangtud 15.Kini ang gipahibawo sa Inter-Agency Task Force for the Management of Emerging Infectious Diseases (IATF) sa katikaran sa alert level classification Biyernes, Abril 29, 2022.Samtang ang Davao del Norte, Davao del Sur, Davao Oriental, Davao de Oro ug Davao Occidental pabilin gihapon ubos sa Alert Level 2."Alert Level classifications of component cities and municipalities under IATF Resolution 166-A (s.2022) not otherwise affected by this Resolution shall remain in effect until May 15, 2022," matud ni acting presidential spokesperson Martin Andanar.Nagpahimangno ang Department of Health (DOH) sa posibleng pagtaas sa mga kaso sa Covid-19, tungod sa wala pagsunod sa minimum health protocols ug ang pagsulod sa bag-ong Covid-19 sub-variants, ilabi na ang paspas nga manakod nga Omicron variant.Mga awtoridad sa panglawas sayo niini nakadeparal nga sa unang kaso sa Omicron BA.2.12 sub-variant sa nasud, uban sa 44 ka close contacts sa mga siyudad sa Quezon ug Baguio.Ang publiko giawhag nga motuman sa minimum public health protocols, ilabi na ang pagsul-ob og face masks ug pagpalayo sa laing tawo aron nga mapugngan ang pagtaas sa mga kaso sa Covid-19 sa nasud.Gisulti sa DOH sayo niini nga ang Alert Level 1 mahimo nang makonsidera nga "new normal." (Uban sa taho sa SunStar Philippines) |
| Rota sa Libreng Sakay sa LTFRB-Davao Region midaghan Posted: 29 Apr 2022 02:34 AM PDT GIPASIGARBO sa Land Transportation Franchising and Regulatory Board (LTFRB)-Davao Region nga duna nay moihap 92,286 ka mga nakasakay sa "Libreng Sakay" nga gidalit sa maong buhatan taliwala sa pandemya sa Covid-19.Sa impormasyon gikan sa Philippine Information Agency (PIA) sa Davao City, naa na sa hapit usa ka gatos ka libo ka mga pasahero ang nakahimulos sa programa gikan Abril 14 hangtud 27, 2022.Nagpadayon gihapon ang libreng sakay, diin aduna kini 32 ka mga rota nga dunay 398 ka mga total public utility vehicles nga gipangkatag sa tibuok Davao Region.Sagad mga authorized person outside residence (Apors) ug mga healthcare workers (HCWs) ang nakabenepisyo sa programa.Ang LTFRB-Davao Region nagpagula og partial nga listahan sa mga rota sa bus padung sa south nga bahin ning rehiyon sa libreng sakay.Ang gikan sa Davao City padung sa Digos City ACF Bus Lines; Davao City padung sa Malita Davao Occidental ACF Bus Lines ug Nor Beli; sa Davao downtown padung sa Calinan Poblacion mao ang Davao Metro Shuttle; gikan sa Davao downtown padung sa Catalunan Grande mao ang Davao Metro Shuttle; samtang naa sab ang van nga gikan sa Davao City padung sa Digos City nga mao ang Galaxy van, nga naa say mopadung sa Bansalan sa Davao del Sur gikan sa Davao City sa samang van.Sa padayong pagdaghan sa rota sa libreng sakay, daghan pang schedule ang ma-post sa umaabot, diin mamahimong mabisita ug ma-search ang #librengsakaydavao. (Uban sa taho sa PIA Davao) |
| Nagpatay sa kapitan, vlogger gikasohan na Posted: 29 Apr 2022 02:33 AM PDT GIPASAKA na ang kasong murder sa Police Regional Office (PRO)-Davao Region batok sa suspek sa pagpatay ni Barangay Kapitan Ronnie Valera sa Barangay Matiao, Mati City, Davao Oriental.Kini ang gibutyag sa pamunoan sa PRO-Davao Region pinaagi ni Police Brigadier General Benjamin Silo Jr., diin suma sa opisyal nahandos na sa korte ang kasong murder.Gawas niini, niadtong Lunes sab gipasaka ang kasong murder batok sa suspetsado sa pagpatay kang Danilo Lumikid, giingong usa ka anti-corruption advocate ug "political Vlogger" sa Manay, Davao Oriental.Gihan-ay na sab sa PRO-Davao Region ang pagpasaka og kaso batok sa mamumuno sa pagpusil-patay kang Kapitan Angelito Zamora Balasabas, ang barangay kapitan sa Barangay San Jose sa Digos City, Davao del Sur.Hinuon wala pa gikabutyag sa kapulisan ning rehiyon kon ang maong mga krimen kabahin ba sa election violence.Ang Davao del Sur usa nga anaa sa listahan sa mga lugar ubos sa elections watchlist areas sa PRO-Davao Region.Sukad sa pagsuwat ning balita Biyernes, subling naningkamot ang Superbalita sa pagkutay sa komunikasyon ngadto sa PRO-Davao Region aron kuhaon ang bahin sa awtoridad sa kalamboan sa maong mga krimen diha sa ilang imbestigasyon. |
| Talento: Picking up the pieces Posted: 29 Apr 2022 02:33 AM PDT HELLO! I miss you hurot, Super B family! Yes, feeling I belong gihapon ning inyong kiat nga amiga bisan dugay na kita wala nagka-chicka. Kumusta? Bitaw, walay char -- gimingaw gayud ko kaninyo!Bag-ohay pa lamang, ningsibat... yes, minglayas sa ko sa among balay ug niadto sa usa ka isla diin nakahimamat ko'g mga tawo nga dunay maayong kasing-kasing nga mag-asawa nga sila Pastor Jifred ug Sis Santa sa Victory Chapel Community Church, uban ang kaigsuonang sila Love, Dats, Ging ug Payat (puro ra anggga kay "close" na kunohay mi he he).Bitaw, niagi ko'g mga hagit sa kinabuhi. Sa dugay'ng panahon, akong gibubo akong kaugalingon sa akong pamilya bisan ako ra gayung papa ang labaw nakong hinigugma. Dili gud mi close sa akong mader kay sutil na ko bisan sa pagkabata. Mas labaw'ng pinangga gayud niya akong ate nga karon adunahan na kay siyempre ang kuwarta ug ang kinamanghuran kay hangtud karon- ginatilaplipan pa siya dala'g ingon og, "aylabyu" puli sa adlaw-adlaw niyang panglaba bisan sa dinug-an niya sa edad nga kapin 30. Bitaw, sa usa ka maestra sa pampublikong tulunghaan; nganong wa niya nasabtan nga ang inahan; dili nato mga katabang! Anyway, ganahan man akong mader utu-utuon busa bahala na siya sa iyang kaugalingon.Nganong dili ko close sa akong mader? Dili ko ganahan mangatik. Dili pud ko mouyon kung wala namao ang mga plano o proyekto. Ako man ang nagpadagan sa negusyo sa pamilya- wala gayuy makakawat bisan akong papa nga tag-iya kay tanan naka-schedule ug nakalista. Dili puwede nang atik-atik mopalit ug tambal unya wala diay sakit. Ako gayud dalhon sa ospital ang miyembro sa akong pamilya aron ang doktor ang mosuta. Naa may kuwarta, nganong magtipid nga dili man mapalit ang kinabuhi?Bitaw, kuwareta y tres nako, tiguwang na aron mangatik sa akong pamilya, kaugalingon ug bisan kaninyo. Mubo ra baya ang kinabuhi. Ang uban nakong higala -- wa na gyud nagginhawa. Grasya ni Lord nia -- makalaag pa ko. Wala siyempre nako gidaut akong pamilya. Last year, ika-12 nako gidala sa ospital akong papa nga kaniadto nahigugma'g alak busa ang atay ningbagtok na, mao tandugunon kaayo, higala. Tungod luya ni siya, isip anak, alalay gayud sa panginabuhian sa pamilya diin akong inahan, igsuon nga walay pulos (kay wala gayuy kontribusyon bisan motrapo sa suka sa among papa unya nagadala pa'g laki nga libre i_ _t, tulog ug kaon sa among balay diin akong papa naga-grocery pero ako ang nag-work, mare -- unya angkunon pa ang property nga bisan toothpick wala siya'y naamot sa pagpatukod niini- ang tindi!)Reyalidad gayud kini sa mga kinabuhi nato apan imbes nga makigbugno, ningbiyahe ako ug nagbuhat sa mga butang nga makalingaw ug makapalipay nako. Tungod ang kinabuhi duna gayuy mga hagit, importante nga naa kitay kalipay pud nga masungkit. I'm saving happiness. Yes, nagapuno ko sa akong alkansiya og mga butang nga makadasig ug makalipay nako aron sa higayon nga sungugon kita sa panahon- dili kita dali nga maluya, igsuon. Tama nang maglagot o magpaguol-guol kay hamubo ra ang kinabuhi. Paglipay dala sa gasa ug grasya sa Ginoo aron makalahutay kita bisan sa unsang sitwasiyon sa kinabuhi nato. #ireallymissyou |
| You are subscribed to email updates from SUNSTAR. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment