https://www.sunstar.com.ph/ |
- Cebu-Toledo wharf road dili una paagian
- Kanhi D.I., drayber nasakmitan og 15 kilos nga 'shabu' sa Lapu-Lapu
- 98 nataptan, 3 nakalas sa typhoid fever sa Barili
| Cebu-Toledo wharf road dili una paagian Posted: 24 Jun 2022 10:44 PM PDT Dili una pwede agian ang dalan sa Cebu-Toledo Wharf Road sa Sitio Absa, Barangay Don Andres Soriano (DAS) sa dakbayan sa Toledo subay sa pagkahunlak sa bahin sa maong agianan.Kini subay sa advisory sa Department of Public Works and Highways (DPWH) sa Hunyo 25, 2022.Ang DPWH mipahibaw na karon'g adlawa, Hunyo 25, nga nihimo na og assessment ang buhatan ug giandam na niini ang request alang sa gibana-bana nga pundo alang sa pag-ayo. Giandam na usab niini ang culverts nga i-deliver lakip na ang mga ekipo nga gamiton sa pag-ayo.Unang mipadayag sa kabalaka ang lumolupyo nga si Alberta Algarme tungod sa nahunlak nga dalan.Matod ni Algarme nga usa ka semana na nila kining gi-reklamo apan giingong wala pa'y solusyon nga gihimo ang naasoy'ng buhatan."Gi-paarian man og tawo unya inig ari sa tawo nga ilang suguon magsigi lang og picture, dayon sukod-sukod, suwat-suwat, dayon mouli unya karon nalus-ag...wala sad ni'y suga diri," matud ni Algarme pinaagi sa sibyaanan DYHP Cebu sa Hunyo 25.Dugang niya nga mosaka na ang tubig sa lugar panahon kon mag-uwan tungod sa guba nga culvert."Kon mo-uwan ang kining tubig sa likod pila na gani ka adlaw nga walay uwan ha, puno naman gani kaayo. Mao ang tubig na stuck-up dili na kalusot. Ang among silingan gisulod niya unya ang tulo ka culvert iya nakit-an nga nalusno na gyud," matud ni Algarme.Saysay ni Algarme nga una nilang nabantayan ang buslot sa dalan human nabuwasot ang usa ka batan-ong lalake nga nag motorsiklo nga niagi."Gamay ra unta kaayo to... pag ganihang kadlawon mga ala-una nahibong man ko nga naay nauyog, pag gawas nako nakita na nako nga ang karsada nahunlak," dugang niya.Matud ni Jose Jeffrey Cabrera, barangay kapitan sa DAS, nga posible'ng usa sa nakatampo ang mga dagkong trucks nga moagi sa maong dalan.Hinungdan nga gimandoan na kini sa pag-agi sa laing ruta aron kalikayan ang disgrasya sa lugar."Amo na ni gireport sa DPHW pero kahibaw ka aning gobiyerno nga ma dugay-dugay sad ako na lang gibutangan og danger sign nga dili na paagian. Gi-detour naman namo adto na sila agi sa Cantabaco lusot sila didto pwede man sila mo-agi didto dili na sila maka-agi sa Lutopan nga delikado na," matud ni Cabrera sa Hunyo 25.Samtang si Kongresista Pablo John "PJ" Garcia nagkanayon nga dunay budget ang DPWH Engineering district alang sa pag-ayo hinungdan nga iyang hinabion ang mga opisyal niini aron mahatagan og sulbad ang yangungo sa mga residente."Dili na accurate nga walay budget kay ang DPWH Engineering for mentainance and immediate repairs, siguro walay budget sa pagkakaron sa long term solution kay isulod man gyud na sa budget kay itemized man gyud ang budget nato for next year but I'm sure naa gyud na'y makuhaan og budget for maintenance," matod ni Garcia sa Hunyo 25."Kung walay budget magpatabang ta sa atong mga contractors diha sa third district maayo na lang motabang kay sila man sad ang mangagi diha," dugang niya. (ANV) |
| Kanhi D.I., drayber nasakmitan og 15 kilos nga 'shabu' sa Lapu-Lapu Posted: 24 Jun 2022 08:04 PM PDT KANHI dance instructor nga nag drug courier ug ang kauban niini nga drayber ang nadakpan ug nasakmitan og 15 ka kilos sa giingon'g shabu sa ronda nga gipahigayon sa Drug Enforcement Unit (DEU) sa Lapu-Lapu City sa Sabado sa buntag, Hunyo 25, 2022.Moabot sa P102 milyones ang balor sa droga nga nasakmit gikan sa mga suspetsado nga si Eric Felisilda, 45 anyos, lumad nga taga Tagbilaran City, Bohol ug Niel James Vallesquiña, 27 anyos nga taga San Francisco, Agusan del Sur.Si Major Joey Bicoy, pangu sa DEU Lapu-Lapu, maoy nangu sa ronda uban sa mga sakop sa Philippine Drug Enforcement Agency in Central Visayas ug Naval Forces Central.Giingon nga kining si Valesquiña maoy nagdala niining ilegal nga drugas dinhi sa Sugbo aron ihatud sa kaulohan.Kasong kalapasan sa paghupot ug pagbaligya sa ilegal nga drugas ang atubangon sa duroha. (BBT, TPT) |
| 98 nataptan, 3 nakalas sa typhoid fever sa Barili Posted: 24 Jun 2022 07:41 PM PDT Moabot na sa 98 ka mga kompirmadong kaso sa typhoid fever o tipus ang natala sa 24 ka mga barangay sa lungsod sa Barili diin tulo na niini ang namatay.Kini subay sa resulta sa inspection report sa Cebu Provincial Health Office (CPHO).Subay sa talaan, nag-una sa may labing taas nga kaso sa tipus ang Barangay Poblacion (28), Gunting (21), Mantayupan (12), Guibuangan (5), Japitan (5), Maigang (4) ug Minolos (3).Samtang tagurha ka mga kaso sa Barangays Tubod, Nabunturan, ug Maghanoy. Nakatala usab og tagsa ka mga kaso sa Cagay, Bolocboloc, Luhod, Patupat, San Rafael, Hilasgasan, Budbud, Nasipit, Kangdampas, Tal-ot, Mantalongon, Pangpang, Campangga ug Sta. Ana.Naila ang mga nakalas sa sakit nga sila si Shaun Miguel Vergara Mompar, 31 anyos nga taga Poblacion, Barili; Britney Capio, 19 anyos nga taga barangay Gunting; ug si Juvelyn Encallado nga taga barangay Sta. Ana. (ANV) |
| You are subscribed to email updates from SUNSTAR. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment