https://www.sunstar.com.ph/ |
| Posted: 30 Mar 2021 04:29 AM PDT DAVAO DE ORO -- Usa ka 70 anyos nga lolo nga putol ang usa niya ka kamot anaa nanimuyo sulod sa pambulikong sementeryo sa lungsod sa Compostela ning probinsiya. Sa pakighinabi sa Superbalita Davao kang Herminio Maglasang alyas Tatay Neo, gisaysay niya nga human sa Bagyong Pablo nga milampurnas sa lungsod niadtong 2011, nagpuyo na siya sa sementeryo sanglit naguba ug naanod sa baha ang iyang kanhi nga balay. Matud pa niya nga ang iyang gikatulogan mao ang usa ka pantiyon nga nahimo na niyang balay. Dinhi na niya himuon ang pagluto sa inadlaw niyang pagkaon. Nasayran nga walay asawa ug mga anak si Tatay Neo hinungdan nga nag-inusara siya nga nagpuyo sulod sa sementeryo. Gisaysay sab niya kung nganong naputol ang iyang tuong kamot. Nahitabo kini sa dihang nag-edad pa siya og 30- anyos human masulod sa galingan sa mais ang iyang kamot ug naapil sa paggaling. Apan bisan pa sa iyang kahimtang mahibawo siya sa pagpangguna ug pagpanggupit isip iyang panginabuhian kay maantigo man siya niining mga buluhatona. Iya sab nga gisulti nga malinawon ang iyang pagpuyo sa sementeryo ug napamatud-an niya nga di tinuod ang mga istorya bahin sa mga kalag nga maglatagaw ug white lady, apil na ang giingong pari nga putol ang ulo. Kapin napulo na ka tuig siyang nagpuyo sa sementeryo apan ang mga nahisgutan wa gyud niya ikahibalag ug nakita. Sa pagkakaron, si Tatay Neo malipayon sa iyang kinabuhi nga nag-inusara nga ang bugtong tinguha sa kanunay mao nga naa siya sa maayong lawas ug malayo sa sakit labi na sa gikalisangang sakit nga coronavirus disease 2019 (Covid-19) ning panahona.  This posting includes an audio/video/photo media file: Download Now |
| P32M kantidad sa druga gisunog Posted: 30 Mar 2021 04:27 AM PDT MOBALOR sa P32.5 milyones sa ilegal nga druga ug uban pang non-drug evidence nga nakumpiska sa nagkadaiyang operasyon sa Davao Region ang dungan nga gipangsunog sa usa ka seremonya nga gihimo sa Davao del Sur Provincial Capitol Ground, Matti, Digos City, Davao del Sur, Marso 29 sa buntag. Anaa sa 1,717.9578 grams sa methamphetamine hydrochloride o shabu, balor P11,682,113.04 ug 173,664.3313 grams sa pinaugang dahon sa marijuana, mibalor og P20,839,719.756, diin ang tanan mikantidad og P32,521,832.80 ang gisunog. Ang pagsunog sa mga drugas gisaksihan sa nagkadaiyang opisyales sa lain laing buhatan sa gobyerno. Sumala ni Philippine Drug Enforcement Agency (PDEA)-Davao Director Antonio Rivera nga bunga kini nagpakabana nga katawhan sa komunidad sa pag-report sa awtoridad sa mga katahapang aktibidad sa palibot. Nakadayeg sab ang opisyal sa paningkamot sa mga personahe sa PDEA-Davao, kapulisan ug ubang partners sa kampanya kontra druga. (Jeepy P. Compio)  This posting includes an audio/video/photo media file: Download Now |
| 2 nagtambay sa tindahan gibugha Posted: 30 Mar 2021 04:26 AM PDT COTABATO CITY -- Padayon ang gihimong imbestigasyon sa Datu Odin Sinsuat Municipal Police Station bahin sa pagpatay sa duha ka mga tawo nga nagtambay lang sa tindahan alas 10:00 sa gabii, Lunes, Marso 29, 2021. Nasayran nga mga biktima nga sila Bermark Sague ug Johnny Alejandro, pulos hamtong ang pangedaron, nagpuyo sa Barangay Poblacion, North Upi, Maguindanao Province, naglingkod lang atbang sa sari-sari store sa Sitio Tenorio, Barangay Awang sa nahisgutang lungsod sa dihang giduol sa duha sab ka wala mailhing lalaki ug gipamusil. Nasayran nga human sa pagpamusil, daling miikyas ang mga mamumuno sakay sa motorsiklo nga walay plaka paingon sa direksiyon sa Cotabato City. Mga biktima nga naigo sa nagkadaiyang bahin sa lawas on the spot nga namatay. Gihulagway sa mga nakasaksi nga mga mamumuno pulos nakataptap ang dagway busa nalisdan sila sa pag-ila kanila. (Edgar E. Fuerzas)  This posting includes an audio/video/photo media file: Download Now |
| You are subscribed to email updates from https://www.sunstar.com.ph/. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment