https://www.sunstar.com.ph/ |
- PRO-Davao nagpagawas pahayag bahin reklamo sa NBI kontra Pepino
- Binabaye 'bullseye' sa totoy
- Sarhento todas sa bangga
- 10-anyos gilugos, gipatay
| PRO-Davao nagpagawas pahayag bahin reklamo sa NBI kontra Pepino Posted: 10 Jul 2022 04:43 AM PDT GILAYONG nagpagula og pamahayag ang Police Regional Office (PRO)-Davao Region human nga nagpatabang na sa National Bureau of Investigation (NBI) Davao ang pamilya sa napatay nga 19-anyos nga si Amierkhan Pulalon Mangacop gawas sa usa ka bar sa Davao City kaniadtong Hulyo 2, 2022.Ang opisyal nga pamahayag sa PRO-Davao napagula pinaagi sa spokesperson, Attorney/Police Major Eudisan Gultiano niadtong Sabado.Sumala sa pamahayag nga giila sa PRO-Davao ang katungod sa pamilyang Mangacop nga mangayo og tabang sa NBI aron masusi ang insidente sa pagpamusil nga naglambigit kang Dr. Marvin Rey Pepino.Dugang pa nga sa bahin sa PRO-Davao, isip kabahin sa ilang mandato, ang reklamo sa pagpatay uban ang tanang gikinahanglang mga dokumento ug mga ebidensiya nga nahipos sa San Pedro Police Station, gipasa na ngadto sa Office of the City Prosecutor.Gipasaka na usab ang reklamo sa paglapas sa Section 31 sa Republic Act 10591 kun Comprehensive Law on Firearms and Ammunition.Ang suspek gitanggong pa sa kustodiya sa nahisgutang police station samtang nagpaabot sa nagpadayon nga preliminary investigation.Gipahibalo sa PRO-Davao nga alang sa kasayuran sa publiko, usa ka administratibong reklamo ang gisugdan na batok kang Pepino nga gidumala sa Regional Investigation and Management Division sa kapulisan sa rehiyon. |
| Binabaye 'bullseye' sa totoy Posted: 10 Jul 2022 04:41 AM PDT PERTENG hubaga ug milagom ang usa ka mata nga nagpa-blotter sa San Pedro Police Station ang usa ka bayot human sumbaga sa usa ka lalaki ala una sa kaadlawon, Hulyo 10, 2022.Ang binabaye nagpaila sa pangalan nga Michaela, 24, nagpuyo sa Barangay Baliok, Talomo District, Davao City.Saysay niini sa San Pedro police nga niadtong Hulyo 9, nasabutan nila sa iyang ka-chat nga mag-meet sa parke atbang sa San Pedro Cathedral, ug tuod man, nag-meet sila.Apan pipila ka oras ang milabay, napungot si Justine, 19, dihang iyang nasayran nga di diay tinuod nga babaye si Michaela kay iyang nakita nga milugwa ang condom nga dunay sud nga tubig sa bra nga maoy gihimong totoy sa bayot.Nasayran nga sa Facebook ni Michaela, nagpaila kining babaye subay sa mga hulagway nga na-post niini, butang nga perteng gugmaha ni Justine gumikan na sab sa kaguwapa sa nahisgutan.Nasuko si Justine pipila ka oras sa pag-angkon ni Michaela nga di siya tinuod nga babaye, hinungdan nga nasumbagan ni Justine ang nawong sa bayot usa ka higayon tumong sa mata.Human sa hitabo, daling misibat si Justine, kinsa nag-deactivate kini sa Facebook ug gi-blocked sa Messenger si Michaela.Walay nahimo ang binabaye, kon di ang pagpa-blotter na lang sa San Pedro Police Station. |
| Posted: 10 Jul 2022 04:41 AM PDT BUNGKAG ang motorsiklo nga gisakyan sa usa ka pulis human nibangga sa gisundan nga trak alas 6:30 sa buntag niadtong Sabado, Hulyo 9, 2022.Giila ang napatay nga si Police Staff Sergeant Areen Peroy Esponoryo, 36, minyo ug nadestino sa Arakan Municipal Police Station sa Cotabato Province.Matud ni Cotabato Provincial Police Office Director Colonel Harold Ramos nga paingon sa Arakan MPS ang biktima sakay sa iyang gimaneho nga motorsiklo aron mo-duty, apan kalit kining nibangga sa gisundan nga Isuzu Elf truck sa Barangay Naje sa nahisgutang lungsod.Tungod sa kakusog sa impak sa disgrasya, nabungkag ang Suzuki Raider 150 nga gisakyan sa pulis ug giingong on the spot siyang nabugtoan sa kinabuhi.Hinuon misurender dayon ang drayber sa trak ngadto sa mga awtoridad nga giilang si Romel Castor Tabasa, 33, nagpuyo sa Bukidnon.Base sa mga saksi sa hitabo nga kusog matud pa ang dagan sa motorsiklo samtang kalit sab ang pagpreno sa trak nga maoy hinungdan sa bangga. |
| Posted: 10 Jul 2022 04:28 AM PDT HUSTISYA ang gisinggit sa pamilya sa 10-anyos nga babaye human nga nakaplagang patay ug giingong gilugos pa alas 9 sa buntag niadtong Sabado, Hulyo 9, 2022, sa Barangay Alamada, Cotabato Province.Ang biktima nagpuyo sa Sitio Sabang Landing sa nahisgutang barangay. Sumala kang Alamada Chief of Police Major Bryan Espinosa nga wala maalinggati ang biktima nga misunod sa iyang inahan nga nagkuha og pensiyon sa barangay hall sa nahisgutang barangay.Giingong giatngan sa suspek nga si alyas Doy ang biktima ug didto na niya gilugos ug unya gidunggab sa makadaghang higayon ang lawas nga maoy hinungdan sa kamatayon niini.Nakit-an sa mga silingan ang patay nga lawas sa biktima daplin sa kalsada nga naligo sa kaugalingong dugo.Samtang ang suspek niikyas human sa hitabo apan wala madugay nadakpan sa usa ka lungsod sa Lanao del Sur ug didto na gitanggong sa kapulisan.Positibo matud pa nga lulong sa druga ang suspek sa dihang gilugos ang silingan niyang bata. |
| You are subscribed to email updates from SUNSTAR. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment