https://www.sunstar.com.ph/ |
- Editoryal: Seguridad sa pagkaon prayoridad
- Misis gikulata, gipriso sa bana
- Nengasca gipasakaan na og 2 ka mga kaso; lain pang 2 nga isunod
- Red Cross mipahuwam og 25 ka mga higdaanan sa lungsod sa Barili
- Positivity rates sa Covid sa nangaging adlaw misaka
- Fruit vendor nga gireklamo nga milugos sa kapuyo sa anak, nasikop
- Namasangil og kawat, gidunggab
- 3 ka sakop sa Salisi gang gikasuhan
- Binghay: Pulong nga makasakit kang Eva
- Tambagi ko Noy Kulas: Wa na mag control
- Consolacion Community College gihiusa na karon sa CTU system
- 4-month feeding program gilusad sa Brgy. Subangdaku
- Bossing giluwas ni Amer batok sa Bolts
- Lapu-Lapu fighters napakyas
- Super Busog: Creamy Roast Beef
- P4.4-B illegal drugs nasakmit sa 6 ka tuig
- Gilas women's team, bronze medalist sa FIBA U-16 Women's Asian Championship
- Suspek sa linuog nga pagpatay sa Aloguinsan gipasakaa'g kaso
- Palma ngadto sa mga bag-ong opisyal: Magbaton og lig-ong pagtuo sa Ginuo
- BBM midayeg sa iyang amahan
- Editoryal: Pasagdi lang una si BBM
- Rabacal: PBBM 2022 – 2028
- Talk to Papa Joe: Kulatado
- Garcia wala mangayo og balos ni Pres. Marcos
- Militanteng grupo milusad og protesta
- Rama nanawagan og kahiusahan
- Gikan sa Alert Level 2 ipaubos sa Covid test?
- Managsuong Arquillano giabsuwelto sa kaso
- Trade Fair sa dakbayan sa Talisay himuon nang regular ni Samsam
- 37 ka higante nga balayan sa taklubo nasakmit
- Kanhi politiko nga nagpabuto, nakuhaan og armas, gikiha na
- Online Basketball sugdan karong Hulyo 4
- JBY Birthday run sa Balamban sa Dominggo
- McGregor moaway pagbalik
- Super Suroy: Magtindak tindak ta sa Olango
- Beermen solo sa liderato
- PBA champion adunay malisod nga tahas
- F2F classes sa Cebu City
- Nanghagis kay wa makaeskor ni Misis, nasikop
- Ciar: Pinay Celebrity nga mabdos
- P11 na minimum pletihan sa PUJ
- Sugilanon: Ang hukom ni Jonas
- Anak ni Pacquiao, sa unang higayon, napildi
- Noel, Burks gi-trade
- Timberwolves mikuha og 7-footer
- Zubac di buhian sa Clippers
- Westbrook Lakers gihapon
- Sexton gitanyagan sa Cavs magpabilin
- Bongbong: Suporta sa Sugbo historic; Sara nagpasalamat
- Gwen motambong sa inagurasyon ni Bongbong karon
| Editoryal: Seguridad sa pagkaon prayoridad Posted: 01 Jul 2022 05:37 AM PDT Niani og nagkalainlaing reaksiyon ang inaugural speech ni Presidente Ferdinand 'Bongbong' Marcos, Jr. sa Philippine National Museum sa Manila niadtong Huwebes, Hunyo 30, 2022.Namakpak ang iyang mga dumadapig apan ang mga oposisyon ug mga sakop sa militantanting grupo, sama sa naandan, puno sa pagsaway sa unod sa pakigpulong bisan sa importanteng punto, sama sa seguridad sa pagkaon.Maingon nga pulos motherhood ang gipamulong human wala pa kini ikapakita nga ebidensiya o mihuras. Masabtan usab nga wa mohisgot si Bongbong bahin sa akusasyon nga halapad sa paglapas sa tawhanong katungod ug korapsiyon panahon sa rehimen sa iyang amahan. Todo pahumot ang pamahayag. Kinsa bay gusto modaut sa kaugalingon?Hinuon, mas maayo nga magpadayon ang pagpakabana aron maduso sa pagtuman sa iyang gipanulti. Sayod kita nga dili kini matuman sa usa ka pagpamilok sa mata. Hatagan nato og panahon nga makasikad, labing ubos sulod sa usa ka tuig aron hinayhinay nga paninglan.Ug ning sayo, maaninaw nga may kalamboan sa seguridad sa pagkaon. Wala pa siya nanumpa isip ika-17 nga presidente sa Pilipinas, nipadayag na nga temporaryong molingkod isip kalihim sa agrikultura.Nanagana siya sa nag-unang-ong nga halapad nga kagutom nga epekto sa pandemiya sa Covid-19 ug ang kagubot tali sa Russia ug Ukraine nga nimugna og global crisis.Lakip sa iyang saad ang pag-ugmad sa agrikultura aron maluwas sa pagsalig importasyon. Ang Pilipinas nag-una sa Asya sa International Rice Research Institute (IRRI) sa UP Los Baños nga namugna sa amahan ni Bongbong.Apan karon, ang mga nasod nga nagtuon sa IRRA mao na hinuon ang tinubdan sa atong importasyon sa bugas?Way bili ang pagkaadunahan. Pagsutoy sa teknolohiya, apan nagkutoy ang tiyan. Gubot ug kaguliyang ang resulta - rebelyon. |
| Misis gikulata, gipriso sa bana Posted: 01 Jul 2022 05:31 AM PDT Asawa nga usa ka call center agent giingong gikulata ug gipriso sa iyang bana sa underground sa ilang balay kay nasakpang dunay gikagakosgakos nga laing lalaki sa usa ka video nga gipadala ngadto sa mister.Nangaukay ang mga silingan sa ala 1:30 sa hapon sa Biyernes human gialarmahan ug girespondihan ang insidente sa Brgy. Can-asujan, dakbayan sa Carcar.Ang 22 anyos nga bana nga walay trabaho gitanggong sa detention cell sa Carcar Police Station human gireklamo ug gihikay sa kapulisan ang kasong kalapasan sa Republic Act (RA ) 10591 kun Comprehensive Firearms and Ammunition Regulation Act; Republic Act (RA) 9262 kun Anti-Violence Against Women and their Children Act of 2004 ug illegal detention.Si Kobe ( di tinuod niyang ngan) nasuko og maayo sa iyang asawa nga si Dianne (di tinuod nga ngan), 22, human niya nakita ang usa ka video nga grabe kaayong nakiglayugay sa usa lalaki, butyag ni Police Lt. Col. Ardioleto Cabagnot, hepe sa Carcar Police Station nga nahinabi sa Superbalita Cebu.Matod ni Cabagnot nga alas 11:00 sa buntag niabot si Dianne gikan sa trabaho.Wala pa gani makakanaog sa habalhabal nga gisakyan, gibira na siya ni Kobe, giguroy ug gipatidpatiran.Human niya og kulata, si Dianne gidala ngadto sa underground sa ilang balay ug gikandaduhan.Giingong gitiunan ug gihulgang pusilon ang iyang asawa gamit ang pugakhang.Ang inahan ni Dianne daling nidagan ngadto sa ilang barangay hall ug nangayo og abag.Dali sab nga nanawag sa kapulisan ang mga opisyal sa barangay.Sila Police Staff Sgt. Chuck Dayuja, Patrolman Christian Dave Casul, Patrolman Claide Acao, uban sa Women and Children protection Desk (WCPD) personnel Police Staff Sgt. Camia Codo, daling ningrespondi sa lugar alas 12:00 sa udto.Ilang naabtan si Kobe nga didto sa underground sa panimalay uban sa iyang asawa, nagdala og pugakhang ug nanghulga sa asawa.Gumikan niini, daling gipahigayon ang negosasyon og mga kapin sa usa ka oras ug napusasan si Kobe samtang na-rescue ang biktima.Narekuber sa kapulisan ang usa ka pugakhang uban sa tulo ka mga bala sa 12-gauge shotgun.Si Cabagnot nibutyag nga si Dianne nitug-an nga ikaduha na nga higayon siyang gipriso sa iyang bana sa underground sa panimalay.Ang unang insidente niadtong Abril 2022, diin duha ka adlaw siya sa underground.Niangkon si Dianne nga nagselos ang iyang bana human siya nasakpan nga dunay karelasyon nga laing lalaki.Niangkon siyang nakasala sa ilang kaminyuon, apan gumikan usab kini sa ka seloso sa bana ug kakusog aning mangulata.Gumikan niadto, nagkabuwag sila sa iyang bana.Apan tungod sa ilang anak nga 3 anyos ug manghud nga tulo pa ka buwan, nagkabalik sila."Naalburoto ang bana kay nakakita man siya sa video gipadala to Messenger sa higala. Enjoy kaayo ang asawa haloghalog atong lalaki," dugang ni Cabagnot.Si Dianne nipadayag nga dili na siya makigbalik pa sa iyang bana.Nakahukom na siyang pasakaan kini og kaso sa korte aron di na masubli ang pangabuso. |
| Nengasca gipasakaan na og 2 ka mga kaso; lain pang 2 nga isunod Posted: 01 Jul 2022 05:16 AM PDT Napasakaan na og kasong robbery with homicide ug frustrated murder si James Harvey Nengasca, 22, suspek sa pagtulis ug pagpatay sa iyang iyaan nga si Arsenia Nengasca Alidan ug pagkaangol sa laing iyaan nga si Belen Nengasca Biton niadtong Dominggo sa hapon.Matud ni Police Lieutenant Roberto Barnido, hepe sa Aloguinsan Police Station, nga napasaka na ang duha ka mga kaso alang sa inquest proceedings sa Provincial Prosecutor's Office.Samtang ang kaso ni Nengasca ipasa sa dakbayan sa Toledo kay adto i-raffle kon asa nga korte ang mohawid.Dugang ni Barnido nga si Nengasca anaa sa ilang kustodiya karon, samtang karong adlawa, laing kaso usab ang atubangon niini human nakuhaan og shabu ug armas sa kapulisan dihang.Ang Provincial Intelligence Unit (PIU) sa Cebu Provincial Police Office (CPPO) maoy mopasaka sa buwag nga kaso tungod sa kalapasan sa Republic Act (RA) 10591 tungod sa ilegal nga paghupot og armas ug Republic Act (RA 9165) kun Comprehensive Dangerous Drugs Act of 2002 human siya nakuhaan og ilegal nga drugas.Si Nengasca nadakpan niadtong Hunyo 26 sa Barangay Lagtang sa dakbayan sa Talisay kon diin didto siya nag tago-tago human niya gitulis ug gipatay ang iyang iyaan ug pagsuway og patay sa laing iyaan.Ang grupo ni Police Lieutenant Colonel Mark Gifter Sucalit, hepe sa PIU, uban ang Talisay City Police Station nialarma sa usa ka armed person sa dapit human nasuta nga dunay usa ka lalaki nga kadudahang may dala nga armas ug nisibo sa diskripsyon ni Nengasca.Si Nengasca nangatarungan nga igo ra unta siyang manghuwam og P5,000 sa iyang iyaan human siya napilde sa sabong.Apan wa siya pahuwama hinungdan nga iya kining gidunggab makadaghan gamit ang gunting. |
| Red Cross mipahuwam og 25 ka mga higdaanan sa lungsod sa Barili Posted: 01 Jul 2022 04:47 AM PDT Dugang 25 ka mga katre ang gipahuwam sa Philippine Red Cross sa infirmary sa lungsod sa Barili ug Barili District Hospital tungod sa padayong pagsaka sa mga naadmit sa mga kaso sa typhoid fever o tipus sa lungsod.Gipahibaw sa Kagamhanan sa Lungsod nga 13 ka mga cot bed ang gipahuwam sa infirmary samtang 12 usab sa BDH.Subay sa kasamtangang talaan sa kagamhanan, moabot sa 44 ka mga kaso sa tipus ang naa pa samtang dunay 26 ka mga kaso sa dengue.Sa maong datos, 17 ang anaa sa Barili infirmary samtang 27 niini ang anaa sa district hospital.Aron padayong mapugngan ang pagkatap sa kagaw sa tipus, padayong giawhag sa Municipal Health Office (MHO) ang mga residente sa pag gamit sa giapod-apud nga mga chlorine sa tubig ug pag-init sa tubig niini aron kalikayan ang samang sakit.Ang lungsod nagsagubang sa pagkuyanap sa typhoid fever sukad niadtong Marso, diin tulo na ka mga lumolupyo ang nangamatay sa mao nga sakit. |
| Positivity rates sa Covid sa nangaging adlaw misaka Posted: 01 Jul 2022 04:45 AM PDT Ang Octa Research nakatala og pagsaka sa coronavirus disease 2019 (Covid-19) positivity rates sa pipila ka mga probinsiya sa nasud, apil na ang Sugbo, matud ni Dr. Guido David sa Biyernes, Hulyo 1, 2022.Si David niingon nga ang Cavite maoy nakarehistro sa kinatas-ang pagtaas sa positivity rate, nga gikan sa 5.9 porsiyento niadtong Hunyo 25 ngadto sa 13.2 porsiyento sa Hunyo 29.Gikan sa 6.0 porsiyento nga positivity rate niadtong Hunyo 25 sa National Capital Region (NCR), misaka kini ngadto sa 7.5 porsiyento sa Hunyo 29.Ang positivity rate sa Batangas misaka gikan sa 5.6 porsyento ngadto sa 6.6 porsyento, Benguet gikan sa 3.2 porsyento ngadto sa 6.0 porsyento, Iloilo gikan sa 5.7 porsyento ngadto sa 6.9 porsyento, Laguna gikan sa 7.6 porsyento ngadto sa 8.8 porsyento, ug Pampanga gikan sa 5.9 porsyento ngadto sa 7.7 porsyento.Ang positibo nga rate sa mao nga mga lugar milabaw sa lima ka porsyento nga benchmark nga gitakda sa World Health Organization (WHO).Ang positivity rate sa Bulacan, Cebu ug Davao del Sur misaka usab ngadto sa 4.0, 3.5 ug 3.3 porsyento niadtong Hunyo 29, matag usa, gikan sa 2.9, 2.8 ug 2.1 porsyento niadtong Hunyo 25.Sa Rizal, mius-os kini gikan sa 11.9 porsyento ngadto sa 9.7 porsyento.Ang positivity rate mao ang gidaghanon sa mga tawo nga nagpositibo sa kinatibuk-ang gi-tests alang sa Covid-19.Niadtong Huwebes, Hunyo 30, ang Department of Health (DOH) nakatala og 1,309 ka bag-ong mga kaso sa Covid-19, labing taas sa single daily tally sukad sa Pebrero 25.Ang nasud karon adunay kinatibuk-an nga 7,871 nga aktibo nga kaso sa Covid-19. (TPM sa SunStar Philippines) |
| Fruit vendor nga gireklamo nga milugos sa kapuyo sa anak, nasikop Posted: 01 Jul 2022 04:43 AM PDT Usa ka tindero og prutas gipusasan human nalutsan og three counts sa kasong rape nga dunay kalambigitan sa reklamo sa paglugos sa kapuyo sa iyang anak.Si Joe (di tinuod nga ngan), 56, minyo, taga Barangay Bitoon, lungsod sa Dumanjug, nadakpan sa alas 3:30 sa hapon niadtong Miyerkules, Hunyo 29.Si Police Lt. Zozimo Ravanez Jr., team leader sa PNP Anti-Kidnapping Group (AKG) Visayas Field Unit, maoy nangulo pagsikop sa suspek duol sa Birhen sa Regla Parish Church sa Barangay Poblacion, dakbayan sa Lapu-Lapu.Matod ni Ravanez, si Joe gireklamo sa kapuyo sa iyang anak nga gilugos niadtong Enero 3, 2022, alas 6:00 sa gabii sulod sa ilang panimalay.Gumikan niini, napasakaan og kaso, nalutsan og warrant nga giisyu ni Executive Judge Bernardito M. Malabago, sa Branch 95 sa 7th Judicial Region sa lungsod sa Barili, gipitsahan og Hunyo 28, 2022.Si Ravanez nibutyag nga nasubay nila ang suspek pinaagi sa kauban niini kaniadto sa simbahan.Nagsabot sila nga magkita sa dakbayan sa Lapu-Lapu apan naa diay ang mga pulis.Ang suspek nilayas sa Barangay Bitoon, Dumanjug human napasakaan og kaso ug sa Lapu-Lapu City nagtago-tago.Si Joe nihimakak sa krimen ug nidason nga gitumotumoan siya sa kapuyo sa iyang anak.Matod ni Joe nga nag-alagad siya sa simbahan, di niya mahimo ang krimen.Ang suspek niingon nga nagpadala sa hulhog ang reklamante sa iyang anak.Ang iyang anak nasuko niya kay napriso kaniadto kay gireklamo niya nga tigamitan og gidiling drugas.Matod ni Sigamata kini giingong nihulhog sa kapuyo nga siya kasuhan. |
| Namasangil og kawat, gidunggab Posted: 01 Jul 2022 04:42 AM PDT Nalandig sa tambalanan ang 19 anyos nga lalaki human dunggaba sa iyang higala dihang gisudyaan niini nga siya maoy nikawat sa kwarta nga P400.Si Police Executive Master Sergeant Joel Rosales sa Ubay Police Station sa Bohol, nibutyag nga nahitabo ang pagdunggab sa alas 11:00 sa gabii sa Hewebes, Hunyo 30, 2022, sa Purok 4, Barangay Bulilis, lungsod sa Ubay.Giila ang nadunggaban nga si John Ryan Yamo, 19, lumolupyo sa dapit, naigo sa tiyan ug tuong kamot.Ang suspek nga si Jacinto Mondragon, 29, silingan sa biktima, napusasan sa kapulisan sa pagka alas 8:00 sa buntag kagahapon, Hulyo 1,2022.Sumala sa kapulisan, ang biktima ug suspek nag-abot sa dan ug gisudyaan ang naulahi sa pagkawala sa P400 nga kwarta sa biktima.Gikwelyohan sa biktima ang suspek nga maoy gikasuk-an sa naulahi ug gidunggab ang biktima.Kaso nga frustrated homicide ang atubangon sa suspek sa iyang pagdunggab sa biktima, kinsa napaalim sa iyang samad sulod sa usa ka ospital. |
| 3 ka sakop sa Salisi gang gikasuhan Posted: 01 Jul 2022 04:38 AM PDT Tulo ka mga sakop sa Salisi gang nga nadakpan sa Sawang Calero Police Station 6 sa Cebu City Police Office (CCPO) gipasakaan na og kaso sa piskalya ug atol ning pagsuwat, ang tulo nagpabilin sa selda human wala pa nakabutang og piyansa sa kaso.Gipasakaan og kasong theft mao sila si Mark Anthony Tabjan Rosales, 31; Macmac Garcia Mendoza, 32; ug Rovilyn Tabjan Rosales, 40, pulos taga 1242 Kagitingan sa Tondo, dakbayan sa Manila.Matod ni Police Major Eraño Regidor, hepe sa Station 6, nga giduso na nila ang mga papeles sa Cebu City Prosecutors Office ug gipaabot na lang ang itugot nga piyansa kanila.Gitug-an ni Regidor nga adunay daghan nga mibisita sa ilang police station nga ning-angkon nga sila nabiktima usab sa maong grupo nga andam usab nga mopasaka og kaso batok sa gang."Naay nanganha diha nya amo silang gi-advise nga file lang mog kaso nya pahibawo mo, og naka file mo aron og makapyansa sila, ato pang i-hold dili pa ma-release," matod ni Regidor.Gidugang ni Regidor nga sakop sa usa ka dakong grupo sa Salisi gang ang ilang nadakpan sanglit dali kini nga nakakuha og abogado ug andam nga mobayad sa piyansa sa korte.Usa ka sindikato ug organisadong grupo nga naglihok sa kaulohan ang maong mga suspek nga kon adunay mabulilyaso sa ilang sakop, duna mosalbar kanila."Dakong grupo kay dako man silag income. Kuan man ni sindikato. Organized man ni. Dili kay sila rani daghan man ning grupoha, naay financier nga mobayad og p.yansa. Ang ako ganing nadunggang, cash bail gani dili surity," sigun ni RegidorGituohan ni Regidor nga adunay local contacts dinhi sa siyudad sa Sugbo ang maong grupo nga mao karon ang ilang susihon kon kinsa kini.Ila nang nailhan ang laing mga kauban nga nangabot sa Central Visayas (CV) nga nihimo sa ilang operasyon sa Sugbo ug silangang lalawigan sa Bohol.Matod sa kpaulisan, ang grupo gikan sa sa Boracay island ug human sa malampuson nga operation sa maong isla, nibalhin sa CV. |
| Binghay: Pulong nga makasakit kang Eva Posted: 01 Jul 2022 04:37 AM PDT Daghang mipadangat sa ilang mga sentimento sa akong lindog sa miaging Sabado mahitungod sa mga pulong ug buhat nga di maayo kay makapainsulto o pasakit ni Adan (bana o uyab).Karong adlawa, si Eva na sab atong hisgutan pamasin nga kining lindog maka-pukaw sa pagbati ug huna-huna ni Adan unya malikayan ang pagpasakit ngadto sa ilang mga asawa o uyab.Sa Gentleman's Gazette nga akong nabasahan, kining mosunod ang mga pulong o buhat nga di angay isulti ni Adan kang Eva:'Mabdos ka?' Bastos kining ipangutana labi na kon buy-unon, may edad, dako o burot ang tiyan kay wa ta kahibalo kon bag-o kining nanganak, dunay sakit sama sa tumor sa tiyan o tambok lang. 'Mind your own business', di ba?'Di ka parehas sa ubang babaye'. Usahay bation nato nga espisyal ta kon makadungog ini apan sa tinuod lang makainsulto kini nga pulong. Ang mga babaye bisag kaluha pa dunay lainlaing kinaiya ug batasan kay gipakatawo kita nga unique. Di lumba o kumpitensiya ang pagkababaye.'Sexy ka pero di ikabilin sa balay'. Nagpasabot kini nga wa siyay plano nga i-introduce ka sa iyang ginikanan o pakaslan.'Wa kay huna-huna o plano mag-diet?' mura ra nig nag- ingon nimo nga tambok ka, o segi ra ka og kaon o nagpuyo sa kusina?'Wa kay plano pawala sa imong stretch marks?' dako kining insulto sa kababayen-an kay kasagaran baya sa nainat nga panit, labi na sa may tiyan, tungod sa pagsabak. Ang sabakan naghatag og gasa sa kinabuhi maong di kini angay ikauwaw.'Nganong wa pa man ka maminyo?' Ang pagminyo di lumba. Way magbuot kon unsaon niya pagpadagan iyang kinabuhi. Daghang mga dalagang ulay nga malipayon unya duna say daghang minyo nga masulub-on unya magbuwag ra gihapon, di ba? In other words, way labot ang ubang tawo sa imong lovelife.'Ikapila naman na nimong bathala? Wa pa gihapon ka matagam sa imong mga kanhi?' Way katungod si Adan nga mang husga bisag kapila pa siya nagpahigot. Sala ba diay ni Eva nga siya maanyag o madanihon? |
| Tambagi ko Noy Kulas: Wa na mag control Posted: 01 Jul 2022 04:36 AM PDT Dear Noy Kulas,Wala ko kasabot sa akong gibati. Please tambagi ko.Naa koy boyfriend pero dili mi permi magkita. Talagsa ra siya moari nako.Akong problema kay maluoy ko, pero dili na ko ganahan makakita niya.Karon sa among last sex ako na siyang giingnan nga wala ko nag-control na pero gipadayon gyud niya.Na-discourage ko niya ug dili na ko ganahan makakita niya.Naa na diay koy mga anak daan. Unsa kahay akong angay buhaton aron akong malikayan ning tawhana?SHAVILShavil,Kanang paglikay naa ra gyud na tanan nimo. Kon determinado kang di na makigkita niya, imong idedma. Imong i-block sa social media ug mag-ilis ka og phone number aron di na siya maka contact nimo.Imo na siyang likayan kon moadto man siya sa imong gitrabahoan. Determinasiyon ra man gyud na sa atoang kaugalingon kon gustuhon gyud nga di makigkita.Sakto kaayo na ang imong desisyon nga di makigkita niya kay iya ra gud kang duawon kon tingali hidlawon siya. Wa pa siyay respeto nimo kay dihang imo siyang giingnan nga wa ka mag- inom og pill, iyang gidayon ang paghilabot nimo bisan unprotected ka.Klaro kaayo nga uwag ra nang iyaha sa imoha. Kay ang lalaki nga nahigugma morespetar baya. Kon magkakita man gyud mo, ayaw na pagpadala sa pugos. Basin dag-unon sab ka sa pugos.Lisod na kaayo kon mapun-an na ang imong mga anak nya ang lalaki di kahibawo ug way planong mosuporta. Kalagmitan niana di ra ba mosuporta kay biga-biga ra lagi nang iyaha.Kon kana lang, sagad ana maglikay na kon duna nay bunga. Moeskapo sa responsibilidad. Kana maoy kanunay itanom sa imong huna-huna.Di ra ba lalim ang magpadako og mga bata kon way kaabag. Magkayamukat ang agi. Lami ang sex pero kon magpataka og bunga, pait pa sa panyawan ang resulta.NOY KULASrojval69@yahoo.com |
| Consolacion Community College gihiusa na karon sa CTU system Posted: 01 Jul 2022 04:35 AM PDT Ang Consolacion Community College (CCC) pormal nang gihiusa sa Cebu Technological University (CTU) pinaagi sa pagpasar sa balaudnon, sumala sa na-post sa Facebook sa municipal government sa Consolacion sa Miyerkules, Hunyo 29, 2022.Ang CCC usa na sa campuses sa CTU ug mahimo na kini nga Cebu Technological University-Consolacion Campus subay sa Republic Act no. 11800, o naila nga Cebu Technological University-Consolacion Campus Act.Ang balaud naaprobahan sa Mayo 27 isip usa sa 12 ka balaud ni outgoing President Rodrigo Duterte sa wa pa nibiya sa gahom sa Hunyo 30, 2022.Ubos sa RA 11800, ang CCC ubos na sa full supervision sa CTU. Ang tanang assets, real, personal, personnel, ug records sa naasoy nga community college, lakip sa liabilities o obligations, ibalhin tanan sa state university.Ang CTU-Consolacion Campus pagapangulohan sa campus administrator nga gitudlo sa board of regents sa CTU pinaagi sa rekomendasiyon sa search committee ug Presidente, diin subject sa guidelines.Isip community college nga mahimong state university, kini nagpasabot nga makatanyag na og bachelor's, master's, ug bisan doctoral programs ang tunghan.Sa Disyembre 20, 2019, ang Consolacion municipal council, ubos sa pagpangulo ni kangi vice mayor ug karon Mayor Teresa "Nene" Alegado, nipasar og resolusyon nga naghangyo sa Cebu Sixth District, karon Mandaue City Lone District Rep. Emmarie "Lolypop" Ouano-Dizon, sa pag-sponsor sa balaudnon nga maghimo sa CCC nga satellite campus sa CTU.Si CTU Main Campus Director, Dr. Joseph Pepito, nisuwat kang Dizon sa Pebrero 26, 2020, nga ang CTU komitado sa paghatag og libre nga quality tertiary education sa komunidad, diin makita sa ilang daghang satellite campuses sa Cebu province."The CTU welcomes CCC of Consolacion to affiliate and is very much willing to support the realization of this endeavor," matod ni Pepito.Ang CTU karon duna nay 23 ka campuses sa tibuok lalawigan sa Sugbo.Uban sa pag-aprobar, si Dizon niduso dayon sa House Bill No. 7194, nahiusa ang CCC isip usa sa satellite campuses sa CTU.Ang regulasyon moepekto sa 15 ka adlaw human sa pagmantala niini sa "Official Gazette" o newspaper of general circulation. |
| 4-month feeding program gilusad sa Brgy. Subangdaku Posted: 01 Jul 2022 04:35 AM PDT Ang Barangay Subangdaku, dakbayan sa Mandaue nilusad sa 120-day feeding program campaign alang sa malnourished nga kabataan sa pagsaulog sa Nutrition Month ning Hulyo.Si Rebecca Colina, barangay councilor ug chairman sa committee on health sa Subangdaku, nisaysay sa mga tigbalita atol sa paglusad sa Biyernes, Hulyo 1, 2022, nga ang feeding usa ka tinuig nga kalihokan matag buwan sa Hulyo.Ang 120-day feeding program sa Subangdaku usa sa mga pamaagi sa pagsumpo sa malnutrition sa komunidad.Ubos sa programa, ang malnourished nga kabataan sa barangay giila sa health personnel pinaagi sa survey, ang hatagan og food packages nga naglakip sa prutas, utanon, ug ubang healthy food sa pagtabang nga makab-ot ang ideal weight sa ilang edad sud sa 120 ka adlaw o upat ka buwan.Ang food packages ihatod direkta sa ilang kabalayan sa mga nagdestino nga barangay health officer sa dapit.Matod ni Colina, sila nakatumbok na og 15 ka mga bata, gikan sa orihinal nga 18 sa 2021, kinsa malnourished. Kini nga mga bata nag-edad o usa ngadto sa upat ka tuig.Sila monitoron sa barangay health officials human sa pagtapos sa feeding campaign sa pagsusi kon duna bay kausaban sama sa paglambo sa ilang timbang, matod ni Colina.Kon makab-ot na sa bata ang iyang standard weight sa edad, kini tangtangon na sa listahan sa benepisaryo sa feeding program, dugang ni Colina.Si Colina ug ubang opisyal sa Subangdako nag-aghat sa katawhan, labina ang mga ginikanan sa bata, sa himsog nga pagpakabuhi."Proper nutrition is really important for our children, especially this rainy season. Good health comes with good nutrition," matod ni Mona Manatad, barangay councilor ug committee on environment chairman.Ang malnutrition usa sa mga komon nga problema sa Pilipinas. |
| Bossing giluwas ni Amer batok sa Bolts Posted: 01 Jul 2022 04:20 AM PDT Mga duwa karon5:15 pm- San Miguelbatok NorthPort7:15 pm- NLEX batok MagnoliaNakamugna og puntos si Baser Amer sa nahabiling 1.7 segundos aron agakon ang Blackwater Bossing sa kadaugan batok sa Meralco Bolts, 90-89, sa main game niadtong Huwebes sa gabii, Hunyo 30, 2022, sa Philippine Basketball Association (PBA) Philippine Cup sa Araneta Coliseum.Ang Bossing, nga ningrehistro sa ilang ikatulong sunodsunod nga kadaugan, ningsaka sa 4-1 nga rekord samtang ang Bolts nasukamod sa 3-3 nga baraha.Gipangulohan nila ni Ato Ular ug Jayvee Casio ang kadaugan pinaagi sa ilang 19 puntos matag usa samtang niamot og 15 puntos si Rey Suerte.Sa premirong duwa, miagi pa og overtime ang NLEX Road Warriors una nila nabuntog ang Phoenix Super LPG Fuel Masters, 114-108.Ang Road Warriors ningkatkat sa 4-2 nga rekord samtang ang Fuel Masters ningkanaog sa 2-5 nga baraha. |
| Posted: 01 Jul 2022 04:19 AM PDT Dipolog City - Kapakyasan maoy naangkon sa tulo ka Sugboanong kickboxing fighters sa dihang tagsa-tagsa silang gipangpukan sa ilang mga mga kaatbang sa Super Kick Boxing nga gipahigayon sa Huwebes, Hunyo 30, 2022 sa ZN Sports Complex.Si Isaac dela Cruz sa Lapu-lapu City Strikers miyukbo ni Jude Jaictin sa MCM Ariana MMA Team sulod lang sa duha ka rounds atubangan sa mabagang duot nga misaksi sa maong panagsangka. Usa ka upper cut ni Jaictin nga miigo sa kuto-kutong dapit ni dela Cruz maoy nakapahapla sa nauwahi sa ikaduhang hugna.Nagkinahanglan pa og pipila ka minutos nga gitabang ang 24 anyos nga fighter una pa siya nakabarog og balik.Knockout usab nga kapildihan ang nasinati sa laing Sugboanon nga si John Lano, kinsa boluntaryong misurender sa dihang gipauwanan siya sa mga kumo ni Art Marquez sa DBG Team nga maoy nihatod kaniya sa kanbas.Gikan pa lang sa first round, agresibo nga niataki si Marquez ni Lano ug ang usa ka makusog nga patid nga gisundan og tulo ka mga strike maoy nakapahurar sa 26-anyos nga Sugboanong fighter kansang kapildihan nisaka na ngadto sa tulo sa 11 niya ka mga away.Si Kim Bisbal napukan usab sa iyang pagpakig-rematch sa inilog nga si Bryle Osaraga apan nakahatag kini og dakong hulga sa iyang kaatbang sa wala pa kini niyukbo. Dominado ni Bisbal ang panagsangka apan sa ikatulo nga round usa ka backfist nga miigo sa apapangig maoy nakapa groggy sa nauwahi.Nakatindog nga nagbaragbarag pa si Bisbal ning higayona nga maoy nakapahilom sa mabaga niyang dumadapig apan hinayhinay kining naulian sa pagbalik sa away. "Referre's discretion. Puwede na to niya hunongon, pero ok ra pud ipadayon kay tan-aw niya naa pa may ikabuga," matod pa sa usa ka opisyal sa maong promotion. Hinuon, yano ra usab nga gidawat sa kampo ni Bisbal ang desisyon.Ang kickboxing event maoy usa lang sa mga paugnat sa kusog nga midayandayan sa Hudyaka sa Kadaugan sa Katawhan sa ZaNorte nga gisugdan niadtong Hunyo 27, 2022 nga giorganisar ubos sa pagpangulo ni Apple Agolong sa Dapitan City. Gawas sa kickboxing, aduna usay beach volleyball, tennis tournament, night motocross ug marathon."We always promote sports tourism here, kay we believed nga dako kaayo ni siya og impact sa local government. Ma-encourage pa ang mga batan-on sa sports, then ma promote pa ang atong lugar," matod ni Agolong kinsa usa usab ka kanhi three-termer nga konsehal sa Dapitan City. |
| Super Busog: Creamy Roast Beef Posted: 01 Jul 2022 04:17 AM PDT Mga sagol:Set A:1 kg. beef kalitiran1 tasa sa tubig1/2 tasa sa white soda1 ka stem sa celery2 ka kutsaritang asinSet B:1/4 nga tasa sa butter2 ka lusok sa ahos, gitagod og gagmay (plus 1 ka lusok pang-garnish)1 ka lata sa cream of mushroom condensed soup1 ka lata sa Mushroom Pieces & Stems, gi-drained1/2 tasa sa all-purpose cream1 ka kutsarita sa asinUnsay buhaton:A. Pabukali ang unod sa baka sa usa ka stockpot nga dunay tubig, soda, celery ug asin hangtod mohumok ang unod. Kon humok na ang karne, hauna ug ireserba ang tubig kay gamiton ra unya.B. Gisala ang ahos sa butter. Hauna ang katunga sa ahos ug ipadaplin aron pang garnish. Iyabo ang lata sa cream of mushroom sa gigisal nga ahos.C. Idugang ang Mushroom Pieces & Stems ug tunga sa tasa sa gireserbang sabaw. Ukaya. Paglabay sa pipila ka minutos, idugang ang all- purpose cream ug templahi og asin, sa katapusan, idugang ang giluto nga karne sa baka. Pabukali sulod sa pipila ka minutos sa hinay nga kayo.D. Ibalhin sa plato, ibalibod sa ibabaw ang gireserbang ahos, ug i-serve.Sunda ko sa akong social media accounts.Facebook: facebook.com/lutongsimpolYouTube: youtube.com/c/SimpolSimpolInstagram: @lutongsimpol |
| P4.4-B illegal drugs nasakmit sa 6 ka tuig Posted: 30 Jun 2022 09:41 PM PDT Moabot ngadto sa P4.4 billion nga balor sa illegal nga drugas ang nasakmit sa Police Regional Office 7 (PRO) 7 sukad gisugdan ang kampanya batok sa illegal nga drugas sa paglingkod sa katungdanan ni Presidente Rodrigo Duterte.Sa data nga gipagawas sa PRO7, moabot usab og 55,574 ka drug personalities ang nadakpan sulod sa 40,227 ka anti-illegal drug operations sugod sa Hulyo 1, 2016 hangtod sa Hunyo 26, 2022.Sa maong operations, nakasakmit sila og 614,216.29 ka gramos sa gituohang shabu nga adunay standard drug price (SDP) nga P4,176,670,772 samtang 2,373,839.93 grams sa marijuana nga adunay kantidad nga P284,860,791.Ang katapusang labing dako nga nasakmit sa kapulisan mao ang 15 ka kilo sa gituohang shabu nga nakuha sa Lapu-Lapu City Police Office (LCPO) niadtong Sabado, Hunyo 25, 2022.KRIMEN MIUBOSNunot sa paghingusog sa kampanya batok sa illegal nga drugas, niubos usab pag ayo ang crime volume sa eight focus crimes sa tibuok rehiyon 7.Kini nunot sa ilang subsub nga anti-criminality programs uban sa malampuson nga police initiated operations sa matag city ug provincial police offices ug support units sa rehiyon nga maoy hinungdan sa pagkunhod sa 22 porsiyento nga crime volume matag tuig.Sa crimes against property nga kasagaran nga mahitabo, nikunhod kini og 25 porsiyento diin nakatala lang sila og 1,803 ka kaso sulod sa unom ka mga tuig.INTERNAL CLEANSINGMalampuson usab sila sa ilang pagdisiplina sa hut-ong sa kapulisan nga mao ang internal cleansing program, diin kadtong mga police personnel nga nakahimo og kalapasan ilang naaksiyunan.Sa datus, moabot sa 90 ka badlungong mga pulis ang nangataktak sa serbisyo, 28 ang na demote ang ranggo samtang 217 ang nangasuspenso sukad sa Hulyo 2016."PRO7 vowed to go after erring policemen as part of the internal cleansing program of the PNP which aimed to produce a professional, dedicated, and disciplined police force," matod ni Police Brigadier General Roque Eduardo Vega.Si Vega padayon nga nihagit sa iyang mga sakop nga ipadayon ang nasugdan na nga nindot nga mga programa sa Philippine National Police (PNP) aron magpabilin ang kaluwasan sa mga lumolupyo sa Central Visayas sanglit mao kini ang ilang mandato.Gipasalamatan ni Vega si Duterte sa gihatag nga suporta sa kapulisan sama sa pag-angkon nilag mga brand new nga kagamitan ug pagsaka sa ilang sweldo.Sa bag-ong liderato ni Presidente Ferdinand "Bongbong" Marcos Jr., nisaad si Vega nga ilang ihatag ang tibuok suporta sa pamunoan niini.Kon unsa man ang mga programa sa PNP nga iyang ipatuman, andam sila nga motuman ilabi na sa kampanya batok sa illegal nga drugas nga padayong problema nga gisagubang sa katilingban. |
| Gilas women's team, bronze medalist sa FIBA U-16 Women's Asian Championship Posted: 30 Jun 2022 07:57 PM PDT Nalangkat sa Gilas Pilipinas women's basketball team ang bronze medal sa 2022 FIBA Under-16 Women's Asian Championship Group B human ilang gipukan ang Lebanon, 90-68 niadtong Hunyo 30 sa Prince Hamza Hall sa Amman.Sa first half pa lang sa duwa, nilabaw na ang Gilas og pito ka puntos batok Lebanon.Sa third quarter, mas nipakita pa sa ilang katakos ang Gilas hinungdan nga mas gilabwan pa niini ang kontra, 23-11.Pag-abot sa 4th quarter, hayan na nga gilubong sa Gilas ang Lebanon og 32 puntos, 81-49.Labaw og 22 puntos ang Gilas batok Lebanon sa final score sa duwa.Nangulo sa kadaugan sa Pilipinas mao sila si Gabby Ramos ug Kristan Geyl Yumul, kinsa pulos nipauwan og 20 puntos matag usa.Nitala sab si Ramos og lima ka rebounds ug tulo ka steals, samtang si Yumul adunay unom ka assists, tulo ka steals ug duha ka rebounds.Samtang gipangulohan ni Angelina Maria Bado ang Lebanon pinaagi sa iyang 19 puntos ug lima ka rebounds.Sa maong torneyo, nalangkat sa Samoa ang bulawang medalya human ilang gipildi ang Syria. 79-76. (LYC/JNP) |
| Suspek sa linuog nga pagpatay sa Aloguinsan gipasakaa'g kaso Posted: 30 Jun 2022 06:37 PM PDT HINGPIT nang napasakaan ug kaso'ng robbery with homicide ug frustrated murder ang 22 anyos nga si James Harvey Nengasca nga nitulis ug nipatay sa iyang iyaan nga si Arsenia Nengasca Alidani ug pagkaangol sa lain niya'ng iyaan nga si Belen Nengasca Biton niadtong Domingo sa hapon, petsa 26 sa Hunyo, didto sa lungsod sa Aloguinsan.Related stories: Suspek sa pagtulis-patay nasikop tungod sa pusil, dagway Iyaan gitulis, gipatay Matud ni Lieutenant Roberto Barnido, hepe sa Aloguinsan Police Station, nga napasaka na ang duha ka kaso kagahapon sa hapon, Hunyo 30, samtang ang inquest proceedings batok sa suspek adto ipahigayon sa Provincial Prosecutor's Office.Ang kaso ni Nengasca ipasa didto sa dakbayan sa Toledo diin adto i-raffle kon kinsa ang korte nga mogunit niini.Dugang ni Barnido nga si Nengasca anaa sa ilang kustodiya karon.Samtang karon'g adlawa, Hulyo 1, laing kaso na usab ang ipahamtang batok sa suspetsado human kini makuha-i ug shabu ug armas.Ang Provincial Intelliegence Unit (PIU) sa Cebu Police Provincial Office maoy mopasaka ug kaso nga kalapasan sa Republic Act (RA) 10591 o paghupot ug armas ingon man RA 9165 o Comprehensive Dangerous Drugs Act of 2002.Si Nengasca nga kanhi estudyante sa kurso'ng Criminology nadakpan didto sa Barangay Lagtang, siyudad sa Talisay, niadtong Hunyo 29, tulo ka adlaw human sa nahitabo'ng krimen.Ang grupo ni Police Lieutenant Colonel Mark Gifter Sucalit, hepe sa PIU, uban ang Talisay City Police Station maoy mikasa sa operasyon batok kang Nengasca human kini nakadawat og alarma kalabot sa usa ka lalake nga kadudahan og lihok nga may dala nga armas nga mihaum ang deskripsyon ni Nengasca.Kahinumdoman nga nailhan si Nengasca pinaagi sa social media diin gipakatap ang iyang hulagway human sa panghitabo sa Aloguinsan, diin iyang gidunggab ug gunting si Alidani sa makadaghan'g higayon tungod sa iyang kalagot kay wa siya pahuwama og kwarta human siya napilde sa sabong og P5 mil.Si Alidani namatay human sa hitabo, samtang si Biton nagpaalim pa sa iyang samad sa tambalanan. (BBT, TPT) |
| Palma ngadto sa mga bag-ong opisyal: Magbaton og lig-ong pagtuo sa Ginuo Posted: 30 Jun 2022 05:52 AM PDT Nagsugod sa opisyal nga serbisyo ang bag-ong napiling opisyal kagahapon sa udto, Hunyo 30, 2022, ang lider sa Simbahang Romano Katoliko sa Sugbo nipahinumdom nga magmatinud-anon sa Ginuo ug katawhan.Si Cebu Archbishop Jose Palma niluwat og pamahayag kagahapon, Hunyo 30, nga ang katawhan nakapadayag pinaagi sa ilang boto ug ang simbahan nagkonsiderar niini nga 'kabubut-on sa Ginuo.'Karong nakalingkod na sa gahom ang napiling mga lider, si Palma niingon nga ang pagkapili usa ka dakong garbo ug pribilihiyo apan katugbang niini ang responsibilidad.Ang Arsobispo nipahinumdom, labina ang nagsilbi sa Sugbo, nga magbaton sa hugot nga pagtuo sa Ginuo."Tungod ang Cebu kay religious kaayo, people have great faith. Dapat ang mga officers should be people who have faith and therefore they should be prayerful," matod ni Palma.Si Palma nagkanayon usab nga ang mga lider ilang hunahunaon nga sila alagad sa publiko human gipili sa katawhan. |
| Posted: 30 Jun 2022 05:50 AM PDT Kahiusahan maoy nag-unang panawagan ni Presidente Ferdinand 'Bongbong' Marcos Jr. atol sa iyang inaugural speech sa National Museum sa Manila kagahapon, Hunyo 30, 2022."We will go farther together than against each other," matod ni Marcos, anak ni anhing Presidente Marcos, Sr. nga napalagpot sa gahom sa miaging 36 ka tuig human sa kapin sa duha ka dekada nga diktadoriya.Apan sa iyang pamahayag, si Marcos Jr. nidepensa sa legasiya sa iyang amahan nga nakahimo og daghang butang alang sa nasod."He got it done, sometimes with the needed support, sometimes without. So will it be with his son," matod niya uban sa paghugyaw sa iyang mga dumadapig."My father built more and better roads, produced more rice than all administrations before his," dugang niya.Gidayeg niya ang infrastructure projects sa iyang gisundan nga si Presidente Rodrigo Duterte, kinsa nitapos sa iyang unom ka tuig nga termino kagahapon nga lig-ong lider.Wala siya molakbit sa kalapasan sa human rights ug plunder nga kaso sa iyang amahan, nagkanayon nga dili siya motuki sa nanglabay apan bahin sa umaabot.Samtang, ang mga aktibista ug naluwas sa panahon sa Martial law sa iyang amahan, nagpahigayon og protesta sa samang adlaw sa ang-ang sa National Museum.Apan liboan ka police officers, lakip sa anti-riot contingents, SWAT commandos ug snipers, ang gipangdestino sa bayside tourist district alang sa seguridad.Si Chinese Vice President Wang Qishan ug ang bana sa U.S. Vice President Kamala Harris nga si Doug Emhoff, lakip sa foreign dignitaries, kinsa ningtambong sa kalihokan nga gihatagan og 21-gun salute, military parade ug air force jet fly-bys.Samtang ang nagmartsa sa kadalanan nagdala og placards nga dunay nakasuwat nga "Never again to martial law" ug "Reject Marcos-Duterte" nga pasiunang hagit sa unom ka tuig nga termino ni Marcos Jr. isip ika-17 nga presidente sa Pilipinas.Giila ni Marcos Jr., nga usa ang Pilipinas sa nagrabihan sa epekto sa coronavirus pandemic, tungod sa 60,000 nga namatay ug nalugwayan nga lockdowns nga nakadaut sa ekonomiya nga iyang gihulagway nga worst recession sukad sa World War II ug kakabus, way trabaho ug kagutom.Dihang niluag na ang pandemiya, niabot ang pag-ataki sa Russia sa Ukraine nga naghatag og global inflation, pagsutoy sa presyo sa lana.TUTOKAN NI MARCOSSa miaging semana, si Marcos Jr. nipahibalo nga siya maoy temporaryong molingkod isip kalihim sa Department of Agriculture (DA) sa pagpangandam sa posibling emerhensiya sa supply sa pagkaon.Subli nga gipadayag niya sa pakigpulong kagahapon nga tutokan niya ang seguridad sa pagkaon nga alang kaniya, labing importante sa matag pamilya ug nasod nga dili magsalig sa importasyon.Lakip sa iyang tutokan mao ang edukasyon nga iyang gitudlo si Sara nga kalihim aron pag-andam sa mga tinun-an sa panginahanglan sa paglambo sa ekonomiya sa nasod ug dili mapugos sa pagpanarbaho sa gawas nga dili maayong kahimtang sa trabahoan.Gisaad sa bag-ong presidente nga ipadayon ang mga proyekto ni Duterte ug mas palambuon kini.Si Marcos Jr. nakakuha og kapin sa 31 milyunes nga botos ug si Sara Duterte kapin sa 32 milyunes gikan sa kapin sa 55 milyunes nga ningbotar sa Mayo 9, 2022 nga eleksiyon.Ang BBM-Sara tandem nitala og kasaysayan nga unang majority presidential victory sa Pilipinas sulod sa pipila ka dekada. (AP / RRM) |
| Editoryal: Pasagdi lang una si BBM Posted: 30 Jun 2022 05:16 AM PDT Bag-o na ang administrasiyon sugod sa Hunyo 30, 2022. Nikanaug na sa katungdanan si Presidente Rodrigo Duterte human sa unom ka mga tuig sa pangatungdanan nga puno sa kontrobersiya, apan puno usab sa mga pagdayeg labina sa mga tawo nga nakakita sa maayong epekto sa iyang anti drug campaign.Daghan sab hinuon ang nakasaway labina niadtong namatyan og mga kabanay sa 'war on drugs.' Gikataho nga 7,000 kapin ang nangamatay sa gubat batok sa drugas, apan matod sa mga kritiko nga pil-on kini og pipila ka mga higayon.Miasumer na man sila si Presidente Ferdinand Marcos Jr. ug Bise Presidente Sara Duterte. Mao pa lay pagsugod sa ilang paghimo sa katungdanan nga gisangon kanila isip pinili nga labing taas nga mga opisiyal sa nasod. Hain kahay maayo nga pasagdan sila sa ilang buhaton, suportahan kon maayo ug sawayon kon kini makadaut sa nasod. Bantayan ba sa umaabot nga mga buwan o katuigan.Daghan gihapon ang wa naka move on sa resulta sa miaging eleksiyon. Sige lang gihapon sa pagpanaway ug bugalbugal nga unta human na man ang eleksiyon.Kon wa nidaug ang kandidato nga gisuportahan, ibalhin kini ngadto sa pagbantay sa administrasiyong Marcos, kon di ba usab mahisama sa diktaduriya sa iyang amahan. Tan-awon og maayo kon ang iyang dalan nahasubay ba sa pagkamatarong ug makiangayon, naglantaw sa kahimtang sa mga kabos. Di baya lalim ang hagit nga atubangon nila ni Marcos ug Duterte.Naay utang nga niabot na og P11 trillion. Naa pa gihapon ang mga hulga sa Covid-19 samtang daghan pa sa mga gagmay ug medium nga mga negusiyo nga wa pa makabangon human nalukapa bunga sa tumang kalisod atol sa pandemic.Mag-unsa man ang paninguha nila kon naa say nagsige og bitad kanila paubos? Ang pagsige og uyog sa administrasiyon karon mas makadaut. Samtang wa pa maklaro unsay padulngan, mas maayong pasagdan lang una sila sa paghimo sa katungdanan ug suportahan. |
| Posted: 30 Jun 2022 05:10 AM PDT Magsugod na ang termino ni Presidente Ferdinand R. Marcos, Jr. (PBBM) hangtud sa Hunyo 30, 2028. Daw sa miabag kaniya ang maayong higayon kay ang iyang giatubang, nga gikahadlokan sa iyang mga dumadapig, nga kasong disqualification ug pagkanselar sa iyang certificate of candidacy (COC) gibasura na sa Korte Suprema (SC).Matuis pay buko sa kawayan sa desisyon sa SC kay unanimous man kini sa 13 ka mga Associate Justices ug Chief Justice gawas sa duha ka mahistrado nga mi-inhibit tungod sa ilang kalambigitan sa Cimmission on Elections (Comelec).Gikahadlokan man gud nga tingalig madani ang mga mahistrado sa hangyo sa mga inilang tawo nga ilang nautangan og buot.Hapit na usab makompleto ni PBBM ang tanang sakop sa iyang gabinete. Sila mao si: Vice President Sara Duterte Carpio (DepEd); Benhur Abalos (DILG); Vic Rodriguez (Executive Secretary); Rep. Boying Remulla (DOJ); Arsenio Balisacan (NEDA); Bienvenido Laguesma (DOLE); Susan Ople (Dept. of Migrant Workers); Benjamin Diokno (DOF); Alfredo Pascual (DTI); Antonio Lagdameo, Jr. (Special Asst. to the President); Manuel Bonoan (DPWH); Christina Frasco (DOT); Erwin Tulfo (DSWD); Trixie Cruz Angeles (Press Secretary); Amenah Pangandaman (DBM); Ivan John Uy (DICT); Zenaida Angping (PMS); Prof. Clarita Carlos (NSA); Conrado Estrella III (DAR); Jaime Bautista (DOTr); Silvestre Bello (MECO); Karlo Nograles (CSC); Christopher Pastrana (PPA); Menardo Guevara (Solicitor General); ug PBBM (DA). Ang ubang mga appointees mao sila si Cesar Chavez and Cheloy Garafil, undersecretaries (DOTr) ug Christopher Pastrana (PPA).Sa mga local government units (LGUs) daghan nang mga bag-ong nawong karon. Ang mga casual ug mga job order workers nga wala mahatagi og bag-ong appointment dili na maka report sa ilang naandang trabaho kay gipulihan na sila og mga tinudlo nga dumadapig sa bag-ong administrasyon.Sa Cebu City hall atong nasayran, suma sa napublikar niadtong milabay nga tuig, nga ang Siyudad adunay 1,000 ka regular employees, 3,000 ka casual ug 5,000 ka job order (JO) workers.Karong bag-o gipahibawo ni Mayor Mike Rama nga 500 ka mga casual ug JO workers ang wala na niya hatagi og bag-ong appointment.Kon mao anaa pay 7,500 ka casual ug JO ang nahabilin samtang nagpadayon pa ang evaluation sa mga empliyado. In fairness, dili kaha maayong atong pahibaw-on ang matangtang kon unsay iyang sala? Ako nagduda nga kadaghanan kanila wala mobutar sa nangagamhanan karon.Natural lang nga ang mga naghago sa pagtabang kanila sa miaging eleksiyon mao na sab ang ilang hatagan og higayon nga makatrabaho inay ang ilang giingon nga mobuko-buko ug dili mobayad sa utang kabubot-on.Swerte ang mga dapit diin midaug lang gihapon ang mga nangagamhanan. (mannyrabacal1144@gmail.com) |
| Posted: 30 Jun 2022 04:35 AM PDT Dear Papa Joe,Ako diay si Gina, 30 years old, minyo ug may mga anak. Kasado ko. Bag-o lang mi gikasal sa ngan nga naa na miy mga anak, pero dugay na mi nagpuyo niya. Sa among pagpuyo dugay na sige og ingon akong mga ginikanan nga pabuwagan ang akong bana kay kusog kaayo siya mangulata ug sayon sayonon pa gani niya akong mga ginikanan ug igsuon pag-insulto.Kani laging bata pa ta hilig kaayo ta og choy choy pero dihang namabdos ko ug gisugdan na ko niya og kulata, nidulot na lang gyud ko niya kay di ko ganahan nga manganak nga way bana. Dako baya ang akong pagmahay pero nakasal na mi. Lisud na ug labing lisud kon magtubo ang mga bata nga way amahan.May paglaum pa kaha ning relasyona no? Tambagi ko.GINAGina,Way imposible sa pag-ampo ug ubanan nimo sa sakto nga buhat o lihok. Kon buhaton man gani sa imong bana ang pagpanagmal nimo, ipabarangay o dangop sa DSWD dayon labi na atubangan sa imong mga anak kini gibuhat. Kay kon i-allow lang nimo, mag-anad siya ug para niya ang iyang pagka dominante nakauyon ka.Basin sa pamaagi nga ipa police nimo siya, makaamgo siya ug masayud siya nga sayop ang iyang gibuhat, di lang sa mata sa Ginoo, kon di sa balaud. Mas luoy inyong mga anak nga mag tubo nga makakita unsa mo ka gubot ug ma-trauma o madala nila sa ilang pagdako ang ilang nakita.PAPA JOE |
| Garcia wala mangayo og balos ni Pres. Marcos Posted: 30 Jun 2022 04:31 AM PDT Nagtuo si Cebu Governor Gwendolyn Garcia nga nahibalo si Presidente Ferdinand "Bongbong" Marcos Jr. ug Bise-Presidente Sara Duterte kon unsay angay nga tabang sa Sugbo atol sa hingpit nga paglingkod niini sa pwesto.Atol sa pakighinabi sa mga tigbalita sa Hunyo 28, 2022, giklaro ni Garcia nga wala siyay gipangayo nga sukli sa Presidente ug Bise-Presidente sa nakuhang taas nga botos niini gikan sa Sugbo.Apan nagtuo si Garcia nga dako og ikatabang ang suporta sa nasudnong kagamhanan sa pagpalambo sa imprastraktura ug mass transport system alang sa kalamboan sa Sugbo."No, I have not but they know that national government support will be very vital in our infrastructure even in our mass transport system,"matod ni Garcia sa Hunyo 28.Ang gitumbok sa gobernador nga mga proyekto sama sa pantalan, taytayan, nasudnong kadalanan ug airport.Kahinumdoman nga usa sa highlighted program nga gipadayon ni kanhi Pangulo Rodrigo Roa Duterte ang Build, Build, Build program, diin daghan nang mga imprastraktura nga nahuman ug ang uban gipadayon pa sa ubang mga dapit sa nasod. Gipaabot nga masugdan na ang Bus Rapit Transit (BRT).Gisaysay ni Garcia nga nahibaw siya nga nahibawo nang daan ang mga mangulo nasod kon unsay angay nga ganti sa mga Sugboanon sa way puas nga suporta."I believe they themselves will know how to show their gratitude to the Cebuanos," matod ni Garcia.Si Marcos hingpit nang milingkod isip pangulo sa nasud sa Hunyo 30, 2022 diin siya nanumpa sa National Museum sa Manila. |
| Militanteng grupo milusad og protesta Posted: 30 Jun 2022 04:30 AM PDT Nipahigayon og lihok protesta ang pipila ka mga militanteng pundok sa Sugbo diha atubangan sa Cebu Provincial Capitol atol sa inauguration ni Presidente Ferdinand "Bongbong" Marcos Jr. sa National Museum sa Manila.Supak ang mga raliyesta sa paglingkod ni Marcos gumikan sa kahadlok sa pagpatuman sa laing Martial law. Nagtuo ang pundok nga illegal ang paglingkod ni Bise Pres. Sara Duterte ug Marcos tungod sa giingong pagpanikas sa piniliay sa Mayo.Si Marcos una nang nipadayag nga siya maoy mangulo sa Department of Agriculture (DA) atol sa iyang paglingkod.Apan matod sa mga raliyesta, imposible nga matuman ang P20 nga presyo matag kilo sa bugas."Gihagit namo siya labi na siya baya gyud ang molingkod sa agriculture unsa man gyud iyang ilatag, unsa man gyud iyang blueprint aron luwason ang atong nasud gikan sa giila natong krisis karon sa pagkaon nagsalig na kita sa mga export products,"matod ni John Ruiz, tigpamaba sa mga cause-oriented groups."Nakulbaan mi sa mga gitudlo ni Marcos nga mga economic advisers.." matod ni Ruiz. |
| Posted: 30 Jun 2022 04:29 AM PDT Nanawagan og kahiusahan si Cebu City Mayor Michael Rama gikan sa oposisyon nga nakadaug sa eleksiyon sa pagkab-ot sa usa ka Singapore-like status sa pagsugod sa iyang bag-ong termino human nanumpa kagahapon sa udto, Hunyo 30, 2022.Atol sa iyang inaugural speech sa Plaza Sugbo, si Rama nagkanayon nga nanginahanglan siya og tabang sa tanan lakip sa mga oposisyon nga konsehal.Ang inauguration ceremony gitambongan usab usab sa mga oposisyon nga sakop sa Bando Osmeña–Pundok Kauswagan (BOPK) sama nila ni Konsehal Joy Young ug Nestor Archival.Sa iyang pamahayag, ang mayor niila sa mga konsehal sa oposisyon nga nitambong ug nangayo sa ilang kahiusahan sa dakbayan."My council party-mate, without having to talk about the elections, I need your help. The mayor needs all of you, Joy Young, Nestor Archival. Please all stand and face the people. The people need our unity... The general welfare is the supreme law," matod ni Rama.Apan si Archival nipaklaro nga sakop gihapon siya sa minority bloc ug nitambong sa seremonyas human giorganisar kini sa kagamhanan."Actually, nitambong mi cause that was the oath taking of Cebu City nga gi organized by the Cebu City Government through the mayor. Wala pa man mi naka-take oath gyud, so we intentionally joined the oath taking para ma official among pagka konsehal," matod ni Archival.Matod ni Archival, mosuporta sila sa mga programa sa administrasyon basta maayo kini sa kadaghanan."We will be supporting whatever is good but being a fiscalizer, the minority will check on the programs whether it has disadvantages to the city," matod ni Archival.Miyembro sa opposition bloc mao sila si Young, newcomer Jose Abellanosa nga anak ni kanhi kong. Rodrigo Abellanosa ug returnee sa konseho, Mary Ann de los Santos. |
| Gikan sa Alert Level 2 ipaubos sa Covid test? Posted: 30 Jun 2022 04:24 AM PDT Ang Department of Labor and Employment (DOLE-7) naghuwat sa hukom sa ilang ulohan nga buhatan labot sa nahaunang pamahayag sa Malacañang nga kinahanglan nga ipaubos sa Covid-19 testing ang mga kawani nga mobalik og trabaho sa ilang trabahoan sa mga lugar nga gipaubos sa Alert Level number 2.Si Luchel Taniza, information officer sa DOLE 7, nagkanayon nga kon unsay hukom sa bag-ong administrasyon maoy ilang sundon sanglit nilingkod na sugod kagahapon ang administrasyon ni Presidente Ferdinand Marcos Jr."We should be getting the stand from the Central Office on this, Sir. Whatever is the decision of the new administration (new Secretary) then that will be cascaded to the regional offices, " pasabot ni Taniza.Ang information officer sa DOLE-7 nagkanayon nga sa pagkakaron, naghuwat pa sila kon adunay bag-ong memorandum o direktiba nga iisyu si Labor Secretary Bienvenido Laguesma.Si Taniza nagkanayon nga kon adunay mga labor advisories nga ipagawas ang ilang Central Office, nahiuyon kini sa mga patakaran nga ipatuman sa Inter Agency Task Force (IATF) nga maoy gitukod ni kanhi Presidente Rodrigo Duterte.Sa pamahayag ni kanhi Presidential Spokesperson Martin Andanar, ang mga kawani sa gobyerno ug sa private companies nga dili bakunado batok sa Covid-19, kinahanglan silang mopaubos sa RT-PCR testing ka usa sulod sa duha ka semana o antigen test matag semana.Ang local government unit o ahensiya sa gobyerno mahimong maoy mobayad sa testing apan depende kini kon aduna bay pundo nga makuhaan apan mosubay gihapon sa mga lagda.Ang mga kawani nga nataptan sa Covid-19 sa nakalabay nga 90 ka adlaw ug ang mga empleyado nga naa ra nagtrabaho sa balay walay labot sa maong kamanduan. |
| Managsuong Arquillano giabsuwelto sa kaso Posted: 30 Jun 2022 04:22 AM PDT Giabswelto sa korte ang duha ka mga kaso nga gisang-at batok sa managsuong Arquillano sa lungsod sa San Francisco, isla sa Camotes.Gi-dismiss sa Regional Trial Court (RTC) Branch 90 sa Danao city ang kasong illegal possession of explosives (RA 9516) ug RA 10591 o Comprehensive Firearms and Ammunition Regulation Act batok nila ni San Francisco Mayor Alfredo Arquillano Jr. ug Vice Mayor Aly Arquillano.Ang korte, pinaagi ni Presiding judge Josefa Pinza Ramos, nitugot sa demurer to evidence nga gisang-at sa managsuong Arquillano sa ilang pagkwestyon sa mga ebidensya nga gisang-at sa prosekusyon.Sila si Aly ug si Alfredo gipangdakop sa mga sakop sa Provincial Intelligence Branch (PIB) ug Provincial Drug Enforcement Unit (PDEU) sa Cebu Police Provincial Office sulod sa panimalay sa managsoon sa Barangay Poblacion, San Francisco, niadtong Abril 4, 2019.Sa maong higayon, kasamtangan nga mayor sa lungsod si Aly samtang si Alfredo o "Al" maoy bise mayor.Ang operasyon gipaluyohan sa usa ka search warrant nga giluwatan ni Regional Trial Court Branch 10 Judge Leopoldo Cañete.Giaresto ang duha ka mga magsuon human nakuha sa mga operatiba ang matod pa mga armas ug explosives sulod sa ilang panimalay.Apil sa nakuha nga mga armas ug explosives mao ang kalibre .45 nga pistola, .22 long rifle ug magazine, usa ka AR 15 rifle nga expired na ang license, usa ka granada ug pipila ka bala gikan sa kalibre .45 nga pistola ug 9mm pistol ug uban pa.Ang managsuong Arquillano ni-file sa korte og demurer to evidence ug motion to acquit sa ilahang kaso.Depensa niini nga ang nakuha nga gituohang mga ebidensya sulod sa ilang panimalay niadtong Abril 2019, "inadmissible" sa korte; giingong illegal ang search warrant nga giluwatan sa RTC Barili ug pakyas ang prosecution pag-establisar nga adunay krimen nga nahimo ang duha ka mga opisyal.Sa 10 ka pahina nga desisyon ni Ramos, giuyonan niini ang giduso nga demurer to evidence sa magsuon hinungdan nga gibasura ang mga kaso."The instant case is hereby dismissed for failure of the prosecution to prove their guilt beyond reasonable doubt. Perforce, accused Aly Aranas Arquillano and Alfredo Aranas Arquillano are hereby acquitted" mabasa sa desisyon ni Ramos nga penetsahan og Hunyo 24, 2022.Sa Hunyo 30, hingpit nang nilingkod isip bise mayor sa lungsod si Aly samtang si Alfredo mao na usab ang mayor sa lungsod sa San Francisco, isla sa Camotes. |
| Trade Fair sa dakbayan sa Talisay himuon nang regular ni Samsam Posted: 30 Jun 2022 04:21 AM PDT Ang Trade Fair sa dakbayan sa Talisay himuon nang regular matag petsa 15 ug 30 sa buwan atubangan sa Talisay City Hall.Kini human nga nakauyon ang Kagamhanan sa Talisay tungod malampuson nga unang kalihukan sa dakbayan.Matod ni Talisay City Mayor Gerald Anthony 'Samsam' Gullas, nauyonan usab kini uban sa Talisay City Chamber of Commerce.Naglaraw si Gullas nga dunay mamaligya nga mga mag-uuma ug mangingisda human nasabotan ang paghimo og Farmers Day sa Trade Fair.Ang pagbalik sa Trade Fair gisugdan kagahapon, Hunyo 30, 2022, adlaw usab sa suweldo sa mga mamumuo.Lakip sa long-term project ni Samsam nga ipatuman sa ikaduhang termino isip mayor mao ang dugang imprastraktura, pagbuhi ug pagpalapad sa turismo, ug programa sa sports.Gusto ni Gullas nga mohimo na og summer workshop alang sa paugnat-sa-kusog.Una nang pabor si Gullas sa face-to-face classes hinungdan nga gisugdan na niini ang pag paayo sa mga tunghaan sa siyudad.Gusto niya nga mabalik ang mga kalingawan sa mga batan-on hinungdan nga karong sunod buwan sugdan na ang workshops sa pagdiskubre sa ilang mga talento aron malikay sa pag-abuso sa gidiling drugas. |
| 37 ka higante nga balayan sa taklubo nasakmit Posted: 30 Jun 2022 04:20 AM PDT Moabot sa 37 ka mga taklubo o giant shells ang nasakmit sa hiniusa nga pwersa sa kapulisan sa Provincial Intelligence Unit (PIU) sa Bohol Provincial Police Office (BPPO) ug Calape Police Station sa Bohol.Matud ni Police Staff Sergeant Maria Fe Pedros, pangulo sa PIU nga si Police Lieutenant Colonel Jhon Karren Escober maoy nangulo sa operasyon sa Pangan-gan Island, Barangay Lawis, sa nahisgutang lungsod.Human nakadawat ang kapulisan og tawag bahin sa kadudahang mga taklubo nga gipangdala sa duha ka mga tawo sa alas 6:45 sa Miyerkules sa hapon, Hunyo 29, 2022, ila dayong gisusi.Nasakop sila si Rito Moso, 56, tricycle driver, taga Purok Ulo, Pangcagangan, Barangay Lawis; Rogelio Daan, 26, construction worker, tagaBarangay Santa Cruz sa samang lungsod.Matud ni Pedros nga moabot sa 37 ka mga taklubo o giant shells ang nasakmit nila ni Escober. |
| Kanhi politiko nga nagpabuto, nakuhaan og armas, gikiha na Posted: 30 Jun 2022 04:19 AM PDT Kanhi kandidato sa pagka mayor sa lungsod sa Medellin, lalawigan sa Sugbo nga gialarma sa mga sakop sa Special Weapons and Tactics sa Cebu City Police Office tungod sa pagpabuto og armas, gikiha na sa Miyerkules, Hunyo 29, 2022 .Sa tulo ka tag-as nga kalibre sa armas nga nakuha gikan kaniya, usa lang niini ang dunay papeles.Si Herrera gidakop tungod sa iyang pagpabuto og armas sa sulod sa compound sa condominium sa Barangay Busay, siyudad sa Sugbo.Matod ni Police Lieutenant Colonel Maria Theresa Macatangay, information officer sa Cebu City Police Office (CCPO), ang mga kaso nga ilang gisang-at sa korte mao ang alarm and scandal, illegal possession of firearms ug illegal nga drugas tungod sa usa ka putos nga cocaine nga nakuha sa iyang posisyon.Si Herrera nakapiyansa sa kasong alarm and scandal ug illegal nga drugas apan ang korte ni-deny sa piyansa sa illegal possession of firearms hinungdan nga gibalik siya sa selda sa CCPO.Gibutyag usab ni Macatangay nga ilang gisubay ang papeles sa tanang armas nga nakuha gikan ni Herrera ilabi na kadtong upat ka tag-as nga kalibre, usa lang ang dunay lisensya samtang ang tulo wala.Gumikan sa maong impormasyon, laing kaso na usab ang atubangon sa suspek ug mahimong ma-revoke ang mga lisensya sa paghupot niini sanglit hugot nga gidili ang pagpanag-iya og tag-as nga kalibre sa armas sa sibilyan.Niadtong 2013, nisuway sa pagpapili pagka mayor sa Medellin si Herrera apan naparot kini sa iyang kaatbang sa politika.Wala na siya mobalik pa sa pagkandidato ug nagnegosyo kini isip real estate broker sa dakbayan. |
| Online Basketball sugdan karong Hulyo 4 Posted: 30 Jun 2022 04:18 AM PDT Mosugod na karong Hulyo 4, 2022 ang numero unong basketball training program sa Sugbo nga mao ang Online Basketball "The Training Specialist" sa Cebu Eastern College (CEC) gym.Sulod sa usa ka buwan, matudloan ang mga estudyante sa basic ug advance training sa dribbling, shooting, individual ug team offense, defense proper positioning ug one-on-one moves.Mogiya sa training program mao ang kanhi magduduwa sa Philippine Basketball Association (PBA) nga si Mark Anthony Tallo, kinsa nakakaplag na og dekalidad nga mga magduduwa nga naa sa PBA, UAAP, NCAA, CESAFI ug uban pang dagko nga mga liga sa nasod.Ang mga rehistrante makadawat og libreng sublimation upper uniform ug bola. Ang registration fee nagbalor og P2,000.Alang sa dugang mga impormasyon, mahimong motawag sa 0923-8393313 o 0905-8139093. |
| JBY Birthday run sa Balamban sa Dominggo Posted: 30 Jun 2022 04:18 AM PDT Sa tinguha nga mahibalik paglambo ang natad sa paugnat sa kusog sama sa lumba sa dagan, ang JBY Arcade sa lungsod sa Balamban mopahigayon og usa ka Birthday Run karong Dominggo, Hulyo 3, 2022.Sugdan sa alas singko sa buntag diha sa dakong hawanan sa JBY Station/Arcade nga nahimutang sa barangay Prenza, ang lumba motadlas sa kadalanan sa barangay Singsing, Veto ug pabalik.Kini magsilbi usab nga kalihukan sa kasaulogan sa adlawng natawhan ni Joseph Beltram Ybanez, tag-iya sa JBY.Ang maong lumba nga gibahin ngadto sa 3-k ug 5-k run abli sa tanang mga Balamban runners (male and female) nga walay registration fee nga gikinahanglan apan adunay libring race bib, post-race meal ngadto sa tanang finishers.Mga special prizes ug awards sama sa sexiest runner, oldest and youngest runner, best in costume ug uban pa maoy modayandayan sa kalihukan.Alang sa dugang detalyi niadtong mga interesado, mahimong motawag o mo-text sa race coordinator Winmie Charcos sa 0922 802 7459. |
| Posted: 30 Jun 2022 04:16 AM PDT Nagplanong moaway pagbalik si mixed martial arts (MMA) great Conor McGregor sa ulahing bahin ning tuig 2022 o kaha sa sayong bahin sa 2023, asoy ni UFC president Dana White.Si McGregor, 33, gikan sa duha ka sunodsunod nga kapildihan gikan sa mga kamot ni kanhi UFC interim lightweight champion Dustin Poirier.Katapusan siyang miaway niadtong Hulyo, 2021 sa UFC 264 diin nakasinati siya og 1st round TKO nga kapildihan human nabali ang iyang tiil."Conor is looking to come back at the end of this year or early next year. When I do talk to Conor, Conor wants to fight," matod ni White sa interbyu sa The Jim Rome Show.Adunay hugonhugon nga mag-away og balik sila si McGregor ug boxing legend Floyd Mayweather Jr. sa laing boxing exhibition bout apan giklaro ni White nga dili kini ang tumong ni McGregor."Conor gets all kinds of offers for movie roles and all these other things that he could do and make money. He does not want to do any of that. Conor wants to fight," pagklaro ni White."It would be in the cage." |
| Super Suroy: Magtindak tindak ta sa Olango Posted: 30 Jun 2022 04:12 AM PDT Usa sa akong kinaham nga himuon matag weekend mao ang pagbisikleta, gawas nga makaayo sa panglawas ug makasuroysuroy nga dili kaayo gasto sa pletihan o konsumo sa gasolina.Laing paborito nakong lugar nga suroyon gamit ang bisikleta mao ang isla sa Olango, Lapu-Lapu City.Duol sa akong kasingkasing ang maong isla kay maoy gigikanan sa akong mga kaliwat.Sa akong nahinumdoman nga kaniadto lisod ang pag-adto sa maong isla ilabi na kon hunas ang dagat tungod kay dili makadunggo sa pantalan ang mga pumpboat diin ang mga pasahero mobalhin og sakay sa baruto o ang uban magbaktas sa hunasan.Apan daghan nang kabag-ohan karon ug mas improve na ang pagbiyahe paingon sa Olango.BIYAHEAdunay mga barge, ferry boat ug fastcrafts nga manukad sa duha ka mga pantalan sa lungsod sa Cordova ug Hilton Wharf sa Punta Engaño, Angasil Port Mactan sa mainland Lapu-Lapu.Ang plete mokabat lang sa P40, libre ang mga bisikleta. Sa pag-abot sa pantalan, adunay mga traysikol o habalhabal nga nag-atang alang sa destinasyon nga iyang adtuon.Gibana-bana nga moabot ngadto sa lima ka kilometro ang gilay-on sa Hilutungan channel nga nagbuwag sa mainland ug Olango.Ang isla adunay walo ka barangay sa Olango samtang ang isla nahimutang taliwala sa Bohol Strait sa Habagatan ug dagat sa Camotes sa amihanan.Ang Danajon Barrier Reef ug Olango Channel pulos nahimutang sa silangang bahin.MAHIMONG BUHATONMamahimo kaayong maka-overnight sa maong isla kay adunay camping spots nga mahimong kapuy-an nga maabot kaayo sa bulsa.Sa dili pa moabot sa inila kaayong Olango Island Wildlife Sanctuary (OIWS), maagian ang Taytayan Camp ug Pag-utlan Camp nga adunay mga tents ug huts nga pwede marentahan.Mamahimo usab magdala og kaugalingong tents, ang maong campsites daplin sa baybayon nga naglumbay sa Barangay San Vicente.Ang nakanindot pa gyud kay daghang mga limpyong pampublikong beaches dinhi nga pwede kaayong kaligoan.Dili usab lisud ang pagbisekleta kay mas hapsay ang mga dalan kay pulos sementado.Daghang mga patigayon usab ang nahimutang diin mamahimong morenta og mga bisikleta sa tag P40 matag oras.APEKTADO SA ODETTEDayag gihapon kaayo ang kalapad sa kadaot nga namugna sa bagyong Odette niadtong Disyembre.Pipila ka mga balay, tunghaan ug mga estraktura ang wala pa hingpit maayo. Gani daghan pang mga kabalayan ang nagamit una og mga solar lights sa kagabhion.Daghang mga atraksiyon sa Barangay Talima, Baring ug Tungasan ang nahiagum sa kadaot tungod sa bagyong Odette.Gani ang inila kaayong Tungasan Boardwalk kaniadto, wala pa mahibalik sa naandan.Aron mahupay ang kauhaw tungod sa pagbisekleta, mamahimo kaayong moinom sa makapatagbaw nga tubig butong sa Barangay Sabang.PAHINUMDOMGiagni ang mga biker ug sa mga mosuroy sa isla sa Olango sa pagdala og water bottles inay mopalit og mga disposable water bottle.Sa kadtong wa masuheto sa lugar mamahimong mogamit og mga navigation apps aron pagtultol sa mga agianan, hospitable sab ang mga locals nga inyong mahimong mapangutan-an.Sa atong pagpanuroy makaabag ta nga mabalik sa pagbangon ang turismo sa Olango. / |
| Posted: 30 Jun 2022 03:58 AM PDT Naangkon sa San Miguel Beermen ang solong liderato human sa makutas nilang kadaugan batok sa Rain or Shine Elasto Painters, 99-93, sa main game niadtong Miyerkules sa gabii, Hunyo 29, 2022, sa Philippine Basketball Association (PBA) Philippine Cup sa Smart Araneta Coliseum.Ning sangkaa, gipakita sa Sugboanong higante nga si Junemar Fajardo ang iyang kahanas sa laing departamento aron tabangan ang Beermen nga masaka ang ilang rekord sa 5-1.Grabe ka hugot ang depensa sa Elasto Painters ngadto kang Fajardo apan nakakita gihapon og paagi ang lumad nga taga Pinamungajan, Cebu nga makatabang sa iyang puwersa.Igo ra man tuod nakamugna og 10 puntos ang produkto sa University of Cebu (UC) Webmasters apan nakalangkat kini'g 16 rebounds, mihatag og pito ka assists ug tulo ka blocked shots."Pinapahirapan nila ako tumanggap sa shaded lane, so decoy muna," matod sa 6'10" nga si Fajardo."Set screens muna at kuha ng offensive rebounds, at maganda naman nilaro ng lahat ng mga teammates ko."Ang nahimo ni Fajardo nakatabang aron manginit ang opensa sa iyang mga kauban nga sila si CJ Perez (21 pts.), Marcio Lassiter (16), Rodney Brondial (16), Jericho Cruz (14) ug Simon Enciso (12)."We have a lot of injured players, and I'm happy for the guys, who aren't seeing much action, na nag-contribute nung nagamit sila," asoy ni San Miguel coach Leo Austria.Ang Elasto Painters natagak sa 1-5 nga rekord.Sa premirong panagsangka, gipangbuntog sa TNT KaTropa ang NorthPort Batang Pier, 117-112.Nagbangis ang kasamtangang Rookie of the Year awardee nga si Mickey Williams ug nipugnit kini'g 27 puntos aron pangulohan ang KaTropa, nidugang og 22 ang Sugboanong si Roger Pogoy samtang ning-amot og 17 puntos matag usa sila si Jayson Castro ug Poy Erram.Ang KaTropa, nga ningrehistro sa ikaupat nilang sunodsunod nga kadaugan, ningsaka sa 6-2 nga rekord samtang ningkanaog sa 2-4 nga rekord ang Batang Pier.Puntos matag usa:1st game:TNT (117) - M.Williams 27, Pogoy 22, Castro 17, Erram 17, Alejandro 12, Khobuntin 9, Heruela 7, K.Williams 2, Marcelo 2, Ganuelas-Rosser 2.NorthPort (112) - Malonzo 27, Sumang 24, Calma 16, Ferrer 14, Balanza 10, Ayaay 7, Santos 6, Bolick 5, Dela Cruz 1.2nd game:San Miguel (99) - Perez 21, Lassiter 16, Brondial 16, Cruz 14, Enciso 12, Fajardo 10, Faundo 4, Pessumal 3, Herndon 2, Zamar 1.Rain or Shine (93) - Ponferrada 20, Nambatac 18, Torres 16, Caracut 11, Nieto 8, Ildefonso 6, Norwood 5, Santillan 5, Demusis 2, Asistio 2. / ESL |
| PBA champion adunay malisod nga tahas Posted: 30 Jun 2022 03:54 AM PDT Magsagubang og malisod nga tahas sa umaabot ang mahimong kampyon sa 2022 Philippine Basketball Association (PBA) Philippine Cup isip representante sa Pilipinas sa bag-ong dakong liga nga mao ang East Asia Super League (EASL) nga sugdan karong Oktubre.Ang kampyon sa Philippine Cup nasulod sa Group A diin naa ang bag-ong kampyon sa PLeague+ champ Taipei Fubon Braves.Naa sab sa grupo ang Korean Basketball League (KBL) runner-up Anyang KGC ug Japan B. League counterpart Ryukyu Golden Kings.Naglangkob sa Group B mao ang KBL champion Seoul SK Knights, Japan B. League title holder Utsonomiya Brex, Bay Area Dragons sa Greater China, ug ang runner-up sa Philippine Cup."Come Oct. 12 the dream is over, everything becomes a reality," asoy ni EASL CEO ug co-founder Matt Beyer nga napatik sa www.pba.ph. |
| Posted: 29 Jun 2022 04:59 AM PDT Ang tanang ang-ang sa mga tunghaan sa dakbayan sa Sugbo makahimo na sa pagpahigayon sa full face-to-face (F2F) classes human si Mayor Michael Rama nilagda sa Executive Order (EO) 164 nga nagtugot niini kagahapon, Hunyo 29, 2022.Ang EO 164 ni Rama nitugot sa F2F classes apan ubos sa estriktong minimum public health protocol.Kini naglakip sa pagsul-ob og face mask, physical distancing, temperature check sa pagsulod, kanunay nga pagpanghunaw o mogamit og disinfectant, ug sayong pagsumbong sa flu-like symptoms.Si Atty. Collin Rosell, executive secretary ni Rama, nibutyag ngadto sa mga reporter nga ang mga tunghaan ug unibersidad mag-umol og guidelines nga sundon aron pagseguro sa klase nga mapahigayon nga safe and reasonable accommodation capacity."Dugang ni Rosell, ang mga tunghaan mokoordinar sa city health department sa paghimo sa guidelines o lagda."Ang face-to-face classes, sumala na sa gihangyo sa daghan kaayo nga unibersidad labi na ang mga private sector nga educational institution nibisita sa mayor. Kini ang tubag ug agi'g pagsuporta para sa maayo nga edukasyon ngadto sa atoang estudyante," matod ni Rosell.Ang EO 164 nag-awhag sa mga tinun-an, magtutudlo, ug staff sa tunghaan nga magpabakuna batok sa virus.Dunay special vaccination days alang sa mga tunghaan ug unibersidad nga pagahimuon sa kasayon sa mga tinun-an nga mabakunahan."School clinics must make all the necessary preparations in line with the Covid 19 vaccination program including the conduct of special vaccination days for schools and universities in the City of Cebu," tipik sa EO.Dugang sa EO 164, "Clinic personnel shall identify and monitor the risk factors which may compromise the learning environment and to design measures to eliminate the same."Si Rosell nipaklaro sa paggamit sa EO 164 sa pulong nga "encourage" sa mga tinun-an sa pagpabakuna bisan ang dakbayan nakakab-ot na sa high vaccination rate."Wala ta miingon nga i-mandatory pag-ayo ang bakuna pero mao na ang kamandoan sa national ug mao sad na ang gi follow sa Ched (Commission on Higher Education)," matod ni Rosell.Niadtong Hunyo 20, ang top executives sa 10 ka mga tunghaan ug unibersidad sa dakbayan ningbisita sa buhatan ni Rama ug ninghangyo nga paluagan pa ang coronavirus disease (Covid-19) pandemic restrictions aron makapahigayon sila og in-person learning.Kini ang University of San Carlos, University of Southern Philippines Foundation, Don Bosco Technical College–Cebu University of San Jose-Recoletos, Cebu Institute of Technology-University, University of Cebu, Southwestern University, University of the Visayas, Cebu Institute of Medicine, ug Velez College. |
| Nanghagis kay wa makaeskor ni Misis, nasikop Posted: 29 Jun 2022 04:47 AM PDT Mag-uuma nanghasi nga nagdala og pinute human napaltos ang lawasnong kalipay tali sa iyang asawa.Si Andoy (di tinuod nga ngan), 48, minyo, mag-uuma, taga sa Sitio Danikop, Barangay Guadalupe, dakbayan sa Carcar, nasikop sa kapulisan sa alas 11:20 sa buntag sa Martes, Hunyo 28, 2022.Si Police Lt. Col. Ardioleto Cabagnot, hepe sa Carcar Police Station, nagkanayon nga nagmaoy si Andoy kay Lunes pa sa gabii nagsige og tagay sa ilimnong makahubog.Gikaaway sa suspek ang iyang asawa gumikan sa selos labi na nga wa makadulog niini tungod sa grabeng kahubog."Di man daw ganahan ang asawa niya makigdulog kay permi man hubog, unya isog kaayo kon mohangyo mao nga di na makaeskor ni Misis," dugang ni Cabagnot.Si Cabagnot niingon nga gawas sa asawa, ang siyam ka mga anak sa suspek lakip sa silingan nakasaksi sa pagpanghasi ni Andoy.Gitigbas niini ang ilang mga butang sa panimalay ug ingon man nagsige og hulga sa pamilya nga alang kanila ang pinute.Ang asawa sab nipadayag nga na-trauma na siya sa iyang bana sanglit kanunay mahubog ug manghulga apil sa mga bata kon saputon.Matud ni Cabagnot, ang suspek nga mangahuyay ug mag-uuma kanunayng magtakin sa iyang pinute.Ang asawa nipadayag nga si bisan kinsa na lang ang selosan sa suspek.Giklaro ni Cabagnot nga magpaabot sila sa asawa ni Andoy ug sa mga anak kon mosang-at ba og kasong kalapasan sa Batas Pambansa Bilang 6 o pagdala og mahait nga hinigaban ug ingon man sa Article 151 sa Revised Penal Code o pagsukol sa awtoridad.Ang suspek nihilak ug nagmahay sa iyang gibuhat. |
| Ciar: Pinay Celebrity nga mabdos Posted: 29 Jun 2022 04:39 AM PDT Gawas sa Kapuso star nga si Rita Daniela nga nikumpirmar na sa iyang gisabak, kinsa pa ba sa mga local celebrity ang mabdos karon? Mga `Marites', pasok!Rita Daniela/ INSTAGRAMSiya diay ang gipasabot sa mga blind item nga singer-aktres nga nabuntis sa iyang non-showbiz boyfriend. Ang 27-anyos nga Kapuso actress nikumpisal atol sa guesting sa noontime variety show nga All Out Sunday sa GMA niadtong Hunyo 26."Kitkat"/ INSTAGRAMProud nga giladlad sa 34-anyos nga soon-to-be mom ang iyang baby bump sa latest maternity shoot. Gibutyag ni Kitkat nga "it's a baby girl" nga maoy unang liwat nila sa iyang non-showbiz husband.Dominique Cojuangco/ INSTAGRAMSipa karon ang chika nga manganakay na ang unica hija ni Gretchen Barretto nga si Dominique Cojuangco sa unang liwat nila sa iyang fiancé sa London. Ang 27-anyos nga si Dominique anak ni Gretchen kang Tony Boy."Whamonette"/ INSTAGRAMNiadtong Hunyo 21 nakurat ang online world dihang gianunsiyo sa social media stars Whamos Cruz ug Antonette Gail del Rosario nga magka-baby na sila. Naila sa tawag nga "Whamonette," ang ilang love story nga na-feature sa KMJS sa miaging tuig.Danica Sotto/ INSTAGRAMSa edad nga 39, ang aktres nga si Danica Sotto mabdos sa ilang ikatulong anak ni retired PBA player Marc Pingris. Ang video sa sonogram gipaambit sa celebrity couple sa ilang Instagram niadtong Father's Day.Bettina Carlos/ INSTAGRAMHuman nakuhaan niadtong Pebrero, gianunsiyo sa 34-anyos nga aktres sa iyang vlog nga mabdos na usab siya karon. Mao ni unang liwat nila sa iyang non-showbiz husband. Si Bettina duna nay 11-anyos nga anak sa kanhi karelasyon.Angelica Panganiban/ INSTAGRAMTali-anak sab ang 35-anyos nga Kapamilya aktres sa unang liwat nila sa iyang non-showbiz partner. Ilang gianunsiyo sa vlog niadtong June 11 nga "it's a baby girl."Melissa Gohing/ INSTAGRAM"God's perfect timing" kon ihulagway sa magtiayong Melissa Gohing ug GMA actor, Rocco Nacino, ang umaabot nilang baby boy. Ang 30-anyos nga volleyball player manganakay sa unang higayon hinapos ning tuiga.Arny Ross/ INSTAGRAMMahimo nang mommy ang Bubble Gang actress, Arny Ross, nga hapit nang manganak sa unang baby nila sa iyang non-showbiz husband. Ang 30-anyos nadiskubre sa showbiz dihang nahimo siyang contestant sa Protégé sa GMA. |
| P11 na minimum pletihan sa PUJ Posted: 29 Jun 2022 04:31 AM PDT Ang Land Transportation Franchising and Regulatory Board (LTFRB) nitugot sa provisional fare increase sa public utility jeepneys (PUJs) sa tibuok nasod sulod sa unang upat ka kilometros sugod sa Biyernes, Hulyo 1, 2022."But no increase in the succeeding kilometers," sumala sa mando sa LTFRB kagahapon, Hunyo 29.Samtang, kapin sa 600,000 ka tricycle drivers sa tibuok nasod ang makadawat og fuel cash subsidy gikan sa kagamhanan sa pagtabang kanila tungod sa pagsutoy sa presyo sa mga produkto sa petrolyo, sumala sa Department of the Interior and Local Government (DILG) kagahapon, Hunyo 29, 2022.Si DILG Secretary Eduardo Año niingon nga ang fuel subsidy, ubos sa "Pantawid Pasada Program for Tricycle Drivers," ipanghatag pinaagi sa Land Transportation Franchising and Regulatory Board (LTFRB) nga direkta sa e-wallet sa drayber o Landbank accounts, o off-site payout sa local government units (LGU)."Hintayin na lang po natin ang abiso ng LTFRB..." matod ni Año.Ang DILG nibutyag sa kinatibuk-ang 617,806 ka beneficiaries, diin ang 67,536 gikan sa Ilocos Region (Region 1); 31,638 sa Cagayan Valley (Region 2); 83,621 sa Central Luzon (Region 3); 162,500 sa Calabarzon; 30,340 sa Mimaropa; 35,339 sa Bicol (Region 5); 59,280 sa Western Visayas (Region 6); 11,685 sa Central Visayas (Region 7); 6,448 sa Eastern Visayas (Region 8); 9,869 sa Zamboanga Peninsula (Region 9); 8,760 sa Northern Mindanao (Region 10); 8,793 sa Davao Region (Region 11); 21,685 sa Soccsksargen (Region 12); 6,869 sa Caraga; 68,165 sa National Capital Region; 5,040 sa Cordillera Administrative Region; ug 238 sa Bangsamoro Autonomous Region sa Muslim Mindanao. (SunStar Philippines / Hulagway ni Amper Campaña) |
| Posted: 29 Jun 2022 04:23 AM PDT JESSABELE G. BENTAZALPondohan, Upper Becerril, Boljoon, Cebu Nak, ugma na ka mogikan, ha! Ayawg kalimti ang akong tugon," matod ni Noy Pablo, amahan ni Jonas. May pagkasipat man god kini si Jonas. Gahig ulo usahay. Ug kining iyang lakaw ugma bililhon kaayo sa iyang amahan maong siya gipahimangnoan gayud."Di diay ko nimo kuyogan, Pa? Kinsa may motabang nakog aswat anang mga utanon?" ni Jonas nga gibatig katapol. "Duna na koy gikasabot didto, Nak. Kahibalo na to si Tiboy sa iyang buhaton ugma inig-abot nimo," tug-an ni Noy Pablo. Andam na ang mga dad-unon ni Jonas. Ang duha ka bukag puno sa mga utanon nga abot sa ilang uma maoy iyang ihandos sa lungsod aron ibaligya kay Lunes ug Martes man ang tabo."Apas baya, Pa, ha! Ikaw bayay mangumpra inigka Martes," ni Jonas. Dili mahimong mokuyog kang Jonas si Noy Pablo kay duna man siyay mga sinuholan nga pagpugas og binhi sa mais sa ilang dakong baol didto sa bukid. Walay motingalaw kanila. "Mosunod ra ko nimo, Nak. Ako ray bahalang mangumpra," ni Noy Pablo.Ngiob pa ang kaadlawon dihang migikan si Jonas paingon sa lungsod. Layo sa karsada ang ilang balay ug igong mosidlak ang adlaw, moabot na siya sa karsada. Sa dyip ni Tata Erning niya ikarga ang iyang mga bukag. Dihang layo na ang dagan sa dyip dunay mikagalkal sa karsada. "Gibugtaw na man god og timbangan kining atong sakyanan, Dong," ni Tata Erning kang Jonas, "basig makabaklay ka na hinuog ahat karong taudtaod. Morag gi-atake na pod sa iyang sakit kining atong sakyanan." Ang dyip ni Tata Erning mao ra ang bugtong sakyanan sa ilang baryo. Sa gusto mog sa dili, kon makasakay ka sa iyang dyip ug ma-aberiya kini sa tunga-tunga sa biyahe, angay kang mopili kon maghulat ka bang ma-ayo kini o magbaklay ka na lang."Layoa pa ra ba nato, Ta Erning. Kapoy kaayog baklay. Dia ra ba koy duha ka bukag nga puno sa baligyaunon," mabalak-ong pulong ni Jonas. "Di lang unta madaot, uy!" Nan, unsaon mang mikagar man gyud. Mikagilkil ang karsada. May natagak nga parte sa sakyanan. "Aguy, Dong! Wa gyud magpalibak. Wa na gyud tay mahimo, maong pili na lang gyud, baklay o magpaabot ka ma-ayo ang dyip?" ni Tata Erning."Ah, kuan, Ta Erning, dali ra ba nimong ayuhon kana?" ni Jonas. Nagduhaduha siya kon magpaabot ba o magbaklay na lang. Kon magpaabot siya, basig madugay pa ug maabtan og hapon ug wala na hinuon unya ing mga tawo sa merkado inig abot nila. Nabalaka siya nga dili mahalinan ang iyang baligya. Gamiton ra ba sa iyang amahan ang usa ka parte sa kuwarta aron isuhol sa mga sinuholang tigpugas. Ug ang nahabilin, iyang ipangumpra. Mao ra bay tugon sa iyang amahan nga kinahanglan moabot siya sa merkado sa dili pa ang alas dose sa udto aron maabtan niya ang mga suki nilang kumprador. Sa laing bahin, kon magbaklay siya, kinahanglan nga balikan niya ang usa ka bukag kay dili man niya madalag pas-an sa usa ka higayon ang duha ka bukag. Layo pa ra ba ang merkado. Ug sa iyang hunahuna gibati niya ang kakapoy. "Dili ko moingon nga madali ra ni, dili pod ko moingon nga madugay. Naka-desisyon ka na, kay morag dili gyud maalagad kining dyip?" ni Tata Erning samtang naghigda sa karsada ilalom sa dyip ug may gitaod.Si Jonas ra gyud ang makatabang sa iyang kaugalingon niining tungora. Naghinuktok siya kon unsay angay niyang buhaton tungod kay wala diha ang iyang amahan nga maoy mogiya kaniya. Unya kalit nanaog siya sa dyip ug gipas-an ang usa ka bukag. "Balikon ko lang unya ang usa ka bukag, Ta Erning!" Dayon paspas ug isgot nga mipadayugdog siya sa karsada paingon sa merkado. Pag-abot niya sa merkado gitugyan niya kang Tiboy ang bukag ug nagdaling midagan balik sa iyang agi aron pagkuha sa ikaduhang bukag. Dihang nakadagan na siyag pipila ka metros nakita niya ang dyip ni Tata Erning nga nagdangadanga paingon kaniya. Nalipay siya. Mihunong ang dyip sa iyang tungod ug misakay siya.Nianang pagka hapon gitugyan ni Jonas ang halin sa mga utanon kang Noy Pablo. Namauli sila sakay sa kagangkagang nga dyip ni Tata Erning nga malipayon. (KATAPUSAN)" |
| Anak ni Pacquiao, sa unang higayon, napildi Posted: 29 Jun 2022 04:17 AM PDT Nasugamak sa iyang unang kapildihan ang anak ni Manny Pacquiao nga si Jimuel sa iyang ikaupat nga amateur fight nga gipahigayon sa Hunyo 28, 2022, sa United Irish Cultural Center sa dihang gilupig siya sa debutante nga si Chris Smith.Sa kapildihan, si Jimuel, kinsa mipadayon gyud sa pagpamoksing bisan pa man sa pagsupak sa iyang mga ginikanan, aduna na karoy 3-1 nga record.Naobserbahan nga ang 21-anyos nga Pacquiao nga ubos karon sa pag-amoma ni boxing legend trainer Freddie Roach nakakuha na usab karon og daghang following sa social media hinungdan nga ubay-ubay na usab ang maikag nga motan-aw sa iyang mga away.Sa maong panagsangka, gibuga ni Jemuel ang tanan niyang kahibawo apan wa kini makapaigo aron maangkon ang kadaugan.Posibli usab nga kini mao unyay makapaaghat ni Manny Pacquiao nga mangunay na unya sa pag-second sa iyang anak sa sunod niyang away.Mga boxing experts hinuon mipasabot nga daghan pang mga butang nga angay kat-unon sa batan-on nga Pacquiao ug ang maong kapildihan maoy kabahin sa iyang karera sa pamoksing. |
| Posted: 29 Jun 2022 04:17 AM PDT Ang New York Knicks mo-trade kanila ni Nerlens Noel ug Alec Burks ngadto sa Detroit Pistons, matod sa usa ka tinubdan nga nasayod sa mga detalye sa Miyerkules (oras sa Pilipinas), nga maglibre sa team og dul-an sa $20 milyunes alang sa dugang free agency.Niuyon nang daan ang team sa pagpadala kang Kemba Walker sa Pistons sa gabii sa draft, ang Knicks nitibhang og $30 milyunes sa ilang suweldo sa sunod nga season nga pasiuna sa gabii sa free agency sa Biyernes.Ang mao nga tinubdan nikompirmar sa kasabutan sa The Associated Press sa kondisyon nga di nganlan hangtod nga mamahimo kining opisiyal. / AP |
| Timberwolves mikuha og 7-footer Posted: 29 Jun 2022 04:17 AM PDT Si Walker Kessler magdala og 7-foot-1 nga presensiya ug maayong mang shot-block sa Minnesota, paghangop nga pamahayag ni star Karl-Anthony Towns bisan kon ang iyang playing time limitado atol sa iyang debut NBA season.Ang Timberwolves wa lang mo-draft kaniya aron lang magdagandagan ug mobantay sa pick-and-roll. Moiskor usab siya."High school year, I didn't know what defense was. I was just a stretch big, skilled big, offensive player. That's all I did," matod ni Kessler sa pag-introduce kaniya sa Timberwolves sa Miyerkules (RP time) ug sa kauban niyang draft picks nga sila si Wendell Moore Jr. ug Josh Minott sa Target Center. / AP |
| Posted: 29 Jun 2022 04:15 AM PDT Ang Los Angeles Clippers niuyon sa paglugway sa kontrata sa sentro nga si Ivica Zubac sa Miyerkules (RP time).Gisalikway sa team ang $7.5 milyunes nga option sa 25-anyos nga taga Croatia, mimugna og bag-ong kasabutan sa 7-footer nga labing dugay nga magpabilin nga magduduwa."For four seasons, Zu has been a pillar of our team, durable and dependable," matod sa director sa basketball operations Lawrence Frank. "He is a reliable teammate and a consistent pro, just entering the prime of his career. We are excited to continue growing with him." / AP |
| Posted: 29 Jun 2022 04:15 AM PDT Di mobiya si Los Angeles Lakers guard Russell Westbrook sa team kay iyang i-exercise ang option sa pagduwa sa iyang nahabiling $47.1 million nga kontrata sa sunod nga season, matod sa usa ka tawo nga dunay direktang kasayuran sa hukom.Ang tawo nagpa interview sa The Associated Press ubos sa kondisiyon nga di nganlan kay bisan asa kanila ni Westbrook ug Lakers wa pa mopahibawo niini sa publiko.Unang nitaho sa hukom ni Westbrook mao ang ESPN.Una na sab nga namahayag ang Lakers nga si Westbrook niuyon nga mas iyang palabihon sa sunod season ang depensa kay sa opensa.Si Westbrook nahimong NBA MVP ug usa sa top all-time 75 players sa liga.Di usab ni ikakugang kay di makaabot og $47.1 million si Westbrook sa umaabot nga season kon mas gipili pa niya nga mag free agent. Mag 34 anyos na siya sa sunod season, ang iyang ika 15 sa NBA.Duna pa unta siyay option hangtod karong adlawa, nga maoy ikalima ug katapusan niyang season sa $207 milyunes nga kontrata.Ang nine-time All-Star nagbalhinbalhin nag team-gi trade siya sa Houston sa 2019, dayon ngadto sa Washington sa 2020 ug nibalhin sa Lakers sa 2021.Magmugna unta kini sa labing maayong trio: Westbrook uban kanila ni Lebron James ug Anthony Davis.Apan palpak ang ilang plano. Gihamok ang Lakers sa mga angol sa tibuok season, wa nakasulod sa playoffs, gitaktak si coach Frank Vogel human si Westbrook maoy gidakdakan sa tibuok nga pagbasol sa nahitabo.Nag-average siya og 18.5 puntos, 7.4 rebounds ug 7.1 assists sa 78 ka mga duwa sa Lakers.Upat lang ka mga magduduwa- sila si two-time NBA MVP Nikola Jokic sa Denver, James Harden sa Philadelphia, Luka Doncic sa Dallas ug Dejounte Murray sa San Antonio-ang ningtapos sa season nga mas taas og average kay kang Westbrook ning tulo ka stat categories. (AP) |
| Sexton gitanyagan sa Cavs magpabilin Posted: 29 Jun 2022 04:10 AM PDT Ang Cleveland Cavaliers nihimo og wa paabutang lakang sa Miyerkules (RP time) pinaagi sa paglugway sa qualifying offer ngadto sa guard nga si Collin Sexton, kinsa wa hapit nakaduwa sa miaging season tungod sa angol sa tuhod.Si Sexton usa na karon sa restricted free agent ug ang high-energy scorer makadani sa ubang teams. Kon si Sexton makadawat og offer sheet, matugbangan kini sa Cavs.Isip first-round draft pick sa 2018, si Sexton nakaduwa lang ka 11 ka mga duwa sa miaging season human siya nakaangkon og meniscus sa tuo nga tuhod ug nipailawom sa surgery.Ang 23 anyos maayong nakaduwa ug nidawat og mas minos nga scoring uban kang All-Star Darius Garland.Si Sexton nag-average og 24.3 puntos sa miaging season.Ang Cavs nihatag og bili sa iyang mga puntos, naghinamhinam sa iyang maayong gipakitang batasan sa miaging season, diin siya nagpabilin sa team samtang nagpa rehab sa iyang injury.Ang gana sa pagduwa ni Sexton maoy nakapalambo sa 22 ka mga daug sa Cavs.Way klaro ang papel ni Sexton sa team samtang naa ang solidong talento ni Garland, ikaduhang tuig nga forward nga si Evan Mobley ug All-Star Center Jarret Allen.Hinuon, si Koby Altman, presidente sa basketball operations sa team, nisulti sa miaging semana nga si Sexton "super important" ug "big part of our culture." (AP) |
| Bongbong: Suporta sa Sugbo historic; Sara nagpasalamat Posted: 29 Jun 2022 03:56 AM PDT Nagpasalamat sila si President-elect Ferdinand 'Bongbong' Marcos Jr. ug incoming Vice President Sara Duterte-Carpio sa mga Sugboanon sa suporta ug botos nga gihatag hinungdan sa ilang kadaugan sa Mayo 9, 2022 nga piniliay.Atol sa mass oathtaking sa One Cebu party, unang nagpasalamat si Duterte-Carpio sa mga Sugbuanon ingon sa mga opisyal nga nitabang ug nipakita sa ilang suporta sa kadaugan."Palihog ko'g paabot sa inyong constituents when you do your inaguration sa inyong respective cities and municipalities and districts. Ang akong saad kaninyong tanan mao ang akong pakigduyog sa inyoha sa inyong pagserbisyo sa inyong respective cities and municipalities and know that I will be beside you when you discharge your duties to your respective constituents and you can call on the office of the Vice President for assistance sa inyohang mga trabaho," matod niya sa Hunyo 28.Sa iyang bahin, nagtuo si Bongbong nga historic ang gihatag nga botos ug suporta sa mga Sugboanon kaniya."I would like to thank of course sa ating mga kaibigang Cebuanos sa lahat ng tulong, lahat ng boto na ibinigay sa amin. Sa kasalukuyan, kami ay gumagawa ng plano para sa buong Pilipinas para sa ekonomiya. Malaking bahagi ng planong 'yan ang Cebu because Cebu is still the number one province,"dugang niya.Gawas sa mga Sugbuanon, iya usab gipasalamatan si Cebu Governor Gwendolyn Garcia sa tibuok nga suporta niini atol sa piniliay."Our Madame Governor has been an immense help to us and everything that we have been doing and not only to this election but even previous to that. So it would also be a good break for me to visit Cebu and greet all my friends here for the job well done and we thanked them for all the help that they gave us,"asoy ni Marcos.Si Marcos nakakuha og moabot sa 1.5 milyones ka botos gikan sa mga Sugboanon samtang moabot usab sa 1.7 milyones ka botos ang nakuha ni Duterte-Carpio. |
| Gwen motambong sa inagurasyon ni Bongbong karon Posted: 29 Jun 2022 03:56 AM PDT Motambong si Cebu Governor Gwendolyn Garcia sa inagurasyon ni President-elect Ferdinand Marcos Jr. sa National Museum sa Manila karon, Hunyo 30.Kini maoy gikompirmar ni Garcia sa pakighinabi sa mga tigbalita sa Hunyo 28, sa mass oathtaking sa 1Cebu party.Matod ni Garcia, dako ang iyang kalipay sa pagtambong ni Marcos ug Vice-President-elect Sara Duterte-Carpio atol sa kalihukan sa 1Cebu."I would also wish to return the favor that they extended to us..." matod ni Garcia.Dugang niya, nagtuo siya nga sa samang higayon manumpa ang iyang anak nga si incoming Department of Tourism (DOT) Secretary Christina Garcia-Frasco. |
| You are subscribed to email updates from SUNSTAR. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
No comments:
Post a Comment